Ni Aizjih 13
13
Lug zaiz To Daj Lugtaek Nduq Aeu Hoak Gaenq Yez'hoahhuah
1 Yez'hoahhuah haxdoq Moahciz: 2"Dij goanz Yixsowhleh, aeu lug zaiz to yauq hoak gaenq gux, hawj gux. Lug zaiz to daj doihdo lugtaek nduq yauq aeu hoak gaenq gux." 3Moahciz daj dij goanz Yixsowhleh hax: "Vaenz naeh zawh Yez'hoahhuah aeu riangz dwx dix lingz su ni Aizjih dih su hoakkoij daenh naeh. Gaenqsu laek lumz vaenz naeh. Le vaenz Gaem Jeng Mboq Miz fahfaenx naeh, mboq jinx jin gaenq miz fahfaenx. 4Gaenqsu zawh ndown Yaqbih vaenz naeh ni Aizjih. 5Vaenzmawq Yez'hoahhuah lingz su mwz dih puj Zaznanh, puj Howx, puj Yaqmoahliq, puj Cizvaeq, puj Yezbuqsez yuq naeh. Dih naeh zoq zawh dih Yez'hoahhuah yinq puj jeq rownz raeuz dix rux aeu hawj raeuz. Dih naeh namh yawz, namh gvangj, miz gaenqvan lai. Taeng zwz naeh su gaem Jeng Mboq Miz Fahfaenx. 6Gaenqsu jin binx mboq miz fahfaenx jiat vaenz, vaenz daih jiat, jin'jeng biangz Yez'hoahhuah. 7Jiat vaenz naeh gaenqsu jin binx mboq miz fahfaenx, dih su ndowj naeh, ijrawz goj mboq jinx miz fahfaenx daj sowh gaenq aeu fahfaenx dwk naeh. 8-9Vaenz gaeng naeh, su haxdoq lug zaiz su: "Hoakzaqnaeh hoak, zawh hax Yez'hoahhuah aeu riangz dwx dix lingz gaenqraeuz ni Aizjih, gaenqraeuz zoq gaem Jeng mbaiq dix. Gaenqnaeh daj aeu mai nyaengx ndaw mungz daj najpyaeg dungzlumj, hawj raeuz mboq rux lumz sowh gaenq Yez'hoahhuah saeh raeuz hoak naeh, hawj raeuz aeu kauq dix nyaengxzaw. 10Baenzzaqnaeh, gaenqsu bi rawz goj yuq sowh le vaenz zawjraeuz naeh gaem Jeng Mboq Miz Fahfaenx." 11Vaenzmawq, Yez'hoahhuah hoakzaq gaenq gaenqdix yinq raeuz daj yinq puj jeq rownz raeuz naeh, zowz raeuz mwz dih puj Zaznanh yuq naeh, aeu dih naeh hawj raeuz yaq, 12gaenqraeuz aeu lug zaiz to raeuz hawj dix, goj aeu doihdo lugtaek nduq hawj dix. 13Lugtaek nduq dij loix, aeu dij mbej ix bae daeb. Jixzawh mboq aeu bae daeb, zoq taek goakhoz dij loix. Dij goanz raeuz, lug zaiz to, zoq aeu do yowngh ndai bae daeb. 14Jixzawh vaenzmawq lug zaiz su cham su baenzzaqrawz hoakzaqnaeh, su zoq haxdoq dix, Yez'hoahhuah aeu riangz dwx dix lingz raeuz ni Aizjih dih raeuz hoakkoij daenh naeh. 15Zwz naeh laux hongz Aizjih haxnyaeb gvaq, mboq venq hawj raeuz ni Aizjih, Yez'hoahhuah zoq kaj lug zaiz to dij goanz ndaw Aizjih nauq. Lug zaiz to dij goanz daj doihdo lugtaek nduq kaj daengzle nauq. Baenzzaqnaeh, gaenqsu aeu doihdo lugtaek nduq hoak gaenq mbud hawj Yez'hoahhuah. Gaj lug zaiz to raeuz zoq aeu do yowngh ndai bae daeb. 16Gaenqnaeh daj aeu mai nyaengx ndaw mungz daj najpyaeg dungzlumj, hawj raeuz mboq rux lumz sowh gaenq Yez'hoahhuah saeh raeuz hoak naeh, unj Yez'hoahhuah aeu riangz dwx dix lingz raeuz ni Aizjih."
Saeu Pajfax Daj Saeu Faez
17Zwz laux hongz Aizjih hawj dij goanz Yixsowhleh ni Aizjih naeh, dij goanz Yixsowhleh bae lej zawh bae ka Faezliqseq naeh zawj nyeuz, gaj dij Sen mboq lingz paenqdix daeq ka naeh. Dij Sen hax: "Mbu dij goanz gux daj daenh dungzsaeuh maz ej soangqzaw, ej daeuq dauh bae Aizjih." 18Baenzzaqnaeh dix zowz dij goanz dix vaenx mwz ka ndaw doanghmowz, mwz baih Haijndiang naeh. Zwz dij goanz Yixsowhleh ni Aizjih naeh, paenqdix gaem gaenq dungzsaeuh. 19Zwz Yezsowh zaekgaj tai naeh, dix ndaej daj dij goanz Yixsowhleh dix hoakzaqnaeh hax: "Dij Sen saeh su mboqyaq, su ni Aizjih zwzrawz, tw daengz nduk gux zaemh mwz." Dij goanz Yixsowhleh zoq yinq dix. Baenzzaqnaeh gannaeh Moahciz laep nduk Yezsowh zaemh mwz. 20Paenqdix daeq ndaw Suzgoah loangzdin, yuq haenz doanghmowz dih Yixtangq naeh yuq goanq. 21Yez'hoahhuah yuq baihnaj paenqdix, zang'vaenz aeu pajfax hoak saeu lingz loh paenqdix, zang'hwnz aeu faez hoak saeu lingz loh paenqdix, hawj paenqdix zang'vaenz zang'hwnz goj daeq baenz. 22Zang'vaenz aeu pajfax hoak saeu, zang'hwnz aeu faez hoak saeu, zwz rawz goj yuq baihnaj lingz loh paenqdix.
လက္ရွိေရြးခ်ယ္ထားမွု
Ni Aizjih 13: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.
Ni Aizjih 13
13
Lug zaiz To Daj Lugtaek Nduq Aeu Hoak Gaenq Yez'hoahhuah
1 Yez'hoahhuah haxdoq Moahciz: 2"Dij goanz Yixsowhleh, aeu lug zaiz to yauq hoak gaenq gux, hawj gux. Lug zaiz to daj doihdo lugtaek nduq yauq aeu hoak gaenq gux." 3Moahciz daj dij goanz Yixsowhleh hax: "Vaenz naeh zawh Yez'hoahhuah aeu riangz dwx dix lingz su ni Aizjih dih su hoakkoij daenh naeh. Gaenqsu laek lumz vaenz naeh. Le vaenz Gaem Jeng Mboq Miz fahfaenx naeh, mboq jinx jin gaenq miz fahfaenx. 4Gaenqsu zawh ndown Yaqbih vaenz naeh ni Aizjih. 5Vaenzmawq Yez'hoahhuah lingz su mwz dih puj Zaznanh, puj Howx, puj Yaqmoahliq, puj Cizvaeq, puj Yezbuqsez yuq naeh. Dih naeh zoq zawh dih Yez'hoahhuah yinq puj jeq rownz raeuz dix rux aeu hawj raeuz. Dih naeh namh yawz, namh gvangj, miz gaenqvan lai. Taeng zwz naeh su gaem Jeng Mboq Miz Fahfaenx. 6Gaenqsu jin binx mboq miz fahfaenx jiat vaenz, vaenz daih jiat, jin'jeng biangz Yez'hoahhuah. 7Jiat vaenz naeh gaenqsu jin binx mboq miz fahfaenx, dih su ndowj naeh, ijrawz goj mboq jinx miz fahfaenx daj sowh gaenq aeu fahfaenx dwk naeh. 8-9Vaenz gaeng naeh, su haxdoq lug zaiz su: "Hoakzaqnaeh hoak, zawh hax Yez'hoahhuah aeu riangz dwx dix lingz gaenqraeuz ni Aizjih, gaenqraeuz zoq gaem Jeng mbaiq dix. Gaenqnaeh daj aeu mai nyaengx ndaw mungz daj najpyaeg dungzlumj, hawj raeuz mboq rux lumz sowh gaenq Yez'hoahhuah saeh raeuz hoak naeh, hawj raeuz aeu kauq dix nyaengxzaw. 10Baenzzaqnaeh, gaenqsu bi rawz goj yuq sowh le vaenz zawjraeuz naeh gaem Jeng Mboq Miz Fahfaenx." 11Vaenzmawq, Yez'hoahhuah hoakzaq gaenq gaenqdix yinq raeuz daj yinq puj jeq rownz raeuz naeh, zowz raeuz mwz dih puj Zaznanh yuq naeh, aeu dih naeh hawj raeuz yaq, 12gaenqraeuz aeu lug zaiz to raeuz hawj dix, goj aeu doihdo lugtaek nduq hawj dix. 13Lugtaek nduq dij loix, aeu dij mbej ix bae daeb. Jixzawh mboq aeu bae daeb, zoq taek goakhoz dij loix. Dij goanz raeuz, lug zaiz to, zoq aeu do yowngh ndai bae daeb. 14Jixzawh vaenzmawq lug zaiz su cham su baenzzaqrawz hoakzaqnaeh, su zoq haxdoq dix, Yez'hoahhuah aeu riangz dwx dix lingz raeuz ni Aizjih dih raeuz hoakkoij daenh naeh. 15Zwz naeh laux hongz Aizjih haxnyaeb gvaq, mboq venq hawj raeuz ni Aizjih, Yez'hoahhuah zoq kaj lug zaiz to dij goanz ndaw Aizjih nauq. Lug zaiz to dij goanz daj doihdo lugtaek nduq kaj daengzle nauq. Baenzzaqnaeh, gaenqsu aeu doihdo lugtaek nduq hoak gaenq mbud hawj Yez'hoahhuah. Gaj lug zaiz to raeuz zoq aeu do yowngh ndai bae daeb. 16Gaenqnaeh daj aeu mai nyaengx ndaw mungz daj najpyaeg dungzlumj, hawj raeuz mboq rux lumz sowh gaenq Yez'hoahhuah saeh raeuz hoak naeh, unj Yez'hoahhuah aeu riangz dwx dix lingz raeuz ni Aizjih."
Saeu Pajfax Daj Saeu Faez
17Zwz laux hongz Aizjih hawj dij goanz Yixsowhleh ni Aizjih naeh, dij goanz Yixsowhleh bae lej zawh bae ka Faezliqseq naeh zawj nyeuz, gaj dij Sen mboq lingz paenqdix daeq ka naeh. Dij Sen hax: "Mbu dij goanz gux daj daenh dungzsaeuh maz ej soangqzaw, ej daeuq dauh bae Aizjih." 18Baenzzaqnaeh dix zowz dij goanz dix vaenx mwz ka ndaw doanghmowz, mwz baih Haijndiang naeh. Zwz dij goanz Yixsowhleh ni Aizjih naeh, paenqdix gaem gaenq dungzsaeuh. 19Zwz Yezsowh zaekgaj tai naeh, dix ndaej daj dij goanz Yixsowhleh dix hoakzaqnaeh hax: "Dij Sen saeh su mboqyaq, su ni Aizjih zwzrawz, tw daengz nduk gux zaemh mwz." Dij goanz Yixsowhleh zoq yinq dix. Baenzzaqnaeh gannaeh Moahciz laep nduk Yezsowh zaemh mwz. 20Paenqdix daeq ndaw Suzgoah loangzdin, yuq haenz doanghmowz dih Yixtangq naeh yuq goanq. 21Yez'hoahhuah yuq baihnaj paenqdix, zang'vaenz aeu pajfax hoak saeu lingz loh paenqdix, zang'hwnz aeu faez hoak saeu lingz loh paenqdix, hawj paenqdix zang'vaenz zang'hwnz goj daeq baenz. 22Zang'vaenz aeu pajfax hoak saeu, zang'hwnz aeu faez hoak saeu, zwz rawz goj yuq baihnaj lingz loh paenqdix.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.