Puj Saeq 11
11
Yezfuhtaz
1 Yezfuhtaz goanz dij goanz ndaw Jizleh naeh zawh goanz ux dungzgaenx zaengx, dungzgaenx no, dix zawh lug zaiz Jizleh, gaj dez dix Jizleh daj meh dix mboq zawh po'mez, meh dix zawh puj kaindang. 2Jizleh daj yah mez dix goj miz jij goanz lug zaiz ux, le goanz lug zaiz naeh baenz pujdwx maz, zoq daem Yezfuhtaz ognog, daj Yezfuhtaz hoanx naeh hax: "Mawz zawh lug zaiz yah ndai, baenzzaqnaeh mawz mboq ndaej baen sowh gaenq dez piu miz naeh." 3Yezfuhtaz zoq lenh ni paenq bihnongx dix, mwz ndaw Toahboah ndowj. Sowh puj luanq hoak luanq bae naeh mbangj goanz zoq mwz dih dix naeh, daj dix og zaemh og, dauh zaemh dauh.
4Gvaq ndauj ux yaq, puj Yaqmaenh maz saeuh puj Yixsowhleh. 5Zwz puj Yaqmaenh maz saeuh puj Yixsowhleh naeh, ndaw Jizleh sowh puj jeq miz najta naeh zoq mwz ndaw Toahboah qingj Yezfuhtaz dauh daeuj. 6Paenqdix daj Yezfuhtaz hax: "Vanz mawz daeuj lingz piu, gaenqpiu zux mwz daj puj Yaqmaenh dungzsaeuh baenz." 7Yezfuhtaz daj paenqdix hax: "Koax daekgoanq gaenqsu mboq zawh hwnq gux, daem gux ni rownz dez gux maj? Gannaeh gaenqsu miz aen nanq gaenqsu baenzzaqrawz maz dih gux inxnaeh cha gux mawj?" 8Paenqdix daj Yezfuhtaz hax: "Gannaeh piu maz dih mawz inxnaeh, zawh hawj mawz daj piu zaemh bae saeuh puj Yaqmaenh, hawj mawz yuq ndaw Jizleh hoak goanz saeq dwx nyeuz daengzle naeh." 9Yezfuhtaz daj paenqdix hax: "Gaenqsu qingj gux bae daj puj Yaqmaenh dungzsaeuh, jixzawh Yez'hoahhuah hawj paenqdix doak dawj mungz gux, su zoq hawj gux hoak puj saeq dwx su wzraj?" 10Paenqdix daj Yezfuhtaz hax: "Yez'hoahhuah hoak puj jinghzang raeuz, gaenqpiu toj hoakzaq gaemz mawz hax naeh mboqyaq." 11Yaq Yezfuhtaz zoq daj sowh puj jeq ndaw Jizleh sowh puj miz najta naeh zaemh bae, goanzlai zoq hawj dix hoak puj saeq dwx, hawj dix hoak goanz lingz bin naeh. Yezfuhtaz yuq ndaw Mixsezbaz, aeu suq kauq dix daj puj jeq ndaw Jizleh hax naeh yuq doqnaj Yez'hoahhuah hax.
Yezfuhtaz Daj Puj Yaqmaenh Dungzsaeuh
12 Yezfuhtaz nemz dij goanz bae dih laux hongz puj Yaqmaenh naeh, hoakzaqnaeh hax: "Gux daj mawz miz gaeng wx? Mawz baenzzaqrawz maz inxnaeh saeuh dih gux mux?" 13Laux hongz puj Yaqmaenh yaeng sowh dij goanz Yezfuhtaz nemz bae naeh hax: "Zwz dij goanz Yixsowhleh daeq Aizjih maz naeh, longx dih gux, daeq ka dah Yaqnaenq mwz taeng ka dah Yaxboah, mwz taengdiak ka dah Yezdanq. Gannaeh mawz yauq daeuq aeu le dih naeh hawj gux daengzhwx." 14Yezfuhtaz daeuq nemz dij goanz bae dih laux hongz puj Yaqmaenh naeh, 15daj dix hax: "Yezfuhtaz hoakzaqnaeh hax: ‘Puj Yixsowhleh mboq sanz ndaej longx dih namh puj Moahyaq daj dih namh puj Yaqmaenh. 16Zwz puj Yixsowhleh daeq Aizjih maz naeh, zawh daeq doanghmowz maz Haijndiang, maz taeng Zazdixsez, 17zwz naeh puj Yixsowhleh nemz dij goanz mwz dih laux hongz puj Yixdungz naeh, daj dix hoakzaqnaeh hax: "Vanz mawz hawj piu gvaq dih mawz." Gaj laux hongz puj Yixdungz mboq hawj. Puj Yixsowhleh daeuq nemz dij goanz mwz dih laux hongz puj Moahyaq naeh cham, laux hongz puj Moahyaq goj mboq hawj. Puj Yixsowhleh zoq yuq ndaw Zazdixsez ndowj.
18"‘Doaklaeng puj Yixsowhleh gvaq ka doanghmowz naeh, vaenx dih puj Yixdungz daj dih puj Moahyaq, maz taeng dih puj Moahyaq baih tang'vaenz og naeh, yuq haenz ka dah Yaqnaenq baih gaengnaeh daengj zangjpungh ndowj, ka dah Yaqnaenq zawh dih gowhgaiq puj Moahyaq daj dih puj ndai naeh, baenzzaqnaeh paenqdix yuq ka dah Yaqnaenq baih gaengnaeh daengj zangjpungh ndowj, mboq ndonj maz dih puj Moahyaq. 19Puj Yixsowhleh nemz dij goanz mwz ndaw Cizswhbaenx, dih Cizhungz laux hongz puj Yaqmoahliq naeh, daj dix hoanx naeh hax: "Vanz mawz hawj piu gvaq dih mawz, mwz dih hoakri piu." 20Gaj Cizhungz mboq sinq puj Yixsowhleh, mboq hawj paenqdix gvaq dih dix. Dix rongx daengzle dij goanz dix maz, yuq ndaw Yaxzah daengj zangjpungh, daj puj Yixsowhleh dungzsaeuh. 21Yez'hoahhuah dij Sen puj Yixsowhleh, hawj Cizhungz daj daengzle dij goanz dix doak dawj mungz puj Yixsowhleh, puj Yixsowhleh kaj paenqdix, longx ndaej daengzle dih puj Yaqmoahliq dih naeh. 22Puj Yixsowhleh longx ndaej daengzle dih puj Yaqmoahliq, daeq ka dah Yaqnaenq mwz taeng ka dah Yaqboah, daeq doanghmowz mwz taeng ka dah Yezdanq. 23Yez'hoahhuah dij Sen puj Yixsowhleh yuq doqnaj dij goanz dix puj Yixsowhleh daem puj Yaqmoahliq ni, gannaeh mawz daz maz longx dih paenqdix maj? 24Jixzawh dij sen mawz Jizmoah aeu dih rawz hawj mawz, dih rawz zoq zawh dih mawz. Baenznaeh, dih rawz Yez'hoahhuah dij Sen piu aeu hawj piu zoq zawh dih piu, dix daem puj yowngh ndai ni doqnaj piu, dih paenqdix zoq baenz dih piu. 25Mawz naengz haen nyeuz Bazlowh goanz lug zaiz Cizboah, laux hongz puj Moahyaq naeh maj?#11:25 Lez ndaw Sw Anq Dij Goanz Yixsowhleh 21-22. Dix sanz ndaej daj puj Yixsowhleh dungzlongx rux dungzsaeuh vah? 26Puj Yixsowhleh yuq ndaw Cizswhbaenx daj sowh ka'mowngz yuq haenz Cizswhbaenx naeh, Yaqloah'ex daj sowh ka'mowngz yuq haenz Yaqloah'ex naeh, logdah Yaqnaenq naeh, yuq le dih naeh haeuz ndowj ndaej sam baeg bi. Sam baeg bi naeh gaenqsu baenzzaqrawz mboq aeu dauh bae mawj? 27Gux mboq ndaej hoak loang mawz, gaj mawz maz saeuh gux, haiq gux. Yez'hoahhuah laux paeg saeh naeh haeggaj ruxndeq zawh puj Yixsowhleh mboq hoj rux zawh puj Yaqmaenh mboq hoj.’" 28Gaj laux hongz puj Yaqmaenh mboq biak sowh kauq Yezfuhtaz nemz dij goanz bae daj dix hax naeh.
Yezfuhtaz Daj Yez'hoahhuah Haxgoak Daekgoanq
29Zwz naeh, Minghkoan Yez'hoahhuah daeuj ndang Yezfuhtaz, Yezfuhtaz zoq daeq gvaq ndaw Jizleh, gvaq ndaw Maxnahciz, gvaq ndaw Jizleh dih ndaw Mixsezbaz naeh. Yaq daeq Mixsezbaz mwz dih puj Yaqmaenh naeh zunxbiq daj puj Yaqmaenh dungzsaeuh. 30Yezfuhtaz daj Yez'hoahhuah haxgoak daekgoanq: "Jixzawh mawz hawj puj Yaqmaenh doak dawj mungz gux zaeh, 31gux daeq dih puj Yaqmaenh naeh dauh maz vangqdangh gaurawz, gaeng daeq ndaw rownz gux og daeuj raep gux daekgoanq, daengz zawh gaeng gojndae, gux toj aeu dix pyaeu mbud hawj mawz mboqyaq." 32Yaq Yezfuhtaz mwz dih puj Yaqmaenh naeh, daj paenqdix dungzsaeuh. Yez'hoahhuah hawj paenqdix doak dawj mungz dix, 33dix zoq zoangq riangz kaj paenqdix, daeq ndaw Yaqloah'ex mwz taeng ndaw Mixnih, mwz taengdiak ndaw Yaqbaeqlowh-Jizlazminh, longx ndaej ngihsip aen chaenh. Hoakzaqnaeh puj Yaqmaenh zoq zoah puj Yixsowhleh saeuh bex.
Yezfuhtaz Ndaej Hoakzaqrawz Haxgoak Daekgoanq Dix Zoq Hoakzaqrawz Hoak
34 Yezfuhtaz dauh maz Mixsezbaz, maz taeng rownz hoakri, ndiq lug nyingz doag dix naeh gaem zong tiauq goq daeuj daeuj raep dix, Yezfuhtaz zux miz gaj goanz lug naeh. 35Yezfuhtaz leztaen ndiq lug nyingz dix, zoq riag sowj hoakri, hax: "Ahndowq, lug gux aj, mawz hawj gux dij taeuq, hawj gux hoakraix taeuq; gux haeuz daj Yez'hoahhuah haxgoak daekgoanq yaq, aeu dauh mboq baenz." 36Ndiq lug dix daj dix hax: "Dez gux aj, mawz haeuz daj Yez'hoahhuah haxgoak daekgoanq yaq, mawz ndaej daj dix hoakzaqrawz hax mawz zoq aeu gux hoakzaqrawz hoak ndeh. Yez'hoahhuah haeuz hawj mawz yuq now to sowh puj daj mawz hoak dangqbaih naeh, zoq zawh yuq now to puj Yaqmaenh hoak boiz eh." 37Ndiq lug dix daeuq daj dix hax: "Gaj gux vanz mawz diauq ux, yangq gux song ndown goanq, hawj gux daj dungzbownh gux mwz ndaw bo, haej gaenqgux naengzbaeq kai zoq tai." 38Yezfuhtaz hax: "Mawz mwz ndeh!" Yezfuhtaz zoq yangq dix mwz song ndown. Ndiq naeh zoq daj dungzbownh dix mwz, yuq ndaw bo haej gaenqdix naengzbaeq kai zoq tai. 39Ndaej song ndown maz, dix dauh daeuj dih dez dix naeh, Yezfuhtaz ndaej hoakzaqrawz yinq Yez'hoahhuah dix zoq hoakzaqrawz hoak. Ndiq naeh naengz mboq sanz daj puj zaiz zaemhyuq. Daeq zwz naeh maz, puj Yixsowhleh zoq zauh hoakzaqnaeh: 40Puj nyingz Yixsowhleh bi bi mwz haej lug nyingz Yezfuhtaz goanz dij goanz ndaw Jizleh naeh, bi ux siq vaenz.
လက္ရွိေရြးခ်ယ္ထားမွု
Puj Saeq 11: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.
Puj Saeq 11
11
Yezfuhtaz
1 Yezfuhtaz goanz dij goanz ndaw Jizleh naeh zawh goanz ux dungzgaenx zaengx, dungzgaenx no, dix zawh lug zaiz Jizleh, gaj dez dix Jizleh daj meh dix mboq zawh po'mez, meh dix zawh puj kaindang. 2Jizleh daj yah mez dix goj miz jij goanz lug zaiz ux, le goanz lug zaiz naeh baenz pujdwx maz, zoq daem Yezfuhtaz ognog, daj Yezfuhtaz hoanx naeh hax: "Mawz zawh lug zaiz yah ndai, baenzzaqnaeh mawz mboq ndaej baen sowh gaenq dez piu miz naeh." 3Yezfuhtaz zoq lenh ni paenq bihnongx dix, mwz ndaw Toahboah ndowj. Sowh puj luanq hoak luanq bae naeh mbangj goanz zoq mwz dih dix naeh, daj dix og zaemh og, dauh zaemh dauh.
4Gvaq ndauj ux yaq, puj Yaqmaenh maz saeuh puj Yixsowhleh. 5Zwz puj Yaqmaenh maz saeuh puj Yixsowhleh naeh, ndaw Jizleh sowh puj jeq miz najta naeh zoq mwz ndaw Toahboah qingj Yezfuhtaz dauh daeuj. 6Paenqdix daj Yezfuhtaz hax: "Vanz mawz daeuj lingz piu, gaenqpiu zux mwz daj puj Yaqmaenh dungzsaeuh baenz." 7Yezfuhtaz daj paenqdix hax: "Koax daekgoanq gaenqsu mboq zawh hwnq gux, daem gux ni rownz dez gux maj? Gannaeh gaenqsu miz aen nanq gaenqsu baenzzaqrawz maz dih gux inxnaeh cha gux mawj?" 8Paenqdix daj Yezfuhtaz hax: "Gannaeh piu maz dih mawz inxnaeh, zawh hawj mawz daj piu zaemh bae saeuh puj Yaqmaenh, hawj mawz yuq ndaw Jizleh hoak goanz saeq dwx nyeuz daengzle naeh." 9Yezfuhtaz daj paenqdix hax: "Gaenqsu qingj gux bae daj puj Yaqmaenh dungzsaeuh, jixzawh Yez'hoahhuah hawj paenqdix doak dawj mungz gux, su zoq hawj gux hoak puj saeq dwx su wzraj?" 10Paenqdix daj Yezfuhtaz hax: "Yez'hoahhuah hoak puj jinghzang raeuz, gaenqpiu toj hoakzaq gaemz mawz hax naeh mboqyaq." 11Yaq Yezfuhtaz zoq daj sowh puj jeq ndaw Jizleh sowh puj miz najta naeh zaemh bae, goanzlai zoq hawj dix hoak puj saeq dwx, hawj dix hoak goanz lingz bin naeh. Yezfuhtaz yuq ndaw Mixsezbaz, aeu suq kauq dix daj puj jeq ndaw Jizleh hax naeh yuq doqnaj Yez'hoahhuah hax.
Yezfuhtaz Daj Puj Yaqmaenh Dungzsaeuh
12 Yezfuhtaz nemz dij goanz bae dih laux hongz puj Yaqmaenh naeh, hoakzaqnaeh hax: "Gux daj mawz miz gaeng wx? Mawz baenzzaqrawz maz inxnaeh saeuh dih gux mux?" 13Laux hongz puj Yaqmaenh yaeng sowh dij goanz Yezfuhtaz nemz bae naeh hax: "Zwz dij goanz Yixsowhleh daeq Aizjih maz naeh, longx dih gux, daeq ka dah Yaqnaenq mwz taeng ka dah Yaxboah, mwz taengdiak ka dah Yezdanq. Gannaeh mawz yauq daeuq aeu le dih naeh hawj gux daengzhwx." 14Yezfuhtaz daeuq nemz dij goanz bae dih laux hongz puj Yaqmaenh naeh, 15daj dix hax: "Yezfuhtaz hoakzaqnaeh hax: ‘Puj Yixsowhleh mboq sanz ndaej longx dih namh puj Moahyaq daj dih namh puj Yaqmaenh. 16Zwz puj Yixsowhleh daeq Aizjih maz naeh, zawh daeq doanghmowz maz Haijndiang, maz taeng Zazdixsez, 17zwz naeh puj Yixsowhleh nemz dij goanz mwz dih laux hongz puj Yixdungz naeh, daj dix hoakzaqnaeh hax: "Vanz mawz hawj piu gvaq dih mawz." Gaj laux hongz puj Yixdungz mboq hawj. Puj Yixsowhleh daeuq nemz dij goanz mwz dih laux hongz puj Moahyaq naeh cham, laux hongz puj Moahyaq goj mboq hawj. Puj Yixsowhleh zoq yuq ndaw Zazdixsez ndowj.
18"‘Doaklaeng puj Yixsowhleh gvaq ka doanghmowz naeh, vaenx dih puj Yixdungz daj dih puj Moahyaq, maz taeng dih puj Moahyaq baih tang'vaenz og naeh, yuq haenz ka dah Yaqnaenq baih gaengnaeh daengj zangjpungh ndowj, ka dah Yaqnaenq zawh dih gowhgaiq puj Moahyaq daj dih puj ndai naeh, baenzzaqnaeh paenqdix yuq ka dah Yaqnaenq baih gaengnaeh daengj zangjpungh ndowj, mboq ndonj maz dih puj Moahyaq. 19Puj Yixsowhleh nemz dij goanz mwz ndaw Cizswhbaenx, dih Cizhungz laux hongz puj Yaqmoahliq naeh, daj dix hoanx naeh hax: "Vanz mawz hawj piu gvaq dih mawz, mwz dih hoakri piu." 20Gaj Cizhungz mboq sinq puj Yixsowhleh, mboq hawj paenqdix gvaq dih dix. Dix rongx daengzle dij goanz dix maz, yuq ndaw Yaxzah daengj zangjpungh, daj puj Yixsowhleh dungzsaeuh. 21Yez'hoahhuah dij Sen puj Yixsowhleh, hawj Cizhungz daj daengzle dij goanz dix doak dawj mungz puj Yixsowhleh, puj Yixsowhleh kaj paenqdix, longx ndaej daengzle dih puj Yaqmoahliq dih naeh. 22Puj Yixsowhleh longx ndaej daengzle dih puj Yaqmoahliq, daeq ka dah Yaqnaenq mwz taeng ka dah Yaqboah, daeq doanghmowz mwz taeng ka dah Yezdanq. 23Yez'hoahhuah dij Sen puj Yixsowhleh yuq doqnaj dij goanz dix puj Yixsowhleh daem puj Yaqmoahliq ni, gannaeh mawz daz maz longx dih paenqdix maj? 24Jixzawh dij sen mawz Jizmoah aeu dih rawz hawj mawz, dih rawz zoq zawh dih mawz. Baenznaeh, dih rawz Yez'hoahhuah dij Sen piu aeu hawj piu zoq zawh dih piu, dix daem puj yowngh ndai ni doqnaj piu, dih paenqdix zoq baenz dih piu. 25Mawz naengz haen nyeuz Bazlowh goanz lug zaiz Cizboah, laux hongz puj Moahyaq naeh maj?#11:25 Lez ndaw Sw Anq Dij Goanz Yixsowhleh 21-22. Dix sanz ndaej daj puj Yixsowhleh dungzlongx rux dungzsaeuh vah? 26Puj Yixsowhleh yuq ndaw Cizswhbaenx daj sowh ka'mowngz yuq haenz Cizswhbaenx naeh, Yaqloah'ex daj sowh ka'mowngz yuq haenz Yaqloah'ex naeh, logdah Yaqnaenq naeh, yuq le dih naeh haeuz ndowj ndaej sam baeg bi. Sam baeg bi naeh gaenqsu baenzzaqrawz mboq aeu dauh bae mawj? 27Gux mboq ndaej hoak loang mawz, gaj mawz maz saeuh gux, haiq gux. Yez'hoahhuah laux paeg saeh naeh haeggaj ruxndeq zawh puj Yixsowhleh mboq hoj rux zawh puj Yaqmaenh mboq hoj.’" 28Gaj laux hongz puj Yaqmaenh mboq biak sowh kauq Yezfuhtaz nemz dij goanz bae daj dix hax naeh.
Yezfuhtaz Daj Yez'hoahhuah Haxgoak Daekgoanq
29Zwz naeh, Minghkoan Yez'hoahhuah daeuj ndang Yezfuhtaz, Yezfuhtaz zoq daeq gvaq ndaw Jizleh, gvaq ndaw Maxnahciz, gvaq ndaw Jizleh dih ndaw Mixsezbaz naeh. Yaq daeq Mixsezbaz mwz dih puj Yaqmaenh naeh zunxbiq daj puj Yaqmaenh dungzsaeuh. 30Yezfuhtaz daj Yez'hoahhuah haxgoak daekgoanq: "Jixzawh mawz hawj puj Yaqmaenh doak dawj mungz gux zaeh, 31gux daeq dih puj Yaqmaenh naeh dauh maz vangqdangh gaurawz, gaeng daeq ndaw rownz gux og daeuj raep gux daekgoanq, daengz zawh gaeng gojndae, gux toj aeu dix pyaeu mbud hawj mawz mboqyaq." 32Yaq Yezfuhtaz mwz dih puj Yaqmaenh naeh, daj paenqdix dungzsaeuh. Yez'hoahhuah hawj paenqdix doak dawj mungz dix, 33dix zoq zoangq riangz kaj paenqdix, daeq ndaw Yaqloah'ex mwz taeng ndaw Mixnih, mwz taengdiak ndaw Yaqbaeqlowh-Jizlazminh, longx ndaej ngihsip aen chaenh. Hoakzaqnaeh puj Yaqmaenh zoq zoah puj Yixsowhleh saeuh bex.
Yezfuhtaz Ndaej Hoakzaqrawz Haxgoak Daekgoanq Dix Zoq Hoakzaqrawz Hoak
34 Yezfuhtaz dauh maz Mixsezbaz, maz taeng rownz hoakri, ndiq lug nyingz doag dix naeh gaem zong tiauq goq daeuj daeuj raep dix, Yezfuhtaz zux miz gaj goanz lug naeh. 35Yezfuhtaz leztaen ndiq lug nyingz dix, zoq riag sowj hoakri, hax: "Ahndowq, lug gux aj, mawz hawj gux dij taeuq, hawj gux hoakraix taeuq; gux haeuz daj Yez'hoahhuah haxgoak daekgoanq yaq, aeu dauh mboq baenz." 36Ndiq lug dix daj dix hax: "Dez gux aj, mawz haeuz daj Yez'hoahhuah haxgoak daekgoanq yaq, mawz ndaej daj dix hoakzaqrawz hax mawz zoq aeu gux hoakzaqrawz hoak ndeh. Yez'hoahhuah haeuz hawj mawz yuq now to sowh puj daj mawz hoak dangqbaih naeh, zoq zawh yuq now to puj Yaqmaenh hoak boiz eh." 37Ndiq lug dix daeuq daj dix hax: "Gaj gux vanz mawz diauq ux, yangq gux song ndown goanq, hawj gux daj dungzbownh gux mwz ndaw bo, haej gaenqgux naengzbaeq kai zoq tai." 38Yezfuhtaz hax: "Mawz mwz ndeh!" Yezfuhtaz zoq yangq dix mwz song ndown. Ndiq naeh zoq daj dungzbownh dix mwz, yuq ndaw bo haej gaenqdix naengzbaeq kai zoq tai. 39Ndaej song ndown maz, dix dauh daeuj dih dez dix naeh, Yezfuhtaz ndaej hoakzaqrawz yinq Yez'hoahhuah dix zoq hoakzaqrawz hoak. Ndiq naeh naengz mboq sanz daj puj zaiz zaemhyuq. Daeq zwz naeh maz, puj Yixsowhleh zoq zauh hoakzaqnaeh: 40Puj nyingz Yixsowhleh bi bi mwz haej lug nyingz Yezfuhtaz goanz dij goanz ndaw Jizleh naeh, bi ux siq vaenz.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.