Pogsiog Nang 19:6-7

Maghag pelengkipsiog nimi taneko nimi kabuni aobare saog uro wamek. Paulusti aobare wamek nang tanekoag sae pipsiogpa, Allah Eldamne Yame Walinge sin nongag tahiog. Allah Eldamne Yame Walinge sin nongag tahiogne nenekori pam keyagman nenelamsiogpa, Allahri tarelamsiogti, el nenelamsiog yubuag lelamek. Yubu lero ambarelamsiek yubuna, Allah Eldamne Yame Walingeri yeplamsiogpa, yog nimiri yubu el tangom agha sin ekon urop yubuag agha lelamekti, Allah yubu silimu tipto ambarelamsiek.