Romo 10
10
1Nina amenuo, neme nina pu para kone ora andaai suayoae. Go eiri gore Godeme nina wenaali ande Isaraelimi mandu rangala pae repaa rambameape eina laloae. Neme Gode repara nimuna yainya pao-ayoae. 2Neme nimu kone waru suma go lalonda. Nimumi Godena aunu paluame kone waru suaemepare nimumi go einu waru na-ande konenu waru na-wi pa puaeme. 3Godeme nipu rapu wenaali rendepona ma-ao-aya porare nimumi na-andere pa nimuna kone sialore Godemere naame go au pilimandare naa nipusi ma-rendepoyaoma ma-alia kone suaeme. Go au pulu arare Godeme wenaali ma-rendepoyao-ae porare ora pora loma nimumi na-andeme.
4Kerisome ande Rudule Angelere pereyaripa. Go au pulu arare Godeme nipu rapu ma-rendepoyaya wenaaliri ande kone rulaeme wenaali komea ma-rendepoyaya.
Wenaali raayo Godeme manda rambamilia
5Mosesimi ande Rudule Angele raidimi eina Gode rapu ma-rendepoyao-aya einare go angele wape pisaya.
Wenaali apimi ande Rudule Angele pangoma
pualimindare gore go eina rupara endoaya ei
milimi lisaya.
6Go peapare kone rulao-ali eimi Gode rapu nee ma-ririyao-alapele eina ande Godena angele wia bukamere gupi lea.
Nena gole gupi na-lape. Epeni andasu nanere
api peleayapae pi na-lape.
Go dendare gore Kerisore naa repara epenayanda lora pili lea. 7Gupi pange na-lo pipape.
Komeme wenaalina andasu nanere api peleayapae
pi na-dapape.
Go angele demendare gore Keriso wala dapa para wiapare minyapalaoma epenaya da ae lea. 8Go bukamere gupi lalo ara lea.
Godena angelere nena gole mainda ale lea. Nena
kambulu mandaa pange nena pu runane pange
wia lea.
Go eiri ande Gode repara kone rulape eina lea angele naame waloaema eina lea. 9Nena angaa kambulu lombalo ara lalo Yesu Kerisore Reali aya loma pange nena pu para kone siala arare Godeme Yesu komisayapare wala ma-rekaya kone wilimindare nimi manda Godeme rambamilia. 10Akepeare naame naana pumi kone rulaema einare naa Gode rapu rendepoyaoma aema. Gupuma naana angaa kambulumi naana kone rulaoma aema eina angele lao-alimandare naa manda Godeme rambamilia. 11Ande Godena angele wia bukamere gupi lea.
Nipu repara kone rulaeme wenaali nimumi yalame
na-komeleme, lea.
12Go eiri wenaali raayo para lea. Akepeare Isaraelimi mandu rangala pae wenaali pange Isaraelimi na-mandu rangala pae wenaali nimu raayo rando menda pi wenaali diama. Godere wenaali raayona Reali aya. Gupuma nipumi nipu wi loaeme wenaali repara epepe alenu ora andapu aloaya. 13Ande Godena angele wia bukame gupi lea rupa:
Menda ali apimi Reali para Ni rambamea deme
repaa raayo Godeme rambamilia lea.
14Go peapare nipu repara kone na-wilimi repaame nipu wi lalore ana na-pea. Nimumi ande Godena angele na-pangelemendare nimumi manda kone na-wilimi. Gupuma ande Godena angele mendame na-lalimindare nimumi manda na-pangeleme. 15Godena angele lape wenaalinda nimu repara Godeme na-rapaliandare gore Godena angele manda na-lalimi. Ande Godena angele wia bukamere gupi lea.
Ande epe angelenu ma-ipulumi wenaali andalore
ora epelea lea.
16Go peapare wenaali andapumi gonde epe angele na-meame. Ora dia. Ande poropedi ali Aisayame gupi lisaya:
Realio, naana angele mendame na-pangame lisaya.
17Go einare Godena angele pangelemandare gore kone rulaya eiri go para pilima. Gupuma ande angele epe auri Kerisona angele lari pa milimi ei rupara epelea.
18Gore nimumi ande Godena angelere ora na-pangame pa loma lora pi. Diama nimu ora pangoma gole pisimiya. Akepeare ande Godena angele wia bukamere gupi lea.
Nimuna angaame laeme angelenu raayosi su kuni
alenda alenda para raayosi anana pangame.
19Neme wala lora pi. Isaraeli wenaalimi go angele na-pangamepae. Diama. Nimu kone ambala wisimiyande. Akepeare Godeme Mosesi alisaya bukamere gupi ambala lisayande:
Neme pakama wenaali muma nimu repara epepe au
pulua ei andoma nimimi nimu repara yanda diimi,
lisaya.
Neme go ale menda pape-nae wenaali muma
nimu repara epepe au puluandare
rono pangeleme, lisaya.
20Gupuma Godeme lisaya angele Aisayame paalame na-kome ara gupi lisaya:
Ni na-wi lisimiya wenaalimi gole anda wisimiya.
Ni na-wi lisimiya wenaali repara gole
na lee angaa walisua.
21Go peapare Isaraeli wenaali parare gupi lea.
Neme naare raayosi go na angele runguluma ni rapu
yanda diiame wenaali para neme nimu repara
kuma pi ei ma-andaluame ipulupa lo pirawa.
လက္ရွိေရြးခ်ယ္ထားမွု
Romo 10: POLENT23
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Romo 10
10
1Nina amenuo, neme nina pu para kone ora andaai suayoae. Go eiri gore Godeme nina wenaali ande Isaraelimi mandu rangala pae repaa rambameape eina laloae. Neme Gode repara nimuna yainya pao-ayoae. 2Neme nimu kone waru suma go lalonda. Nimumi Godena aunu paluame kone waru suaemepare nimumi go einu waru na-ande konenu waru na-wi pa puaeme. 3Godeme nipu rapu wenaali rendepona ma-ao-aya porare nimumi na-andere pa nimuna kone sialore Godemere naame go au pilimandare naa nipusi ma-rendepoyaoma ma-alia kone suaeme. Go au pulu arare Godeme wenaali ma-rendepoyao-ae porare ora pora loma nimumi na-andeme.
4Kerisome ande Rudule Angelere pereyaripa. Go au pulu arare Godeme nipu rapu ma-rendepoyaya wenaaliri ande kone rulaeme wenaali komea ma-rendepoyaya.
Wenaali raayo Godeme manda rambamilia
5Mosesimi ande Rudule Angele raidimi eina Gode rapu ma-rendepoyao-aya einare go angele wape pisaya.
Wenaali apimi ande Rudule Angele pangoma
pualimindare gore go eina rupara endoaya ei
milimi lisaya.
6Go peapare kone rulao-ali eimi Gode rapu nee ma-ririyao-alapele eina ande Godena angele wia bukamere gupi lea.
Nena gole gupi na-lape. Epeni andasu nanere
api peleayapae pi na-lape.
Go dendare gore Kerisore naa repara epenayanda lora pili lea. 7Gupi pange na-lo pipape.
Komeme wenaalina andasu nanere api peleayapae
pi na-dapape.
Go angele demendare gore Keriso wala dapa para wiapare minyapalaoma epenaya da ae lea. 8Go bukamere gupi lalo ara lea.
Godena angelere nena gole mainda ale lea. Nena
kambulu mandaa pange nena pu runane pange
wia lea.
Go eiri ande Gode repara kone rulape eina lea angele naame waloaema eina lea. 9Nena angaa kambulu lombalo ara lalo Yesu Kerisore Reali aya loma pange nena pu para kone siala arare Godeme Yesu komisayapare wala ma-rekaya kone wilimindare nimi manda Godeme rambamilia. 10Akepeare naame naana pumi kone rulaema einare naa Gode rapu rendepoyaoma aema. Gupuma naana angaa kambulumi naana kone rulaoma aema eina angele lao-alimandare naa manda Godeme rambamilia. 11Ande Godena angele wia bukamere gupi lea.
Nipu repara kone rulaeme wenaali nimumi yalame
na-komeleme, lea.
12Go eiri wenaali raayo para lea. Akepeare Isaraelimi mandu rangala pae wenaali pange Isaraelimi na-mandu rangala pae wenaali nimu raayo rando menda pi wenaali diama. Godere wenaali raayona Reali aya. Gupuma nipumi nipu wi loaeme wenaali repara epepe alenu ora andapu aloaya. 13Ande Godena angele wia bukame gupi lea rupa:
Menda ali apimi Reali para Ni rambamea deme
repaa raayo Godeme rambamilia lea.
14Go peapare nipu repara kone na-wilimi repaame nipu wi lalore ana na-pea. Nimumi ande Godena angele na-pangelemendare nimumi manda kone na-wilimi. Gupuma ande Godena angele mendame na-lalimindare nimumi manda na-pangeleme. 15Godena angele lape wenaalinda nimu repara Godeme na-rapaliandare gore Godena angele manda na-lalimi. Ande Godena angele wia bukamere gupi lea.
Ande epe angelenu ma-ipulumi wenaali andalore
ora epelea lea.
16Go peapare wenaali andapumi gonde epe angele na-meame. Ora dia. Ande poropedi ali Aisayame gupi lisaya:
Realio, naana angele mendame na-pangame lisaya.
17Go einare Godena angele pangelemandare gore kone rulaya eiri go para pilima. Gupuma ande angele epe auri Kerisona angele lari pa milimi ei rupara epelea.
18Gore nimumi ande Godena angelere ora na-pangame pa loma lora pi. Diama nimu ora pangoma gole pisimiya. Akepeare ande Godena angele wia bukamere gupi lea.
Nimuna angaame laeme angelenu raayosi su kuni
alenda alenda para raayosi anana pangame.
19Neme wala lora pi. Isaraeli wenaalimi go angele na-pangamepae. Diama. Nimu kone ambala wisimiyande. Akepeare Godeme Mosesi alisaya bukamere gupi ambala lisayande:
Neme pakama wenaali muma nimu repara epepe au
pulua ei andoma nimimi nimu repara yanda diimi,
lisaya.
Neme go ale menda pape-nae wenaali muma
nimu repara epepe au puluandare
rono pangeleme, lisaya.
20Gupuma Godeme lisaya angele Aisayame paalame na-kome ara gupi lisaya:
Ni na-wi lisimiya wenaalimi gole anda wisimiya.
Ni na-wi lisimiya wenaali repara gole
na lee angaa walisua.
21Go peapare Isaraeli wenaali parare gupi lea.
Neme naare raayosi go na angele runguluma ni rapu
yanda diiame wenaali para neme nimu repara
kuma pi ei ma-andaluame ipulupa lo pirawa.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.