1 Korindi 4
4
Yesuna pupudengi namonoya Godeme naa wi lea
1Nimi para kone siala ara gurupa kone sialepape. Naare Keriso nipuna pupudengi nadema alinu arare, Gode nipuna kundiripu wia einuna angele lape einu andere-aema alinu aema kone sialepape. 2Go eina pupudengi nao-aeme alinu raayo nimuna pupudengi nape rupa gonda. Go alinu nimuna pupudenginu waru nalapinya. 3Go eina nimimi pange alinu menda parame pange go suna auna ralialo ara ni Polome pupudengi epe rupa noaya o koae rupa noaya angele demenda pange ni kone menda na-sialo. Neme pange lalo. Niri epe rupa pupudengi nalo piri na-doa.
4Ora, ni pange ale menda pea au menda kone na-sialopare nina gole niri rendepona ayo ali pi na-doa. Nina pupudengi ne ei rali pula pea aliri Realimi komea rali pilia. 5Go eina Realimi wenaali rali pulame epenaya andere-arare nimimi ambala na-pi pa andere-alepape. Realimi rimbale ei para pangawi ei raayore nipumi paa nane ma-sumare alinumi pu runame pangawimi konenu nipumi penameyalia. Go au pumare wenaali raayome nimuna peme einuna Godeme nimuna angele lalia.
6Amenuo, go wape pi angelere Apolosi saa para kone suma pawa. Go wape pi eiri nimimi kone sumare gurupae. Saame pipa ei andomare mo loaeme rupa ora aunu komea pipape. Go eina ali komea mendana bi ma-minyasiada ara ali mendana bi lu minyabada au na-pipape. 7Neere wenaali lu angulaoma ainyaya apimi ma-ainyaleapae. Nena siamba ale alenu raayore Godeme gea. Go pea ei deandare gore neemere naa komea kone suma ale ali mandana ara nena biri akepeanda ma-minyasiadepae.
8Nimina konemere olemole raayo anana wima kone sialemepae. Nimiri ambala amo alinu aema kone sialemepae. Nimiri ambala kini alinu pima kone sialemepae. Naare diama. Nina konemere nimi kini alinu pida pamere epe dapa kone sialo. Naa pange nimi peme rupa kininu pida pama. 9Na konemere Godeme nipuna angele ma-puao-aema alinu naare kou nane amono lea. Naare ambala alinumi angele la sialo ara komaliminya leme repaa manda. Go eina eindiolonu pange wenaalinuna lee rona ara lu ma-komalimi.
10Kerisona ei aema eina naa parare kone na-wi alinu aeme loma loaemepare nimiri Kerisona aunu kone waru wimi alinu aeme. Naare puri na-palemepare nimiri puri waru paleme. Nimina angele lao-aemepare naa parare koae alinu, loaeme. 11Ambia go naarena naa reame komalema. Gupuma naa aka pirinu yamo aema pange naa rakiluaeme pange naa komea anda para na-ae anda lumbu lu aema. 12Naame naana kimi pupudengi andaai noaema. Naa yala yala meao-aemepare naame epe angele loaema. Naa repara koae aunu pemepare naame giaema. 13Mendame naa ero lala pemendare naame epepe angelenumi nimuna angele yango liala puaema. Naare go suna mondo rambe rumbeme alinu manda aema. Gupuma naare su alinuna kodo mandana aema. Naare ambalande gurupa airi ipuma ambia pange mendaa rupa pa aema.
Korindiani wenaalimi Polome pisaya einu andoma pinya lea ei
14Nimi para neme go wape pe eiri nimi yalame komaliminyaya na-pawa. Nimiri na nongo naki aeme eina nimina kone rendepoyaluame pawa. 15Nimina Keriso aeme eina wada alinuri daoseni ki laapopu ma-ainya demendare epeda peapare nimina apare komea aya. Nimina Keriso aeme eina niri nimina apa ayo. Ande epe angele nimi para ma-epawa eina lawa.
16Go einare neme pawande einu raluma pipape, loma neme kongeyalo. 17Go einayanda Dimodiri nimi para rapadoae. Nipuri na pumi raname komoayo naki arare nipuna Keriso aya ei pange ora ei aya. Nipumi mo neme raluayo aunu nimi wadea. Go raluayo aunuri ande pena endoayo ei Yesu rapu runaoma ara pamuayo eina lalo. Gupuma go auri ande alenda alenda parasi aeme Keriso wenaalinu repara waloayo eina lawae.
18Nimi mendapareme lalore gupi leme. Neme nimi na-andola epola kone suma nimimi raname koma puma ako lambi diame. 19Realina rana pi ei deandare ni nimi para go gole wala epola. Gupuma ni epolandare monde ako lambi diame repaame peme einu andola. Angeleme komea leme ei dia. 20Gode nipuna Ki Rambuao-aya Eiri wenaalinumi nimuna dame angeleme na-waleapare nimuna pimi aunumi walea. 21Nimina kone pea eiri ale kone peapae. Nimi rendepoyaluame rodo minya epanoyapae o nimi neme pumi kome ei walala ara pawa epolayapae.
လက္ရွိေရြးခ်ယ္ထားမွု
1 Korindi 4: POLENT23
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
1 Korindi 4
4
Yesuna pupudengi namonoya Godeme naa wi lea
1Nimi para kone siala ara gurupa kone sialepape. Naare Keriso nipuna pupudengi nadema alinu arare, Gode nipuna kundiripu wia einuna angele lape einu andere-aema alinu aema kone sialepape. 2Go eina pupudengi nao-aeme alinu raayo nimuna pupudengi nape rupa gonda. Go alinu nimuna pupudenginu waru nalapinya. 3Go eina nimimi pange alinu menda parame pange go suna auna ralialo ara ni Polome pupudengi epe rupa noaya o koae rupa noaya angele demenda pange ni kone menda na-sialo. Neme pange lalo. Niri epe rupa pupudengi nalo piri na-doa.
4Ora, ni pange ale menda pea au menda kone na-sialopare nina gole niri rendepona ayo ali pi na-doa. Nina pupudengi ne ei rali pula pea aliri Realimi komea rali pilia. 5Go eina Realimi wenaali rali pulame epenaya andere-arare nimimi ambala na-pi pa andere-alepape. Realimi rimbale ei para pangawi ei raayore nipumi paa nane ma-sumare alinumi pu runame pangawimi konenu nipumi penameyalia. Go au pumare wenaali raayome nimuna peme einuna Godeme nimuna angele lalia.
6Amenuo, go wape pi angelere Apolosi saa para kone suma pawa. Go wape pi eiri nimimi kone sumare gurupae. Saame pipa ei andomare mo loaeme rupa ora aunu komea pipape. Go eina ali komea mendana bi ma-minyasiada ara ali mendana bi lu minyabada au na-pipape. 7Neere wenaali lu angulaoma ainyaya apimi ma-ainyaleapae. Nena siamba ale alenu raayore Godeme gea. Go pea ei deandare gore neemere naa komea kone suma ale ali mandana ara nena biri akepeanda ma-minyasiadepae.
8Nimina konemere olemole raayo anana wima kone sialemepae. Nimiri ambala amo alinu aema kone sialemepae. Nimiri ambala kini alinu pima kone sialemepae. Naare diama. Nina konemere nimi kini alinu pida pamere epe dapa kone sialo. Naa pange nimi peme rupa kininu pida pama. 9Na konemere Godeme nipuna angele ma-puao-aema alinu naare kou nane amono lea. Naare ambala alinumi angele la sialo ara komaliminya leme repaa manda. Go eina eindiolonu pange wenaalinuna lee rona ara lu ma-komalimi.
10Kerisona ei aema eina naa parare kone na-wi alinu aeme loma loaemepare nimiri Kerisona aunu kone waru wimi alinu aeme. Naare puri na-palemepare nimiri puri waru paleme. Nimina angele lao-aemepare naa parare koae alinu, loaeme. 11Ambia go naarena naa reame komalema. Gupuma naa aka pirinu yamo aema pange naa rakiluaeme pange naa komea anda para na-ae anda lumbu lu aema. 12Naame naana kimi pupudengi andaai noaema. Naa yala yala meao-aemepare naame epe angele loaema. Naa repara koae aunu pemepare naame giaema. 13Mendame naa ero lala pemendare naame epepe angelenumi nimuna angele yango liala puaema. Naare go suna mondo rambe rumbeme alinu manda aema. Gupuma naare su alinuna kodo mandana aema. Naare ambalande gurupa airi ipuma ambia pange mendaa rupa pa aema.
Korindiani wenaalimi Polome pisaya einu andoma pinya lea ei
14Nimi para neme go wape pe eiri nimi yalame komaliminyaya na-pawa. Nimiri na nongo naki aeme eina nimina kone rendepoyaluame pawa. 15Nimina Keriso aeme eina wada alinuri daoseni ki laapopu ma-ainya demendare epeda peapare nimina apare komea aya. Nimina Keriso aeme eina niri nimina apa ayo. Ande epe angele nimi para ma-epawa eina lawa.
16Go einare neme pawande einu raluma pipape, loma neme kongeyalo. 17Go einayanda Dimodiri nimi para rapadoae. Nipuri na pumi raname komoayo naki arare nipuna Keriso aya ei pange ora ei aya. Nipumi mo neme raluayo aunu nimi wadea. Go raluayo aunuri ande pena endoayo ei Yesu rapu runaoma ara pamuayo eina lalo. Gupuma go auri ande alenda alenda parasi aeme Keriso wenaalinu repara waloayo eina lawae.
18Nimi mendapareme lalore gupi leme. Neme nimi na-andola epola kone suma nimimi raname koma puma ako lambi diame. 19Realina rana pi ei deandare ni nimi para go gole wala epola. Gupuma ni epolandare monde ako lambi diame repaame peme einu andola. Angeleme komea leme ei dia. 20Gode nipuna Ki Rambuao-aya Eiri wenaalinumi nimuna dame angeleme na-waleapare nimuna pimi aunumi walea. 21Nimina kone pea eiri ale kone peapae. Nimi rendepoyaluame rodo minya epanoyapae o nimi neme pumi kome ei walala ara pawa epolayapae.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.