1 Korindi 14
14
Epe Yaakopi Sipiridimi giala alenu nimuna angelenu pa lari pea ei
1Go einare pu ada au waru pualepape. Gupuma mo Epe Yaakopi Sipiridimi giala alenu mulame kone waru siape. Go pi auri ande Godena angele la ma-alape ei giala ei mulame waru rapalapape.
2Ande Epe Yaakopi Sipiridimi rando menda angelenu da ei alea alimiri menda repara na-dapare Gode rapu da. Akepeare mendame nipuna da angele na-pange lea. Godena Epe Yaakopi Sipiridimi ma-ladanda go kundiri angelenu da. 3Go peapare Godena angele la ma-aloaya alimiri alinu para loaya. Gupuma nipumi angele la ma-adeandare wenaali rambameala angele pange nimuna pu para raname komoma ma-epeada angele pange epe aunu pinyaya pipa loma mongeriada angelenu pange da. 4Ande Epe Yaakopi Sipiridimi gea angele rando rando da alimiri nipu rambameape angele komea dapare ande Godena angele la ma-ada alimiri Keriso wenaali raayo rambameala.
5Nimi raayome angele rando rando dame ei pilimindare raname komola peapare nimi raayome Godena angele la ma-ada ei pilimindare gore ora raname waru komola. Ali mendame na-pangeme rando rando angele deandare mo Keriso wenaali rambamulameyare ali mendame go da angele ma-lekeyaoma alena. Go au pape ali menda na-pidiandare gore mo Godena angele da ei wenaali la ada alimi go ali lu rambuaya. 6Go eina amenuo, niri nimi para ipuma Sipiridimi gea angele rando rando epa doandare epedeapae. Dia. Ora diae. Nimi para Godeme wada alenu pange ande einu pange Godeme lape loma la ge angelenu pange o walape alenu menda nimi repara ma-epoloanda kome nimi rambameapeya.
7Ande wenaalina pea rupa endoaya ei na-piri gida o yukelelenumi ora yaisanu liape rupanda na-raidimindare gore go yaisana ei lo pename na-andelema.
8Ande yanda pulameyanda luame bu kenange epe rupa na-dimindare gore yanda pulame mendame lele na-pilia. 9Gurupa nimi para pange lalo. Angele rando rando mendapi ei demendare wenaalimi nimimi dame angelere akepuma pangelemeyapae. Nimina dame angelere wala alu pilia. 10Go su raayo para one mone anda angelenu waru wia. Angele raayona ree wia. 11Go peapare ande angele da alina angele neme na-pangolandare gore neme nipuri anda menda nane aoma epe ali kone sula. Gupuma nipumi pange niri anda menda nane aoma epa ayo ali kone wilia. 12Ande Epe Yaakopi Sipiridimi giala alenu mulame rapo aemenda gupi lalo. Ande Keriso wenaali ma-epeape einu mulame waru rapoalepape. Pa einu pulu ara gole go einu komea ora waru ripinyuma alepape. 13Go eina mo Sipiridimi gea angele rando rando da alimi mo Epe Yaakopi Sipiridimi angelena ree la giala ei wenaali lalainya yainya pape. 14Go einaya lalo. Neme gurupa yainya pulandare ora na remome pange yainya piae, nina koneme na-piae. 15Go eina nemere ake pulapae. Na remome yainya pulapepare na koneme pange yainya pula. Yaisa doame pange na remome dapepare na koneme pange doa. 16Nimina remonumi komea Gode para ranae angele loma yainya pilimindare gore nimina angele kuraleme para pia ali mendame ande nimina anda menda angele rando rando loma dame angele na-pangala ara mo alimi yainya pu pereyaliandare gore nipumi ora ei pi na-dea. Akepeare nipumi mo alimi lande angelena ree na-pangea. 17Gode para ranae angele loma epe yainya pilipare gole mendapare repaare na-rambameale.
18Neme Gode repara ranae angele lalo. Akepeare ande rando menda angele loaeme eiri neme nimi lu angulayo. Neme waru andapu loayo. 19Neme ande rando rando angeleme ara wenaali angele wadoandare mendame go doa ei na-pange lea. Go peapare ande wenaalimi pangeme angeleme pa onge kupusi wadoaeme gole wenaali waru rambamilia.
20Amenuo nimimi nakisinumi sialeme kone suma na-alepape. Koae au pi einare ora onge nakisinu rupa apeyapare nimina kone sialeme eiri andaa wenaali ara sialeme kone rupa sialepape. 21Mo Godena angele wia bukanare gupi lea.
Godeme lalore neme alinumi go au pinya doa lea.
Wenaalinumi na-pange anda menda angelena
rupare neme nina wenaali rapu angele doa.
Neme lee wili para na-ande alinumi lopinya doa.
Go au puluapare pange nina wenaalimi nina angele
ora na-pangeleme.
22Go eina Sipiridimi gea ande angele rando rando dame eiri ande angele na-pangeleme wenaalimi pangoma go eiri orayanae deme. Go eiri angele meme repaana ei dia. Go peapare ande Godena angele Sipiridimi gea eiri orayana lo Godena angele meme repaa para kome wada. Angele na-mi repaa reparare na-walea.
23Go eina Keriso wenaali raayome mombea piri raayome Sipiridimi gea rando rando angele demendare gore pa aeme wenaali pange angele na-pange wenaali menda epa kondo pambala ara lalore go wenaali ora raayo keyademe pi ora deme. 24Ande angele na-meme repaa menda epa kondo pambalo-ainya wenaali raayome Godena angelenda walala alimindare gore nipuri ora koae aunu puaripunae lo nipuna pangala angeleme gole ladea. 25Gupuma nipuna kundiripu wia konenu raayo penameyao wadea eimi nipumi panda punyaoma Gode para yainya pula ara lalore Ora lalo loma Godere nimi rapu go para aya loma dea.
Godena anda para yainya pulame puma mombedemendare Gode para epe rupa yainya pilima
26Go eina nina amenuo, Gode para ambala yainya pulame mombedemendare ali komeame yaisa deae. Gupuma ali mendame angele wadea. Gupuma ali mendame Godeme nipu para la ale einu nimi para la gilia. Gupuma ali mendame Sipiridimi gea angele rando rando loma deapare pange ali mendame go da angelenu perekeyoma dea. Go aunu raayo mo Keriso wenaali epealuameya pilimindare ora epedea.
27Alinu menda parame Sipiridimi gea angele rando rando doa kone wilimindare gore ali laapo komeame dependare ana pilia. Gupuma nimumi pange mendaa dina na-deme. Nimuna dame angelere ali mendame Sipiridimi nipu para walala-ainya angele perekeyoma la dea. 28Angele pereke da ali na-aliandare gore go rando menda angele da ali nipumi go angele ora na-lena. Nipumi pa mendame na-pangola pea rupa Gode nipuna komea depe.
29Godeme nipuna angele la dea ali repo o laapome komea angele lena. Mendapare repaare mo alinumi dame ei ora ei o pa ei lo rali pilimi. 30Go peapare mo mombea pimi ei rupara pia ali menda komeame Godeme la ada angele muma la alenayare monde reka ara angele wada alimi angele na-lena. 31Keriso wenaali nimi raayome Godena angele menda wademe. Go au pilimindare manda nimi raayo kone waru suma puri mu pilimi. 32Godeme angele la ma-ada ei wadame alinumiri nimuna angaa kambulu nimuna gole andere pidimi. 33Akepeare Godeme naare pa ao-pape pumana kone na-wia. Nipuna ranare komea para aoma kuma paminya kone wia. Ande Keriso wenaalinu raayome puaeme rupa go au pipape. 34Go Keriso wenaalinu mombedeme ruparanuri wenanumi angelenu menda na-lena. Ande Godeme Mosesi alisaya angelemere gupi lisaya. Wenaali andere-ape pupudengi wename na-nena lea.
35Wenanumi angele menda ora lora pulua kone wilimindare gore nimuna anda para pirinya nimuna alinu para pua angaa milimi. Keriso wenaali raayo mombea pirinya wename angele deandare ora koae au pia. 36Gode nipuna angelere nimi para na-kini pia. Godena angelere nimi para komea na-epea. 37Ali mendame kone sialo niri Godena angele ma-epado ali o niri ande Epe Yaakopi Sipiridimi geale siamba ayo kone wilia ali nee reparare go angele Realimi lape da ei lalo kone siape. 38Go alimi na angele na-pangeleandare nimimi pange mo alina angele na-pangalepape.
39Go eina na amenuo, Godena angele walaluame rapo alepape. Go peapare Sipiridimi gea angele rando rando dame eiri nimimi rudu na-dapape. 40Gupuma nimina pimi einu raayore epe rupa ma-rendepoyao ora pala pape rupa pipape.
လက္ရွိေရြးခ်ယ္ထားမွု
1 Korindi 14: POLENT23
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
1 Korindi 14
14
Epe Yaakopi Sipiridimi giala alenu nimuna angelenu pa lari pea ei
1Go einare pu ada au waru pualepape. Gupuma mo Epe Yaakopi Sipiridimi giala alenu mulame kone waru siape. Go pi auri ande Godena angele la ma-alape ei giala ei mulame waru rapalapape.
2Ande Epe Yaakopi Sipiridimi rando menda angelenu da ei alea alimiri menda repara na-dapare Gode rapu da. Akepeare mendame nipuna da angele na-pange lea. Godena Epe Yaakopi Sipiridimi ma-ladanda go kundiri angelenu da. 3Go peapare Godena angele la ma-aloaya alimiri alinu para loaya. Gupuma nipumi angele la ma-adeandare wenaali rambameala angele pange nimuna pu para raname komoma ma-epeada angele pange epe aunu pinyaya pipa loma mongeriada angelenu pange da. 4Ande Epe Yaakopi Sipiridimi gea angele rando rando da alimiri nipu rambameape angele komea dapare ande Godena angele la ma-ada alimiri Keriso wenaali raayo rambameala.
5Nimi raayome angele rando rando dame ei pilimindare raname komola peapare nimi raayome Godena angele la ma-ada ei pilimindare gore ora raname waru komola. Ali mendame na-pangeme rando rando angele deandare mo Keriso wenaali rambamulameyare ali mendame go da angele ma-lekeyaoma alena. Go au pape ali menda na-pidiandare gore mo Godena angele da ei wenaali la ada alimi go ali lu rambuaya. 6Go eina amenuo, niri nimi para ipuma Sipiridimi gea angele rando rando epa doandare epedeapae. Dia. Ora diae. Nimi para Godeme wada alenu pange ande einu pange Godeme lape loma la ge angelenu pange o walape alenu menda nimi repara ma-epoloanda kome nimi rambameapeya.
7Ande wenaalina pea rupa endoaya ei na-piri gida o yukelelenumi ora yaisanu liape rupanda na-raidimindare gore go yaisana ei lo pename na-andelema.
8Ande yanda pulameyanda luame bu kenange epe rupa na-dimindare gore yanda pulame mendame lele na-pilia. 9Gurupa nimi para pange lalo. Angele rando rando mendapi ei demendare wenaalimi nimimi dame angelere akepuma pangelemeyapae. Nimina dame angelere wala alu pilia. 10Go su raayo para one mone anda angelenu waru wia. Angele raayona ree wia. 11Go peapare ande angele da alina angele neme na-pangolandare gore neme nipuri anda menda nane aoma epe ali kone sula. Gupuma nipumi pange niri anda menda nane aoma epa ayo ali kone wilia. 12Ande Epe Yaakopi Sipiridimi giala alenu mulame rapo aemenda gupi lalo. Ande Keriso wenaali ma-epeape einu mulame waru rapoalepape. Pa einu pulu ara gole go einu komea ora waru ripinyuma alepape. 13Go eina mo Sipiridimi gea angele rando rando da alimi mo Epe Yaakopi Sipiridimi angelena ree la giala ei wenaali lalainya yainya pape. 14Go einaya lalo. Neme gurupa yainya pulandare ora na remome pange yainya piae, nina koneme na-piae. 15Go eina nemere ake pulapae. Na remome yainya pulapepare na koneme pange yainya pula. Yaisa doame pange na remome dapepare na koneme pange doa. 16Nimina remonumi komea Gode para ranae angele loma yainya pilimindare gore nimina angele kuraleme para pia ali mendame ande nimina anda menda angele rando rando loma dame angele na-pangala ara mo alimi yainya pu pereyaliandare gore nipumi ora ei pi na-dea. Akepeare nipumi mo alimi lande angelena ree na-pangea. 17Gode para ranae angele loma epe yainya pilipare gole mendapare repaare na-rambameale.
18Neme Gode repara ranae angele lalo. Akepeare ande rando menda angele loaeme eiri neme nimi lu angulayo. Neme waru andapu loayo. 19Neme ande rando rando angeleme ara wenaali angele wadoandare mendame go doa ei na-pange lea. Go peapare ande wenaalimi pangeme angeleme pa onge kupusi wadoaeme gole wenaali waru rambamilia.
20Amenuo nimimi nakisinumi sialeme kone suma na-alepape. Koae au pi einare ora onge nakisinu rupa apeyapare nimina kone sialeme eiri andaa wenaali ara sialeme kone rupa sialepape. 21Mo Godena angele wia bukanare gupi lea.
Godeme lalore neme alinumi go au pinya doa lea.
Wenaalinumi na-pange anda menda angelena
rupare neme nina wenaali rapu angele doa.
Neme lee wili para na-ande alinumi lopinya doa.
Go au puluapare pange nina wenaalimi nina angele
ora na-pangeleme.
22Go eina Sipiridimi gea ande angele rando rando dame eiri ande angele na-pangeleme wenaalimi pangoma go eiri orayanae deme. Go eiri angele meme repaana ei dia. Go peapare ande Godena angele Sipiridimi gea eiri orayana lo Godena angele meme repaa para kome wada. Angele na-mi repaa reparare na-walea.
23Go eina Keriso wenaali raayome mombea piri raayome Sipiridimi gea rando rando angele demendare gore pa aeme wenaali pange angele na-pange wenaali menda epa kondo pambala ara lalore go wenaali ora raayo keyademe pi ora deme. 24Ande angele na-meme repaa menda epa kondo pambalo-ainya wenaali raayome Godena angelenda walala alimindare gore nipuri ora koae aunu puaripunae lo nipuna pangala angeleme gole ladea. 25Gupuma nipuna kundiripu wia konenu raayo penameyao wadea eimi nipumi panda punyaoma Gode para yainya pula ara lalore Ora lalo loma Godere nimi rapu go para aya loma dea.
Godena anda para yainya pulame puma mombedemendare Gode para epe rupa yainya pilima
26Go eina nina amenuo, Gode para ambala yainya pulame mombedemendare ali komeame yaisa deae. Gupuma ali mendame angele wadea. Gupuma ali mendame Godeme nipu para la ale einu nimi para la gilia. Gupuma ali mendame Sipiridimi gea angele rando rando loma deapare pange ali mendame go da angelenu perekeyoma dea. Go aunu raayo mo Keriso wenaali epealuameya pilimindare ora epedea.
27Alinu menda parame Sipiridimi gea angele rando rando doa kone wilimindare gore ali laapo komeame dependare ana pilia. Gupuma nimumi pange mendaa dina na-deme. Nimuna dame angelere ali mendame Sipiridimi nipu para walala-ainya angele perekeyoma la dea. 28Angele pereke da ali na-aliandare gore go rando menda angele da ali nipumi go angele ora na-lena. Nipumi pa mendame na-pangola pea rupa Gode nipuna komea depe.
29Godeme nipuna angele la dea ali repo o laapome komea angele lena. Mendapare repaare mo alinumi dame ei ora ei o pa ei lo rali pilimi. 30Go peapare mo mombea pimi ei rupara pia ali menda komeame Godeme la ada angele muma la alenayare monde reka ara angele wada alimi angele na-lena. 31Keriso wenaali nimi raayome Godena angele menda wademe. Go au pilimindare manda nimi raayo kone waru suma puri mu pilimi. 32Godeme angele la ma-ada ei wadame alinumiri nimuna angaa kambulu nimuna gole andere pidimi. 33Akepeare Godeme naare pa ao-pape pumana kone na-wia. Nipuna ranare komea para aoma kuma paminya kone wia. Ande Keriso wenaalinu raayome puaeme rupa go au pipape. 34Go Keriso wenaalinu mombedeme ruparanuri wenanumi angelenu menda na-lena. Ande Godeme Mosesi alisaya angelemere gupi lisaya. Wenaali andere-ape pupudengi wename na-nena lea.
35Wenanumi angele menda ora lora pulua kone wilimindare gore nimuna anda para pirinya nimuna alinu para pua angaa milimi. Keriso wenaali raayo mombea pirinya wename angele deandare ora koae au pia. 36Gode nipuna angelere nimi para na-kini pia. Godena angelere nimi para komea na-epea. 37Ali mendame kone sialo niri Godena angele ma-epado ali o niri ande Epe Yaakopi Sipiridimi geale siamba ayo kone wilia ali nee reparare go angele Realimi lape da ei lalo kone siape. 38Go alimi na angele na-pangeleandare nimimi pange mo alina angele na-pangalepape.
39Go eina na amenuo, Godena angele walaluame rapo alepape. Go peapare Sipiridimi gea angele rando rando dame eiri nimimi rudu na-dapape. 40Gupuma nimina pimi einu raayore epe rupa ma-rendepoyao ora pala pape rupa pipape.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.