Sáni Juánu 5
5
Acheri ánjeli ma kétsesïrempti
1Namoni jurhia tátsekua, judiouechaksï k'uínchekua ma úntaxapti, ka Jesusi Jerusaleni karhamaspti. 2Jerusaleni, no iauani jarharetini jima inchakuarhu enka Karichicha arhinhak'a, itsï jatakua ma jarhasti enka ebreo jimpo Betsata arhinhak'a. Iúmu inchakua sapirhati jukaasti, 3ka jimaksï umpamukuspti uánekua p'amenchaticha, pátenharhicha, chkéch'uecha, k'urhuk'urhecha (ka enkaksï no úempka manakorheni. Iámentuksï ima erokorheni jarhasïremti eska manamepirinka, 4jimpoka Acheri ánjeli ma kétsesïrempka itsï manamani ka ima p'amenchati enka urheta inchamempka ampakentasïrempti ampe uék'i p'amenchakua kámani japirinka.) 5Jima jarhaspti acheti ma enka ma ekuatse témpeni iúmu tanimu uéxurhini p'amenchani jápkia. 6Enka Jesusi exepka eska jima apomukuspka ka enka mítepka eska xáni ióni p'amenchaspkia, kurhamarhespti:
–¿Uéksïnti ampakentani?
7P'amenchati arhispti:
–Tata, nónemani kánkorhesïnka enkarini inchamaaka sáni enka manamek'a. Enkani uékani jarhak'a inchameni máterurini t'uíni urhechepasïntia.
8Jesusi arhispti:
–Jauara, k'arhantsï chéti jatatsekuani ka xanhara.
9Acheti ampakentapaspti, ka k'arhakorhent'aspti jatatsekuani ka xanharaspti. Ka jimpoka sábadu jurhiatekuepka, 10judiouechaksï Jesusini arhispti:
–Iásï sábaduesti; ka nósesisti jatatsekua pákorhent'ani.
11Ima acheti arhiaspti:
–Ima enkarini ampakerantaka arhistirini: Tarhatakorhe jatatsekua ka xanhara.
12Ka imaksï kurhamarhespti:
–¿Néski ima acheti enkakini arhika: Tarhatakorhe jatatsekua ka xanhara?
13K'óru ima enka ampakeranhantapka no mítespti nésï ampakerantapi, jimpoka Jesusi jimak'u nónespka jimpoka uáni jánhaxapka. 14Tátsekua Jesusi tiósïo xéntaspti, ka arhini:
–Exe, iásï enkari ampakentakia, ásteru jáma kámanharhint'ani, nóri sánteru nósesi ampe úkorhenchani.
15Acheti níntaspti ka aiankuani judiouechani eska Jesusisï ampakerantapka. 16Jimpoksïsï judiouecha Jesusini jirinhantani jámani jáptia, jimpoka sábadu jurhiatekuechani xásï ampe úsïrempka. 17Ka Jesusi arhiaspti:
–Jucheti Táte méntku isï ánchekorhesïnti, ka jít'uni ánchekorhesïnka.
18Inteni jimpo, judiouechaksï sánteru uéksïrempti atani uántikuni, jimpoka no sábadu jurhiatekuankusï juramukuani no kurhantirakuempka, ka jimpokat'u ima uantasïrempka eska Diósï jinkuni mák'uenispka, uantaparini eska Diósï imeri Tátjempespka.
Iámu ampe enka xáni Tátjempa úk'a, Uáp'at'u úsïnti
19Jesusi arhiaspti: “Sési jimpoksïni arhixaka eska Diósï Uáp'a nómpema úsïnka úni jantiok'u; imani ampek'usï út'i enka Tátjempani exeni jarhak'a. Iámu ampe enka xáni Tátjempa úk'a, Uáp'at'u úsïnti. 20Jimpoka Tátjempa xénhchasïnka Uáp'ani ka exerasïnti iámu ampe eska xáni úk'a; ka xéraatiteru sánteru k'érati ampe, enka chánksïni ísku pakataaka. 21Jimpoka ísï eska Tátjempa na tsítant'a'ak'a uarhirichani ka tsípekua íntsaani, Uáp'at'u ísï íntsaasïnti tsípekua imechani enka uék'a intsaani. 22Ka Táte nónemani k'amanharhirantasïnti, ka Uáp'ani íntskusti iámu juramukua eska k'amanharhirpentaaka, 23eskaksï iámentuecha mák'ueni k'éri ampe exeaka Uáp'ani eska Tátjempani. Ne enka no k'éri exek'a Uáp'ani, nót'u k'éri exesïnti Tátjempani enka axaka.”
24“Sési jimpoksïni arhixaka eska ne enka sési kurhats'ïtani jaka enkani ji uantani jaka ka enka jakak'uska imani enkarini axaka, ampakiti tsípekua méntku isï anapu p'itixatiia; ka no k'amanharhiranhant'aati, jimpoka uarhikuarhu uératini ampakiti tsípekuarhu niáraskia. 25Sési jimpoksïni arhixaka eska janoxakaia jurhiata, ka iásïstia, enkaksï uarhiricha Diósï Uáp'ani kurhauaka mintsïrani; ka ima enkaksï kurhaska, ampakiti tsípekuaksï jatsiati, 26jimpoka mák'ueni eska na Tátjempa kánkorhek'a tsípekua, mák'ueni ústi eska Uáp'at'u támu kánkorheaka tsípekua 27ka íntskusti juramukua arhinharhikpeni, jimpokat'u támu acheti Uáp'eska. 28Ásï nósesi exe je íni ampe, jimpoka niáraaka jurhia enkaksï iámentu uarhiricha imeri mintsirakua kurhauaka 29ka uétsentaatiksï. Ima enkaksï sési ampe úka, tsíntaatiksï ampakiti tsípekua p'irani; ka ima enkaksï nósesi ampe niátaka, tsíntaatiksï ka uekap'anhaatiksï ka nóksï méni k'amap'eati.”
Jesusini Táte axasti
30“Ji nómpema úsïnka jantiok'uni úni. Eskani xáni kurhak'a, xántkuni arhinharhikpesïnka, ka jucheti arhik'utpekua no jukarisïnti, jimpoka no jucheti eratsekueska, imanisïni uantak'a eskarini na arhika ima enkarini axaka. 31Ekani ji jantiok'uni uantakorhent'apirinka, jucheti uantantskua no ísïpirinti. 32Jarhasti k'óru máteru enka jucheti jimpo uantant'a'k'a, ka ji míteska eska ima jucheti ampe jurhimpitku uantant'a'sïnka. 33Cháts'ï axap'eska Juánuni kurhamarheni, ka ima no chkuántiraparini jurhimpitku uantant'a'sti. 34No jimpokani ji nemeri uantantskua jimpo jaka, íni ampe imani jimpok'uni uantasïnka, eska cha úaka p'ímutanhantani. 35Juánu erak'utarakua máespti enka étskurhitini jápka ka enka erantutpempka, ka cháts'ï imeri t'íntskua jimpo no uékaska ióni tsípeni. 36Ka ji jatsiska k'óruni máteru xérpekua enka sánteru sési ampeka eska Juánueri uantantskua. Ampe enkani ji úk'a, enkarini Táte arhik'a eskani úpirinka, inte jimpo xarharasïnti eskarini sési jimpo Táte axaska. 37Ka Táte, enkarini axaka, jínteni jimpo uantant'a'sïnti. Cháts'ï nómeni kurhariska ka nít'uts'ï méni exe, 38ka imeri uantakuantsï no pakataska, jimpokats'ï no mintsïkasïnka imani enka axaka. 39Cháts'ï karakatechani kánekua sési exeparini jurhenkorhesïnka, jimpokats'ï méntku isï anapu irekuani jima xéntskuekasïnka; ka imaksï karakatecha jucheti ampesï uantant'a't'i. 40Ka cháts'ï no uéksïnka jurhani jínteni jinkuni ampakiti tsípekua p'irani.”
41“Ji k'érikua no parhakpeni intsïnhasïnka. 42Míteskaksïni k'óru eskats'ï no kámasïnka Diósïri uékperakua. 43Ji jucheti Táteri jimpo jurhaska, ka cháts'ïni no jiókaska; ka enka máteru nema jutsïkorhepirinka imantsï jámapirinkia jiókani. 44¿Nénats'ï ua jakak'uni, enkats'ï chák'u k'éri ampe arhip'erak'a, ka imani t'íntskuani enka Diósï axak'a, enka mák'ueka, nóts'ï jirinhantani? 45Ásï eratseni ja je eskaksïni jucheti Táteni japarini uantachent'aaka; Moisesik'uksïnisï uantachent'at'i, ima enka cha mintsikak'a. 46Jimpoka enka cha Moisesini jakak'ukupirinka, jíntenit'uts'ïni jakak'uchepirinka, jimpoka Moisesi jucheti ampesï karaka. 47Ka ekats'ï imeri karakatani no jakak'uk'a ¿Nénats'ï jakak'ua enkaksïni ji arhini jaka?”
လက္ရွိေရြးခ်ယ္ထားမွု
Sáni Juánu 5: BI-PURHE
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblia en P´urhépecha, Michoacán, México © Sociedad Bíblica de México, A.C.
Sáni Juánu 5
5
Acheri ánjeli ma kétsesïrempti
1Namoni jurhia tátsekua, judiouechaksï k'uínchekua ma úntaxapti, ka Jesusi Jerusaleni karhamaspti. 2Jerusaleni, no iauani jarharetini jima inchakuarhu enka Karichicha arhinhak'a, itsï jatakua ma jarhasti enka ebreo jimpo Betsata arhinhak'a. Iúmu inchakua sapirhati jukaasti, 3ka jimaksï umpamukuspti uánekua p'amenchaticha, pátenharhicha, chkéch'uecha, k'urhuk'urhecha (ka enkaksï no úempka manakorheni. Iámentuksï ima erokorheni jarhasïremti eska manamepirinka, 4jimpoka Acheri ánjeli ma kétsesïrempka itsï manamani ka ima p'amenchati enka urheta inchamempka ampakentasïrempti ampe uék'i p'amenchakua kámani japirinka.) 5Jima jarhaspti acheti ma enka ma ekuatse témpeni iúmu tanimu uéxurhini p'amenchani jápkia. 6Enka Jesusi exepka eska jima apomukuspka ka enka mítepka eska xáni ióni p'amenchaspkia, kurhamarhespti:
–¿Uéksïnti ampakentani?
7P'amenchati arhispti:
–Tata, nónemani kánkorhesïnka enkarini inchamaaka sáni enka manamek'a. Enkani uékani jarhak'a inchameni máterurini t'uíni urhechepasïntia.
8Jesusi arhispti:
–Jauara, k'arhantsï chéti jatatsekuani ka xanhara.
9Acheti ampakentapaspti, ka k'arhakorhent'aspti jatatsekuani ka xanharaspti. Ka jimpoka sábadu jurhiatekuepka, 10judiouechaksï Jesusini arhispti:
–Iásï sábaduesti; ka nósesisti jatatsekua pákorhent'ani.
11Ima acheti arhiaspti:
–Ima enkarini ampakerantaka arhistirini: Tarhatakorhe jatatsekua ka xanhara.
12Ka imaksï kurhamarhespti:
–¿Néski ima acheti enkakini arhika: Tarhatakorhe jatatsekua ka xanhara?
13K'óru ima enka ampakeranhantapka no mítespti nésï ampakerantapi, jimpoka Jesusi jimak'u nónespka jimpoka uáni jánhaxapka. 14Tátsekua Jesusi tiósïo xéntaspti, ka arhini:
–Exe, iásï enkari ampakentakia, ásteru jáma kámanharhint'ani, nóri sánteru nósesi ampe úkorhenchani.
15Acheti níntaspti ka aiankuani judiouechani eska Jesusisï ampakerantapka. 16Jimpoksïsï judiouecha Jesusini jirinhantani jámani jáptia, jimpoka sábadu jurhiatekuechani xásï ampe úsïrempka. 17Ka Jesusi arhiaspti:
–Jucheti Táte méntku isï ánchekorhesïnti, ka jít'uni ánchekorhesïnka.
18Inteni jimpo, judiouechaksï sánteru uéksïrempti atani uántikuni, jimpoka no sábadu jurhiatekuankusï juramukuani no kurhantirakuempka, ka jimpokat'u ima uantasïrempka eska Diósï jinkuni mák'uenispka, uantaparini eska Diósï imeri Tátjempespka.
Iámu ampe enka xáni Tátjempa úk'a, Uáp'at'u úsïnti
19Jesusi arhiaspti: “Sési jimpoksïni arhixaka eska Diósï Uáp'a nómpema úsïnka úni jantiok'u; imani ampek'usï út'i enka Tátjempani exeni jarhak'a. Iámu ampe enka xáni Tátjempa úk'a, Uáp'at'u úsïnti. 20Jimpoka Tátjempa xénhchasïnka Uáp'ani ka exerasïnti iámu ampe eska xáni úk'a; ka xéraatiteru sánteru k'érati ampe, enka chánksïni ísku pakataaka. 21Jimpoka ísï eska Tátjempa na tsítant'a'ak'a uarhirichani ka tsípekua íntsaani, Uáp'at'u ísï íntsaasïnti tsípekua imechani enka uék'a intsaani. 22Ka Táte nónemani k'amanharhirantasïnti, ka Uáp'ani íntskusti iámu juramukua eska k'amanharhirpentaaka, 23eskaksï iámentuecha mák'ueni k'éri ampe exeaka Uáp'ani eska Tátjempani. Ne enka no k'éri exek'a Uáp'ani, nót'u k'éri exesïnti Tátjempani enka axaka.”
24“Sési jimpoksïni arhixaka eska ne enka sési kurhats'ïtani jaka enkani ji uantani jaka ka enka jakak'uska imani enkarini axaka, ampakiti tsípekua méntku isï anapu p'itixatiia; ka no k'amanharhiranhant'aati, jimpoka uarhikuarhu uératini ampakiti tsípekuarhu niáraskia. 25Sési jimpoksïni arhixaka eska janoxakaia jurhiata, ka iásïstia, enkaksï uarhiricha Diósï Uáp'ani kurhauaka mintsïrani; ka ima enkaksï kurhaska, ampakiti tsípekuaksï jatsiati, 26jimpoka mák'ueni eska na Tátjempa kánkorhek'a tsípekua, mák'ueni ústi eska Uáp'at'u támu kánkorheaka tsípekua 27ka íntskusti juramukua arhinharhikpeni, jimpokat'u támu acheti Uáp'eska. 28Ásï nósesi exe je íni ampe, jimpoka niáraaka jurhia enkaksï iámentu uarhiricha imeri mintsirakua kurhauaka 29ka uétsentaatiksï. Ima enkaksï sési ampe úka, tsíntaatiksï ampakiti tsípekua p'irani; ka ima enkaksï nósesi ampe niátaka, tsíntaatiksï ka uekap'anhaatiksï ka nóksï méni k'amap'eati.”
Jesusini Táte axasti
30“Ji nómpema úsïnka jantiok'uni úni. Eskani xáni kurhak'a, xántkuni arhinharhikpesïnka, ka jucheti arhik'utpekua no jukarisïnti, jimpoka no jucheti eratsekueska, imanisïni uantak'a eskarini na arhika ima enkarini axaka. 31Ekani ji jantiok'uni uantakorhent'apirinka, jucheti uantantskua no ísïpirinti. 32Jarhasti k'óru máteru enka jucheti jimpo uantant'a'k'a, ka ji míteska eska ima jucheti ampe jurhimpitku uantant'a'sïnka. 33Cháts'ï axap'eska Juánuni kurhamarheni, ka ima no chkuántiraparini jurhimpitku uantant'a'sti. 34No jimpokani ji nemeri uantantskua jimpo jaka, íni ampe imani jimpok'uni uantasïnka, eska cha úaka p'ímutanhantani. 35Juánu erak'utarakua máespti enka étskurhitini jápka ka enka erantutpempka, ka cháts'ï imeri t'íntskua jimpo no uékaska ióni tsípeni. 36Ka ji jatsiska k'óruni máteru xérpekua enka sánteru sési ampeka eska Juánueri uantantskua. Ampe enkani ji úk'a, enkarini Táte arhik'a eskani úpirinka, inte jimpo xarharasïnti eskarini sési jimpo Táte axaska. 37Ka Táte, enkarini axaka, jínteni jimpo uantant'a'sïnti. Cháts'ï nómeni kurhariska ka nít'uts'ï méni exe, 38ka imeri uantakuantsï no pakataska, jimpokats'ï no mintsïkasïnka imani enka axaka. 39Cháts'ï karakatechani kánekua sési exeparini jurhenkorhesïnka, jimpokats'ï méntku isï anapu irekuani jima xéntskuekasïnka; ka imaksï karakatecha jucheti ampesï uantant'a't'i. 40Ka cháts'ï no uéksïnka jurhani jínteni jinkuni ampakiti tsípekua p'irani.”
41“Ji k'érikua no parhakpeni intsïnhasïnka. 42Míteskaksïni k'óru eskats'ï no kámasïnka Diósïri uékperakua. 43Ji jucheti Táteri jimpo jurhaska, ka cháts'ïni no jiókaska; ka enka máteru nema jutsïkorhepirinka imantsï jámapirinkia jiókani. 44¿Nénats'ï ua jakak'uni, enkats'ï chák'u k'éri ampe arhip'erak'a, ka imani t'íntskuani enka Diósï axak'a, enka mák'ueka, nóts'ï jirinhantani? 45Ásï eratseni ja je eskaksïni jucheti Táteni japarini uantachent'aaka; Moisesik'uksïnisï uantachent'at'i, ima enka cha mintsikak'a. 46Jimpoka enka cha Moisesini jakak'ukupirinka, jíntenit'uts'ïni jakak'uchepirinka, jimpoka Moisesi jucheti ampesï karaka. 47Ka ekats'ï imeri karakatani no jakak'uk'a ¿Nénats'ï jakak'ua enkaksïni ji arhini jaka?”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblia en P´urhépecha, Michoacán, México © Sociedad Bíblica de México, A.C.