HAGI 2
2
Caung:pa" Yham Asag' Gyag: Ra" Khyo
1Ai zin: lho" nhad' khye' shid' xe: daba: ba re Asang wa lapa Hagi khyo" dam: jhau: thug' li" va". 2Yao: wa Yuda mung" zug: Zerubabela rere: Khinjaung Yin" Yoshu rere: mung" byu qere re: ta" kyo: wa,- ga: ta" ra". 3Naonhaung" mae" khoyaug wa Caung:pa" Yham khoqhi" gyag: rure xam: shiko" i? Naonhaung" qhid' mae" pe" mangad: lo: nhohab mung genae". 4Ngadqere: naonhaung" mae" khag' re: nhag' lam: dagyug: ge,- mau" zaui: ge,- naonhaung" we' daga" ngo na:- 5Naonhaung" Egutu mae" phao: thug' lo: re naonhaung" we' daga" khonhae" re: ngo na nae" ein: dao:so: ngo byid' to: va". Ana" re: naonhaung" we' daga" ngo na shi"- airumung: dagyaug ge,.
6Khomyhao" mamyao" re ngo wa mug: khaung we' myid gaung- taung gaung we' panglai: re lhaui" nhan" nae". 7Mung"dan: alhab' re ngo lhau: phyo' khyo" pye' byid: mung: yao: bam: jo,nho" jham re cekhyo tai: yu: pye' nae". Caung:pa" Yham wa jo,nho" byang" jo; li" nae". 8Mug: myid dao mae" ngaui we' qhang alhab' wa nga" mae" ngad:- 9Caung:pa" Yham asag' wa axug' lam: tho' je: gyag: li" nae". Ai: jo, qo mae ngo wa nga" byumyu" re na: dai: ru we' ngaui pyo: yaug yo: ru byid: nae"- ga: qam: so' bo: thao" Asang ta" va".
Lapa Pho" Khin Jaung Qe We' Qham: Qu" Ra" Khyo
10Dari: khosin" kho" do; thao shid' zin ein: zin lho" gug khye shid' xe: byid ba: ba re qam: bo: thao" ra" Asang wa lapa Hagi re dam: jhau: ra". 11Yao: wa ce: dao: myid: re dao: phyid byid: ge, nae" qhid' mae" khinjaung qere myid: wa,- 12Byu dayaug yaug wa xeim: ngaui" byid: nae" ga: qhaug' to" ra" sho: re yao" bau: qhang thao mae zeim: vo; lo" ein: ta" gelang:- aimung: yao" bau: qhang thao wa yhaung" nyho' to: va" zo:ve- sabyi qang:- zhanlun xau mangad: lao" zo: shaug' daja: re the' tin" zao" re ai: zo shaug' wa gyang" lho" ra" ngaui" xeim: boe" nae" i?- ga: dao: myid: myid' ke' ra" au: re
khinjaung qe wa maboe" nae" ga: tau" ako".
13Ai: thao Hagi dam: myid' ru wa byu dayaug yaug sushid mao re the' tin: yang masan masin" boe" byaug: ein: gelang:- airu: boe" thao re yao" yang ce: zo: shaug' jham mae" daja: ja: re the' tin" re- ai re: masan masin" boe" nhao nae" i?- ga: myid' ra".
Khin jaung qe wa boe" nhao nae" ga: tau" ako".
14Ailao" Hagi ta" ru wa Asang ta" ru wa- ai we' dakhyo: ce: byumyu" mae we' yao: bam kad' thug' ja: alhab' mae boe" va". Xeim: ngaui" phan dao mae yao: bam qhaug' byid' ra" ja: alhab' re: masan masin" boe" va"- ga: ta" ra".
Asang Wa Shaman" Byid: Nae" Dao:so: Byid' Ra" Khyo
15 Asang ta" ru wa naonhaung" mae pe" boe" na: rure mamyao ko" i?- naonhaung" Caung:pa" Yham madam: xo' zhaug' shire- 16Khaung: yo mae" shid' yo bye: qo" yu nae" ga: myid: lam: ci mung: ye" re dayo bye: za: qo" yu: ako". sabyi qang: soe: sam yo qo" yu nae" ga: myid: lam: ci mung: ye" re soe: dayo: shid' xe za: qo" yu: ako". 17Ngo wa naonhaung" qho" ra" qhovo: alhab' re kyaug' shid nhao nae" qhid' mae" la laung hug' nhao mung: lag qu khyo" nhao qere: naonhaung" nhag' lam: matha" shi: ngad: ako". 18Ana" ba wa lho" gug khye ein: khye' shid' xe: byid ba: ba Caung:pa" Yham apan aqao: zao: pin" ra" ba: na ngad: ra". Ana" mae" thao phyao: pe" ru: mung: lo nae" rure qu" na ge,. 19Gaug zo maui lam: pe" madang- sabyi naui - pho' ham" gae- khaung: shi: gae we' zhanlun gae jham ashi: mazaui: lo: gesho' ngadqere: ana" mae" thoegu: mae naonhaung" re ngo shaman" byid: nae"- ga: ta" ra".
Zerubabela Re Asang Dao:so: Byid' Ra" Khyo
20Ai: lho" khye' shid' xe: byid ba: ba mae yao: Asang wa Hagi nhad' khyo" Yuda mang: zug: Zerubabela qhid' mae" shid' lhang ein: lang mungdao: byid' ra". 21Ai: mungdao: wa ngo wa mug: khaung we' myid gaung re lhaui" nhan" ke' naeva". 22Mung"dan: jham re lhau: phyo' khyo" pye' mung: yao: bam: qam: so' re thao" nhao: pye' byid: nae". Gye myao: lhin" jham we' myao: lhin" keim: mo, re ngo tau: phaug' pye' nae". Myao: jham shid: shao" byaug mung: myao: zaung mo, yao: cao: jho" se' shid: li" genae". 23Ai: ba na mae nga" daui daui yaug Zerubabela we"- ngo nao re jhui" yu mung: nga" mang: yang eib zo: nae" qhid' mae" ngo nao re san: to: nae". Nao wa ngo khyin: to: yaug ngad:- qam: so' bo: thao" Asang ta" ra".
လက္ရွိေရြးခ်ယ္ထားမွု
HAGI 2: LHCL
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Bible Society of Myanmar 2009
HAGI 2
2
Caung:pa" Yham Asag' Gyag: Ra" Khyo
1Ai zin: lho" nhad' khye' shid' xe: daba: ba re Asang wa lapa Hagi khyo" dam: jhau: thug' li" va". 2Yao: wa Yuda mung" zug: Zerubabela rere: Khinjaung Yin" Yoshu rere: mung" byu qere re: ta" kyo: wa,- ga: ta" ra". 3Naonhaung" mae" khoyaug wa Caung:pa" Yham khoqhi" gyag: rure xam: shiko" i? Naonhaung" qhid' mae" pe" mangad: lo: nhohab mung genae". 4Ngadqere: naonhaung" mae" khag' re: nhag' lam: dagyug: ge,- mau" zaui: ge,- naonhaung" we' daga" ngo na:- 5Naonhaung" Egutu mae" phao: thug' lo: re naonhaung" we' daga" khonhae" re: ngo na nae" ein: dao:so: ngo byid' to: va". Ana" re: naonhaung" we' daga" ngo na shi"- airumung: dagyaug ge,.
6Khomyhao" mamyao" re ngo wa mug: khaung we' myid gaung- taung gaung we' panglai: re lhaui" nhan" nae". 7Mung"dan: alhab' re ngo lhau: phyo' khyo" pye' byid: mung: yao: bam: jo,nho" jham re cekhyo tai: yu: pye' nae". Caung:pa" Yham wa jo,nho" byang" jo; li" nae". 8Mug: myid dao mae" ngaui we' qhang alhab' wa nga" mae" ngad:- 9Caung:pa" Yham asag' wa axug' lam: tho' je: gyag: li" nae". Ai: jo, qo mae ngo wa nga" byumyu" re na: dai: ru we' ngaui pyo: yaug yo: ru byid: nae"- ga: qam: so' bo: thao" Asang ta" va".
Lapa Pho" Khin Jaung Qe We' Qham: Qu" Ra" Khyo
10Dari: khosin" kho" do; thao shid' zin ein: zin lho" gug khye shid' xe: byid ba: ba re qam: bo: thao" ra" Asang wa lapa Hagi re dam: jhau: ra". 11Yao: wa ce: dao: myid: re dao: phyid byid: ge, nae" qhid' mae" khinjaung qere myid: wa,- 12Byu dayaug yaug wa xeim: ngaui" byid: nae" ga: qhaug' to" ra" sho: re yao" bau: qhang thao mae zeim: vo; lo" ein: ta" gelang:- aimung: yao" bau: qhang thao wa yhaung" nyho' to: va" zo:ve- sabyi qang:- zhanlun xau mangad: lao" zo: shaug' daja: re the' tin" zao" re ai: zo shaug' wa gyang" lho" ra" ngaui" xeim: boe" nae" i?- ga: dao: myid: myid' ke' ra" au: re
khinjaung qe wa maboe" nae" ga: tau" ako".
13Ai: thao Hagi dam: myid' ru wa byu dayaug yaug sushid mao re the' tin: yang masan masin" boe" byaug: ein: gelang:- airu: boe" thao re yao" yang ce: zo: shaug' jham mae" daja: ja: re the' tin" re- ai re: masan masin" boe" nhao nae" i?- ga: myid' ra".
Khin jaung qe wa boe" nhao nae" ga: tau" ako".
14Ailao" Hagi ta" ru wa Asang ta" ru wa- ai we' dakhyo: ce: byumyu" mae we' yao: bam kad' thug' ja: alhab' mae boe" va". Xeim: ngaui" phan dao mae yao: bam qhaug' byid' ra" ja: alhab' re: masan masin" boe" va"- ga: ta" ra".
Asang Wa Shaman" Byid: Nae" Dao:so: Byid' Ra" Khyo
15 Asang ta" ru wa naonhaung" mae pe" boe" na: rure mamyao ko" i?- naonhaung" Caung:pa" Yham madam: xo' zhaug' shire- 16Khaung: yo mae" shid' yo bye: qo" yu nae" ga: myid: lam: ci mung: ye" re dayo bye: za: qo" yu: ako". sabyi qang: soe: sam yo qo" yu nae" ga: myid: lam: ci mung: ye" re soe: dayo: shid' xe za: qo" yu: ako". 17Ngo wa naonhaung" qho" ra" qhovo: alhab' re kyaug' shid nhao nae" qhid' mae" la laung hug' nhao mung: lag qu khyo" nhao qere: naonhaung" nhag' lam: matha" shi: ngad: ako". 18Ana" ba wa lho" gug khye ein: khye' shid' xe: byid ba: ba Caung:pa" Yham apan aqao: zao: pin" ra" ba: na ngad: ra". Ana" mae" thao phyao: pe" ru: mung: lo nae" rure qu" na ge,. 19Gaug zo maui lam: pe" madang- sabyi naui - pho' ham" gae- khaung: shi: gae we' zhanlun gae jham ashi: mazaui: lo: gesho' ngadqere: ana" mae" thoegu: mae naonhaung" re ngo shaman" byid: nae"- ga: ta" ra".
Zerubabela Re Asang Dao:so: Byid' Ra" Khyo
20Ai: lho" khye' shid' xe: byid ba: ba mae yao: Asang wa Hagi nhad' khyo" Yuda mang: zug: Zerubabela qhid' mae" shid' lhang ein: lang mungdao: byid' ra". 21Ai: mungdao: wa ngo wa mug: khaung we' myid gaung re lhaui" nhan" ke' naeva". 22Mung"dan: jham re lhau: phyo' khyo" pye' mung: yao: bam: qam: so' re thao" nhao: pye' byid: nae". Gye myao: lhin" jham we' myao: lhin" keim: mo, re ngo tau: phaug' pye' nae". Myao: jham shid: shao" byaug mung: myao: zaung mo, yao: cao: jho" se' shid: li" genae". 23Ai: ba na mae nga" daui daui yaug Zerubabela we"- ngo nao re jhui" yu mung: nga" mang: yang eib zo: nae" qhid' mae" ngo nao re san: to: nae". Nao wa ngo khyin: to: yaug ngad:- qam: so' bo: thao" Asang ta" ra".
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Bible Society of Myanmar 2009