Sáni Juánu 7
7
3. Ireta Jesusini no xénhchasti
(7.1—12.50)
Jesusiri erachichaksï no jakak'ukusti
1Ísï tátsekua, Jesusi Galilea isï jámaxapti. No uéksïrempti Judea jámani jarhani, jimpokaksï judiouecha uántikukuekaxapka. 2Ka enka judiouecheri Uapats'ïtakuecheri k'uínchekua antamutani jápkia, 3erachi jémpechaksï arhispti:
–Ásï ixuk'u ja; Judea ni, jurak'uksïni imat'u exeni ampe enkari úk'a, ima enkaksïni mintsikak'a. 4Jimpoka enka nema uék'a eska mítekateuaka nómpema jirikorhetini úsïnti. Enkari inteni ampe úk'a, iámentuechani japarini u.
5Jimpokaksï erachi jémpecha jamperi no jakak'ukusïrempka 6Jimak'ani Jesusi arhiaspti:
–Jucheti jurhiatarini nótki janochexati, enka úka, cháts'ï ampe uék'i jurhiata sési xésïnka. 7Parhakpeni anapuechaksïni no úsïnti chánksïni kurhunheni; jíntentsïni k'óru kurhunhesïnti, jimpokani ji k'amak'amasï xarhatakuasïnka ampe enkaksï nósesi niátani jaka. 8Cha ni je k'uíncheni; ji no niuaka, jimpoka nótki janosïnka jucheti jurhia.
9Ísï arhiaspti ka Galilea pakaraspti.
Jesusi k'uínchekuarhu nirasti
10Ka enkaksï na erachi jémpecha nípkia k'uínchenia, Jesusit'u sïpatekuarhku niraspti ka no xarhatspespti. 11Judiouechaksï k'uínchekuarhu jirinhantaxapti, ka uantasïremptiksï:
–¿Nanixamu jámani jaki ima acheti?
12Kánekua imeri ampe uantatsenhaxapti. Máruksï uantasïrempti: “Sési ampe úristi”; ka máteruksï uantasïrempti: “No sési ampe úsïnti; tantoch'pesïnti.”
13Enka úpka, k'uiripuni japarini nónema tekaasïrempti imeri ampe uantani jimpokaksï judiouecheri achamasïchani chérheasïrempka.
14Enka k'uínchekua terumeni jápka, Jesusi k'éri tiósïo inchaspti ka jurhentpeni uénaspti. 15Judiouechaksï ísku pakareratini uantasïrempti:
–¿Néna jámani i xáni uáni ampe míteski, nánti no jurhenkua p'iti?
16Jesusi arhiaspti:
–No juchetisti xáni jurhenkua enkani kámka, imeristi enkarini axaka. 17Enka nema uék'a Diósïri eratsekua úni, exeati eka Diósïrika jucheti jurhentperakua o ekani úts'ïkorheni jaka. 18Ne enka uantakorhek'a, k'érikua jirinhakorhexamti; ka ne enka imeri k'érikua jirinhak'a enka axaka, imani ampe uantasïnti enka ísïka, ka nómpema arhikua jukasti.
19“¿Anti nóksïni Moisesisï juramukuani íntsku? Ka k'óruts'ï nónema kurhantirakusïnka. ¿Antits'ïnisï uantikukuekak'i?”
20Arhisptiksï:
–¡Nóampakitikini incharhetixati! ¿Anti nékini uantikukuekaxaki?
21Jesusi arhiaspti:
–Iamentuts'ï ísku pakareraspka ima milagruni jimpo enkani [sábadu] úpka. 22Moisesiksïnisï jurak'ucheti eskats'ï sapichani ts'iuekuarhu pasïri p'ikuts'ïkukuauaka, (nák'iruka no Moisesi jimpoeka, tua anapuechani jimpoesti) ka cháts'ï p'inteska sábadu jurhiatekua ts'iueratichani ísï káani. 23Ekats'ï sábadu jurhiatekua ts'iueratichani mínta jatsikuak'a, Moisesiri juramukuanits'ïsï no uékani jurak'uni ísï jámka, ¿Jimak'ani antits'ïnisï ikiachek'i enkani ji achetini sábadu jurhiatekua k'amak'amasï ampakerantaka? 24Ásï nósesi xétspe je ampe ma imani jimpok'u eska na xarharanhani janhak'a, sési mítetini arhip'e je.
Jesusi uantakorhent'axati néski
25Máruksï Jerusaleni anapuecha uantani uénaspti:
–¿Anti nóksï ínisï jirinhantani jaki uántikukuekani? 26Nák'ichka jimini jakiia uadaxetspeni ka nónema ampe arhisïnti. ¿Óksï juramuticha jiókorhia sési jimpo eska inte Krístueska? 27Ka juchachi míteska inte nani enka anapueka; ka eka Krístu janoaka, nónema míteati ima nani anapueski.
28Jesusi, tiósïo jurhentpeni jatini, uinhachaparini uantasti:
–¡Cháchkats'ïni míteskia anoo! ¡Ka míteskachkats'ïa anoo ji nani anapueski! K'óruni no jutsïkorheska, nemarini axasti enka mintsinharhikueka ka enka cha no míteka. 29Ji míteska imani, jimpokani imeriska ka imarini axasti.
30Jimak'anksï jupikani uékaspti, k'óru nónema tekaaspti, jimpoka nótki niárakusïrempka jurhia. 31Uánekuaksï jakak'ukuspti, ka uantasïremptiksï:
–Enka ampe Krístu jurhaska ¿Imaxamu sánteru k'érati milagruechani úaua?
Fariseuechaksï Jesusini jupikani uékasti
32Fariseuechaksï mítespti enka Jesusiri ampe uantanhempka; ka imaksï tátecheri urhets'ïkuricha jinkuni axaaspti máru tiósïo anapu p'urhek'utichani eskaksï jupikapirinka. 33Jimak'ani Jesusi uantaspti:
–Sánterkusïni chánksïni jinkuni jauakia, ka tátsekua k'uanhatsentaaka imani jinkuni enkarini axaka. 34Cháts'ïni jirinhantaaka, ka nóts'ïni xéntaaka, jimpokats'ï no úaka jima nirani enkani ji jauaka.
35Judiouechaksï jimak'ani uénaspti kurhamarhperani:
–¿I nanixamu xáni iauani niua, enkachi no úaka xéntani? ¿Óxamu judiouecha jinkuni niua enkaksï máteru iretecharhu irekaka ka no judiouechani jurhentaani? 36¿Ampe arhikuekaxaki enka uantak'a: Jirinhantaakats'ïni, ka nóts'ïni xéntaaka, jimpokats'ï no úaka nirani jima enkani ji jauaka?
Itsï tsípitiri iurhekua
37K'uínchekua k'amarhuni jámani jurhiatekua sánteru k'érispti. Ima jurhiatekua Jesusi anhaxurhitini ka uinhachaparini uantasti:
–Ne emanka k'arhichani jaka, antarhererini ka itsïme, 38ne enkarini mintsikak'a.
Eska na jataka Karakatarhu: Imeri inchanhetinksï itsï tsípiti iurhekuecha iurheati.
39Inteni uantakua jimpo, arhikuekaxamempti eska ne enka imani mintsïkapirinka Espirituni intsïnhapirinka; ka jimpokachka Espiritu Sántu nótki íntspenhasïrempka, jimpoka Jesusi nótki uarhixapka ka tsíntani.
Arhukurhinhasti
40Teruakuni isï janhaspti máru enkaksï ísï kurharini uantapka:
–Ístimentiata Diósïri Uantari enkachi aiamenhapka.
41Máteruksï uantasïrempti:
–Ístia enka Erakukateka.
Enka úpka, máruksï uantasïrempti:
–Nómpe, ¿Anti Erakukata ua Galilea anapueni? 42Karakata arhisïnti eska Erakukata irecha Dabiri sïrukueuaka, ka eska Beleni anapueuaka, jima enka Dabi anapuepka.
43Ka ísï jimpo, Jesusini jimpo arhukurhinhaspti. 44Máruksï uéksïrempti k'ataperakuarhu páni, k'óru nónema p'árhespti pákuekani.
Juramutichaksï Jesusini no jakak'ukusti
45P'urhek'utichaksï niántaspti jima enkaksï fariseuecha ka tátecheri urhets'ïkuricha jápka, ka kurhamarheasptiksï:
–¿Antits'ïsï no jua?
46Kuárichaksï mókukorhespti:
–¡Nónema, ka nómeni nema ísï uantasti eska ima!
47Jimak'anksï fariseouecha arhiaspti:
–¿Chát'u jurak'utakorheskia eskaksïni tantoch'aaka? 48¿Anti náki juramuti jakak'ukuxaki, o náki fariseo jakak'ukuxaki? 49Eka úka, ima enkaksï no míteka juramukuani, ikimenhaatiksï.
50Nikodemu, enka fariseuepka ka enka nitipka ma xanhari Jesusini uantaxekuni arhiaspti:
51–¿Anti juchaari Juramukua nemani ísku jatini ampe ma nósesi xékusïnki? ¿Anti no urheta kurhach'asïnki ka míteni ampe enka úka?
52Imaksï arhispti:
–¿Anti t'út'u Galilea anapueski? Arhintsïtkiria, ka exeakari eska Galilea anapu nónema Diósïri uantariska.
Uarhiti ísku jánti
53Ka táchani isï nitsïkorhenhantasptia.
လက္ရွိေရြးခ်ယ္ထားမွု
Sáni Juánu 7: BI-PURHE
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblia en P´urhépecha, Michoacán, México © Sociedad Bíblica de México, A.C.
Sáni Juánu 7
7
3. Ireta Jesusini no xénhchasti
(7.1—12.50)
Jesusiri erachichaksï no jakak'ukusti
1Ísï tátsekua, Jesusi Galilea isï jámaxapti. No uéksïrempti Judea jámani jarhani, jimpokaksï judiouecha uántikukuekaxapka. 2Ka enka judiouecheri Uapats'ïtakuecheri k'uínchekua antamutani jápkia, 3erachi jémpechaksï arhispti:
–Ásï ixuk'u ja; Judea ni, jurak'uksïni imat'u exeni ampe enkari úk'a, ima enkaksïni mintsikak'a. 4Jimpoka enka nema uék'a eska mítekateuaka nómpema jirikorhetini úsïnti. Enkari inteni ampe úk'a, iámentuechani japarini u.
5Jimpokaksï erachi jémpecha jamperi no jakak'ukusïrempka 6Jimak'ani Jesusi arhiaspti:
–Jucheti jurhiatarini nótki janochexati, enka úka, cháts'ï ampe uék'i jurhiata sési xésïnka. 7Parhakpeni anapuechaksïni no úsïnti chánksïni kurhunheni; jíntentsïni k'óru kurhunhesïnti, jimpokani ji k'amak'amasï xarhatakuasïnka ampe enkaksï nósesi niátani jaka. 8Cha ni je k'uíncheni; ji no niuaka, jimpoka nótki janosïnka jucheti jurhia.
9Ísï arhiaspti ka Galilea pakaraspti.
Jesusi k'uínchekuarhu nirasti
10Ka enkaksï na erachi jémpecha nípkia k'uínchenia, Jesusit'u sïpatekuarhku niraspti ka no xarhatspespti. 11Judiouechaksï k'uínchekuarhu jirinhantaxapti, ka uantasïremptiksï:
–¿Nanixamu jámani jaki ima acheti?
12Kánekua imeri ampe uantatsenhaxapti. Máruksï uantasïrempti: “Sési ampe úristi”; ka máteruksï uantasïrempti: “No sési ampe úsïnti; tantoch'pesïnti.”
13Enka úpka, k'uiripuni japarini nónema tekaasïrempti imeri ampe uantani jimpokaksï judiouecheri achamasïchani chérheasïrempka.
14Enka k'uínchekua terumeni jápka, Jesusi k'éri tiósïo inchaspti ka jurhentpeni uénaspti. 15Judiouechaksï ísku pakareratini uantasïrempti:
–¿Néna jámani i xáni uáni ampe míteski, nánti no jurhenkua p'iti?
16Jesusi arhiaspti:
–No juchetisti xáni jurhenkua enkani kámka, imeristi enkarini axaka. 17Enka nema uék'a Diósïri eratsekua úni, exeati eka Diósïrika jucheti jurhentperakua o ekani úts'ïkorheni jaka. 18Ne enka uantakorhek'a, k'érikua jirinhakorhexamti; ka ne enka imeri k'érikua jirinhak'a enka axaka, imani ampe uantasïnti enka ísïka, ka nómpema arhikua jukasti.
19“¿Anti nóksïni Moisesisï juramukuani íntsku? Ka k'óruts'ï nónema kurhantirakusïnka. ¿Antits'ïnisï uantikukuekak'i?”
20Arhisptiksï:
–¡Nóampakitikini incharhetixati! ¿Anti nékini uantikukuekaxaki?
21Jesusi arhiaspti:
–Iamentuts'ï ísku pakareraspka ima milagruni jimpo enkani [sábadu] úpka. 22Moisesiksïnisï jurak'ucheti eskats'ï sapichani ts'iuekuarhu pasïri p'ikuts'ïkukuauaka, (nák'iruka no Moisesi jimpoeka, tua anapuechani jimpoesti) ka cháts'ï p'inteska sábadu jurhiatekua ts'iueratichani ísï káani. 23Ekats'ï sábadu jurhiatekua ts'iueratichani mínta jatsikuak'a, Moisesiri juramukuanits'ïsï no uékani jurak'uni ísï jámka, ¿Jimak'ani antits'ïnisï ikiachek'i enkani ji achetini sábadu jurhiatekua k'amak'amasï ampakerantaka? 24Ásï nósesi xétspe je ampe ma imani jimpok'u eska na xarharanhani janhak'a, sési mítetini arhip'e je.
Jesusi uantakorhent'axati néski
25Máruksï Jerusaleni anapuecha uantani uénaspti:
–¿Anti nóksï ínisï jirinhantani jaki uántikukuekani? 26Nák'ichka jimini jakiia uadaxetspeni ka nónema ampe arhisïnti. ¿Óksï juramuticha jiókorhia sési jimpo eska inte Krístueska? 27Ka juchachi míteska inte nani enka anapueka; ka eka Krístu janoaka, nónema míteati ima nani anapueski.
28Jesusi, tiósïo jurhentpeni jatini, uinhachaparini uantasti:
–¡Cháchkats'ïni míteskia anoo! ¡Ka míteskachkats'ïa anoo ji nani anapueski! K'óruni no jutsïkorheska, nemarini axasti enka mintsinharhikueka ka enka cha no míteka. 29Ji míteska imani, jimpokani imeriska ka imarini axasti.
30Jimak'anksï jupikani uékaspti, k'óru nónema tekaaspti, jimpoka nótki niárakusïrempka jurhia. 31Uánekuaksï jakak'ukuspti, ka uantasïremptiksï:
–Enka ampe Krístu jurhaska ¿Imaxamu sánteru k'érati milagruechani úaua?
Fariseuechaksï Jesusini jupikani uékasti
32Fariseuechaksï mítespti enka Jesusiri ampe uantanhempka; ka imaksï tátecheri urhets'ïkuricha jinkuni axaaspti máru tiósïo anapu p'urhek'utichani eskaksï jupikapirinka. 33Jimak'ani Jesusi uantaspti:
–Sánterkusïni chánksïni jinkuni jauakia, ka tátsekua k'uanhatsentaaka imani jinkuni enkarini axaka. 34Cháts'ïni jirinhantaaka, ka nóts'ïni xéntaaka, jimpokats'ï no úaka jima nirani enkani ji jauaka.
35Judiouechaksï jimak'ani uénaspti kurhamarhperani:
–¿I nanixamu xáni iauani niua, enkachi no úaka xéntani? ¿Óxamu judiouecha jinkuni niua enkaksï máteru iretecharhu irekaka ka no judiouechani jurhentaani? 36¿Ampe arhikuekaxaki enka uantak'a: Jirinhantaakats'ïni, ka nóts'ïni xéntaaka, jimpokats'ï no úaka nirani jima enkani ji jauaka?
Itsï tsípitiri iurhekua
37K'uínchekua k'amarhuni jámani jurhiatekua sánteru k'érispti. Ima jurhiatekua Jesusi anhaxurhitini ka uinhachaparini uantasti:
–Ne emanka k'arhichani jaka, antarhererini ka itsïme, 38ne enkarini mintsikak'a.
Eska na jataka Karakatarhu: Imeri inchanhetinksï itsï tsípiti iurhekuecha iurheati.
39Inteni uantakua jimpo, arhikuekaxamempti eska ne enka imani mintsïkapirinka Espirituni intsïnhapirinka; ka jimpokachka Espiritu Sántu nótki íntspenhasïrempka, jimpoka Jesusi nótki uarhixapka ka tsíntani.
Arhukurhinhasti
40Teruakuni isï janhaspti máru enkaksï ísï kurharini uantapka:
–Ístimentiata Diósïri Uantari enkachi aiamenhapka.
41Máteruksï uantasïrempti:
–Ístia enka Erakukateka.
Enka úpka, máruksï uantasïrempti:
–Nómpe, ¿Anti Erakukata ua Galilea anapueni? 42Karakata arhisïnti eska Erakukata irecha Dabiri sïrukueuaka, ka eska Beleni anapueuaka, jima enka Dabi anapuepka.
43Ka ísï jimpo, Jesusini jimpo arhukurhinhaspti. 44Máruksï uéksïrempti k'ataperakuarhu páni, k'óru nónema p'árhespti pákuekani.
Juramutichaksï Jesusini no jakak'ukusti
45P'urhek'utichaksï niántaspti jima enkaksï fariseuecha ka tátecheri urhets'ïkuricha jápka, ka kurhamarheasptiksï:
–¿Antits'ïsï no jua?
46Kuárichaksï mókukorhespti:
–¡Nónema, ka nómeni nema ísï uantasti eska ima!
47Jimak'anksï fariseouecha arhiaspti:
–¿Chát'u jurak'utakorheskia eskaksïni tantoch'aaka? 48¿Anti náki juramuti jakak'ukuxaki, o náki fariseo jakak'ukuxaki? 49Eka úka, ima enkaksï no míteka juramukuani, ikimenhaatiksï.
50Nikodemu, enka fariseuepka ka enka nitipka ma xanhari Jesusini uantaxekuni arhiaspti:
51–¿Anti juchaari Juramukua nemani ísku jatini ampe ma nósesi xékusïnki? ¿Anti no urheta kurhach'asïnki ka míteni ampe enka úka?
52Imaksï arhispti:
–¿Anti t'út'u Galilea anapueski? Arhintsïtkiria, ka exeakari eska Galilea anapu nónema Diósïri uantariska.
Uarhiti ísku jánti
53Ka táchani isï nitsïkorhenhantasptia.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblia en P´urhépecha, Michoacán, México © Sociedad Bíblica de México, A.C.