1 Korindi 12
12
Epe Yaakopi Sipiridimi gea alenu
1Nina wenaalio, ande Epe Yaakopi Sipiridimi giala alenuna angele lora pame einuna angele go lalonda. Nimimi go alenuna reenu kone sialiminyaya go lalonda. 2Nimiri angele na-pange arimi dinare ande angele endoaya ei na-piri pereke pereke remonumi nimi andere-ara nimi karupu koyaripa eiri nimi kone sialeme. 3Go eina nimi kone sialiminyayanda go lalonda. Ali mendame Godena Yaakopi Sipiridimi nipu andere-ainya lomare nipumi lalore Yesu nee koyape loma angele lape-na-ya. Gupuma ali mendame ande Yaakopi Sipiridi na-pirinare Yesuri ande Reali pi na-dea.
4Ande gea alenuri rando randoyapare raayo ande Yaakopi Sipiridimi gole pada. 5Gupuma ande pupudengi nademe einu pange rando randoyapare ande Reali komeana ei nadema. 6Gupuma ande wenaalinuna andaleme eiri rando randoloyapare go rando rando pupudengi nenayandare komea Godeme gole go rando randolo alea. 7Wenaali raayo epeape einare ande Epe Yaakopi Sipidimiri nipu pi ae loma wenaali rando randona rupara piri waloaya. 8Ande Epe Yaakopi Sipiridimi wenaali komea para epe kone ma-siaya ei Keriso repaa repara alenaya alomare wenaali menda parare Godena aunu waru ande ei Keriso repaa repara alenaya alea. 9Go mendaa Epe Yaakopi Sipiridimiri wenaali mendapare reparare Gode repara kone rulada ei ora andapupe alea. Wenaali mendaparere wenaali yainya komalemenda go repaa nimuna yainya pereyada ei alea. 10Gupuma go Sipiridimiri wenaali komea parare wenaalinu mendame papenaya aunu pinyayanda puri ada. Gupuma wenaali menda para pange Godena angele walada ei ada. Mendapare repaa reparare Epe Yaakopi Sipiridi repara ipula alenu lo pange koae remo repara ipula alenu lo andenayanda puri aloaya. Gupuma mendapare repaa reparare pa kone na-wi angelenu rando rando angele da ei ada. Gupuma mendapare repaare go kone na-wi rando rando angele da ei lekeda ei ada. 11Go einu raayore ande Yaakopi Sipiridi komeamele Keriso wenaali para nipuna rana pea rupa ada.
Naa Keriso wenaalinu naare do komea aema lea ei
12Alina do komeana gole ki ange kimbu ma-aoma do kome aya rupa Keriso pange gurupa. Ande ki ange dona kimbu ma-aya alenu rando randoyapare dore komea kama aya. 13Gurupa naa raayo Isaraelimi mandu rangala pae wenaalinu pange Isaraelimi na-mandu rangala pae wenaalinu pange ali mendana pupudenginu pakama nadema wenaalinu pange ali mendame na-ma-korae wenaalinu naa raayo mo Sipiridi komeame baparaisi au puma do komeana kimbu ma-aoma aema. Naa raayome naana rupara ande komea kama Remo komea pia.
14Dore komea ale na-aya. Alenda alenda raayo kimbu ma-aoma aya. 15Angeme lalo ara ni ki diayandare ni dona na-ayo dea eimi nipu rando menda na-ma-aulalia. Gupi dea eimi do minyapalaoma ange yokoma pope-na-ya. Nipuri dona kimbu ma-aoma ara gole da. 16Gupuma kaleme pange gurupa deandare Niri lee na-ayo rupa dona aya alenu dia dea. Go dea eimi do minyapalala pope-na-ya. Nipuri dona kimbu ma-aoma arale da. 17Do raayo lee komea dapayalore angele akipuma pangola papae. Gupuma do raayo kale komea dapayalore gore olemole akipuma roropo mulapapae.
18Dore gurupa dia. Godeme ande dona kimbu ma-aoma rando rando alenu dona nipuna rana pea rupa ainya lea. 19Dore ale menda na-aya ale pakama do komeyalore gore ana na-pula pa. 20Gurupa dia. Ande dona kimbu kimbu ma-aya alenu raayore mendaa para kimbu ma-aomare ora do komea aya.
21Go einare leeme ki para gurupa deandare niri nee lapo aluame kone na-wi dea. Nina komea ayo loma deandare go eiri ana na-pilia. Gupuma kalumi pange ange para lalore ni nee rapu aluame kone na-wi dea. Nina komea ayo eiri epelea loma deandare ana na-pea. 22Go da eiri ora ei dia. Naana dona kimbuma aya olemole menda para alenuri puri na-palea kone sialemapare go alenu dia da payalore gore naana do puri na-padapa. 23Gupuma pange dona kimbumae alenu pa alenu kone widamapare epe rupa andere-aema. Gupuma dona kimbu ma-aya alenu mendaparenuri epe ei dia lomayapare epepe rupa andere-aema. Gurupa alenuri ande ali kapeada alenu para lalo. 24Ande ora epe alenuri mo mendane alenu pima rupa epe rupa na-andere-ainya. Gode nipuna gole nipuna rana pea rupa mo naame rambua rambua puaema do mendaparere mendaa para ma-aya. 25Go peandare monde dona aya alenu nimuna rekele rekele puma na-aeme. Menda mendame nimuna nimu rambamulolo peme. 26Go einare dona aya ale mendame rendaa miliandare gore ande dona aya alenu raayome rendaa milimi. Gupuma pange dona aya ale mendanda epe rupa aliandare mo alenu raayome raname komeleme.
27Go einare nimi raayo Kerisona do komea arare ande dona kimbu ma-aya alenu komea komea lo aeme.
28Gupuma mo Keriso wenaali Godeme ma-ririyaya ruparare gurupa. Ririna ambala aposolo alinu. Go kou nanere Godena angele loaeme alinu. Go kou nanere olemole waloaeme alinu aeme. Go kou nanere na-andoaeme ei walalo ara puri pale rupa wademe wenaali aeme. Go kou nanere yainya komeme wenaali yainya ma-epeadema wenaali. Go eina kou nanere Keriso wenaali rambamuaeme wenaali aeme. Go eina kou parare pupudengi nenayanda andere-aeme wenaali aeme. Gupumare ande Epe Yaakopi Sipiridimi wada angele menda da repaa aeme. Go wenaali raayo Godeme ma-ainya lea. 29-30Go einare naa raayore aposolo alinu dia. Gupuma naa raayo Godena angele la aloaema alinu dia. Naa raayo na-andea einu menda puri paloma wadama alinu dia. Gupuma naa raayo wadama alinu dia pange yainya komaleme repaa epeada repaa dia. Gupuma naa raayo ande Epe Yaakopi Sipiridimi gea one mone angelenu dama repaa dia. Gupuma naa raayo Epe Yaakopi Sipiridimi gea one mone angelenu lekedama alinu dia. 31Go eina ora monde ririna alenu meape ei na kone konenu sualepape. Ora ririna aunu mo einu raayo lu angulaya eiri gonda.
လက္ရွိေရြးခ်ယ္ထားမွု
1 Korindi 12: POLENT23
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
1 Korindi 12
12
Epe Yaakopi Sipiridimi gea alenu
1Nina wenaalio, ande Epe Yaakopi Sipiridimi giala alenuna angele lora pame einuna angele go lalonda. Nimimi go alenuna reenu kone sialiminyaya go lalonda. 2Nimiri angele na-pange arimi dinare ande angele endoaya ei na-piri pereke pereke remonumi nimi andere-ara nimi karupu koyaripa eiri nimi kone sialeme. 3Go eina nimi kone sialiminyayanda go lalonda. Ali mendame Godena Yaakopi Sipiridimi nipu andere-ainya lomare nipumi lalore Yesu nee koyape loma angele lape-na-ya. Gupuma ali mendame ande Yaakopi Sipiridi na-pirinare Yesuri ande Reali pi na-dea.
4Ande gea alenuri rando randoyapare raayo ande Yaakopi Sipiridimi gole pada. 5Gupuma ande pupudengi nademe einu pange rando randoyapare ande Reali komeana ei nadema. 6Gupuma ande wenaalinuna andaleme eiri rando randoloyapare go rando rando pupudengi nenayandare komea Godeme gole go rando randolo alea. 7Wenaali raayo epeape einare ande Epe Yaakopi Sipidimiri nipu pi ae loma wenaali rando randona rupara piri waloaya. 8Ande Epe Yaakopi Sipiridimi wenaali komea para epe kone ma-siaya ei Keriso repaa repara alenaya alomare wenaali menda parare Godena aunu waru ande ei Keriso repaa repara alenaya alea. 9Go mendaa Epe Yaakopi Sipiridimiri wenaali mendapare reparare Gode repara kone rulada ei ora andapupe alea. Wenaali mendaparere wenaali yainya komalemenda go repaa nimuna yainya pereyada ei alea. 10Gupuma go Sipiridimiri wenaali komea parare wenaalinu mendame papenaya aunu pinyayanda puri ada. Gupuma wenaali menda para pange Godena angele walada ei ada. Mendapare repaa reparare Epe Yaakopi Sipiridi repara ipula alenu lo pange koae remo repara ipula alenu lo andenayanda puri aloaya. Gupuma mendapare repaa reparare pa kone na-wi angelenu rando rando angele da ei ada. Gupuma mendapare repaare go kone na-wi rando rando angele da ei lekeda ei ada. 11Go einu raayore ande Yaakopi Sipiridi komeamele Keriso wenaali para nipuna rana pea rupa ada.
Naa Keriso wenaalinu naare do komea aema lea ei
12Alina do komeana gole ki ange kimbu ma-aoma do kome aya rupa Keriso pange gurupa. Ande ki ange dona kimbu ma-aya alenu rando randoyapare dore komea kama aya. 13Gurupa naa raayo Isaraelimi mandu rangala pae wenaalinu pange Isaraelimi na-mandu rangala pae wenaalinu pange ali mendana pupudenginu pakama nadema wenaalinu pange ali mendame na-ma-korae wenaalinu naa raayo mo Sipiridi komeame baparaisi au puma do komeana kimbu ma-aoma aema. Naa raayome naana rupara ande komea kama Remo komea pia.
14Dore komea ale na-aya. Alenda alenda raayo kimbu ma-aoma aya. 15Angeme lalo ara ni ki diayandare ni dona na-ayo dea eimi nipu rando menda na-ma-aulalia. Gupi dea eimi do minyapalaoma ange yokoma pope-na-ya. Nipuri dona kimbu ma-aoma ara gole da. 16Gupuma kaleme pange gurupa deandare Niri lee na-ayo rupa dona aya alenu dia dea. Go dea eimi do minyapalala pope-na-ya. Nipuri dona kimbu ma-aoma arale da. 17Do raayo lee komea dapayalore angele akipuma pangola papae. Gupuma do raayo kale komea dapayalore gore olemole akipuma roropo mulapapae.
18Dore gurupa dia. Godeme ande dona kimbu ma-aoma rando rando alenu dona nipuna rana pea rupa ainya lea. 19Dore ale menda na-aya ale pakama do komeyalore gore ana na-pula pa. 20Gurupa dia. Ande dona kimbu kimbu ma-aya alenu raayore mendaa para kimbu ma-aomare ora do komea aya.
21Go einare leeme ki para gurupa deandare niri nee lapo aluame kone na-wi dea. Nina komea ayo loma deandare go eiri ana na-pilia. Gupuma kalumi pange ange para lalore ni nee rapu aluame kone na-wi dea. Nina komea ayo eiri epelea loma deandare ana na-pea. 22Go da eiri ora ei dia. Naana dona kimbuma aya olemole menda para alenuri puri na-palea kone sialemapare go alenu dia da payalore gore naana do puri na-padapa. 23Gupuma pange dona kimbumae alenu pa alenu kone widamapare epe rupa andere-aema. Gupuma dona kimbu ma-aya alenu mendaparenuri epe ei dia lomayapare epepe rupa andere-aema. Gurupa alenuri ande ali kapeada alenu para lalo. 24Ande ora epe alenuri mo mendane alenu pima rupa epe rupa na-andere-ainya. Gode nipuna gole nipuna rana pea rupa mo naame rambua rambua puaema do mendaparere mendaa para ma-aya. 25Go peandare monde dona aya alenu nimuna rekele rekele puma na-aeme. Menda mendame nimuna nimu rambamulolo peme. 26Go einare dona aya ale mendame rendaa miliandare gore ande dona aya alenu raayome rendaa milimi. Gupuma pange dona aya ale mendanda epe rupa aliandare mo alenu raayome raname komeleme.
27Go einare nimi raayo Kerisona do komea arare ande dona kimbu ma-aya alenu komea komea lo aeme.
28Gupuma mo Keriso wenaali Godeme ma-ririyaya ruparare gurupa. Ririna ambala aposolo alinu. Go kou nanere Godena angele loaeme alinu. Go kou nanere olemole waloaeme alinu aeme. Go kou nanere na-andoaeme ei walalo ara puri pale rupa wademe wenaali aeme. Go kou nanere yainya komeme wenaali yainya ma-epeadema wenaali. Go eina kou nanere Keriso wenaali rambamuaeme wenaali aeme. Go eina kou parare pupudengi nenayanda andere-aeme wenaali aeme. Gupumare ande Epe Yaakopi Sipiridimi wada angele menda da repaa aeme. Go wenaali raayo Godeme ma-ainya lea. 29-30Go einare naa raayore aposolo alinu dia. Gupuma naa raayo Godena angele la aloaema alinu dia. Naa raayo na-andea einu menda puri paloma wadama alinu dia. Gupuma naa raayo wadama alinu dia pange yainya komaleme repaa epeada repaa dia. Gupuma naa raayo ande Epe Yaakopi Sipiridimi gea one mone angelenu dama repaa dia. Gupuma naa raayo Epe Yaakopi Sipiridimi gea one mone angelenu lekedama alinu dia. 31Go eina ora monde ririna alenu meape ei na kone konenu sualepape. Ora ririna aunu mo einu raayo lu angulaya eiri gonda.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.