Yohanna 9
9
Jesu wangg yit gwooh mwopp l'aa nyi a vughum
1Kaarooh Jesu kaah mwaan bhi naah m'ee gurum w'u gyet a vughum phi'wu mwopp l'aa nyi diy. 2Bhi zheppkamm khinyi mwopp nang phi nyi le, “Gukamm, a wuyeh sh'in shigbis w'u l'e tihh mwooh l'aa gwoh mhize ni a vughum ayeh? A gwoh ni aa'h,#9:2 Pakk Zhepp Yahuda gyet mwopp kihh naah le l'aa w'u bwut nhikhin kihh mak sh'in shigbis w'u harr l'e tihh mee'bii kad nyi bwoonrooh mwopp l'aa nyi. h'aa kooh a mhi'shee khi gwoh ni mwopp ayeh?”
3Jesu lapp mwopp satt le, “Baah a p'ee m'ee shigbis khi gwoh mhize ni kooh shigbis khi mhi'shee khi gwoh ni mwopp mou, bii mihhse kad nyi a tihh Naan kamm dhakk keeniy diy kihgaak dhighin gwoh ni. 4Nyi a ching tihh mu sh'in dhakk khi gwooh lop a'n bhi puus kudyi, p'ee khipar kihh ji, w'u a pee w'u baah m'ee gurum p'ee mak sh'in dhakk dyi mou. 5Kaarooh ih kudyi dhighin yill ni, bhi a a'n a peebhangg khi yill ni.”
6Kaarooh Jesu satt kihhsheh bhi p'us zool yill nyog reb wan dyishig, pwaas kihyit gwoh ni; 7bhi satt nyi le, “Dum ghi vwang yit gha dungg'am Silo'am.” (Shiiy khi Silo'am ni a loppee.) Bhi gwoh ni dum vwang yit niy, bhi b'aa ji kihh naahpee.
8Bhi shaar'tong khinyi kihhsheh kih mwooh deh kihh nah kihh tong a phi dhang mwopp nang phi shag le, “Mwopp'muun, a gwooh deh kihh tong a phi dhang shi se s'ang?” 9Pakk mwopp satt le “A nyi 'y, wunn'!” Dhangg pakk mwopp shiih, mwopp satt le, “Haiyou, mwopp lhi-lappshag kyekk!”
Dhangg a gwoh ni sh'i kaah niy kihh satt mwopp le a riy.
10Bhi mwopp nang phi nyi le, “Lukk a rangg bhi ghi kihh naahpee mwasseh ayeh?”
11Gwoh ni lapp mwopp le, “A menguh shi w'u shumm nyi a Jesu nyog reb wan pwaas kihh yit na, bhi satt a'n le a'n dum vwang yit na dungg'am Silo'am. Kaarooh ih dum ih vwang, bhi yit na naahpee 'y.”
12Bhi mwopp nang phi nyi le, “Gwoh mhizeh ni a nihyeh?”
Bhi lapp mwopp le, “Yukk, baah ih man pee w'u gwoh ni diy mou.”
Farisiiy mwopp dwarramshiiy barr w'u Jesu sh'in guvughum
13Bhi gurum mwopp dum kihh gwooh dyinn a guvughum shi seh Farisiiy mwopp. 14Puus w'u gyet Jesu nyog wan wangg yit gwoh ni diy gyet a Puus Nookdyi. 15Pee'mhinyi bhi Farisiiy mwopp nang phi gwoh ni tihh yakshiiy arr w'u kad naahpee diy runn. Bhi gwoh ni satt mwopp le, “Gwoh ni pwaas a wan kihyit na, bhi ih dum ih vwang yit na ni, a nyi seh bhi ih kihh naahpee mwasseh.”
16Pakk Farisiiy ni mwopp satt shag le, “Baah gwoh mhizeh ni put a kihpee Naan diy mou, p'ee baah kihh kyeer Puus Nookdyi mou.”
Dhangg pakk mwopp nang le, “Diy lukk a rangg bhi gu-shigbis sh'in bii'aapwoo w'u kaa mihhse se ayeh, dass'nwaa?” A nyi seh bhi pwoo mwopp shapshag.
17Kyess ni bhi Farisiiy ni mwopp waa nang dyi phi gwoh ni le, “A mihyeh a bii w'u wu'gha p'ee satt nyi kaah gwoh mhizeh ni? P'ee gwoh ni wangg a yit gha 'y.”
Bhi gwoh ni lapp mwopp le, “Nyi a gu-wanggshiiy.”
18Weett kihhsheh bhi baah mwoohnan khi Zhepp Yahuda ni mwopp pihhzeenn le deh gwoh ni a guvughum dhanggbhi kihh naahpee mwasseh mou, seeh a bwoonrooh mwopp peet mhi'shee khi gwoh ni mwopp lhija dhangg. 19Bhi mwopp nang phi mwopp le, “A em wu w'u wu le gyet wunn l'aa gw'ar a vughum shi se aa'? T'o, dhangg lukk a ranggyeh kihh naahpee diy mwasseh ayeh?”
20Mhishee khi gwoh ni mwopp lapp mwopp satt le, “Mu man rooh nyi a yid em mu o'h, yakhal mu man rooh gyet mu l'aa nyi a vughum o'h. 21Dhangg sh'in arangg kihh naahpee diy mwasseh, kihh gwooh wangg yit nyi, bhi wu'munn mu man mihhseh mou. Wu nang phi nyi sihng; kudyi a l'aa wu'shomm dyi mihngg? Nyi p'ee mak yakshiiy nyi wunn sh'i kaah mhishin ai.” 22Mhishee khi gwoh ni mwopp satt kihhsheh a pee'rooh mwopp kihh kihkhir mwoohnan khi Zhepp Yahuda ni mwopp, p'ee gyet baa mwopp gab'waar le gwooh mihh wangg pwoo niy lapp'iih le a Jesu a Kristi, bhi mwopp p'ee fih-fettshiiy gwoh ni Luh'kang keeru. 23A nyi a bii w'u le tihh mhi'shee khi gwoh ni mwopp satt le, nw'aa nang phi gw'ar sihng, gw'ar kudyi a l'aa wu'shomm mihngg?
24Bhi Farisiiy ni mwopp waa peet gwoh ni lhi'ji dyi, bhi mwopp satt nyi le, “Ghi satt zeenn tihh ghi pihhdhess diy Naan. Mu man mu le gwoh mhizeh ni a gu-shigbis.”
25Bhi gwoh ni pring mwopp le, “Yukk, kyed nyi a gu-shigbis, h'aa shiih'pee nyi a gu-shigbis oh, bhi wu'an ih man nah mihhseh mou. A bii kihmeh w'u wu'an a man: deh a'n a guvughum, dhangg mwasseh ih kihh naahpee!”
26Mwopp waa nang dyi phi nyi le, “Gwoh ni dyinn sh'in a mihyeh gha? Sh'in a rih-ranggyeh bhi wangg yit gha ayeh?”
27Gwoh ni lapp mwopp le, “Hah, Dhok baa dyinn ih satt wunn dhangg wu shiih a klihng nyi 'y? Wu kihh t'ang klihng nyi dyi mwasseh a p'ee mihyeh? W'u kihh t'ang tong a mhi-dumdang nyi zag mihngg?”
28Bhi mwopp m'ang nyi pyaah kihh ful'lup pwetd, mwopp satt nyi le, “A gha a gu-dumdang nyi, wu'munn muh a mhi-dumdang Musa. 29Mu man rooh Naan gyet kadpwoo kihh Musa, dhangg baah mu man pee w'u gwoh mhize ni put diy mou.”
30Gwoh ni pring mwopp le, “Mihhse sh'i kaah rah maah a gag bii'aapwoo wu'yon! Baah wu man pee w'u gwoh ni put diy mou, weett kihhsheh bhi wangg yit na ai. 31Mu man mu le baah Naan kihh klihng mhi-shigbis mou; kihh klihng a mwooh kihh soyill riy, yakhal mwopp kihh gam p'an khinyi. 32Baah mu cham klihng mwopp wangg yit m'ee gwooh mwopp l'aa nyi a vughum mou. 33Ai kaddyinn dheng'pee gwoh mhize ni put a kihpee Naan diy mou, bhi baah dyinn nyi p'ee mak sh'in mee'bii mou.”
34A nyi seh, bhi mwopp pring gwoh ni le, “Kai, gha w'u mwopp l'aa gha a dhighin shigbis kihhdihng'dihng, bhi kan a gha a m'ee g'u sh'in kamm munn o'h!” Bhi mwopp fettshiiy gwoh ni Luh'kang keeru.
Vughum w'u dhighin riin
35Jesu klihng rooh mwopp fettshiiy gwoh ni Luh'kang khimwopp, bhi kaarooh kad nyi bhi nang phi nyi le, “Ghi pihhzeenn L'aa khi Gurum aa'?”
36Gwoh ni nang phi Jesu le, “L'aa khi Gurum ni a wuyeh, Daah? Gha satt a'n tihh ih pihhzeenn diy nyi.”
37Jesu satt nyi le, “Ai baa ghi naah nyi. A nyi a gwooh phi kadpwoo kihh gha mwasseh se.”
38Bhi gwoh ni satt le, “Gwoohyon, ih pihhzeenn e'h!” Bhi soyill Jesu.
39Jesu satt nyi le, “A ji dhighin yill ni a p'ee shandyeell, tihh mhi-vughum mwopp naahpee diy, dheeh mhi-naahpee mwopp buakhar mhi-vughum.”
40Pakk Farisiiy w'u mwopp kihh dyarrang nhighin mwopp klihng bii w'u Jesu satt seh, bhi mwopp nang phi nyi le, “Dheeh kan wu'munn a mhi-vughum shi seh sihng?”
41Jesu lapp mwopp le, “Ai, kaddyinn wunn a mhi-vughum bhi baah dyinn shig shigbis keewu p'ee d heeh kaah wuh mou. Dhangg mwasseh wu kihh m'ang wu le wai wunn a m'ee mhi-naahpee hoo-wuh'wah, pee'mhinyi bhi shig shigbis keewu dheeh kaah wuh.”
လက္ရွိေရြးခ်ယ္ထားမွု
Yohanna 9: Chakfem
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation
Yohanna 9
9
Jesu wangg yit gwooh mwopp l'aa nyi a vughum
1Kaarooh Jesu kaah mwaan bhi naah m'ee gurum w'u gyet a vughum phi'wu mwopp l'aa nyi diy. 2Bhi zheppkamm khinyi mwopp nang phi nyi le, “Gukamm, a wuyeh sh'in shigbis w'u l'e tihh mwooh l'aa gwoh mhize ni a vughum ayeh? A gwoh ni aa'h,#9:2 Pakk Zhepp Yahuda gyet mwopp kihh naah le l'aa w'u bwut nhikhin kihh mak sh'in shigbis w'u harr l'e tihh mee'bii kad nyi bwoonrooh mwopp l'aa nyi. h'aa kooh a mhi'shee khi gwoh ni mwopp ayeh?”
3Jesu lapp mwopp satt le, “Baah a p'ee m'ee shigbis khi gwoh mhize ni kooh shigbis khi mhi'shee khi gwoh ni mwopp mou, bii mihhse kad nyi a tihh Naan kamm dhakk keeniy diy kihgaak dhighin gwoh ni. 4Nyi a ching tihh mu sh'in dhakk khi gwooh lop a'n bhi puus kudyi, p'ee khipar kihh ji, w'u a pee w'u baah m'ee gurum p'ee mak sh'in dhakk dyi mou. 5Kaarooh ih kudyi dhighin yill ni, bhi a a'n a peebhangg khi yill ni.”
6Kaarooh Jesu satt kihhsheh bhi p'us zool yill nyog reb wan dyishig, pwaas kihyit gwoh ni; 7bhi satt nyi le, “Dum ghi vwang yit gha dungg'am Silo'am.” (Shiiy khi Silo'am ni a loppee.) Bhi gwoh ni dum vwang yit niy, bhi b'aa ji kihh naahpee.
8Bhi shaar'tong khinyi kihhsheh kih mwooh deh kihh nah kihh tong a phi dhang mwopp nang phi shag le, “Mwopp'muun, a gwooh deh kihh tong a phi dhang shi se s'ang?” 9Pakk mwopp satt le “A nyi 'y, wunn'!” Dhangg pakk mwopp shiih, mwopp satt le, “Haiyou, mwopp lhi-lappshag kyekk!”
Dhangg a gwoh ni sh'i kaah niy kihh satt mwopp le a riy.
10Bhi mwopp nang phi nyi le, “Lukk a rangg bhi ghi kihh naahpee mwasseh ayeh?”
11Gwoh ni lapp mwopp le, “A menguh shi w'u shumm nyi a Jesu nyog reb wan pwaas kihh yit na, bhi satt a'n le a'n dum vwang yit na dungg'am Silo'am. Kaarooh ih dum ih vwang, bhi yit na naahpee 'y.”
12Bhi mwopp nang phi nyi le, “Gwoh mhizeh ni a nihyeh?”
Bhi lapp mwopp le, “Yukk, baah ih man pee w'u gwoh ni diy mou.”
Farisiiy mwopp dwarramshiiy barr w'u Jesu sh'in guvughum
13Bhi gurum mwopp dum kihh gwooh dyinn a guvughum shi seh Farisiiy mwopp. 14Puus w'u gyet Jesu nyog wan wangg yit gwoh ni diy gyet a Puus Nookdyi. 15Pee'mhinyi bhi Farisiiy mwopp nang phi gwoh ni tihh yakshiiy arr w'u kad naahpee diy runn. Bhi gwoh ni satt mwopp le, “Gwoh ni pwaas a wan kihyit na, bhi ih dum ih vwang yit na ni, a nyi seh bhi ih kihh naahpee mwasseh.”
16Pakk Farisiiy ni mwopp satt shag le, “Baah gwoh mhizeh ni put a kihpee Naan diy mou, p'ee baah kihh kyeer Puus Nookdyi mou.”
Dhangg pakk mwopp nang le, “Diy lukk a rangg bhi gu-shigbis sh'in bii'aapwoo w'u kaa mihhse se ayeh, dass'nwaa?” A nyi seh bhi pwoo mwopp shapshag.
17Kyess ni bhi Farisiiy ni mwopp waa nang dyi phi gwoh ni le, “A mihyeh a bii w'u wu'gha p'ee satt nyi kaah gwoh mhizeh ni? P'ee gwoh ni wangg a yit gha 'y.”
Bhi gwoh ni lapp mwopp le, “Nyi a gu-wanggshiiy.”
18Weett kihhsheh bhi baah mwoohnan khi Zhepp Yahuda ni mwopp pihhzeenn le deh gwoh ni a guvughum dhanggbhi kihh naahpee mwasseh mou, seeh a bwoonrooh mwopp peet mhi'shee khi gwoh ni mwopp lhija dhangg. 19Bhi mwopp nang phi mwopp le, “A em wu w'u wu le gyet wunn l'aa gw'ar a vughum shi se aa'? T'o, dhangg lukk a ranggyeh kihh naahpee diy mwasseh ayeh?”
20Mhishee khi gwoh ni mwopp lapp mwopp satt le, “Mu man rooh nyi a yid em mu o'h, yakhal mu man rooh gyet mu l'aa nyi a vughum o'h. 21Dhangg sh'in arangg kihh naahpee diy mwasseh, kihh gwooh wangg yit nyi, bhi wu'munn mu man mihhseh mou. Wu nang phi nyi sihng; kudyi a l'aa wu'shomm dyi mihngg? Nyi p'ee mak yakshiiy nyi wunn sh'i kaah mhishin ai.” 22Mhishee khi gwoh ni mwopp satt kihhsheh a pee'rooh mwopp kihh kihkhir mwoohnan khi Zhepp Yahuda ni mwopp, p'ee gyet baa mwopp gab'waar le gwooh mihh wangg pwoo niy lapp'iih le a Jesu a Kristi, bhi mwopp p'ee fih-fettshiiy gwoh ni Luh'kang keeru. 23A nyi a bii w'u le tihh mhi'shee khi gwoh ni mwopp satt le, nw'aa nang phi gw'ar sihng, gw'ar kudyi a l'aa wu'shomm mihngg?
24Bhi Farisiiy ni mwopp waa peet gwoh ni lhi'ji dyi, bhi mwopp satt nyi le, “Ghi satt zeenn tihh ghi pihhdhess diy Naan. Mu man mu le gwoh mhizeh ni a gu-shigbis.”
25Bhi gwoh ni pring mwopp le, “Yukk, kyed nyi a gu-shigbis, h'aa shiih'pee nyi a gu-shigbis oh, bhi wu'an ih man nah mihhseh mou. A bii kihmeh w'u wu'an a man: deh a'n a guvughum, dhangg mwasseh ih kihh naahpee!”
26Mwopp waa nang dyi phi nyi le, “Gwoh ni dyinn sh'in a mihyeh gha? Sh'in a rih-ranggyeh bhi wangg yit gha ayeh?”
27Gwoh ni lapp mwopp le, “Hah, Dhok baa dyinn ih satt wunn dhangg wu shiih a klihng nyi 'y? Wu kihh t'ang klihng nyi dyi mwasseh a p'ee mihyeh? W'u kihh t'ang tong a mhi-dumdang nyi zag mihngg?”
28Bhi mwopp m'ang nyi pyaah kihh ful'lup pwetd, mwopp satt nyi le, “A gha a gu-dumdang nyi, wu'munn muh a mhi-dumdang Musa. 29Mu man rooh Naan gyet kadpwoo kihh Musa, dhangg baah mu man pee w'u gwoh mhize ni put diy mou.”
30Gwoh ni pring mwopp le, “Mihhse sh'i kaah rah maah a gag bii'aapwoo wu'yon! Baah wu man pee w'u gwoh ni put diy mou, weett kihhsheh bhi wangg yit na ai. 31Mu man mu le baah Naan kihh klihng mhi-shigbis mou; kihh klihng a mwooh kihh soyill riy, yakhal mwopp kihh gam p'an khinyi. 32Baah mu cham klihng mwopp wangg yit m'ee gwooh mwopp l'aa nyi a vughum mou. 33Ai kaddyinn dheng'pee gwoh mhize ni put a kihpee Naan diy mou, bhi baah dyinn nyi p'ee mak sh'in mee'bii mou.”
34A nyi seh, bhi mwopp pring gwoh ni le, “Kai, gha w'u mwopp l'aa gha a dhighin shigbis kihhdihng'dihng, bhi kan a gha a m'ee g'u sh'in kamm munn o'h!” Bhi mwopp fettshiiy gwoh ni Luh'kang keeru.
Vughum w'u dhighin riin
35Jesu klihng rooh mwopp fettshiiy gwoh ni Luh'kang khimwopp, bhi kaarooh kad nyi bhi nang phi nyi le, “Ghi pihhzeenn L'aa khi Gurum aa'?”
36Gwoh ni nang phi Jesu le, “L'aa khi Gurum ni a wuyeh, Daah? Gha satt a'n tihh ih pihhzeenn diy nyi.”
37Jesu satt nyi le, “Ai baa ghi naah nyi. A nyi a gwooh phi kadpwoo kihh gha mwasseh se.”
38Bhi gwoh ni satt le, “Gwoohyon, ih pihhzeenn e'h!” Bhi soyill Jesu.
39Jesu satt nyi le, “A ji dhighin yill ni a p'ee shandyeell, tihh mhi-vughum mwopp naahpee diy, dheeh mhi-naahpee mwopp buakhar mhi-vughum.”
40Pakk Farisiiy w'u mwopp kihh dyarrang nhighin mwopp klihng bii w'u Jesu satt seh, bhi mwopp nang phi nyi le, “Dheeh kan wu'munn a mhi-vughum shi seh sihng?”
41Jesu lapp mwopp le, “Ai, kaddyinn wunn a mhi-vughum bhi baah dyinn shig shigbis keewu p'ee d heeh kaah wuh mou. Dhangg mwasseh wu kihh m'ang wu le wai wunn a m'ee mhi-naahpee hoo-wuh'wah, pee'mhinyi bhi shig shigbis keewu dheeh kaah wuh.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation