Ni Aizjih 32
32
Do Moaz Jim
1Dij goanz Yixsowhleh taen Moahciz laj laj naengz mboq loangz daeuj, zoq maz dih Yaqlunh naeh, daj dix hax: "Laux Moahciz laux naeh, lingz gaenqpiu daeq Aizjih og daeuj, piu mboq ruxndeq dix gannaeh mex zoah gaeng saeh. Gannaeh mawz chauq jij yowngh sen ux, hawj paenqdix lingz loh piu." 2Yaqlunh daj paenqdix hax: "Gaenqsu bae tod ven jim mijmez su daj ven jim lug su, aeu maz hawj gux." 3Dij goanz Yixsowhleh zoq tod ven paenqdix daeuj, aeu maz hawj Yaqlunh. 4Yaqlunh aeu ven paenqdix maz loq, kaeuz hoak do moaz ux. Paenqdix hax: "Yixsowhleh aj, gaenqnaeh zawh dij sen raeuz, zawh dix lingz raeuz daeq Aizjih og daeuj." 5Yaqlunh leztaen, zoq yuq doqnaj do moaz naeh daep aen kuq mbud dij sen ux, yaq daj daengzle hax: "Vaenzbig gaem jeng Yez'hoahhuah." 6Nawlaeng zaeux, dij goanz Yixsowhleh zung doihdo maz, mbangj yowngh aeu pyaeu mbud, mbangj yowngh aeu mbud hoak gaenq hawj dij sen daj paenqdix dungzndae, yaq paenqdix zoq naengh daeuj, jin niz jin, ndut niz ndut, nyingz zaiz dungzyoak-dungzlingz, hoak gaenq diauq mboq zauh.
Moahciz Saeh Dij Goanz Yixsowhleh Vanz Dij Sen
7 Yez'hoahhuah daj Moahciz hax: "Mawz loangz bae ndeh, unj dij goanz mawz, sowh dij goanz mawz lingz daeq Aizjih og daeuj naeh hoak gaenq ndoagndaeg, hoak loang dwx yah. 8Paenqdix yaengxgaj mboq biak kauq gux, chauq do moaz ux, gvih mwz doq do moaz naeh, mbud do moaz naeh, hax: ‘Yixsowhleh aj, gaenqnaeh zoq zawh dij sen lingz raeuz daeq Aizjih og daeuj naeh.’" 9Yez'hoahhuah daeuq daj Moahciz hax: "Sowh dij goanz naeh hoak hoanh hoanh, hoz nyaeb gaenq. 10Gannaeh mawz laek lanx gux, gux rikdwk paenqdix, ndaep paenqdix lown, gux hawj luglan mawz baenz goh dwx." 11Moahciz caqsiq vanz Yez'hoahhuah dij Sen dix: "Yez'hoahhuah aj, vanz mawz laek rikdwk dij goanz Yixsowhleh, paenqdix zawh mawz aeu riangz dwx mawz, aeu mungz mawz lingz daeq Aizjih og daeuj. 12Jixzawh mawz kaj paenqdix, dij goanz Aizjih toj rux hoakzaqnaeh hax mawz mboqyaq: ‘Dij Sen puj Yixsowhleh lingz puj Yixsowhleh daeq ndaw Aizjih raeuz mwz ndaw bo zawh soanx yuq ndaw bo kaj paenqdix, hawj paenqdix lown nauq.’ Baenznaeh vanz mawz laek rik, laek hawj paenqdix tai. 13Vanz mawz cholaeng puj koij mawz Yaqboahlazhanq, Yitsaeg, Yixsowhleh, laek hawj luglan paenqdix lown, unj mawz ndaej jix hoakri daj paenqdix haxgoak daekgoanq, mawz hax: ‘Gux hawj luglan mawz raengh huhhuh, lai daj ndaundiq pumhfax dungzlumj. Gux aeu dih gux yinq hawj mawz naeh hawj luglan mawz, hawj paenqdix yuq dih gaengnaeh hoakjin daengznauq.’" 14Yaq, Yez'hoahhuah zoq mboq hoak zaq mbaednduq dix hax naeh, dix mboq hawj dij goanz Yixsowhleh tai.
Moahciz Aeu Song Kvaix Tin Laiz Kauq Dij Sen Naeh Faed Nownzcumj
15 Moahciz loangz daeq ndaw bo daeuj, mungz dix gaem song kvaix tin laiz fahlih naeh, song kvaix tin naeh daengz song baih miz tasw. 16Song kvaix tin naeh zawh dij Sen haeggaj hoak, tasw goj zawh dix haeggaj kaeuz. 17Yezsuzyaq ruxnyinz dij goanz Yixsowhleh zuk nyauznyauz, zoq daj Moahciz hax: "Dih dij goanz Yixsowhleh ndowj naeh miz hiang daj baih daenh dungzsaeuh." 18Moahciz yaeng: "Hiang gaenqnaeh mboq zawh hiang saeuh bex, goj mboq zawh hiang saeuh mboq bex, gux ruxnyinz zawh hiang hoak lownx." 19Gau Moahciz zaekgaj maz daeux dih dij goanz Yixsowhleh ndowj naeh, dix leztaen do moaz jim gaengnaeh, leztaen miz dij goanz lownx niz lownx, tiauq niz tiauq, dix zoq rik, aeu song kvaix tin gaengnaeh yuq din bo faed vaih nauq. 20Yaq dix aeu do moaz jim naeh maz, aeu faez pyaeu, hux ngawz ngawz, aeu dwk bae ndaw naemx, yaix dij goanz Yixsowhleh ndut. 21Moahciz daj Yaqlunh hax: "Dij goanz Yixsowhleh hoakzaqrawz coak mawz, hawj mawz lingz paenqdix hoak loang ndaek baenzzaqnaeh ah?" 22Yaqlunh yaeng: "Vanz zaeuj gux laek rik, unj mawz goj ruxndeq paenq goanz naeh bwnz gaenq ndae lej mboq rux hoak, rux hoak gaj gaenqndog. 23Paenqdix daj gux hax: ‘Laux Moahciz laux naeh, lingz gaenqpiu daeq Aizjih og daeuj, piu mboq ruxndeq dix mex zoah gaeng saeh. Gannaeh mawz chauq jij yowngh sen ux, hawj paenqdix lingz loh piu.’ 24Gux daj paenqdix hax: ‘Gawz miz ven jim zoq tod daeuj.’ Paenqdix aeu hawj gux, gux aeu viangh bae ndaw faez, zoq haeggaj baenz do moaz jim naeh." 25Moahciz ruxndeq zawh Yaqlunh gvanx dij goanz Yixsowhleh rowngh gvaq, zux hawj dij goanz Yixsowhleh luanq hoak luanq bae, hawj sowh puj daj puj Yixsowhleh hoak dangqbaih naeh kosaemj. 26Moahciz in baegloh dih puj Yixsowhleh daengj zangjpungh ndowj naeh hax: "Gawz nowngz Yez'hoahhuah gawz zoq maz dih gux inxnaeh." Yaq ngah Liqvaeq naeh zoq maz haenz dix. 27Moahciz daj paenqdix hax: "Yez'hoahhuah, dij Sen Yixsowhleh hoakzaqnaeh hax: ‘Gaenqsu gaj goanz gaj yauq naep remz, mwz dih dij goanz Yixsowhleh su daengj zangjpungh ndowj naeh cha daengzle nauq. Gawz ndaej hoak mbaed saeh gaengnaeh zoq kaj gawz, daengz zawh bihnongx zaiz su, dungzbownh su, sowh puj zangjpungh daj gaenqsu yuq dungzzawj naeh, su goj kaj nauq.’" 28Ngah Liqvaeq zoq hoakzaq Moahciz hax naeh bae hoak. Vaenz gaengnaeh, miz teq sam tiang goanz ux naeh zoah kaj. 29Moahciz daj ngah Liqvaeq naeh hax: "Vaenz naeh gaenqsu yauq aeu hoakri hoak daj puj ndai mboq dungzlumj, aeu hoakri hoak sowh puj kvej Yez'hoahhuah naeh, unj gaenqsu kaj lug zaiz hoakri daj bihnongx zaiz hoakri, hoanx naeh Yez'hoahhuah toj gumx su mboqyaq."
Moahciz Daeuq Saeh Dij Goanz Yixsowhleh Vanz Dij Sen
30Vaenzlaeng, Moahciz daj dij goanz Yixsowhleh hax: "Gaenqsu hoak loang dwx, gannaeh gux kwnj mwz dih Yez'hoahhuah naeh, mbangjbaez rux saeh gaenqsu taeq gaenq hoakloang su." 31Yaq, Moahciz dauh mwz dih Yez'hoahhuah naeh, dix hax: "Dij goanz Yixsowhleh hoak loang dwx, paenqdix aeu jim hoak do moaz ux, aeu do moaz jim naeh hoak dij sen paenqdix. 32Gannaeh jixzawh mawz yangq gaenq hoakloang paenqdix, zoq ndae. Jixzawh mawz mboq yangq, vanz mawz tah minxzwh gux ni bwnz mawz aeu laiz minxzwh dij goanz mawz naeh ndeh." 33Yez'hoahhuah daj Moahciz hax: "Gawz hoak loang gux, gux zoq tah minxzwh gawz ni bwnz sw naeh. 34Gannaeh mawz bae ndeh, lingz dij goanz Yixsowhleh mwz dih gux yaix mawz naeh. Mawz lez, gux hawj bin gux yuq doqnaj mawz lingzloh. Gaj taeng zwz ux maz, gux bae daem nij paenqdix mboqyaq." 35Doaklaeng Yez'hoahhuah hawj dij goanz Yixsowhleh baenzrah. Unj puj Yixsowhleh daj Yaqlunh hoak dij moaz jim, aeu dij moaz jim hoak dij sen paenqdix.
လက္ရွိေရြးခ်ယ္ထားမွု
Ni Aizjih 32: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.
Ni Aizjih 32
32
Do Moaz Jim
1Dij goanz Yixsowhleh taen Moahciz laj laj naengz mboq loangz daeuj, zoq maz dih Yaqlunh naeh, daj dix hax: "Laux Moahciz laux naeh, lingz gaenqpiu daeq Aizjih og daeuj, piu mboq ruxndeq dix gannaeh mex zoah gaeng saeh. Gannaeh mawz chauq jij yowngh sen ux, hawj paenqdix lingz loh piu." 2Yaqlunh daj paenqdix hax: "Gaenqsu bae tod ven jim mijmez su daj ven jim lug su, aeu maz hawj gux." 3Dij goanz Yixsowhleh zoq tod ven paenqdix daeuj, aeu maz hawj Yaqlunh. 4Yaqlunh aeu ven paenqdix maz loq, kaeuz hoak do moaz ux. Paenqdix hax: "Yixsowhleh aj, gaenqnaeh zawh dij sen raeuz, zawh dix lingz raeuz daeq Aizjih og daeuj." 5Yaqlunh leztaen, zoq yuq doqnaj do moaz naeh daep aen kuq mbud dij sen ux, yaq daj daengzle hax: "Vaenzbig gaem jeng Yez'hoahhuah." 6Nawlaeng zaeux, dij goanz Yixsowhleh zung doihdo maz, mbangj yowngh aeu pyaeu mbud, mbangj yowngh aeu mbud hoak gaenq hawj dij sen daj paenqdix dungzndae, yaq paenqdix zoq naengh daeuj, jin niz jin, ndut niz ndut, nyingz zaiz dungzyoak-dungzlingz, hoak gaenq diauq mboq zauh.
Moahciz Saeh Dij Goanz Yixsowhleh Vanz Dij Sen
7 Yez'hoahhuah daj Moahciz hax: "Mawz loangz bae ndeh, unj dij goanz mawz, sowh dij goanz mawz lingz daeq Aizjih og daeuj naeh hoak gaenq ndoagndaeg, hoak loang dwx yah. 8Paenqdix yaengxgaj mboq biak kauq gux, chauq do moaz ux, gvih mwz doq do moaz naeh, mbud do moaz naeh, hax: ‘Yixsowhleh aj, gaenqnaeh zoq zawh dij sen lingz raeuz daeq Aizjih og daeuj naeh.’" 9Yez'hoahhuah daeuq daj Moahciz hax: "Sowh dij goanz naeh hoak hoanh hoanh, hoz nyaeb gaenq. 10Gannaeh mawz laek lanx gux, gux rikdwk paenqdix, ndaep paenqdix lown, gux hawj luglan mawz baenz goh dwx." 11Moahciz caqsiq vanz Yez'hoahhuah dij Sen dix: "Yez'hoahhuah aj, vanz mawz laek rikdwk dij goanz Yixsowhleh, paenqdix zawh mawz aeu riangz dwx mawz, aeu mungz mawz lingz daeq Aizjih og daeuj. 12Jixzawh mawz kaj paenqdix, dij goanz Aizjih toj rux hoakzaqnaeh hax mawz mboqyaq: ‘Dij Sen puj Yixsowhleh lingz puj Yixsowhleh daeq ndaw Aizjih raeuz mwz ndaw bo zawh soanx yuq ndaw bo kaj paenqdix, hawj paenqdix lown nauq.’ Baenznaeh vanz mawz laek rik, laek hawj paenqdix tai. 13Vanz mawz cholaeng puj koij mawz Yaqboahlazhanq, Yitsaeg, Yixsowhleh, laek hawj luglan paenqdix lown, unj mawz ndaej jix hoakri daj paenqdix haxgoak daekgoanq, mawz hax: ‘Gux hawj luglan mawz raengh huhhuh, lai daj ndaundiq pumhfax dungzlumj. Gux aeu dih gux yinq hawj mawz naeh hawj luglan mawz, hawj paenqdix yuq dih gaengnaeh hoakjin daengznauq.’" 14Yaq, Yez'hoahhuah zoq mboq hoak zaq mbaednduq dix hax naeh, dix mboq hawj dij goanz Yixsowhleh tai.
Moahciz Aeu Song Kvaix Tin Laiz Kauq Dij Sen Naeh Faed Nownzcumj
15 Moahciz loangz daeq ndaw bo daeuj, mungz dix gaem song kvaix tin laiz fahlih naeh, song kvaix tin naeh daengz song baih miz tasw. 16Song kvaix tin naeh zawh dij Sen haeggaj hoak, tasw goj zawh dix haeggaj kaeuz. 17Yezsuzyaq ruxnyinz dij goanz Yixsowhleh zuk nyauznyauz, zoq daj Moahciz hax: "Dih dij goanz Yixsowhleh ndowj naeh miz hiang daj baih daenh dungzsaeuh." 18Moahciz yaeng: "Hiang gaenqnaeh mboq zawh hiang saeuh bex, goj mboq zawh hiang saeuh mboq bex, gux ruxnyinz zawh hiang hoak lownx." 19Gau Moahciz zaekgaj maz daeux dih dij goanz Yixsowhleh ndowj naeh, dix leztaen do moaz jim gaengnaeh, leztaen miz dij goanz lownx niz lownx, tiauq niz tiauq, dix zoq rik, aeu song kvaix tin gaengnaeh yuq din bo faed vaih nauq. 20Yaq dix aeu do moaz jim naeh maz, aeu faez pyaeu, hux ngawz ngawz, aeu dwk bae ndaw naemx, yaix dij goanz Yixsowhleh ndut. 21Moahciz daj Yaqlunh hax: "Dij goanz Yixsowhleh hoakzaqrawz coak mawz, hawj mawz lingz paenqdix hoak loang ndaek baenzzaqnaeh ah?" 22Yaqlunh yaeng: "Vanz zaeuj gux laek rik, unj mawz goj ruxndeq paenq goanz naeh bwnz gaenq ndae lej mboq rux hoak, rux hoak gaj gaenqndog. 23Paenqdix daj gux hax: ‘Laux Moahciz laux naeh, lingz gaenqpiu daeq Aizjih og daeuj, piu mboq ruxndeq dix mex zoah gaeng saeh. Gannaeh mawz chauq jij yowngh sen ux, hawj paenqdix lingz loh piu.’ 24Gux daj paenqdix hax: ‘Gawz miz ven jim zoq tod daeuj.’ Paenqdix aeu hawj gux, gux aeu viangh bae ndaw faez, zoq haeggaj baenz do moaz jim naeh." 25Moahciz ruxndeq zawh Yaqlunh gvanx dij goanz Yixsowhleh rowngh gvaq, zux hawj dij goanz Yixsowhleh luanq hoak luanq bae, hawj sowh puj daj puj Yixsowhleh hoak dangqbaih naeh kosaemj. 26Moahciz in baegloh dih puj Yixsowhleh daengj zangjpungh ndowj naeh hax: "Gawz nowngz Yez'hoahhuah gawz zoq maz dih gux inxnaeh." Yaq ngah Liqvaeq naeh zoq maz haenz dix. 27Moahciz daj paenqdix hax: "Yez'hoahhuah, dij Sen Yixsowhleh hoakzaqnaeh hax: ‘Gaenqsu gaj goanz gaj yauq naep remz, mwz dih dij goanz Yixsowhleh su daengj zangjpungh ndowj naeh cha daengzle nauq. Gawz ndaej hoak mbaed saeh gaengnaeh zoq kaj gawz, daengz zawh bihnongx zaiz su, dungzbownh su, sowh puj zangjpungh daj gaenqsu yuq dungzzawj naeh, su goj kaj nauq.’" 28Ngah Liqvaeq zoq hoakzaq Moahciz hax naeh bae hoak. Vaenz gaengnaeh, miz teq sam tiang goanz ux naeh zoah kaj. 29Moahciz daj ngah Liqvaeq naeh hax: "Vaenz naeh gaenqsu yauq aeu hoakri hoak daj puj ndai mboq dungzlumj, aeu hoakri hoak sowh puj kvej Yez'hoahhuah naeh, unj gaenqsu kaj lug zaiz hoakri daj bihnongx zaiz hoakri, hoanx naeh Yez'hoahhuah toj gumx su mboqyaq."
Moahciz Daeuq Saeh Dij Goanz Yixsowhleh Vanz Dij Sen
30Vaenzlaeng, Moahciz daj dij goanz Yixsowhleh hax: "Gaenqsu hoak loang dwx, gannaeh gux kwnj mwz dih Yez'hoahhuah naeh, mbangjbaez rux saeh gaenqsu taeq gaenq hoakloang su." 31Yaq, Moahciz dauh mwz dih Yez'hoahhuah naeh, dix hax: "Dij goanz Yixsowhleh hoak loang dwx, paenqdix aeu jim hoak do moaz ux, aeu do moaz jim naeh hoak dij sen paenqdix. 32Gannaeh jixzawh mawz yangq gaenq hoakloang paenqdix, zoq ndae. Jixzawh mawz mboq yangq, vanz mawz tah minxzwh gux ni bwnz mawz aeu laiz minxzwh dij goanz mawz naeh ndeh." 33Yez'hoahhuah daj Moahciz hax: "Gawz hoak loang gux, gux zoq tah minxzwh gawz ni bwnz sw naeh. 34Gannaeh mawz bae ndeh, lingz dij goanz Yixsowhleh mwz dih gux yaix mawz naeh. Mawz lez, gux hawj bin gux yuq doqnaj mawz lingzloh. Gaj taeng zwz ux maz, gux bae daem nij paenqdix mboqyaq." 35Doaklaeng Yez'hoahhuah hawj dij goanz Yixsowhleh baenzrah. Unj puj Yixsowhleh daj Yaqlunh hoak dij moaz jim, aeu dij moaz jim hoak dij sen paenqdix.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.