Sáni Juánu 2
2
Tempuchakua enka Kana Galilea úkorhepka
1Tanimu jurhia jimpo, Kana, jini Galilea anapu ma iretarhu, tempuchaku ma úkorhespti. Jesusiri nánte jémpa jima jámaxapti, 2ka Jesusintuksï imani tempuchakuarhu imeri jurhenkorherichani jinkuni ióarhiantaaspti. 3Ka enka na kauikua xántkuepkia, Jesusiri amampa Jesusini arhispti:
–Kauikuaksï xántkuerastia.
4Jesusi arhispti:
–Nana, ¿Antirinisï ísï arhik'i? Jucheti jurhiata nótki niárasïnti.
5Amampa arhiaspti imechani enkaksï jatsiratspeni jápka:
–Kurhach'a je néna enkaksïni inte arhik'a.
6Kuímu erhakua k'uísï tsakapuerichaksï jima jarhaspti, itsï jatakua, enkaksï judiouecha pímpinhaxetarantani arhimetaparini úrempka. Táchani k'uísï, itsï kuímu k'amukuachani isï jatasïrempti. 7Jesusi arhiaspti jántspirichani:
–Inteni k'uísïchani uinirantaa je.
Píptsïtaasptiksï, 8ka Jesusi arhiaspti:
–Iásï p'ita jeia sáni, ka páku je tempuchakua úrini 9Tempuchakua úri ts'émuspti itsïni enka kauikua úntskatepka, no mítetini nani uéraspi, járhop'irichak'uksï mítespti, jimpokaksï imasï itsïni p'itapka. Jimposï tempuchakua úri tempuchani uantap'apti 10ka arhini:
–Iápuru isï kauikua ampakiti urheta íntsperanhasïnti ka enka na kauinhak'ia, arisku jásï kauikua jiák'ani ínstperanhasïntia. Ka t'úri ampakiti kauikua tátsekua intspexakaia.
11Inteni jimpo, enka jini Kana Galilea Jesusi úpka, uénaspti milagru xarhatani enka jimpo k'érikua xérpepka ka enkaksï jimpo jurhenkorheri jémpecha mintsinharhipka.
12Jimak'u, nánte jémpa ka erachi jémpecha ka jurhenkorheri jémpechani jinkuni, Kafarnaumi niraspti ka namoni jurhiaksï jima jarhaspti.
¡Ásï maiaperakua úntsï je jucheti Táteri k'umanchekuani!
(Mt 21.12-13; Mk 11.15-18; Lk 19.45-46)
13Ka jimpoka janoxapkia páskua, enka judiouecheri k'uínchekueka, Jesusi Jerusaleni niraspti. 14Ka k'éri tiósïo exeaspti úakasï ka karichi ka jipunhi atarantstichani, ka imechani enkaksï jima uaxakatini jápka enka tumina mót'akutsperanhantak'a. 15Ísï exerini, Jesusi sïntariri k'uikirhpetarakua ma úkorhespti, ka tiósïo iámentu petant'a'aspti, imani ampe jinkuni enkaksï atarantani jápka. Tumina mót'akutspitichani píts'ïtakua k'uaninturhikuaspti ka tumina k'uanintskakuani. 16Jipunhi atarantstichani arhiaspti:
–¡Petantsï je inteni ampe ixu! ¡Ásï jucheti Táteri k'umanchekuani maiaperakua úntsï je!
17Jimak'anksï jurhenkorhericha miántaspti karakatani enka arhik'a: “Kurhunhentaaka chéti k'umanchekuani kuap'enhchani.”
18Judiouechaksï kurhamarhespti:
–Xérats'ïni, ¿Anti náki juramukua jimpori ísï ampe úsïnki?
19Jesusi arhiaspti:
–Xerentsï je íni tiósïoni, ka ji tanimu jurhia jimpo úntaaka.
20Judiouechaksï arhispti:
–I tiósta Tsimani ekuatse ka kuímu uéxurhini jimpo únhasti ¿Nénat'uri tanimu jurhia jimpo úntaa?
21K'óru, tiósta enka Jesusi arhikuekani jápka; imeri anhanhatakuanisï arhini jápti. 22Jimpoksïsï jurhenkorheri jémpecha jiák'ani enka tsíntapka, inteni uantakuani miántapti, ka Karakatani ka Jesusiri uantakuechanksï jakak'uspti.
Jesusi mintsitechani sési mítetspesti
23Enka Jesusi, páskueri k'uínchekuarhu Jerusaleni jámani jápka, milagruechanksï exearini uánekua jakak'ukuspti. 24K'óru Jesusi, imechani no mintsinharhiasïrempti jimpoka iámentu míteaspka 25No uétarhesïrempti eska nema aiankupirinka néna járhanhaspi, jimpoka ima mintsitechani sési mítekuaspka.
လက္ရွိေရြးခ်ယ္ထားမွု
Sáni Juánu 2: BI-PURHE
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblia en P´urhépecha, Michoacán, México © Sociedad Bíblica de México, A.C.
Sáni Juánu 2
2
Tempuchakua enka Kana Galilea úkorhepka
1Tanimu jurhia jimpo, Kana, jini Galilea anapu ma iretarhu, tempuchaku ma úkorhespti. Jesusiri nánte jémpa jima jámaxapti, 2ka Jesusintuksï imani tempuchakuarhu imeri jurhenkorherichani jinkuni ióarhiantaaspti. 3Ka enka na kauikua xántkuepkia, Jesusiri amampa Jesusini arhispti:
–Kauikuaksï xántkuerastia.
4Jesusi arhispti:
–Nana, ¿Antirinisï ísï arhik'i? Jucheti jurhiata nótki niárasïnti.
5Amampa arhiaspti imechani enkaksï jatsiratspeni jápka:
–Kurhach'a je néna enkaksïni inte arhik'a.
6Kuímu erhakua k'uísï tsakapuerichaksï jima jarhaspti, itsï jatakua, enkaksï judiouecha pímpinhaxetarantani arhimetaparini úrempka. Táchani k'uísï, itsï kuímu k'amukuachani isï jatasïrempti. 7Jesusi arhiaspti jántspirichani:
–Inteni k'uísïchani uinirantaa je.
Píptsïtaasptiksï, 8ka Jesusi arhiaspti:
–Iásï p'ita jeia sáni, ka páku je tempuchakua úrini 9Tempuchakua úri ts'émuspti itsïni enka kauikua úntskatepka, no mítetini nani uéraspi, járhop'irichak'uksï mítespti, jimpokaksï imasï itsïni p'itapka. Jimposï tempuchakua úri tempuchani uantap'apti 10ka arhini:
–Iápuru isï kauikua ampakiti urheta íntsperanhasïnti ka enka na kauinhak'ia, arisku jásï kauikua jiák'ani ínstperanhasïntia. Ka t'úri ampakiti kauikua tátsekua intspexakaia.
11Inteni jimpo, enka jini Kana Galilea Jesusi úpka, uénaspti milagru xarhatani enka jimpo k'érikua xérpepka ka enkaksï jimpo jurhenkorheri jémpecha mintsinharhipka.
12Jimak'u, nánte jémpa ka erachi jémpecha ka jurhenkorheri jémpechani jinkuni, Kafarnaumi niraspti ka namoni jurhiaksï jima jarhaspti.
¡Ásï maiaperakua úntsï je jucheti Táteri k'umanchekuani!
(Mt 21.12-13; Mk 11.15-18; Lk 19.45-46)
13Ka jimpoka janoxapkia páskua, enka judiouecheri k'uínchekueka, Jesusi Jerusaleni niraspti. 14Ka k'éri tiósïo exeaspti úakasï ka karichi ka jipunhi atarantstichani, ka imechani enkaksï jima uaxakatini jápka enka tumina mót'akutsperanhantak'a. 15Ísï exerini, Jesusi sïntariri k'uikirhpetarakua ma úkorhespti, ka tiósïo iámentu petant'a'aspti, imani ampe jinkuni enkaksï atarantani jápka. Tumina mót'akutspitichani píts'ïtakua k'uaninturhikuaspti ka tumina k'uanintskakuani. 16Jipunhi atarantstichani arhiaspti:
–¡Petantsï je inteni ampe ixu! ¡Ásï jucheti Táteri k'umanchekuani maiaperakua úntsï je!
17Jimak'anksï jurhenkorhericha miántaspti karakatani enka arhik'a: “Kurhunhentaaka chéti k'umanchekuani kuap'enhchani.”
18Judiouechaksï kurhamarhespti:
–Xérats'ïni, ¿Anti náki juramukua jimpori ísï ampe úsïnki?
19Jesusi arhiaspti:
–Xerentsï je íni tiósïoni, ka ji tanimu jurhia jimpo úntaaka.
20Judiouechaksï arhispti:
–I tiósta Tsimani ekuatse ka kuímu uéxurhini jimpo únhasti ¿Nénat'uri tanimu jurhia jimpo úntaa?
21K'óru, tiósta enka Jesusi arhikuekani jápka; imeri anhanhatakuanisï arhini jápti. 22Jimpoksïsï jurhenkorheri jémpecha jiák'ani enka tsíntapka, inteni uantakuani miántapti, ka Karakatani ka Jesusiri uantakuechanksï jakak'uspti.
Jesusi mintsitechani sési mítetspesti
23Enka Jesusi, páskueri k'uínchekuarhu Jerusaleni jámani jápka, milagruechanksï exearini uánekua jakak'ukuspti. 24K'óru Jesusi, imechani no mintsinharhiasïrempti jimpoka iámentu míteaspka 25No uétarhesïrempti eska nema aiankupirinka néna járhanhaspi, jimpoka ima mintsitechani sési mítekuaspka.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblia en P´urhépecha, Michoacán, México © Sociedad Bíblica de México, A.C.