Matiw 24
24
Bii'kattshiiy mhi kyes khi yill ni
(Mar 13:1-2; Luk 21:5-6)
1Kaarooh Jesu put kihfur LuhNaan ni y'aa arr dh'el, bhi zheppkamm khinyi mwopp kihh dyingg v'ur dy'ik mhi LuhNaan mwopp nyi. 2Bhi Jesu pring mwopp nang le, “Wunn phi naah dy'ik mhize ni mwopp weett shisihng? T'o, ih kihh satt a zeenn wunn, kooh pangg kihmeh p'ee dheeh dhen kihdab wu'nat bihze w'u dheng'pee mwopp p'ee p'ar rumm nyi mou.”
3Kaarooh Jesu kihh tong kih Bwumm Paatt, bhi zheppkamm khinyi mwopp ja kihpee nyi diy dhakhatt mhishut, mwopp nang phi nyi le, “Ghi satt munn, bii mihhse mwopp p'ee sh'in a phiranggyeh, yakhal a mihyeh p'ee dhen a bii'kattshiiy mhi ji keegha, kihh mhi kyess mhi yill w'u gangg mhize ni?”
4Bhi Jesu lapp mwopp satt le, “Wu kihh kangg, tappseh menguh diy d'ihk wunn mou. 5P'ee gurum dhess p'ee ja dhighin shumm nah, kooh meehrangg kihh satt le, wai a riy a Kristi, mwopp p'ee d'ihk gurum dhess. 6Wunn p'ee klihng v'ur l'ek kihh mwan yakhal kihh v'ur pwookaah l'ek zag. Mihh wu klihng kihhsheh bhi tapp nhikhin'teghem diy shwat wunn mou. P'ee nyi a ching tihh bii mihhse ni mwopp sh'in dhangg kyess khi yill ni kihh ji. 7Seghen'gurum p'ee kihh yakhal l'ek kaah Seghen'gurum, yakhal dhenglong p'ee kihh yakhal l'ek kaah dhenglong. Tekhell kihh v'ur tihbhal'yill p'ee mwan kwed dhighin yill ni shi'pee-shi'pee. 8Kapp bii mihhse mwopp kudyi a sh'ee khi v'ur zheell w'u kudyi kihh ja kihkyeen.
9“Gurum mwopp p'ee yak wunn pihh tihh mwopp le'zheell diy wunn, harr mwopp twa wunn. Gurum w'u yill ni weett p'ee shiih kihh wunn lhiwaa a'n. 10Sh'i pee mhizeh ni, bhi gurum dhess p'ee pal dhighin pihhzeenn keeru, harr mwopp seett kihh shag, mwopp kihh shiih shag hett. 11Yakhal v'ur mhi-wanggshiiy dwungg mwopp p'ee yakhal harr mwopp l'e tihh gurum dhess mwopp pyallap. 12Lhiwaa dw'uu khi dhakk'wubis, bhi wall khi gurum dhess p'ee zhughum. 13Weett kihhsheh bhi gwooh g'ung dharr bhall-bhall harr kyess ni, bhi nyi p'ee kad bh'am. 14Mwopp p'ee yak Pwoo'wurett mhi dhenglong mhizeh koohneeh dhighin yill ni, tihh dhen diy a ten'yim p'ee Seghen'gurum mwopp weett, dhangg kyess khi yill ni ji dhak.
15“Pee'mhinyi, mihh wu naah bii mwelleg-en mhi shenpee w'u Naan gyet satt sh'i pwoo khi Daniel (yet tihh gha g'u tang'ran ghi manshiiy pwoo mihhse), 16bhi mwooh yill Yahudiya mwopp shwa ka duam kihdab v'ur dhengg bwumm mwopp. 17Tapp gwooh tihngg kih daghabluh keeniy diy sam dheeh m'ang mee'bii lhiput luh mou. 18Tapp gwooh dhighin bhokk b'aa ji tuluh p'ee m'ang bh'aar keeniy mou. 19Kai, mak kihh shwarab ak, kihh mwooh kihh zhepp pwoo'yukhur dhighin t'eer mhizeh ni mwopp! 20Wu dhangNaan tapp shu'shu mhize diy kwed a tarr peezhughum waapp, kooh p'ar Puus Nookdyi mou. 21P'ee nyi p'ee kwed a gag m'ee zheell w'u baah m'ee zheell cham wull wu'nyi dyi phi'wu yill ni shee diy, yakhal baah m'ee zheell wu'kihhsheh p'ee cham kwed dyi mou. 22Kaddyinn dheng'pee Naan shep gab t'eer mhi zheell ni mwopp mou, bhi baah dyinn m'ee gurum p'ee bar mou. Dhangg lhiwaa mwooh bih-blihp, bhi Naan p'ee gab t'eer mhizeh ni mwopp. 23Dhighin shiiy'teer mhizeh ni mwopp, bhi mihh menguh satt wunn le, ‘Wu naah, Kristi ni se!’ h'aa kooh ‘Nyi seh!’ bhi tapp wu pihhzeenn mou. 24P'ee v'ur kristi-dwungg kihh mhi-wanggshiiy dwungg mwopp p'ee mwan yakhal dhess, harr mwopp kihh sh'in n'an bii'aapwoo kihh bii'kattshiiy w'u nan-nan tihh mwopp plip diy kihh gurum, harr kihh mwooh bih-blihp zag, kaddyinn kihhsheh kihh mak sh'in. 25T'o, wu naah, shep ih kihh satt bii mihhse wunn dhangg pee ni kihh wull.
26“Pee'mhinyi, mihh menguh diy satt wunn le, ‘Kristi ni pwenn dhighin dh'em,’ bhi tapp wu pwat wu dum orr nyi mou. H'aa kooh satt wunn le, ‘Kristi ni se dhighin m'ee luh,’ bhi tapp wu pihhzeenn mou. 27P'ee kaa naan'tihngg kihh put koghob Puus'kaa harr mwopp naah koghob Puus'ru se, bhi ji khi L'aa khi Gurum p'ee kwed a kihhsheh zag. 28Kapp pee w'u kumm-lwaa diy, bhi yer'es mwopp kihh chakk duam kwakhar a nhighin.
29“Abet, bwoon zheell mhi shiiy'teer mhizeh ni mwopp, bhi puus p'ee taah'kwoo, baah tarr p'ee bhanggpee dyi mou; dhaghar mwopp p'ee pwat chaat sh'i phikihtihngg, bhi Naan p'ee shoghon v'ur bii w'u bhall-bhall w'u sh'i phikihtihngg.
30“Sh'i pee mhizeh ni, bhi bii dyingg ji khi L'aa khi Gurum p'ee dyingg sat sh'i phikihtihngg, bhi kapp gurum w'u dhighin yill ni mwopp p'ee chaat wall, bhi mwopp p'ee naah L'aa khi Gurum kihh sam kih liw w'u phikihtihngg, sh'i maa'pee kihh tihghindhess w'u mett bhall mhi satt! 31Bhi nyi p'ee lop mhi'lop keeniy mwopp sh'i t'aa veer w'u bhall-bhall, bhi mwopp p'ee chakk mwooh bih-blihp khinyi koohneeh dhighin yill ni kihhdihng'dihng lhija nyi kapp pee w'u yill dum dharr diy.
32“T'o, wu sh'in kamm sh'i tihngg koon sihng: mihh songg nyi mwopp y'aa bih'khil, mwopp tang kom wu'pwooh, bhi wu man rooh tarr log l'ang kuss. 33A kihhsheh zag, mihh wu naah bii mihhse mwopp weett, bhi wu man wu le ji keena wull kuss, dheeh ih kihh dharr a pwooluh. 34Ih kihh satt a zeenn wunn, baah gurum w'u gangg mhizeh ni mwopp p'ee mwarrap kyess weett mou, seeh bii mihhseh ni mwopp weett gam. 35Phikihtihngg kihh yill p'ee ji dhel, dhangg baah pwoo keena p'ee cham taah yill mou.
Baah gwooh man puus ji khi Jesu
(Mar 13:32-37; Luk 17:26-30,34-36)
36“Baah gwooh man puus kooh gonggpee mhi b'aa ji keena ni mou; kooh a mhi'lop w'u kih dhengNaan, h'aa kooh a wu'an L'aa ni maah mou; a Daa kyekk man. 37Chiitt kaa gyet mwopp sh'in sh'i gangg mhi Nuhu seh, bhi nyi p'ee kwed a kihhsheh zag sh'i ji khi L'aa khi Gurum. 38P'ee gyet dhighin shiiy'teer w'u dhangg chlim'am ni kihh ji, bhi gurum mwopp kaah so-kihh-shwaa, yakhal mwopp kaah lapp shwarab, kihh shenn zhi'raapp ruh mwopp dyik, harr p'ar puus w'u Nuhu dhel diy dhighin kong'am.#Shb 6:14 39Baah mwopp man bii w'u p'ee taah kaah ruh mou, harr a'm ni ji kwaarr mwopp kwellelleh. Nyi p'ee kwed a kihhsheh zag sh'i ji khi L'aa khi Gurum. 40Gurum vel mwopp p'ee kwed yaghal dhighin bhokk; bhi mwopp p'ee m'ang kihmeh, mwopp yet wu'zeh. 41Shwarab mwopp vel kaah eesfiin dangshag, bhi mwopp p'ee m'ang m'ee, mwopp yet wu'zeh. 42Pee'mhinyi bhi wu tong sh'i gonggpee, p'ee baah wu man puus w'u a'n Gwoohyon keewu p'ee ji diy mou. 43Dhangg wu man, kaddyinn guluh kihh man puus ji khi watt, bhi dyinn nyi p'ee tong sh'i gonggpee, harr baah diy yet watt ji teepee dhel riy luh mou. 44Pee'mhinyi bhi wu'wunn zag wu tong sh'i dhakkshuk, p'ee L'aa khi Gurum p'ee b'aa ji a puus w'u baah wu le'pan b'aa ji khinyi mou.
45“A wuyeh a kromm w'u a guzeenn, w'u soon-soon, w'u guluh khinyi dhen nyi kaah kakhar kromm w'u tuluh keeniy mwopp, tihh kihh pihh shap soh khimwopp diy mwopp shi'puus-shi'puus? 46Nyi p'ee dhen a bii rettyit kromm mhizeh ni kadmihh guluh khinyi ji kad nyi phi sh'in kihhsheh. 47Ih kihh satt a zeenn wunn, guluh ni p'ee dhen nyi kaah long keeniy mwopp weett. 48Dhangg kadmihh bwut kromm ni dhood, yakhal satt shin le, ‘Ai guluh keena p'ee tong dhess pee w'u dum diy seh,’ 49bhi harr y'aa sram mhinin kromm ni mwopp, yakhal y'aa so-kihh-shwaa dang mhi-rakkmwoz mwopp; 50bhi guluh khi kromm ni p'ee p'ar b'aa ji puus w'u baah kromm ni le'pan b'aa ji khinyi mou; kooh pee w'u kromm ni man mou. 51Bhi guluh ni p'ee m'ang nyi dwur'ruk pwetd, yakhal m'ang nyi dum meng naar mhi bhoor'naan mwopp, pee w'u gurum mwopp p'ee nwang wall diy harr mwopp kihh shum aghaz ruh.”
လက္ရွိေရြးခ်ယ္ထားမွု
Matiw 24: Chakfem
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation
Matiw 24
24
Bii'kattshiiy mhi kyes khi yill ni
(Mar 13:1-2; Luk 21:5-6)
1Kaarooh Jesu put kihfur LuhNaan ni y'aa arr dh'el, bhi zheppkamm khinyi mwopp kihh dyingg v'ur dy'ik mhi LuhNaan mwopp nyi. 2Bhi Jesu pring mwopp nang le, “Wunn phi naah dy'ik mhize ni mwopp weett shisihng? T'o, ih kihh satt a zeenn wunn, kooh pangg kihmeh p'ee dheeh dhen kihdab wu'nat bihze w'u dheng'pee mwopp p'ee p'ar rumm nyi mou.”
3Kaarooh Jesu kihh tong kih Bwumm Paatt, bhi zheppkamm khinyi mwopp ja kihpee nyi diy dhakhatt mhishut, mwopp nang phi nyi le, “Ghi satt munn, bii mihhse mwopp p'ee sh'in a phiranggyeh, yakhal a mihyeh p'ee dhen a bii'kattshiiy mhi ji keegha, kihh mhi kyess mhi yill w'u gangg mhize ni?”
4Bhi Jesu lapp mwopp satt le, “Wu kihh kangg, tappseh menguh diy d'ihk wunn mou. 5P'ee gurum dhess p'ee ja dhighin shumm nah, kooh meehrangg kihh satt le, wai a riy a Kristi, mwopp p'ee d'ihk gurum dhess. 6Wunn p'ee klihng v'ur l'ek kihh mwan yakhal kihh v'ur pwookaah l'ek zag. Mihh wu klihng kihhsheh bhi tapp nhikhin'teghem diy shwat wunn mou. P'ee nyi a ching tihh bii mihhse ni mwopp sh'in dhangg kyess khi yill ni kihh ji. 7Seghen'gurum p'ee kihh yakhal l'ek kaah Seghen'gurum, yakhal dhenglong p'ee kihh yakhal l'ek kaah dhenglong. Tekhell kihh v'ur tihbhal'yill p'ee mwan kwed dhighin yill ni shi'pee-shi'pee. 8Kapp bii mihhse mwopp kudyi a sh'ee khi v'ur zheell w'u kudyi kihh ja kihkyeen.
9“Gurum mwopp p'ee yak wunn pihh tihh mwopp le'zheell diy wunn, harr mwopp twa wunn. Gurum w'u yill ni weett p'ee shiih kihh wunn lhiwaa a'n. 10Sh'i pee mhizeh ni, bhi gurum dhess p'ee pal dhighin pihhzeenn keeru, harr mwopp seett kihh shag, mwopp kihh shiih shag hett. 11Yakhal v'ur mhi-wanggshiiy dwungg mwopp p'ee yakhal harr mwopp l'e tihh gurum dhess mwopp pyallap. 12Lhiwaa dw'uu khi dhakk'wubis, bhi wall khi gurum dhess p'ee zhughum. 13Weett kihhsheh bhi gwooh g'ung dharr bhall-bhall harr kyess ni, bhi nyi p'ee kad bh'am. 14Mwopp p'ee yak Pwoo'wurett mhi dhenglong mhizeh koohneeh dhighin yill ni, tihh dhen diy a ten'yim p'ee Seghen'gurum mwopp weett, dhangg kyess khi yill ni ji dhak.
15“Pee'mhinyi, mihh wu naah bii mwelleg-en mhi shenpee w'u Naan gyet satt sh'i pwoo khi Daniel (yet tihh gha g'u tang'ran ghi manshiiy pwoo mihhse), 16bhi mwooh yill Yahudiya mwopp shwa ka duam kihdab v'ur dhengg bwumm mwopp. 17Tapp gwooh tihngg kih daghabluh keeniy diy sam dheeh m'ang mee'bii lhiput luh mou. 18Tapp gwooh dhighin bhokk b'aa ji tuluh p'ee m'ang bh'aar keeniy mou. 19Kai, mak kihh shwarab ak, kihh mwooh kihh zhepp pwoo'yukhur dhighin t'eer mhizeh ni mwopp! 20Wu dhangNaan tapp shu'shu mhize diy kwed a tarr peezhughum waapp, kooh p'ar Puus Nookdyi mou. 21P'ee nyi p'ee kwed a gag m'ee zheell w'u baah m'ee zheell cham wull wu'nyi dyi phi'wu yill ni shee diy, yakhal baah m'ee zheell wu'kihhsheh p'ee cham kwed dyi mou. 22Kaddyinn dheng'pee Naan shep gab t'eer mhi zheell ni mwopp mou, bhi baah dyinn m'ee gurum p'ee bar mou. Dhangg lhiwaa mwooh bih-blihp, bhi Naan p'ee gab t'eer mhizeh ni mwopp. 23Dhighin shiiy'teer mhizeh ni mwopp, bhi mihh menguh satt wunn le, ‘Wu naah, Kristi ni se!’ h'aa kooh ‘Nyi seh!’ bhi tapp wu pihhzeenn mou. 24P'ee v'ur kristi-dwungg kihh mhi-wanggshiiy dwungg mwopp p'ee mwan yakhal dhess, harr mwopp kihh sh'in n'an bii'aapwoo kihh bii'kattshiiy w'u nan-nan tihh mwopp plip diy kihh gurum, harr kihh mwooh bih-blihp zag, kaddyinn kihhsheh kihh mak sh'in. 25T'o, wu naah, shep ih kihh satt bii mihhse wunn dhangg pee ni kihh wull.
26“Pee'mhinyi, mihh menguh diy satt wunn le, ‘Kristi ni pwenn dhighin dh'em,’ bhi tapp wu pwat wu dum orr nyi mou. H'aa kooh satt wunn le, ‘Kristi ni se dhighin m'ee luh,’ bhi tapp wu pihhzeenn mou. 27P'ee kaa naan'tihngg kihh put koghob Puus'kaa harr mwopp naah koghob Puus'ru se, bhi ji khi L'aa khi Gurum p'ee kwed a kihhsheh zag. 28Kapp pee w'u kumm-lwaa diy, bhi yer'es mwopp kihh chakk duam kwakhar a nhighin.
29“Abet, bwoon zheell mhi shiiy'teer mhizeh ni mwopp, bhi puus p'ee taah'kwoo, baah tarr p'ee bhanggpee dyi mou; dhaghar mwopp p'ee pwat chaat sh'i phikihtihngg, bhi Naan p'ee shoghon v'ur bii w'u bhall-bhall w'u sh'i phikihtihngg.
30“Sh'i pee mhizeh ni, bhi bii dyingg ji khi L'aa khi Gurum p'ee dyingg sat sh'i phikihtihngg, bhi kapp gurum w'u dhighin yill ni mwopp p'ee chaat wall, bhi mwopp p'ee naah L'aa khi Gurum kihh sam kih liw w'u phikihtihngg, sh'i maa'pee kihh tihghindhess w'u mett bhall mhi satt! 31Bhi nyi p'ee lop mhi'lop keeniy mwopp sh'i t'aa veer w'u bhall-bhall, bhi mwopp p'ee chakk mwooh bih-blihp khinyi koohneeh dhighin yill ni kihhdihng'dihng lhija nyi kapp pee w'u yill dum dharr diy.
32“T'o, wu sh'in kamm sh'i tihngg koon sihng: mihh songg nyi mwopp y'aa bih'khil, mwopp tang kom wu'pwooh, bhi wu man rooh tarr log l'ang kuss. 33A kihhsheh zag, mihh wu naah bii mihhse mwopp weett, bhi wu man wu le ji keena wull kuss, dheeh ih kihh dharr a pwooluh. 34Ih kihh satt a zeenn wunn, baah gurum w'u gangg mhizeh ni mwopp p'ee mwarrap kyess weett mou, seeh bii mihhseh ni mwopp weett gam. 35Phikihtihngg kihh yill p'ee ji dhel, dhangg baah pwoo keena p'ee cham taah yill mou.
Baah gwooh man puus ji khi Jesu
(Mar 13:32-37; Luk 17:26-30,34-36)
36“Baah gwooh man puus kooh gonggpee mhi b'aa ji keena ni mou; kooh a mhi'lop w'u kih dhengNaan, h'aa kooh a wu'an L'aa ni maah mou; a Daa kyekk man. 37Chiitt kaa gyet mwopp sh'in sh'i gangg mhi Nuhu seh, bhi nyi p'ee kwed a kihhsheh zag sh'i ji khi L'aa khi Gurum. 38P'ee gyet dhighin shiiy'teer w'u dhangg chlim'am ni kihh ji, bhi gurum mwopp kaah so-kihh-shwaa, yakhal mwopp kaah lapp shwarab, kihh shenn zhi'raapp ruh mwopp dyik, harr p'ar puus w'u Nuhu dhel diy dhighin kong'am.#Shb 6:14 39Baah mwopp man bii w'u p'ee taah kaah ruh mou, harr a'm ni ji kwaarr mwopp kwellelleh. Nyi p'ee kwed a kihhsheh zag sh'i ji khi L'aa khi Gurum. 40Gurum vel mwopp p'ee kwed yaghal dhighin bhokk; bhi mwopp p'ee m'ang kihmeh, mwopp yet wu'zeh. 41Shwarab mwopp vel kaah eesfiin dangshag, bhi mwopp p'ee m'ang m'ee, mwopp yet wu'zeh. 42Pee'mhinyi bhi wu tong sh'i gonggpee, p'ee baah wu man puus w'u a'n Gwoohyon keewu p'ee ji diy mou. 43Dhangg wu man, kaddyinn guluh kihh man puus ji khi watt, bhi dyinn nyi p'ee tong sh'i gonggpee, harr baah diy yet watt ji teepee dhel riy luh mou. 44Pee'mhinyi bhi wu'wunn zag wu tong sh'i dhakkshuk, p'ee L'aa khi Gurum p'ee b'aa ji a puus w'u baah wu le'pan b'aa ji khinyi mou.
45“A wuyeh a kromm w'u a guzeenn, w'u soon-soon, w'u guluh khinyi dhen nyi kaah kakhar kromm w'u tuluh keeniy mwopp, tihh kihh pihh shap soh khimwopp diy mwopp shi'puus-shi'puus? 46Nyi p'ee dhen a bii rettyit kromm mhizeh ni kadmihh guluh khinyi ji kad nyi phi sh'in kihhsheh. 47Ih kihh satt a zeenn wunn, guluh ni p'ee dhen nyi kaah long keeniy mwopp weett. 48Dhangg kadmihh bwut kromm ni dhood, yakhal satt shin le, ‘Ai guluh keena p'ee tong dhess pee w'u dum diy seh,’ 49bhi harr y'aa sram mhinin kromm ni mwopp, yakhal y'aa so-kihh-shwaa dang mhi-rakkmwoz mwopp; 50bhi guluh khi kromm ni p'ee p'ar b'aa ji puus w'u baah kromm ni le'pan b'aa ji khinyi mou; kooh pee w'u kromm ni man mou. 51Bhi guluh ni p'ee m'ang nyi dwur'ruk pwetd, yakhal m'ang nyi dum meng naar mhi bhoor'naan mwopp, pee w'u gurum mwopp p'ee nwang wall diy harr mwopp kihh shum aghaz ruh.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation