1 Korindi 2
2
Yesu Keriso lu andaisimiya eina angele lea ei
1Na amenuo, nimi para Godena ora angele kundiripu wi ei wadoame epawa dinare angele walala arare ni olemole raayo ande ali daminyaya wape ande alinumi dame angelenu na-lawa. 2Go kone siala ara alenda alenda raayo giaoma Yesu Keriso komea monde ekeraisa wape pi repanana raminyekeparimi ei komea kone siala ara walawa. 3Go eina nimi para epawa dinare puri na-palawa. Na pu para lewa lewa puma paalame komala ara puru puru liawa.
4Gupuma nemere angele walala ara kone waru sialeme su alinumi dame rupa angele andalu einu na-lawapare Godena Sipiridimi penameyao ni puri ma-palada-ainya walawa. 5Go eina nimina kone rulaeme eiri su wenaalina purimi na-peapare Godena purimi pea.
Godena kone waru rekele pu suma andisaya ei
6Go peapare Godena angele ambala puri paloma meme wenaali para nemere kone waru suma rendapi angeleme loayo. Go kone waru wi ei ni rupara wia eiri go suna wi ei dia pange go su surumbeme repaana ei dia. Go alinuri werepe nane nimuna naarenu peredea.
7Neme kone waru rekele pu suma waloayo angelenuri Godeme ambala su wenaali repara kundiri pisaya einu. Go peapare Godeme su yaa ambe na-wari ara gole go eimi paa pi ei puri pale ei naa repara ma-epainyaya ambala la wisaya. 8Go suna ki rambuao pimi alinumi go kone waru wi eiri na-andisimiya. Andola pameyalore ande paa pi eina Reali mo ekeraisa wape pi repanana raminyekepao na-lu andiala pame. 9Go peapare ande Godena angele wape pea bukamere gurupa lea.
Ali mendame leeme na-andape alenu pange
kaleme na-pangape alenu pange
mendana kone paranu na-ipisaya alenu raayosiri
Godeme nipu raname komoaeme wenaalina
paya lea.
10Go eina go einuri Godemere naa para nipuna Sipiridimi ma-penameyainya lea. Nipuna Sipiridimi alenda alenda kundiripi einu gole penameyao waloaya. Godena kundiripi alenu gole waloaya. 11Ali mendame ali mendana pu para siala konenu andape-na-yapare nipuna remome komea andala puma kone siala puaya. Gurupa Godena Sipiridimi pange Godena pi einu pange konenu raayo andoaya. 12Naame mema remore go suna remo dia. Gode repara Epe Sipiridi mema. Go einayalo arare Godeme naa repara gea alenu raayo kone wilima.
13Naame Godeme pakama gea alenuna angele laluamere ande Epe Yaakopi Sipiridimi la gida angeleme loaema. Suna alinumi loaeme angelenumi dia. Ande Epe Yaakopi Sipiridi piri repaa repara angele doamere go Yaakopi Sipiridi walea ei wadama. 14Go pemepare ande Sipiridi na-meme alinumiri monde Godena Sipiridimi gida alenu meape-na-ya. Akepeare nipumiri go alenu pamba na-pi alenu kone wia. Go alenuri Epe Yaakopi Sipiridimi gea puluyalo arare go Epe Yaakopi Sipiridi na-piri repaamere go alenu rali pape-na-ya. 15Mo Godena Sipiridi mea alimi olemole raayo manda andoma rali pape-ya. Go peapare ali menda nipuna rupara go Godena Sipiridi na-piri alimi go Sipiridi piri ali manda rali pape-na-ya. 16Ande Godena angele wia bukamere gupi lea:
Realina kone wia einu mendame na-andea.
Mendame Reali mana angelenu na-dea lea.
Go peapare naare Yesu Kerisona kone mema.
လက္ရွိေရြးခ်ယ္ထားမွု
1 Korindi 2: POLENT23
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
1 Korindi 2
2
Yesu Keriso lu andaisimiya eina angele lea ei
1Na amenuo, nimi para Godena ora angele kundiripu wi ei wadoame epawa dinare angele walala arare ni olemole raayo ande ali daminyaya wape ande alinumi dame angelenu na-lawa. 2Go kone siala ara alenda alenda raayo giaoma Yesu Keriso komea monde ekeraisa wape pi repanana raminyekeparimi ei komea kone siala ara walawa. 3Go eina nimi para epawa dinare puri na-palawa. Na pu para lewa lewa puma paalame komala ara puru puru liawa.
4Gupuma nemere angele walala ara kone waru sialeme su alinumi dame rupa angele andalu einu na-lawapare Godena Sipiridimi penameyao ni puri ma-palada-ainya walawa. 5Go eina nimina kone rulaeme eiri su wenaalina purimi na-peapare Godena purimi pea.
Godena kone waru rekele pu suma andisaya ei
6Go peapare Godena angele ambala puri paloma meme wenaali para nemere kone waru suma rendapi angeleme loayo. Go kone waru wi ei ni rupara wia eiri go suna wi ei dia pange go su surumbeme repaana ei dia. Go alinuri werepe nane nimuna naarenu peredea.
7Neme kone waru rekele pu suma waloayo angelenuri Godeme ambala su wenaali repara kundiri pisaya einu. Go peapare Godeme su yaa ambe na-wari ara gole go eimi paa pi ei puri pale ei naa repara ma-epainyaya ambala la wisaya. 8Go suna ki rambuao pimi alinumi go kone waru wi eiri na-andisimiya. Andola pameyalore ande paa pi eina Reali mo ekeraisa wape pi repanana raminyekepao na-lu andiala pame. 9Go peapare ande Godena angele wape pea bukamere gurupa lea.
Ali mendame leeme na-andape alenu pange
kaleme na-pangape alenu pange
mendana kone paranu na-ipisaya alenu raayosiri
Godeme nipu raname komoaeme wenaalina
paya lea.
10Go eina go einuri Godemere naa para nipuna Sipiridimi ma-penameyainya lea. Nipuna Sipiridimi alenda alenda kundiripi einu gole penameyao waloaya. Godena kundiripi alenu gole waloaya. 11Ali mendame ali mendana pu para siala konenu andape-na-yapare nipuna remome komea andala puma kone siala puaya. Gurupa Godena Sipiridimi pange Godena pi einu pange konenu raayo andoaya. 12Naame mema remore go suna remo dia. Gode repara Epe Sipiridi mema. Go einayalo arare Godeme naa repara gea alenu raayo kone wilima.
13Naame Godeme pakama gea alenuna angele laluamere ande Epe Yaakopi Sipiridimi la gida angeleme loaema. Suna alinumi loaeme angelenumi dia. Ande Epe Yaakopi Sipiridi piri repaa repara angele doamere go Yaakopi Sipiridi walea ei wadama. 14Go pemepare ande Sipiridi na-meme alinumiri monde Godena Sipiridimi gida alenu meape-na-ya. Akepeare nipumiri go alenu pamba na-pi alenu kone wia. Go alenuri Epe Yaakopi Sipiridimi gea puluyalo arare go Epe Yaakopi Sipiridi na-piri repaamere go alenu rali pape-na-ya. 15Mo Godena Sipiridi mea alimi olemole raayo manda andoma rali pape-ya. Go peapare ali menda nipuna rupara go Godena Sipiridi na-piri alimi go Sipiridi piri ali manda rali pape-na-ya. 16Ande Godena angele wia bukamere gupi lea:
Realina kone wia einu mendame na-andea.
Mendame Reali mana angelenu na-dea lea.
Go peapare naare Yesu Kerisona kone mema.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.