Malak Mɛkpa mɛ mɛkɛn
Mɛkpa mɛ mɛkɛn
Beeka Mbɛɛ Bhaadal ɛ Yezu Klisto Malak nakaada tɔ mɛkana mɛ ɛ. Malak nabɛ ɛ́ ngɔt tɔ eYuda nakan ɛdum koŋ nɛ Zɛɛb bhii bɛ nagwak Mbɛɛ Bhaadal nɛ bɛdjekel ɛ Yezu ɛ. Nyɛ nakwyal mɛkana mɛ embɛɛ etɛp bak ɛ́, é sok bot nadi, bɛ dinaa ààmyaal Mɛkpa ɛ Zɛɛb ɛ.
Beeka Mbɛɛ Bhaadal ɛ Malak nakwyal bot ɛ namyaal Zɛɛb nadi ààdi bot ɛ mbyak eYuda ɔ. Yɛ ɛ́ Mbɛɛ Bhaadal na dhen. Nyɛy ààkaada etɛp ee edhɔma ɛ Yezu. Ye tok pe nɛ etɛp ee na dulal-dulal Yezu nadi elii nɛ bot ɛ tɔ tak. Tin, tɔ tak wɔ waabela bɛtɛ nɛ edi ee nyɛ nakaada bhoma Yezu bɛ nɛ bɛdhiiti bot, dáa nyɛ nadi etsik bot ɛ, nɛ elɛŋ bɛ nɛ bɛdhiiti bot. É bɛdhiiti edi e sis, nyɛ kaada ɛ́ bɛdhiiti etɛp ee di ààdi tɔ bɛdhiiti bɛmɛkana mɛ Mbɛɛ Bhaadal ɛ.
Mbɛɛ Bhaadal Malak nakwyal ɛ zobaadu ɛ́ ɛzel ɛ wat nɛ bɛmɛkana mɛ Mbɛɛ Bhaadal elɛl yii mɛkɛn. Tin, nyɛ nakaada yɛ ɛ dáa puugɛ. Kana mɛkpa mɛ mɛkɛn, nyɛ lyaal bot Yezu ɛ́ dáa Sɛɛŋɛlɛ Mɔn Mot (1.1). Pɛ kyee mɛsik mɛ Mbɛɛ Bhaadal nyɛ kake ɛ́ náá, Mɔn ɛ Zɛɛb eegwyɛ bema é Mɛlaaba (15.39).
Pɛ tɔ ɛtsek ɛ mɛkɛn mɛ mɛkana mɛ Malak (1.1–8.26), Yezu ààkwyɛl náá, bot leegu mot nyɛ nadi ɛ. Nyɛ nadi etsik membel, esɔ embee esisim tɔ bot, nyɛ nadi elii ɛ́ nɛ eghɛŋ. Bot nadi edji-dji náá: «Nwyak ɛ́ nwyaa mot?» Tin, Yezu nadi eke nɛ bot ɛ́ di egek náá, bɛ nɛ gu nyɛ ɔ náá: «Nàlɛɛka bot, mot mɛ di ɛ.»
Pɛ tɔ yak pes mɛkana kalik ɛ (8.27–16.20) lyaal ɛ́ dáa Yezu di Mɔn ɛ Zɛɛb ɛ.
Bot ɛ mɛl mɛ Ɛyoŋ ɛ Lɔm naduduwal ekukuma bɔɔ ɛ́ dáa bɛzɛɛb. Bot ɛ tak nadi esa bɛtɛ nɛ mɛvyɛkɛlɛ, bɛ nadi ɛ́ bɛngék ɛ bot, etɛp djas bot nadi ezyɛ bɛ nɛ yɛ ɛ, bɛ nadi ekwak.
Ghuna Yezu nabɛ ɛ́ Mɔn ɛ Zɛɛb, myaala nyɛ namyaal mot nɛ esesɛɛ bɛ djas, nɛ dáa nyɛ nalooba nɛ Zɛɛb ɛ. Ye naasa náá, nyɛ zuk da nyɛ ɛ́ gwyɛ. Dɔɔ nɛ náá, bɛdjekel bɛ nabɛ ɛ́ ààleenyɔ ɛgu yɛ. Ye nabɛ ɛ́, bɛ naadhuugal nyɛ, é sok ye nakeaa náá, nyɛ waagóaa ɛ. Tin, dhiiti kukuma esodja e Lɔm ɛ nake náá: «Nɛ tsɛɛtsɛ, mot'ak nabɛ ɛ́ Mɔn ɛ Zɛɛb», é sok nyɛ nabee dáa Yezu nasil eswos ɛ.
É sok Yezu di elii kɔ ɛsu ɛ lɛ met ɛ, nyɛ dyeebake ɛ́ náá, nyɛ ɛ́ Sɛɛŋɛlɛ Mɔn Mot. Ye kwyɛl ɛlyaal ɛ́ mot Zɛɛb nadjɛ ghwyil djas ɔ, dɔɔ nɛ ghwyil ɛpɛ́ɛ ɛ bot, nɛ ɛpel ɛ mesyem ɔ. Mɛkpa mɛ tak baakwyɛl ɛlɛɛ ɛ́ náá, tsɛɛtsɛ nyɛ nabɛ ɛ́ mot. Ye lyaal ɛ́ mot mɛbwala mɛ nyɛ nadi ɛ, nɛ lwomel nyɛ nazyɛ kɔ ɛsu ɛ tak ɛ.
Mbɛɛ Bhaadal Malak nakwyal ɛ, dji ɛ́ kiya náá: «Yezu ɛ́ zɛ?» Mot tok nɛ ghwyil ɛbɔɔza é di'enek. Mɛkana mɛ Malak lyaal ɛ́ mɛze mɛ Yezu nadhaa é tak ɛ. Ye ɛpekwyee bot étɛp bɛ neegu batsa-batsa mot Yezu nadi ɛ.
လက္ရွိေရြးခ်ယ္ထားမွု
Malak Mɛkpa mɛ mɛkɛn: bkwNT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© (Active), Wycliffe Bible Translators, Inc. All rights reserved.
Malak Mɛkpa mɛ mɛkɛn
Mɛkpa mɛ mɛkɛn
Beeka Mbɛɛ Bhaadal ɛ Yezu Klisto Malak nakaada tɔ mɛkana mɛ ɛ. Malak nabɛ ɛ́ ngɔt tɔ eYuda nakan ɛdum koŋ nɛ Zɛɛb bhii bɛ nagwak Mbɛɛ Bhaadal nɛ bɛdjekel ɛ Yezu ɛ. Nyɛ nakwyal mɛkana mɛ embɛɛ etɛp bak ɛ́, é sok bot nadi, bɛ dinaa ààmyaal Mɛkpa ɛ Zɛɛb ɛ.
Beeka Mbɛɛ Bhaadal ɛ Malak nakwyal bot ɛ namyaal Zɛɛb nadi ààdi bot ɛ mbyak eYuda ɔ. Yɛ ɛ́ Mbɛɛ Bhaadal na dhen. Nyɛy ààkaada etɛp ee edhɔma ɛ Yezu. Ye tok pe nɛ etɛp ee na dulal-dulal Yezu nadi elii nɛ bot ɛ tɔ tak. Tin, tɔ tak wɔ waabela bɛtɛ nɛ edi ee nyɛ nakaada bhoma Yezu bɛ nɛ bɛdhiiti bot, dáa nyɛ nadi etsik bot ɛ, nɛ elɛŋ bɛ nɛ bɛdhiiti bot. É bɛdhiiti edi e sis, nyɛ kaada ɛ́ bɛdhiiti etɛp ee di ààdi tɔ bɛdhiiti bɛmɛkana mɛ Mbɛɛ Bhaadal ɛ.
Mbɛɛ Bhaadal Malak nakwyal ɛ zobaadu ɛ́ ɛzel ɛ wat nɛ bɛmɛkana mɛ Mbɛɛ Bhaadal elɛl yii mɛkɛn. Tin, nyɛ nakaada yɛ ɛ dáa puugɛ. Kana mɛkpa mɛ mɛkɛn, nyɛ lyaal bot Yezu ɛ́ dáa Sɛɛŋɛlɛ Mɔn Mot (1.1). Pɛ kyee mɛsik mɛ Mbɛɛ Bhaadal nyɛ kake ɛ́ náá, Mɔn ɛ Zɛɛb eegwyɛ bema é Mɛlaaba (15.39).
Pɛ tɔ ɛtsek ɛ mɛkɛn mɛ mɛkana mɛ Malak (1.1–8.26), Yezu ààkwyɛl náá, bot leegu mot nyɛ nadi ɛ. Nyɛ nadi etsik membel, esɔ embee esisim tɔ bot, nyɛ nadi elii ɛ́ nɛ eghɛŋ. Bot nadi edji-dji náá: «Nwyak ɛ́ nwyaa mot?» Tin, Yezu nadi eke nɛ bot ɛ́ di egek náá, bɛ nɛ gu nyɛ ɔ náá: «Nàlɛɛka bot, mot mɛ di ɛ.»
Pɛ tɔ yak pes mɛkana kalik ɛ (8.27–16.20) lyaal ɛ́ dáa Yezu di Mɔn ɛ Zɛɛb ɛ.
Bot ɛ mɛl mɛ Ɛyoŋ ɛ Lɔm naduduwal ekukuma bɔɔ ɛ́ dáa bɛzɛɛb. Bot ɛ tak nadi esa bɛtɛ nɛ mɛvyɛkɛlɛ, bɛ nadi ɛ́ bɛngék ɛ bot, etɛp djas bot nadi ezyɛ bɛ nɛ yɛ ɛ, bɛ nadi ekwak.
Ghuna Yezu nabɛ ɛ́ Mɔn ɛ Zɛɛb, myaala nyɛ namyaal mot nɛ esesɛɛ bɛ djas, nɛ dáa nyɛ nalooba nɛ Zɛɛb ɛ. Ye naasa náá, nyɛ zuk da nyɛ ɛ́ gwyɛ. Dɔɔ nɛ náá, bɛdjekel bɛ nabɛ ɛ́ ààleenyɔ ɛgu yɛ. Ye nabɛ ɛ́, bɛ naadhuugal nyɛ, é sok ye nakeaa náá, nyɛ waagóaa ɛ. Tin, dhiiti kukuma esodja e Lɔm ɛ nake náá: «Nɛ tsɛɛtsɛ, mot'ak nabɛ ɛ́ Mɔn ɛ Zɛɛb», é sok nyɛ nabee dáa Yezu nasil eswos ɛ.
É sok Yezu di elii kɔ ɛsu ɛ lɛ met ɛ, nyɛ dyeebake ɛ́ náá, nyɛ ɛ́ Sɛɛŋɛlɛ Mɔn Mot. Ye kwyɛl ɛlyaal ɛ́ mot Zɛɛb nadjɛ ghwyil djas ɔ, dɔɔ nɛ ghwyil ɛpɛ́ɛ ɛ bot, nɛ ɛpel ɛ mesyem ɔ. Mɛkpa mɛ tak baakwyɛl ɛlɛɛ ɛ́ náá, tsɛɛtsɛ nyɛ nabɛ ɛ́ mot. Ye lyaal ɛ́ mot mɛbwala mɛ nyɛ nadi ɛ, nɛ lwomel nyɛ nazyɛ kɔ ɛsu ɛ tak ɛ.
Mbɛɛ Bhaadal Malak nakwyal ɛ, dji ɛ́ kiya náá: «Yezu ɛ́ zɛ?» Mot tok nɛ ghwyil ɛbɔɔza é di'enek. Mɛkana mɛ Malak lyaal ɛ́ mɛze mɛ Yezu nadhaa é tak ɛ. Ye ɛpekwyee bot étɛp bɛ neegu batsa-batsa mot Yezu nadi ɛ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© (Active), Wycliffe Bible Translators, Inc. All rights reserved.