Евангелле паводле Мацвея Раздзел 3
Раздзел 3
1 #
Мк. 1:3, 4; Лк. 3:2; Ян. 1:6 У тыя дні прыйшоў Ян Хрысціцель, прапаведуючы ў пустыні Юдэйскай
2 #
Мц. 4:17; Мк. 1:15; Лк. 10:9; 21:31; Дзеі 13:24 і кажучы: «Навяртайцеся, бо наблізілася Валадарства Нябеснае».
3 #
Іс. 40:3; Мк. 1:3; Лк. 3:4; Ян. 1:23 А ён быў той, што быў названы Ісаем прарокам, які казаў: «Голас лямантуючага ў пустыні: “Рыхтуйце дарогу Госпаду, прастуйце сцежкі Яму!”»
4 #
2Цар. 1:8; Мк. 1:6 Сам жа Ян насіў адзенне сваё з вярблюджага воласу і дзяжку скураную на паясніцы сваёй, а ежай яму была саранча і дзікі мёд.
5 #
Мк. 1:5
Тады да яго выходзілі Ерузалім і ўся Юдэя, ды ўсе ваколіцы каля Ярдана,
6 #
Дзеі 19:4
і яны былі ім хрышчаны ў Ярдане, вызнаючы свае грахі.
7 #
Мц. 12:34; Лк. 3:7 А калі ўгледзеў многіх фарысеяў і садукеяў, што прыходзілі да хросту яго, сказаў ім: «Род змяіны, хто паказаў вам, што пазбегнеце будучага гневу?
8Стварыце належны плод навяртання
9 #
Ян. 8:39
і не жадайце сказаць у сабе: “Маем айца Абрагама”. Бо кажу вам, што Бог можа з гэтых камянёў падняць сыноў Абрагаму.
10 #
Лк. 13:7; Ян. 15:3, 6 Бо ўжо сякера прыстаўлена да кораня дрэў; а кожнае дрэва, якое не дае добрага плода, высякаецца і кідаецца ў агонь.
11 #
Мк. 1:8; Лк. 3:16; Ян. 1:26; Дзеі 1:5 Я вас хрышчу вадою дзеля навяртання, але Той, Хто ідзе за мною, дужэйшы за мяне. Яму я не варты насіць пасталоў. Ён будзе хрысціць вас Духам Святым і агнём.
12Веялка Яго ў руцэ Яго, і Ён ачысціць ток Свой і збярэ пшаніцу Сваю ў свіран, а салому спаліць агнём незгасальным».
13 #
Мк. 1:9; Лк. 3:21; Ян. 1:29, 31 Тады прыйшоў Ісус з Галілеі на Ярдан да Яна, каб прыняць хрост ад яго.
14Але Ян утрымліваў Яго, кажучы: «Я з Твайго дазволу павінен быць ахрышчаны, а Ты ідзеш да мяне?»
15 #
Мц. 5:17
Адказваючы ж, Ісус сказаў яму: «Дазволь цяпер, бо гэтак нам належыць выканаць усякую справядлівасць». Тады Ян дапусціў Яго.
16 #
Мк. 1:10; Лк. 3:20, 21; Ян. 1:32 А калі Ісус быў ахрышчаны, зараз выйшаў з вады; і вось, адкрыліся нябёсы, і ўбачыў, што Дух Божы сыходзіць, як голуб, і ідзе да Яго.
17 #
Род. 22:2; Пс. 2:7; Іс. 42:1; Мц. 12:18; 17:5; Мк. 9:7; Лк. 9:35; 2Пёт. 1:17 І вось, голас з неба, які кажа: «Гэта Сын Мой улюбёны, Якога Я ўпадабаў Сабе».
လက္ရွိေရြးခ်ယ္ထားမွု
Евангелле паводле Мацвея Раздзел 3: ББЧ
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© МХРБ «Біблейскае таварыства ў Рэспубліцы Беларусь», 2017