AMO 6
6
Israel Byo; Qeim: Lo" Nae" Khyo
1Ziun bam mae yoyo myan myan za: na: bam mo, naonhaung"- Samari mae gug:gam va" ga: myid: lam: na mo, naonhaung"- Israel mung" zang mae" byuqi: byuqhang jham naonhaung"- naonhaung" jhao" bao" thaug' qhug' nae" qhid' mae" zang" li" ra" byumyu" qere lhaung" lham: bao" mo, naonhaung" we"- naonhaung" wa- byuxa: voqoe, qhug' ako". 2Kalne vomo" re yequ" ge,- aimung: Hamad vomo" khyo ye: ge,- xo' yang: Philisti vomo" Gat khyo gyo" ye: ge,. Ai: vomo" jham wa Yuda mung" we' Israel mung" tho' khonho" je: gai: ra" i? Aijham: mug: kyo: wa naonhaung" mug: kyo: tho' je: qi: je: lu: mangad: i? 3Naonhaung" wa kyi" khyag' ra" ba na joe" li" nae" ga" rure manug: khae: yu ngad: ako". Ngadqere: naonhaung" kad' ru wa ai: ba na re je: za: jhao" li" nhao: ra". 4Langa: bo: ra" jaung: dao mae lang" jo, mung: nung: nau" sho: we' yao nau" sho: amyan: amyho' zo" na mo, naonhaung" wa byuxa: voqoe, qhug' ako". 5Naonhaung" wa Davi we' dakhyo: nghaui" caung: thug nug gemung:- aijham re tang: thoe we' be, nug mo, ngad: ako". 6Naonhaung" wa khug' byang" byang" sabyi qang: shaug' mung: gai: thao" ra" nae pyo: qang: re ci ako"- ngadqere: Israel byo; qeim: lo" nae" rure maba: kaug' ngad: ako". 7Airumung: naonhaung" shi" gamug: khyo byaung" phao: lo" ca" li" genae". Naonhaung" nho: poe jham we' zo: shaug' poe zo" ru thao" byaug: li" nae".
8Qam: so' bo: thao" ra" Mao"So Asang wa ceru: ga" ra" ta" peim: dao: re jhau: ke' ra". Ai wa Israel byumyu" qenho: ngad beim: khyo re ngo nghang" ra". Yao: bam: langa: bo: ra" yham qi: jham re ngo manug: qu"- ngo wa yao: bam: vogaung: mo" we' aimae jo; ra" gu: alhab' re gyevo qere byid' pye' nae".
9Dayham khaung mae yauggai daxe yaug na: dang: re yao: bam shid: shao" genae". 10Shid yaug: nho: ba nam Sushid poe sang: wa maogaung re yham khug mae" phoe' thug' lo" nae". Ai: ba nam sang: cao: wa yham khug mae na: dang yaug re- aimae nao we' khag' na shi"- ga: myid' li" nae".
Yao: wa- khag' mana lo:- ga: tau: nae".
Ailao" ai: ba nam pho" wa- sae za: na wa,- lha" wa,- Asang: mang re nga" shid' zo: magai: ta" thug' nae" lhe"- ga: ta" li" nae".
11 Asang: yang amyin" byid' ke' re yham zang yham zo: alhab' byo; sin" lo" li" genae". 12Myao: jham wa laug bam dao mae thug' jhu" qin" ko" ra" i? Byu wa panglai: tham: re nung: lo: jham: yang gai: phaug' i? Naonhaung" kam" wa tarha" din: nyang: rure daug boe" nhao: pye' mung: jo: rure shad' nghung" ru boe" nhao: ako".
13Naonhaung" wa- Lodeba vogaung: re qo" lhad' yu: ga: phug: ta" ako". Naonhaung" wa- Karnaim re qo" yu nae qhi" ngonhaung" mae qam: bo:- ga: phug: ta" ako".
14Qam: so' bo: thao" ra" Mao"So Asang yao: yao: wa- Israel byumyu" qe we"- naonhaung" nho: mug: myid re sang zo: nae" qhid' mae" taung bug gamang: mae" gyetab datab re nhao: ke' byid: nae". Airu wa naonhaung" re mug: am: shad' khyo Hamad bam gyo: mae" mug: thao shad' khyo Araba qid zo: gyaung: joe" sho' deim" zag zo" pye' byid' li" genae"- ga: ta" ra".
လက္ရွိေရြးခ်ယ္ထားမွု
AMO 6: LHCL
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Bible Society of Myanmar 2009
AMO 6
6
Israel Byo; Qeim: Lo" Nae" Khyo
1Ziun bam mae yoyo myan myan za: na: bam mo, naonhaung"- Samari mae gug:gam va" ga: myid: lam: na mo, naonhaung"- Israel mung" zang mae" byuqi: byuqhang jham naonhaung"- naonhaung" jhao" bao" thaug' qhug' nae" qhid' mae" zang" li" ra" byumyu" qere lhaung" lham: bao" mo, naonhaung" we"- naonhaung" wa- byuxa: voqoe, qhug' ako". 2Kalne vomo" re yequ" ge,- aimung: Hamad vomo" khyo ye: ge,- xo' yang: Philisti vomo" Gat khyo gyo" ye: ge,. Ai: vomo" jham wa Yuda mung" we' Israel mung" tho' khonho" je: gai: ra" i? Aijham: mug: kyo: wa naonhaung" mug: kyo: tho' je: qi: je: lu: mangad: i? 3Naonhaung" wa kyi" khyag' ra" ba na joe" li" nae" ga" rure manug: khae: yu ngad: ako". Ngadqere: naonhaung" kad' ru wa ai: ba na re je: za: jhao" li" nhao: ra". 4Langa: bo: ra" jaung: dao mae lang" jo, mung: nung: nau" sho: we' yao nau" sho: amyan: amyho' zo" na mo, naonhaung" wa byuxa: voqoe, qhug' ako". 5Naonhaung" wa Davi we' dakhyo: nghaui" caung: thug nug gemung:- aijham re tang: thoe we' be, nug mo, ngad: ako". 6Naonhaung" wa khug' byang" byang" sabyi qang: shaug' mung: gai: thao" ra" nae pyo: qang: re ci ako"- ngadqere: Israel byo; qeim: lo" nae" rure maba: kaug' ngad: ako". 7Airumung: naonhaung" shi" gamug: khyo byaung" phao: lo" ca" li" genae". Naonhaung" nho: poe jham we' zo: shaug' poe zo" ru thao" byaug: li" nae".
8Qam: so' bo: thao" ra" Mao"So Asang wa ceru: ga" ra" ta" peim: dao: re jhau: ke' ra". Ai wa Israel byumyu" qenho: ngad beim: khyo re ngo nghang" ra". Yao: bam: langa: bo: ra" yham qi: jham re ngo manug: qu"- ngo wa yao: bam: vogaung: mo" we' aimae jo; ra" gu: alhab' re gyevo qere byid' pye' nae".
9Dayham khaung mae yauggai daxe yaug na: dang: re yao: bam shid: shao" genae". 10Shid yaug: nho: ba nam Sushid poe sang: wa maogaung re yham khug mae" phoe' thug' lo" nae". Ai: ba nam sang: cao: wa yham khug mae na: dang yaug re- aimae nao we' khag' na shi"- ga: myid' li" nae".
Yao: wa- khag' mana lo:- ga: tau: nae".
Ailao" ai: ba nam pho" wa- sae za: na wa,- lha" wa,- Asang: mang re nga" shid' zo: magai: ta" thug' nae" lhe"- ga: ta" li" nae".
11 Asang: yang amyin" byid' ke' re yham zang yham zo: alhab' byo; sin" lo" li" genae". 12Myao: jham wa laug bam dao mae thug' jhu" qin" ko" ra" i? Byu wa panglai: tham: re nung: lo: jham: yang gai: phaug' i? Naonhaung" kam" wa tarha" din: nyang: rure daug boe" nhao: pye' mung: jo: rure shad' nghung" ru boe" nhao: ako".
13Naonhaung" wa- Lodeba vogaung: re qo" lhad' yu: ga: phug: ta" ako". Naonhaung" wa- Karnaim re qo" yu nae qhi" ngonhaung" mae qam: bo:- ga: phug: ta" ako".
14Qam: so' bo: thao" ra" Mao"So Asang yao: yao: wa- Israel byumyu" qe we"- naonhaung" nho: mug: myid re sang zo: nae" qhid' mae" taung bug gamang: mae" gyetab datab re nhao: ke' byid: nae". Airu wa naonhaung" re mug: am: shad' khyo Hamad bam gyo: mae" mug: thao shad' khyo Araba qid zo: gyaung: joe" sho' deim" zag zo" pye' byid' li" genae"- ga: ta" ra".
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Bible Society of Myanmar 2009