Эклезіясціка (Мудрасць Ісуса, сына Сіраха) 44
44
1Хвала бацькоў. Выхваляйма мужоў слаўных ды бацькоў нашых па іх паходжанні.
2Вялікую славу выявіў Госпад, веліч Сваю спрадвечную.
3Гэта пануючыя па валадарствах сваіх, людзі вялікай улады і выдатныя сваёю разважнасцю, вешчуны прароцтваў,
4якія кіруюць народам праз парады і вопыт запісу народаў; словы мудрасці ў іх навучэнні,
5вынаходцы музычных мелодый і расказчыкі напісаных вершаў;
6людзі багатыя і надзеленыя ўладаю, маючыя імкненне да мастацтваў, спакойна пражываючыя ў сваіх дамах.
7Яны ўсе набылі славу ў родах народа свайго і ў днях сваіх цешацца пахваламі.
8Некаторыя з іх, народжаныя, пакінулі імя для апавядання іх хвалы.
9Ёсць і такія, што засталіся без памяці, загінулі, як быццам не жылі, і нарадзіліся, быццам не былі народжаны, так і сыны іх па іх.
10Але ёсць і людзі міласэрныя, пабожнасць якіх не забыта.
11Трывае яна ў нашчадках іх, добрая спадчына – іх патомкі,
12і ў завяшчаннях засталося іх патомства;
13і дзеці іх праз іх. Павек трывае патомства іх, і слава іх не спыніцца.
14 #
Сірах. 39:13
Целы іх у супакоі пахаваны, ды імя іх жыве з пакалення ў пакаленне;
15 #
Род. 5:24; Геб. 11:5 пра мудрасць іх будуць апавядаць народы, і пра славу іх будзе гаварыць сход.
16 #
Род. 6:9
Гэнох быў мілы Богу і быў забраны ў рай, каб даць узор навяртання для народаў.
17Ной аказаўся дасканалым і справядлівым, і ў час гневу стаў ён пагадненнем;
18 #
Род. 9:8-17
дзеля яго засталася рэшта на зямлі, калі наступіў патоп:
19 #
Род. 12:2; 17:5 з ім заключаны былі вечныя прымірэнні, каб не магло быць знішчана патопам аніводнае цела.
20Абрагам – вялікі бацька многіх народаў, і ў яго славе не была знойдзена ніводная загана; ён захаваў закон Узвышняга, ды з ім заключыў Ён прымірэнне.
21 #
Род. 22:1-19
На целе яго заключыў прымірэнне, і ў выпрабаванні аказаўся ён верны.
22Таму прысягай заручыўся яму, што ў яго патомстве будуць дабраславёныя народы, што размножаць яго, як пясок зямлі,
23 #
Род. 15:5
і, як зоркі, узвысіць патомства яго, ды дасць ім спадчыну ад мора аж да мора і ад ракі аж да межаў зямлі.
24 #
Род. 26:3-5
І дзеля бацькі яго Абрагама з Ізаакам учыніў тое ж самае.
25Дабраславенства ўсіх народаў даў яму Госпад і зацвердзіў прымірэнне з галавою Якубам.
26Прызнаў яго ў сваіх дабраславенствах, ды даў яму спадчыну і выдзеліў яму ўдзел у дванаццаці пакаленнях.
27І вывеў з яго чалавека міласэрнага, які знайшоў ласку на вачах усякага цела, –
လက္ရွိေရြးခ်ယ္ထားမွု
Эклезіясціка (Мудрасць Ісуса, сына Сіраха) 44: ББЧ
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© МХРБ «Біблейскае таварыства ў Рэспубліцы Беларусь», 2017