Zwz Nduq 34
34
Swqjenq Gaenx Dixnah Daj Dixnah Zaemhnoanz
1Miz vaenz ux, Dixnah, ndiq lug nyingz Liqyaq daj Yaqgowh naeh, bae cha puj nyingz dih paenqdix yuq naeh leuh. 2Swqjenq goanz lug zaiz Hazmoah naeh leztaen Dixnah, zoq laeg dix, gaenx dix, daj dix zaemhnoanz. Dez Swqjenq zawh laux saeq dihnaeh, zawh puj Cizvaeq. 3Yaq ndaw zaw Swqjenq nwh Dixnah goanz lug nyingz Yaqgowh naeh, dix ngaiq ndiq naeh taeuq, dix zoq aeu gaj kauq yawz byongz dix. 4Swqjenq daj dez dix Hazmoah hax: "Vanz mawz saeh gux raep ndiq naeh hoak mez." 5Gau Yaqgowh ruxndeq ndiq lug nyingz dix Dixnah zoah daenh gaenx, zoah daenh gaemh mwz zaemhnoanz naeh, boangx lug zaiz dix yuq ndaw doangh dawz doihdo, dix zoq gaemz rawz goj mboq hax, taj boangx lug dix dauh maz.
Lug zaiz Yaqgowh Kaj Puj zaiz Swqjenq Tai Tauq
6 Hazmoah goanz dez Swqjenq naeh daeuj dih Yaqgowh naeh, daz daj Yaqgowh dungzlaemh. 7Laemh zwz naeh boangx lug zaiz Yaqgowh goj maz taeng yaq, paenqdix zawh ruxnyinz mbaed saeh nongx nyingz paenqdix dix naeh, zoq daeq ndaw doangh dauh maz. Swqjenq gaenx lug nyingz Yaqgowh daj dix zaemhnoanz, dix mboq hoj hoakzaqnaeh saek'i, mbaed saeh naeh hawj daengz rownz Yixsowhleh laizlom daenh, paenqdix jih daengh taeuq.
8 Hazmoah daj paenqdix hax: "Lug zaiz gux Swqjenq ngaiq zoah lug nyingz rownz su. Vanz su kai dix hawj lug zaiz gux hoak mez. 9Hawj dij goanz gaenqsu daj dij goanz gaenqpiu miz dij goanz dungz'aeu, gaenqsu aeu lug nyingz su kai hawj piu, gaenqpiu goj aeu lug nyingz piu kai hawj su. 10Hoakzaqnaeh, gaenqpiu hawj gaenqsu daj piu zaemh yuq dih piu ndowj. Gaenqsu ngaiq yuq dih rawz ndowj, zoq yuq dih rawz ndowj, ngaiq gax gaeng zoq gax gaeng, goj hawj su yuq inxnaeh swx raeh swx naz." 11Yaq Swqjenq vanz dez ndiq naeh daj boangx bihnongx ndiq naeh, dix hax: "Ngwz gaenqsu zaemh nwhlaeng, gaenqsu aeu gaeng, gux goj hawj. 12Nanghgaj su kai ndiq naeh hawj gux hoak mez, gaenqsu aeu gajrawz jenz jeqto daj koang'hoq, lai gajrawz gux goj hawj."
13Boangx lug zaiz Yaqgowh cholaeng Swqjenq gaenx nongx nyingz paenqdix Dixnah, daj Dixnah zaemhnoanz, zoq haxyai Swqjenq daj Hazmoah goanz dez Swqjenq naeh. 14Paenqdix hax: "Jixzawh gaenqpiu aeu nongx nyingz piu kai hawj goanz ux naengz mboq hoak diauq zauh heh naeh, zoq hawj piu najyaij, hawj daenh lezpeq piu. Gaenqpiu mboq aeu nongx nyingz piu kai hawj goanz ux naengz mboq hoak diauq zauh heh naeh. 15-16Laugaj gaenqsu daj piu dungzlumj, puj zaiz gawz goj zauh heh, gaenqpiu zux aeu puj nyingz piu kai hawj su, piu goj zux aeu puj nyingz su hoak mez, gaenqpiu zux daj su zaemh yuq, hoak changz ndeu. 17Gaj jixzawh puj zaiz gaenqsu mboq venq biak gaemz gaenqpiu hax naeh hoak diauq zauh heh naeh, gaenqpiu zoq zowz nongx nyingz piu ni dih inxnaeh."
18 Hazmoah daj lug zaiz dix Swqjenq venq hoak zaq gaemz paenqdix hax naeh. 19Maeng mbauqreauh naeh ngaiq lug nyingz Yaqgowh taeuq, dix zoq cenq biak gaemz paenqdix hax naeh bae hoak. Laemh goanz Swqjenq naeh dix yuq ndaw rownz dez dix dix zawh goanz ux. 20Yaq Hazmoah daj lug zaiz dix Swqjenq bae dih baegdu ndaw chaenh naeh daj dij goanz dih dix hax: 21"Boangx goanz naeh daj raeuz dungzndae, hawj paenqdix yuq dih raeuz ndowj, hawj paenqdix daj gaenqraeuz hoak gax. Dih raeuz gvangj, doh daengz paenqdix zaemh ndowj. Hawj gaenqraeuz raep lug nyingz paenqdix, goj hawj paenqdix raep lug nyingz raeuz. 22Gaj boangx naeh hax hawj raeuz yinq paenqdix diauq ux: puj zaiz dih raeuz gawz goj daj puj zaiz paenqdix dungzlumj hoak diauq zauh heh naeh. Hoakzaqnaeh paenqdix zux venq daj raeuz zaemh yuq hoak changz ndeu. 23Jixzawh gaenqraeuz hoak gaenq naeh, paenqdix zoq daj raeuz zaemh yuq. Hoakzaqnaeh doihdo paenqdix daj za'hoq paenqdix zoq zawh gaenq raeuz." 24Sowh puj daeuj baegdu ndaw chaenh naeh daengzle biak gaemz Hazmoah daj lug zaiz dix Swqjenq naeh. Sowh puj zaiz daeuj baegdu ndaw chaenh naeh gaj goanz gaj hoak diauq zauh heh naeh.
25Taeng vaenz daih sam, puj zaiz dih naeh dih heh paenqdix naengzgaj chaej, Cizmyenx daj Liqvaeq song goanz lug zaiz Yaqgowh, goz ndiang Dixnah, naep remz mwz ndaw chaenh naeh. Dij goanz chaenh naeh mboq naemz baenzzaqnaeh, puj zaiz zoq zoah doiq naeh kaj tai nauq. 26Hazmoah daj lug zaiz dix Swqjenq goj zoah doiq dix aeu remz kaj. Yaq doiq dix zowz Dixnah daeq rownz Swqjenq og daeuj. 27Paenq lug zaiz Yaqgowh cholaeng nongx nyingz paenqdix zoah Swqjenq gaenx, paenqdix zoq maz ndaw aen chaenh dij goanz zoah kaj naeh, yuq ndaw aen chaenh naeh longx. 28Paenqdix longx dij mbej, dij moaz daj dij loix, za'hoq ndaw chaenh daj ndaw naz nauq. 29Paenqdix longx daengzle za'hoq, lug eng, puj nyingz, daengz gaenq ndaw rownz goj zoah paenqdix longx nauq.
30 Yaqgowh daj Cizmyenx daj Liqvaeq hax: "Gaenqsu hoakzaqnaeh hoak su daz hawj gux hoak rawz hoak ah? Mwznaj dij goanz Zaznanh, dij goanz Bixliqcix, daj dij goanz yowngh ndai yuq inxnaeh daengzle hwnq gux nauq. Gaenqraeuz dij goanz mboq lai. Jixzawh paenqdix hoak baih maz saeuh gux, gux daj daengz rownz gux toj zoah lown mboqyaq." 31Gaj paenqdix yaeng: "Gawz yaix dix doiq nongx nyingz piu daj doiq puj kaindang dungzlumj mux?"
လက္ရွိေရြးခ်ယ္ထားမွု
Zwz Nduq 34: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.
Zwz Nduq 34
34
Swqjenq Gaenx Dixnah Daj Dixnah Zaemhnoanz
1Miz vaenz ux, Dixnah, ndiq lug nyingz Liqyaq daj Yaqgowh naeh, bae cha puj nyingz dih paenqdix yuq naeh leuh. 2Swqjenq goanz lug zaiz Hazmoah naeh leztaen Dixnah, zoq laeg dix, gaenx dix, daj dix zaemhnoanz. Dez Swqjenq zawh laux saeq dihnaeh, zawh puj Cizvaeq. 3Yaq ndaw zaw Swqjenq nwh Dixnah goanz lug nyingz Yaqgowh naeh, dix ngaiq ndiq naeh taeuq, dix zoq aeu gaj kauq yawz byongz dix. 4Swqjenq daj dez dix Hazmoah hax: "Vanz mawz saeh gux raep ndiq naeh hoak mez." 5Gau Yaqgowh ruxndeq ndiq lug nyingz dix Dixnah zoah daenh gaenx, zoah daenh gaemh mwz zaemhnoanz naeh, boangx lug zaiz dix yuq ndaw doangh dawz doihdo, dix zoq gaemz rawz goj mboq hax, taj boangx lug dix dauh maz.
Lug zaiz Yaqgowh Kaj Puj zaiz Swqjenq Tai Tauq
6 Hazmoah goanz dez Swqjenq naeh daeuj dih Yaqgowh naeh, daz daj Yaqgowh dungzlaemh. 7Laemh zwz naeh boangx lug zaiz Yaqgowh goj maz taeng yaq, paenqdix zawh ruxnyinz mbaed saeh nongx nyingz paenqdix dix naeh, zoq daeq ndaw doangh dauh maz. Swqjenq gaenx lug nyingz Yaqgowh daj dix zaemhnoanz, dix mboq hoj hoakzaqnaeh saek'i, mbaed saeh naeh hawj daengz rownz Yixsowhleh laizlom daenh, paenqdix jih daengh taeuq.
8 Hazmoah daj paenqdix hax: "Lug zaiz gux Swqjenq ngaiq zoah lug nyingz rownz su. Vanz su kai dix hawj lug zaiz gux hoak mez. 9Hawj dij goanz gaenqsu daj dij goanz gaenqpiu miz dij goanz dungz'aeu, gaenqsu aeu lug nyingz su kai hawj piu, gaenqpiu goj aeu lug nyingz piu kai hawj su. 10Hoakzaqnaeh, gaenqpiu hawj gaenqsu daj piu zaemh yuq dih piu ndowj. Gaenqsu ngaiq yuq dih rawz ndowj, zoq yuq dih rawz ndowj, ngaiq gax gaeng zoq gax gaeng, goj hawj su yuq inxnaeh swx raeh swx naz." 11Yaq Swqjenq vanz dez ndiq naeh daj boangx bihnongx ndiq naeh, dix hax: "Ngwz gaenqsu zaemh nwhlaeng, gaenqsu aeu gaeng, gux goj hawj. 12Nanghgaj su kai ndiq naeh hawj gux hoak mez, gaenqsu aeu gajrawz jenz jeqto daj koang'hoq, lai gajrawz gux goj hawj."
13Boangx lug zaiz Yaqgowh cholaeng Swqjenq gaenx nongx nyingz paenqdix Dixnah, daj Dixnah zaemhnoanz, zoq haxyai Swqjenq daj Hazmoah goanz dez Swqjenq naeh. 14Paenqdix hax: "Jixzawh gaenqpiu aeu nongx nyingz piu kai hawj goanz ux naengz mboq hoak diauq zauh heh naeh, zoq hawj piu najyaij, hawj daenh lezpeq piu. Gaenqpiu mboq aeu nongx nyingz piu kai hawj goanz ux naengz mboq hoak diauq zauh heh naeh. 15-16Laugaj gaenqsu daj piu dungzlumj, puj zaiz gawz goj zauh heh, gaenqpiu zux aeu puj nyingz piu kai hawj su, piu goj zux aeu puj nyingz su hoak mez, gaenqpiu zux daj su zaemh yuq, hoak changz ndeu. 17Gaj jixzawh puj zaiz gaenqsu mboq venq biak gaemz gaenqpiu hax naeh hoak diauq zauh heh naeh, gaenqpiu zoq zowz nongx nyingz piu ni dih inxnaeh."
18 Hazmoah daj lug zaiz dix Swqjenq venq hoak zaq gaemz paenqdix hax naeh. 19Maeng mbauqreauh naeh ngaiq lug nyingz Yaqgowh taeuq, dix zoq cenq biak gaemz paenqdix hax naeh bae hoak. Laemh goanz Swqjenq naeh dix yuq ndaw rownz dez dix dix zawh goanz ux. 20Yaq Hazmoah daj lug zaiz dix Swqjenq bae dih baegdu ndaw chaenh naeh daj dij goanz dih dix hax: 21"Boangx goanz naeh daj raeuz dungzndae, hawj paenqdix yuq dih raeuz ndowj, hawj paenqdix daj gaenqraeuz hoak gax. Dih raeuz gvangj, doh daengz paenqdix zaemh ndowj. Hawj gaenqraeuz raep lug nyingz paenqdix, goj hawj paenqdix raep lug nyingz raeuz. 22Gaj boangx naeh hax hawj raeuz yinq paenqdix diauq ux: puj zaiz dih raeuz gawz goj daj puj zaiz paenqdix dungzlumj hoak diauq zauh heh naeh. Hoakzaqnaeh paenqdix zux venq daj raeuz zaemh yuq hoak changz ndeu. 23Jixzawh gaenqraeuz hoak gaenq naeh, paenqdix zoq daj raeuz zaemh yuq. Hoakzaqnaeh doihdo paenqdix daj za'hoq paenqdix zoq zawh gaenq raeuz." 24Sowh puj daeuj baegdu ndaw chaenh naeh daengzle biak gaemz Hazmoah daj lug zaiz dix Swqjenq naeh. Sowh puj zaiz daeuj baegdu ndaw chaenh naeh gaj goanz gaj hoak diauq zauh heh naeh.
25Taeng vaenz daih sam, puj zaiz dih naeh dih heh paenqdix naengzgaj chaej, Cizmyenx daj Liqvaeq song goanz lug zaiz Yaqgowh, goz ndiang Dixnah, naep remz mwz ndaw chaenh naeh. Dij goanz chaenh naeh mboq naemz baenzzaqnaeh, puj zaiz zoq zoah doiq naeh kaj tai nauq. 26Hazmoah daj lug zaiz dix Swqjenq goj zoah doiq dix aeu remz kaj. Yaq doiq dix zowz Dixnah daeq rownz Swqjenq og daeuj. 27Paenq lug zaiz Yaqgowh cholaeng nongx nyingz paenqdix zoah Swqjenq gaenx, paenqdix zoq maz ndaw aen chaenh dij goanz zoah kaj naeh, yuq ndaw aen chaenh naeh longx. 28Paenqdix longx dij mbej, dij moaz daj dij loix, za'hoq ndaw chaenh daj ndaw naz nauq. 29Paenqdix longx daengzle za'hoq, lug eng, puj nyingz, daengz gaenq ndaw rownz goj zoah paenqdix longx nauq.
30 Yaqgowh daj Cizmyenx daj Liqvaeq hax: "Gaenqsu hoakzaqnaeh hoak su daz hawj gux hoak rawz hoak ah? Mwznaj dij goanz Zaznanh, dij goanz Bixliqcix, daj dij goanz yowngh ndai yuq inxnaeh daengzle hwnq gux nauq. Gaenqraeuz dij goanz mboq lai. Jixzawh paenqdix hoak baih maz saeuh gux, gux daj daengz rownz gux toj zoah lown mboqyaq." 31Gaj paenqdix yaeng: "Gawz yaix dix doiq nongx nyingz piu daj doiq puj kaindang dungzlumj mux?"
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.