Puj Saeq 2
2
Bin Yez'hoahhuah Daj Dij Goanz Yixsowhleh Hax Kauq
1Bin Yez'hoahhuah daeq ndaw Jehzah mwz Bozjinz, daj dij goanz Yixsowhleh hax: "Gux lingz su daeq Aizjih maz, lingz su maz taeng dih gux yinq puj jeq rownz su naeh. Gux ndaej hax: ‘Gux daj su hoakzaqrawz dungzdingq gux zoq hoakzaqrawz hoak, taengdiak daengznauq. 2Mboq jinx gaenqsu daj dij goanz dih inxnaeh dungzdingq gajraeng, goj yauq lid sowh aen aeu mbud dij sen paenqdix naeh.’ Gaj gaenqsu mboq biak kauq gux, gaenqsu hoak raeng saeh hoakzaqnaeh mux? 3Baenzzaqnaeh gux daeuq hax: ‘Gux toj mboq daem paenqdix ni doqnaj su, paenqdix toj daj sowh jenx yuq ndaw nowx su naeh dungzlumj, gaenqsu nowngz dij sen paenqdix, su zoq daj dij noag zoah kaeuvangh ndaek zoah dungzlumj.’" 4Gau bin Yez'hoahhuah hoanx naeh daj dij goanz Yixsowhleh hax kauq naeh, dij goanz Yixsowhleh zoq haej vauhvauh. 5Yaq zoq nyaek minxzwh dih naeh hoak Bozjinz. Bozjinz zoq zawh hax: "Haej vauh vauh." Paenqdix yuq dih naeh mbud Yez'hoahhuah.
Zoh Doaklaeng Yezsuzyaq Naeh Mboq Ruxnaj Yez'hoahhuah Singjringh
6 Yezsuzyaq nemz dij goanz Yixsowhleh dungzbyaeg, dij goanz Yixsowhleh zoq dangq goanz dangq dauh bae zanq dih hoakri ndaej naeh. 7-9Puj koij Yez'hoahhuah Yezsuzyaq goanz lug zaiz laux Naenq naeh, bi ndaej baeg'aet bi naeh tai. Paenqdix aeu dix haem dih hoakri dix, dih ndaw Tinhnah-cizleh naeh. Dih naeh yuq ndaw bo'mbanj Yixfahleanh naeh, yuq baih bowhfangz bo Zazswh. Zwz Yezsuzyaq naengz zaeu naeh, dij goanz Yixsowhleh kvej Yez'hoahhuah. Dix tai yaq, puj jeq Yixsowhleh sowh puj miz najta naeh sowh puj ndaej ta'taen suq saeh Yez'hoahhuah saeh dij goanz Yixsowhleh hoak naeh naengz zaeu naeh, sowh zwz naeh, dij goanz Yixsowhleh goj naengz kvej Yez'hoahhuah. 10Gaj zoh naeh tai nauq maz, zoh doaklaeng paenqdix naeh mboq ruxnaj Yez'hoahhuah singjringh, paenqdix goj mboq ndaej taen sowh saeh Yez'hoahhuah saeh dij goanz Yixsowhleh hoak naeh.
Dij Goanz Yixsowhleh Ni Yez'hoahhuah Bae Kvej Dij Sen Ndai
11Dij goanz Yixsowhleh hoak sowh saeh Yez'hoahhuah ywjhwnq naeh, bae kvej Bazlih.#2:11 Puj Zaznanh kaeuz yowngh ux hoak dij sen zaiz paenqdix, rongx yowngh naeh hoak "Bazlih." 12Paenqdix ni Yez'hoahhuah dij Sen puj jeq rownz paenqdix, dij Sen lingz puj jeq rownz paenqdix ni Aizjih naeh, paenqdix gvih dij sen ndai, zoq zawh sowh dij sen sowh puj yuq haenzhenz paenqdix nowngz naeh, paenqdix hoakzaqnaeh hawj Yez'hoahhuah rik. 13Paenqdix ni Yez'hoahhuah, bae kvej Bazlih daj Yaqswztazluh.#2:13 Puj Zaznanh kaeuz yowngh ux hoak dij sen nyingz paenqdix, rongx yowngh naeh hoak "Yaqswztazluh." 14Yez'hoahhuah rikdwk dij goanz Yixsowhleh, aeu paenqdix nyaengx mwz ndaw mungz puj laek, puj laek zoq longx za'hoq paenqdix. Yez'hoahhuah goj aeu paenqdix nyaengx mwz ndaw mungz sowh puj dangqbaih yuq haenzhenz paenqdix naeh, hawj paenqdix zoah baih daenh saeuh bex. 15Paenqdix daj ijrawz dungzsaeuh gojndae, Yez'hoahhuah goj hawj paenqdix saeuh mboq bex, daj sowh gaemz Yez'hoahhuah hax naeh dungzlumj, goj daj sowh gaenq Yez'hoahhuah daj paenqdix haxgoak daekgoanq naeh dungzlumj. Paenqdix zoq yuqraix taeuq. 16Doaklaeng Yez'hoahhuahzawchaej paenqdix, hawj paenqdix miz sowh puj saeq hoak lauxgoak naeh, sowh puj saeq hoak lauxgoak naeh zoq jeuq paenqdix ni dawj mungz sowh puj maz longx za'hoq paenqdix naeh. 17Gaj doaklaeng daengz sowh puj saeq hoak lauxgoak naeh hax raeng, paenqdix goj mboq biak, paenqdix ni Yez'hoahhuah, bae gvih dij sen ndai. Paenqdix hoakzaqnaeh hoak daj goanz nyingz ux ni po hoakri bae hoak puj kaindang dungzlumj. Paenqdix yaengxgaj cenq mboq hoakzaq puj jeq rownz paenqdix naeh biak kauq Yez'hoahhuah. 18Zwzrawz paenqdix zoah daenh vazkuz zoah daenh haiq, paenqdix zoq gongz, Yez'hoahhuah zoq zawchaej paenqdix. Yez'hoahhuah zoq hawj paenqdix miz sowh puj saeq hoak lauxgoak naeh, Yez'hoahhuah daj goanz puj saeq hoak lauxgoak naeh zaemh yuq. Zwz sowh goanz puj saeq hoak lauxgoak naengz zaeu naeh, Yez'hoahhuah jeuq paenqdix ni dawj mungz sowh puj daj paenqdix dangqbaih naeh. 19Sowh goanz puj saeq hoak lauxgoak naeh tai yaq, paenqdix zoq daeuq bae hoak gaenqndog, naengz ndog nyeuz puj jeq rownz paenqdix, paenqdix bae nowngz dij sen ndai, kvej dij sen ndai, gvih dij sen ndai, hoak gaenqndog mboq zoangq. 20Yaq Yez'hoahhuah rikdwk dij goanz Yixsowhleh. Dix hax: "Dij goanz Yixsowhleh mboq biak aen dungzdingq gux saengq puj jeq rownz paenqdix biak naeh, mboq biak kauq gux. 21Baenzzaqnaeh Yezsuzyaq tai yaq, sowh puj yowngh ndai naengzgaj low naeh, gux toj mboq rux daem ni doqnaj paenqdix. 22Gux leux sowh dij goanz naeh, zawh aeu daeg dij goanz Yixsowhleh, lez dij goanz Yixsowhleh rux mboq rux hoak zaq puj jeq rownz paenqdix naeh biak kauq gux." 23Baenznaeh, Yez'hoahhuah leux sowh dij goanz puj yowngh ndai naeh, mboq cenq daem paenqdix ni, goj mboq aeu paenqdix nyaengx mwz ndaw mungz Yezsuzyaq.
လက္ရွိေရြးခ်ယ္ထားမွု
Puj Saeq 2: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.