Yezsuzyaq 8
8
Yezsuzyaq Daeuq Mwz Saeuh Aiq Chaenh
1 Yez'hoahhuah daj Yezsuzyaq hax: "Laek mbu, goj laek huangz, mawz yumq zowz daengzle sowh puj dungzsaeuh baenz naeh, dwnq maz, mwz Aiq chaenh. Mawz lez, gux haeuz aeu laux hongz Aiq chaenh, dij goanz dix, aen chaenh dix, dih namh dix, gaeng goj aeu nyaengx mwz ndaw mungz mawz. 2Mawz hoakrawz doiq Yezliqgoz chaenh daj laux hongz Yezliqgoz chaenh, mawz goj zaemh hoakzaqrawz doiq Aiq chaenh daj laux hongz Aiq chaenh. Gaj za'hoq daj doihdo ndaw chaenh hawj gaenqsu aeu hoak gaenq hoakri. Mawz nemz bin bae baihlaeng Aiq chaenh biab mbangj." 3Yaq, Yezsuzyaq daj daengzle sowh puj dungzsaeuh baenz naeh zoq dox taj mwz Aiq chaenh. Yezsuzyaq lowg sam fanh goanz sowh puj dungzgaenx zaengx, dungzgaenx no naeh, qeu'hwnz nemz paenqdix mwz. 4Sowh gau naengzbaeq mwz naeh, dix hoakzaqnaeh saengq paenqdix: "Gaenqsu yuq baihlaeng Aiq chaenh biab taj, mboq jinx liq ndaw chaenh gvae lai, gaj goanz gaj dox ndae'ndowq. 5Gux daj daengzle sowh dij goanz daj gux zaemh yuq naeh daeq mwz doq Aiq chaenh. Sowh gau dij goanz ndaw chaenh daj mbaednduq dungzlumj og daeuj saeuh piu naeh, gaenqpiu zoq lenh ni paenqdix. 6Paenqdix toj hax: ‘Paenq naeh toj daj mbaednduq dungzlumj lenh ni gaenqraeuz yah.’ Yaq, paenqdix zoq og daeuj daem gaenqpiu, gaenqpiu zoq yai paenqdix ni ndaw chaenh. 7Sowh gaunaeh gaenqsu zoq daeq dih su biab naeh dwnq maz, mwz longx Aiq chaenh, Yez'hoahhuah dij Sen su toj aeu aen chaenh naeh nyaengx mwz ndaw mungz su mboqyaq. 8Gaenqsu longx ndaej ndaw chaenh yaq, hoakzaq Yez'hoahhuah yaix naeh aeu faez pyaeu ndaw chaenh. Gaenqsu hoakzaqrawz goj hoakzaqnaeh hoak oj, gux haeuz saengq su yaq ejmbowh." 9Yezsuzyaq hoakzaqnaeh saengq yaq, paenqdix zoq mwz, paenqdix mwz dih Yezsuzyaq yaix mwz naeh biab, dih naeh yuq jinghzang Boztowhliq daj Aiq chaenh, yuq Aiq chaenh baih tang'vaenz doak naeh. Hwnz gaengnaeh, Yezsuzyaq daj paenq daz mwz baihnaj Aiq chaenh naeh zaemh ndowj.
10Nawlaeng zaeux, Yezsuzyaq rongx paenq dungzsaeuh baenz naeh maz, dix daj puj jeq Yixsowhleh sowh puj miz aen gvai naeh daeq daekgoanq daengzle, zowz paenqnaeh mwz Aiq chaenh. 11Sowh bin Yezsuzyaq lingz naeh, daengzle mwz, zaekgaj daeux Aiq chaenh, paenqdix yuq baih bowhfangz Aiqchaenh naeh daengj zangjpungh. Dih paenqdix daj Aiq chaenh miz oa ux dungzjeg. 12Yezsuzyaq lowg teq haj tiang goanz ux naeh, mwz Aiq chaenh baih tang'vaenz doak naeh biab, zoq zawh dih yuq jinghzang Boztowhliq daj Aiq chaenh naeh. 13Hoakzaqnaeh, dix hawj sowh bin dix lowg naeh yuq Aiq chaenh baih tang'vaenz doak naeh biab, hawj boangx dwx naeh yuq Aiq chaenh baih bowhfangz naeh ndowj. Hwnz gaengnaeh Yezsuzyaq bae oa gaengnaeh ndowj. 14Laux hongz Aiq chaenh leztaen boangx bin Yixsowhleh yuq bowhfangz naeh, zoq daj daengz chaenh dij goanz cenq dwnq maz, hoakzaq gau paenqdix hax naeh, daengzle og daeuj taeng Yaqlazbaz, soanx daj dij goanz Yixsowhleh dungzsaeuh. Gaj laux hongz Aiq chaenh mboq ruxndeq baihlaeng chaenh naengz miz bin Yixsowhleh biab. 15Yezsuzyaq daj dij goanz Yixsowhleh hoakdoi saeuh mboq bex, lenh bae baih ndaw doanghmowz naeh. 16Dij goanz ndaw Aiq chaenh, daengzle zoah rongx maz nauq, og daeuj daem dij goanz Yixsowhleh, gau dij goanz Aiq chaenh daem Yezsuzyaq naeh, paenqdix zoq zoah dij goanz Yixsowhleh yai ni ndaw chaenh. 17Puj zaiz ndaw Aiq chaenh daj puj zaiz ndaw Boztowhliq chaenh sowh puj dungzsaeuh baenz naeh mboq miz saek goanz mboq og daeuj daem dij goanz Yixsowhleh, baegdu long ndaw chaenh paenqdix naeh aj vaedvaed, paenqdix yumq jizzaz, bae daem dij goanz Yixsowhleh.
Homx Dij Goanz Aiq Chaenh Saeuh
18 Yez'hoahhuah daj Yezsuzyaq hax: "Gux haeuz aeu Aiq chaenh nyaengx mwz ndaw mungz mawz yaj, baenzzaqnaeh jix maeg chob ndaw mungz mawz mwz doq Aiq chaenh." Yezsuzyaq zoq jix maeg chob ndaw mungz dix mwz doq Aiq chaenh. 19Dix daeh ed mungz, sowh bin yuq baihlaeng Aiq chaenh biab naeh zoq cenq daeq dih paenqdix biab naeh dwnq maz, lenh mwz longx ndaw chaenh, cenq aeu faez pyaeu ndaw chaenh. 20Dij goanz Aiq chaenh ueqlaeng lez, leztaen ndaw chaenh miz yailaeuh laeuh mbukmbuk, paenqdix zoq daengz ndang oanq nauq, lenh ni mboq baenz. Dij goanz Yixsowhleh sowh puj lenh bae baih ndaw doanghmowz naeh zoq bej dauh maz doq dij goanz Aiq chaenh. 21Yezsuzyaq daj dij goanz Yixsowhleh leztaen dij goanz paenqdix sowh puj yuq baihlaeng Aiq chaenh biab naeh haeuz longx ndaej ndaw chaenh, leztaen ndaw chaenh miz yailaeuh laeuh mbukmbuk, paenqdix zoq bej dauh maz, kaj dij goanz Aiq chaenh. 22Sowh bin yuq baihlaeng Aiq chaenh biab naeh goj og ndaw chaenh daeuj kaj dij goanz Aiq chaenh, dij goanz Aiq chaenh zoah dij goanz Yixsowhleh homx nauq, baihnaj, baihlaeng goj miz dij goanz Yixsowhleh. Yaq dij goanz Yixsowhleh zoq kaj paenqdix, mboq hawj paenqdix low saek goanz, goj mboq hawj paenqdix lenh ni saek goanz. 23Dij goanz Yixsowhleh goangz laux hongz Aiq chaenh daengzjinh, puk dix mwz dih Yezsuzyaq naeh. 24Paenqdix yuq ndaw raeh ndaw naz daj ndaw doanghmowz, kaj daengzle sowh dij goanz Aiq chaenh bae daem paenqdix naeh. Dij goanz Aiq chaenh sowh puj bae daem paenqdix naeh, tai dawj remz paenqdix, taengdeg lown nauq. Yaq dij goanz Yixsowhleh zoq dauh mwz ndaw chaenh, aeu remz kaj sowh dij goanz yuq ndaw chaenh naeh nauq. 25Vaenz gaengnaeh, sowh dij goanz zoah kaj naeh, daengz nyingz daengz zaiz, daengzle miz fanh ux laeng song tiang goanz, dij goanz Aiq chaenh daengzle zoah kaj nauq. 26Yezsuzyaq mboq hoat maeg chog ndaw mungz dix naeh, taengdeg ndaep daengzle dij goanz ndaw Aiq chaenh nauq zux gah. 27Gaj dij goanz Yixsowhleh hoakzaq Yez'hoahhuah saengq Yezsuzyaq naeh, aeu gaj doihdo ndaw chaenh daj za'hoq ndaw chaenh hoak gaenq hoakri. 28Yezsuzyaq pyaeu Aiq chaenh mwnz nauq, hawj Aiq chaenh baenz dih mowz, taengdeg gannaeh. 29Yezsuzyaq kaj laux hongz Aiq chaenh yaq, aeu dix zoak niangz saeu maex taengdeg sowh gau tang'vaenz zaekgaj doak naeh, tang'vaenz doak maz, Yezsuzyaq nemz dij goanz aeu ndang laux hongz Aiq chaenh daeuj, aeu viangh bae dih baegdu long ndaw chaenh naeh, daeuq aeu tin daep now dix yaengh moangj, moangj tin naeh taengdeg vaenzzawjraeuz naengzgaj yuq.
Yezsuzyaq Yuq Ndaw Yixbazluq Doag Fahlih Hawj Daengzle Biak
30Zwz gaengnaeh, Yezsuzyaq yuq ndaw bo Yixbazluq saeh Yez'hoahhuah dij Sen Yixsowhleh daengj aen kuq tin mbud dij Sen ux. 31Aen kuq tin naeh zawh aeu sowh tin naengz mboq sanz aeu za'hoq liak hoj zoah naeh hoak, zawh hoakzaq puj koij Yez'hoahhuah Moahciz saengq dij goanz Yixsowhleh naeh, zawh hoakzaq ndaw sw Fahlih Moahciz laiz naeh. Dij goanz Yixsowhleh zoq aeu sowh gaenq aeu pyaeu mbud naeh yuq now aen zongz naeh mbud Yez'hoahhuah, goj yuq now aen zongz naeh mbud sowh gaenq hawj dij Sen daj dij goanz dungzndae naeh. 32Yezsuzyaq yuq dih gaengnaeh, yuq doqnaj daengzle dij goanz Yixsowhleh, aeu sowh fahlih Moahciz laiz naeh laiz nyaengx now tin. 33Daengzle dij goanz Yixsowhleh daj puj jeq sowh puj miz aen gvai naeh, puj saeq paenqdix, sowh puj saeq saeh paenqdix paegsaeh naeh, daengzle in song haenz aen gvih dij Sen, yuq doqnaj dij goanz Liqvaeq sowh puj mbud dij Sen tam aen gvih Yez'hoahhuah naeh. Sowh puj mboq zawh puj Yixsowhleh gaj daj puj Yixsowhleh zaemh ndowj, rux sowh puj bwnz zawh dij goanz Yixsowhleh naeh gojndae, paenqdix hoak song boangx dungzlumj-dungzlamj in, song boangx naeh uej naz dungzdoq, boangx ux ueq mwz doq bo Jizliqcinz, boangx ux ueq mwz doq bo Bazluq. Le gaenqnaeh daj puj koij Yez'hoahhuah Moahciz koax daekgoanq saengq naeh dungzlumj, vanz dij Sen gumx dij goanz Yixsowhleh. 34Yaq, Yezsuzyaq doag Sw Fahlih hawj daengzle biak, hawj paenqdix ruxndeqjixzawh paenqdix biak kauq dij Sen, dij Sen hoakzaqrawz gumx paenqdix, jixzawh paenqdix mboq biak kauq dij Sen, dij Sen hawj paenqdix miz sowh aen nanq rawz raeuh, gaj yowngh gaj hoakzaq ndaw Sw Fahlih laiz naeh doag mbaed ux hawj daengzle biak. 35Sowh kauq Moahciz saengq naeh, Yezsuzyaq yuq doqnaj daengzle dij goanz Yixsowhleh, puj nyingz, lug eng, sowh puj yowngh ndai daj paenqdix zaemh ndowj naeh, yuq doqnaj paenqdix doag nauq, mboq miz saek gaemz mboq doag.
လက္ရွိေရြးခ်ယ္ထားမွု
Yezsuzyaq 8: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.
Yezsuzyaq 8
8
Yezsuzyaq Daeuq Mwz Saeuh Aiq Chaenh
1 Yez'hoahhuah daj Yezsuzyaq hax: "Laek mbu, goj laek huangz, mawz yumq zowz daengzle sowh puj dungzsaeuh baenz naeh, dwnq maz, mwz Aiq chaenh. Mawz lez, gux haeuz aeu laux hongz Aiq chaenh, dij goanz dix, aen chaenh dix, dih namh dix, gaeng goj aeu nyaengx mwz ndaw mungz mawz. 2Mawz hoakrawz doiq Yezliqgoz chaenh daj laux hongz Yezliqgoz chaenh, mawz goj zaemh hoakzaqrawz doiq Aiq chaenh daj laux hongz Aiq chaenh. Gaj za'hoq daj doihdo ndaw chaenh hawj gaenqsu aeu hoak gaenq hoakri. Mawz nemz bin bae baihlaeng Aiq chaenh biab mbangj." 3Yaq, Yezsuzyaq daj daengzle sowh puj dungzsaeuh baenz naeh zoq dox taj mwz Aiq chaenh. Yezsuzyaq lowg sam fanh goanz sowh puj dungzgaenx zaengx, dungzgaenx no naeh, qeu'hwnz nemz paenqdix mwz. 4Sowh gau naengzbaeq mwz naeh, dix hoakzaqnaeh saengq paenqdix: "Gaenqsu yuq baihlaeng Aiq chaenh biab taj, mboq jinx liq ndaw chaenh gvae lai, gaj goanz gaj dox ndae'ndowq. 5Gux daj daengzle sowh dij goanz daj gux zaemh yuq naeh daeq mwz doq Aiq chaenh. Sowh gau dij goanz ndaw chaenh daj mbaednduq dungzlumj og daeuj saeuh piu naeh, gaenqpiu zoq lenh ni paenqdix. 6Paenqdix toj hax: ‘Paenq naeh toj daj mbaednduq dungzlumj lenh ni gaenqraeuz yah.’ Yaq, paenqdix zoq og daeuj daem gaenqpiu, gaenqpiu zoq yai paenqdix ni ndaw chaenh. 7Sowh gaunaeh gaenqsu zoq daeq dih su biab naeh dwnq maz, mwz longx Aiq chaenh, Yez'hoahhuah dij Sen su toj aeu aen chaenh naeh nyaengx mwz ndaw mungz su mboqyaq. 8Gaenqsu longx ndaej ndaw chaenh yaq, hoakzaq Yez'hoahhuah yaix naeh aeu faez pyaeu ndaw chaenh. Gaenqsu hoakzaqrawz goj hoakzaqnaeh hoak oj, gux haeuz saengq su yaq ejmbowh." 9Yezsuzyaq hoakzaqnaeh saengq yaq, paenqdix zoq mwz, paenqdix mwz dih Yezsuzyaq yaix mwz naeh biab, dih naeh yuq jinghzang Boztowhliq daj Aiq chaenh, yuq Aiq chaenh baih tang'vaenz doak naeh. Hwnz gaengnaeh, Yezsuzyaq daj paenq daz mwz baihnaj Aiq chaenh naeh zaemh ndowj.
10Nawlaeng zaeux, Yezsuzyaq rongx paenq dungzsaeuh baenz naeh maz, dix daj puj jeq Yixsowhleh sowh puj miz aen gvai naeh daeq daekgoanq daengzle, zowz paenqnaeh mwz Aiq chaenh. 11Sowh bin Yezsuzyaq lingz naeh, daengzle mwz, zaekgaj daeux Aiq chaenh, paenqdix yuq baih bowhfangz Aiqchaenh naeh daengj zangjpungh. Dih paenqdix daj Aiq chaenh miz oa ux dungzjeg. 12Yezsuzyaq lowg teq haj tiang goanz ux naeh, mwz Aiq chaenh baih tang'vaenz doak naeh biab, zoq zawh dih yuq jinghzang Boztowhliq daj Aiq chaenh naeh. 13Hoakzaqnaeh, dix hawj sowh bin dix lowg naeh yuq Aiq chaenh baih tang'vaenz doak naeh biab, hawj boangx dwx naeh yuq Aiq chaenh baih bowhfangz naeh ndowj. Hwnz gaengnaeh Yezsuzyaq bae oa gaengnaeh ndowj. 14Laux hongz Aiq chaenh leztaen boangx bin Yixsowhleh yuq bowhfangz naeh, zoq daj daengz chaenh dij goanz cenq dwnq maz, hoakzaq gau paenqdix hax naeh, daengzle og daeuj taeng Yaqlazbaz, soanx daj dij goanz Yixsowhleh dungzsaeuh. Gaj laux hongz Aiq chaenh mboq ruxndeq baihlaeng chaenh naengz miz bin Yixsowhleh biab. 15Yezsuzyaq daj dij goanz Yixsowhleh hoakdoi saeuh mboq bex, lenh bae baih ndaw doanghmowz naeh. 16Dij goanz ndaw Aiq chaenh, daengzle zoah rongx maz nauq, og daeuj daem dij goanz Yixsowhleh, gau dij goanz Aiq chaenh daem Yezsuzyaq naeh, paenqdix zoq zoah dij goanz Yixsowhleh yai ni ndaw chaenh. 17Puj zaiz ndaw Aiq chaenh daj puj zaiz ndaw Boztowhliq chaenh sowh puj dungzsaeuh baenz naeh mboq miz saek goanz mboq og daeuj daem dij goanz Yixsowhleh, baegdu long ndaw chaenh paenqdix naeh aj vaedvaed, paenqdix yumq jizzaz, bae daem dij goanz Yixsowhleh.
Homx Dij Goanz Aiq Chaenh Saeuh
18 Yez'hoahhuah daj Yezsuzyaq hax: "Gux haeuz aeu Aiq chaenh nyaengx mwz ndaw mungz mawz yaj, baenzzaqnaeh jix maeg chob ndaw mungz mawz mwz doq Aiq chaenh." Yezsuzyaq zoq jix maeg chob ndaw mungz dix mwz doq Aiq chaenh. 19Dix daeh ed mungz, sowh bin yuq baihlaeng Aiq chaenh biab naeh zoq cenq daeq dih paenqdix biab naeh dwnq maz, lenh mwz longx ndaw chaenh, cenq aeu faez pyaeu ndaw chaenh. 20Dij goanz Aiq chaenh ueqlaeng lez, leztaen ndaw chaenh miz yailaeuh laeuh mbukmbuk, paenqdix zoq daengz ndang oanq nauq, lenh ni mboq baenz. Dij goanz Yixsowhleh sowh puj lenh bae baih ndaw doanghmowz naeh zoq bej dauh maz doq dij goanz Aiq chaenh. 21Yezsuzyaq daj dij goanz Yixsowhleh leztaen dij goanz paenqdix sowh puj yuq baihlaeng Aiq chaenh biab naeh haeuz longx ndaej ndaw chaenh, leztaen ndaw chaenh miz yailaeuh laeuh mbukmbuk, paenqdix zoq bej dauh maz, kaj dij goanz Aiq chaenh. 22Sowh bin yuq baihlaeng Aiq chaenh biab naeh goj og ndaw chaenh daeuj kaj dij goanz Aiq chaenh, dij goanz Aiq chaenh zoah dij goanz Yixsowhleh homx nauq, baihnaj, baihlaeng goj miz dij goanz Yixsowhleh. Yaq dij goanz Yixsowhleh zoq kaj paenqdix, mboq hawj paenqdix low saek goanz, goj mboq hawj paenqdix lenh ni saek goanz. 23Dij goanz Yixsowhleh goangz laux hongz Aiq chaenh daengzjinh, puk dix mwz dih Yezsuzyaq naeh. 24Paenqdix yuq ndaw raeh ndaw naz daj ndaw doanghmowz, kaj daengzle sowh dij goanz Aiq chaenh bae daem paenqdix naeh. Dij goanz Aiq chaenh sowh puj bae daem paenqdix naeh, tai dawj remz paenqdix, taengdeg lown nauq. Yaq dij goanz Yixsowhleh zoq dauh mwz ndaw chaenh, aeu remz kaj sowh dij goanz yuq ndaw chaenh naeh nauq. 25Vaenz gaengnaeh, sowh dij goanz zoah kaj naeh, daengz nyingz daengz zaiz, daengzle miz fanh ux laeng song tiang goanz, dij goanz Aiq chaenh daengzle zoah kaj nauq. 26Yezsuzyaq mboq hoat maeg chog ndaw mungz dix naeh, taengdeg ndaep daengzle dij goanz ndaw Aiq chaenh nauq zux gah. 27Gaj dij goanz Yixsowhleh hoakzaq Yez'hoahhuah saengq Yezsuzyaq naeh, aeu gaj doihdo ndaw chaenh daj za'hoq ndaw chaenh hoak gaenq hoakri. 28Yezsuzyaq pyaeu Aiq chaenh mwnz nauq, hawj Aiq chaenh baenz dih mowz, taengdeg gannaeh. 29Yezsuzyaq kaj laux hongz Aiq chaenh yaq, aeu dix zoak niangz saeu maex taengdeg sowh gau tang'vaenz zaekgaj doak naeh, tang'vaenz doak maz, Yezsuzyaq nemz dij goanz aeu ndang laux hongz Aiq chaenh daeuj, aeu viangh bae dih baegdu long ndaw chaenh naeh, daeuq aeu tin daep now dix yaengh moangj, moangj tin naeh taengdeg vaenzzawjraeuz naengzgaj yuq.
Yezsuzyaq Yuq Ndaw Yixbazluq Doag Fahlih Hawj Daengzle Biak
30Zwz gaengnaeh, Yezsuzyaq yuq ndaw bo Yixbazluq saeh Yez'hoahhuah dij Sen Yixsowhleh daengj aen kuq tin mbud dij Sen ux. 31Aen kuq tin naeh zawh aeu sowh tin naengz mboq sanz aeu za'hoq liak hoj zoah naeh hoak, zawh hoakzaq puj koij Yez'hoahhuah Moahciz saengq dij goanz Yixsowhleh naeh, zawh hoakzaq ndaw sw Fahlih Moahciz laiz naeh. Dij goanz Yixsowhleh zoq aeu sowh gaenq aeu pyaeu mbud naeh yuq now aen zongz naeh mbud Yez'hoahhuah, goj yuq now aen zongz naeh mbud sowh gaenq hawj dij Sen daj dij goanz dungzndae naeh. 32Yezsuzyaq yuq dih gaengnaeh, yuq doqnaj daengzle dij goanz Yixsowhleh, aeu sowh fahlih Moahciz laiz naeh laiz nyaengx now tin. 33Daengzle dij goanz Yixsowhleh daj puj jeq sowh puj miz aen gvai naeh, puj saeq paenqdix, sowh puj saeq saeh paenqdix paegsaeh naeh, daengzle in song haenz aen gvih dij Sen, yuq doqnaj dij goanz Liqvaeq sowh puj mbud dij Sen tam aen gvih Yez'hoahhuah naeh. Sowh puj mboq zawh puj Yixsowhleh gaj daj puj Yixsowhleh zaemh ndowj, rux sowh puj bwnz zawh dij goanz Yixsowhleh naeh gojndae, paenqdix hoak song boangx dungzlumj-dungzlamj in, song boangx naeh uej naz dungzdoq, boangx ux ueq mwz doq bo Jizliqcinz, boangx ux ueq mwz doq bo Bazluq. Le gaenqnaeh daj puj koij Yez'hoahhuah Moahciz koax daekgoanq saengq naeh dungzlumj, vanz dij Sen gumx dij goanz Yixsowhleh. 34Yaq, Yezsuzyaq doag Sw Fahlih hawj daengzle biak, hawj paenqdix ruxndeqjixzawh paenqdix biak kauq dij Sen, dij Sen hoakzaqrawz gumx paenqdix, jixzawh paenqdix mboq biak kauq dij Sen, dij Sen hawj paenqdix miz sowh aen nanq rawz raeuh, gaj yowngh gaj hoakzaq ndaw Sw Fahlih laiz naeh doag mbaed ux hawj daengzle biak. 35Sowh kauq Moahciz saengq naeh, Yezsuzyaq yuq doqnaj daengzle dij goanz Yixsowhleh, puj nyingz, lug eng, sowh puj yowngh ndai daj paenqdix zaemh ndowj naeh, yuq doqnaj paenqdix doag nauq, mboq miz saek gaemz mboq doag.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.