Mɛsa 8
8
1Sɔl naamyaal náá, Etiɛn góaa.
Sɔl ɛpetiig bot ɛ zɛɛga mendjaala
É dwoo tak wat ɛ́, mezuk mɛ bot ɛ zɛɛga mendjaala Yeluzalɛm nakan. Bot djas nadi edum koŋ nɛ Zɛɛb ɔ naazɛwyɛɛza, tɔ́ pɛ kyee dik Yude, nɛ pɛ Samaali. Tin bot ɛ lwoma ɛ́ nazokalik. 2Bɛsosoob ɛ bot ɛ́ boonɔɔ muu ɛ Etiɛn, kɛdel, wɔ gwaa bɛ zɛdje nyɛ ɛbuɛpe.
3Tin, yɛ kabɛ Sɔl ɔɔ, nyɛ nadi esa mɛghaaz étɛp ɛkɛwaaz ezɛɛga mendjaala. Bhii tak, nyɛ nadi etɔ́ mendjaa nɛ mendjaa, kɛmɛt boa nɛ botom nadi edum koŋ nɛ Zɛɛb ɔ, ewa bɛ é membok.
Filip ɛpegoola Mbɛɛ Bhaadal pɛ kyee dik Samaali
4Bot ɛ nawyɛɛza djas ɔ, nadi ekɛ mɛl ɛ mɛl kɛgoola Mbɛɛ Bhaadal. 5Filip eezɛtɔ́ pɛ boo ghaada kyee dik Samaali. Tin, nyɛ eezɛni elyo bot ɛ dɛl dum nɛ Mɛsia. 6Bot ɛ dɛl djas nadi egwak etɛp ee Filip nadi elɛɛ bɛ ɛ nɛ lyem wat, é ghɛŋ bɛ nagwak nɛ ɛbee endem e mɛbwala mɛ nyɛ di esa ɛ. 7Deenek, embee esisim nadi ewyis tɔ membel ebo eboo etsim. Tin, dɔɔ nɛ bɛtɛ nɛ bot ɛ nazesɔɔb ɔ, nɛ bot edjam nadi etsak. 8Deenek, bot naadyeebamyaala ɛbuɛpe kɔ dɛl ɛ tak.
9Dhiiti mot din ɛ lɛ nabɛ Simɔŋ, nyɛ naaloobe di sok kɔ dɛl ɛ tak. Nyɛ naasa mɛvyɛkɛlɛ mɛ bot ɛ Samaali nadi edjodjoka ɛ. Nyɛ nadi ekwyɛl ɛlyaal ɛ́ náá, nyɛ ɛ́, yɛ ngék mot. 10Tin, mengbaaz djas nɛ eboo bot, nadi egwak nyɛ nɛ lyem wat. Bɛ nadi eke ɛ́ náá: «Mot'ak ɛ́ nɛ mɛbwala ɛ Zɛɛb, yii di edjóoaa “boo mɛbwala” ɛ.» 11Bɛ nadi egwak nyɛ ɛbuɛpe, etɛɛ náá, nyɛ eeloozyɛ nɛ ɛsa náá, bot gheedjoka mɛsa mɛ mɛvyɛkɛlɛ mɛ. 12Tin, dáa bɛ namyaal Mbɛɛ Bhaadal Filip nadi elɛɛ bɛ dum nɛ ɛyoŋ ɛ Zɛɛb, nɛ dum nɛ din ɛ Yezu Klisto ɛ, tin, bɛ naazɛduwa Zɛɛb botom nɛ boa. 13Dɔɔ nɛ Simɔŋ nyɛy ɛmet naadum koŋ nɛ Zɛɛb, nyɛy pe zokaduwa Zɛɛb. Nyɛ nadi ɛ́ é ngwoob ɛ Filip, nyɛ nabɛ ɛ́ edjodjoka ɛbuɛpe, é sok nyɛ nadi ebee endem e mɛbwala mɛ nadi esael ɛ.
14Dáa bot ɛ lwoma, bot ɛ nadi pɛ Yeluzalɛm ɔ, nagwak náá, bot ɛ Samaali naazemyaal Mɛkpa ɛ Zɛɛb ɛ, é di'enek, bɛ ɛ́ boozɛkyeed bɛ Pyɛɛd bɛ nɛ Zaŋ. 15Dáa bɛ nakakum pɛ Samaali ɛ, wɔ gwaa, bɛ zɛdjaala Zɛɛb étɛp bot ɛ nazedum koŋ nɛ Zɛɛb ɔ, neebela Sisim na Dɛɛ. 16Deenek, Sisim na Dɛɛ nabɛ ɛ́, ye dinaa ààkosul-sulak kɔ mot ngɔt. Bɛ zoduwa Zɛɛb ɛ́ tɔ mɛdii nɛ din ɛ Ghɛŋ Yezu. 17Tin, Pyɛɛd bɛ nɛ Zaŋ eezɛkɛl bɛ mɛmbɔ, deenek, bɛ eezɛbela Sisim na Dɛɛ. 18Dáa Simɔŋ nabee náá, bot ɛ di edum koŋ nɛ Zɛɛb ɔ naadjɛaa Sisim na Dɛɛ é sok bot ɛ lwoma nakɛl bɛ mɛmbɔ ɛ, nyɛ eezɛgek ɛdjɛ Pyɛɛd nɛ Zaŋ epata. 19Nyɛy náá: «Djɛka dɔɔ nɛ mam pe mɛbwala mɛ tak, etɛɛ náá, bot ɛ mɛ aagheekɛl mɛmbɔ kɔ lɔɔ ɔ, neebela Sisim na Dɛɛ.» 20Tin, Pyɛɛd eezɛbɔɔza nɛ nɛ náá: «Beta náá, wɔy nɛ epata bɔ bi pulel, etɛɛ náá, wɔ gek ɛ́ náá, ɛkɛɛ ɛ Zɛɛb bɔmaa ɛ́ nɛ epata! 21Wɔ tok nɛ ɛkɛɛ, wɔ aakobela-bɛlak di, tɔ tɛp'ak, etɛɛ náá, lyem'ɔ tok piki é mis ɛ Zɛɛb. 22Deenek, swoola embee esiiza bɔ, da wɔ ɛ́ djaala Ghɛŋ, nɛghu nyɛ ɛ́ nɛ ghwyil ɛpel embee esiiza ee wɔ di yɛ ɛ. 23Etɛɛ náá, mɛ eebee náá, lyem'ɔ ɛ́ tɔɔɔ nɛ embee esesɛɛ, é di'enek, wɔ moo ɛ́ kwom mesyem.» 24Tin, Simɔŋ eezɛke nɛ Pyɛɛd bɛ Zaŋ náá: «Biyɔ bɛmet djaalaka Ghɛŋ étɛp'am, etɛɛ náá, sa bi ke ɛ́ needi ààsael nɛ nam.» 25Bhii bot ɛ lwoma bɛbá nazebaŋa bot etɛp binek nɛ ɛgoola mɛkpa ɛ Ghɛŋ ɛ, tin bɛ eezɛsik pɛ Yeluzalɛm. Ze ɛ ze bɛ nadi egoola Mbɛɛ Bhaadal pɛ kɔ bɛtɛ nɛ mɛl mɛ kyee dik Samaali.
Filip eeboma nɛ dhiiti boo kukuma dik Etsopi
26Dhiiti fofop ɛ Ghɛŋ eezɛke nɛ Filip náá: «Wyɛla, da wɔ ɛ́ tɔ́ pɛ kyɛ bɔs, pɛ ze di edus pɛ Yeluzalɛm etɔ́ pɛ dɛl ɛ Ghaaza ɛ, ze di edhaa tɔ bal ɛ.» 27É di tak wat, Filip eezɛghɛɛ nyel, tɔ́. Tin, é ze, dhiiti mot eezɛtuula, mot tak nabɛ ɛ́ bot ɛ di ààbɛ nɛ ghwyil ɛba mɛba ɔ, nyɛ nabɛ ɛ́ mot kyee dik Etsopi. Nyɛ nabɛ ɛ́ boo kukuma, mɛsa mɛ nabɛ ɛ́, ɛbaal epata nɛ esa djas ɛ Kandase, moma di mɛkoozi mɛ Etsopi ɔ. Nyɛ nazyɛ pɛ Yeluzalɛm étɛp ɛzɛduwal Zɛɛb. 28Tin, nyɛ nadi esik pɛ dɛl ɛ lɛ. Nyɛ nadi ɛ́ ndiindel kɔ mbem yaaga, nyɛ nadi elaa mɛkana mɛ ngoolel-Mɛkpa ɛ Zɛɛb Ezayi. 29Tin, Sisim na Dɛɛ eezɛke nɛ Filip náá: «Tɔ́a pɛ kyee mbem yaaga di'enek.» 30Tin, Filip eezɛtɔ́ kaab pɛ mot tak nadi ɛ, nyɛ kagwak ɛ́ mot'enɔk elaa mɛkana mɛ ngoolel-Mɛkpa ɛ Zɛɛb Ezayi. Filip eezɛdji nyɛ náá: «Wɔ nɛ gu sa mɛkpa mɛ wɔ di elaŋ'enek, di ekwyɛl ɛlɛɛ?» 31Mot'enɔk eezɛbɔɔza náá: «Mɛ aagu yɛ dáa, mot ɛ di ààlyaal mɛ ɔɔ?»
Tin, nyɛ eezɛdjóo Filip nyɛ eezɛdisi é ngwoob'ɛ kɔ mbem yaaga. 32Pes Ekwyala e Zɛɛb nyɛ nadi elaŋ ɛ, nabɛ ɛ́ yak:
«Nyɛ nadi ɛ́ dáa mɔn bhata di etɔ́aa nɛ nɛ kɛtsakaa ɛ,
dáa mɔɔ bhata di ààtsim sok bhwoob bot ɛ di etsik nyɛ mya ɔ.
Nyɛy nɛ nuub ndiila.
33Nyɛ naadhuselaa, ààbɛ nɛ mot kɛm nyɛ.
Ɛzɛ aakwak ɛlii kɔ ɛsu ɛ bɛdha bɛ?
Etɛɛ náá, bɛ naadis bim mɛlu mɛ tsik'ɛ kɔ bɔs#8.33 Eza 53.7-8.»
34Tin, kukuma yenɔk ɛ́ boozɛke nɛ Filip náá: «Mɛ ɛpedjaala nɛ nɔ, lɛɛa mɛ, kɔ ɛsu ɛzɛ ngoolel-Mɛkpa ɛ Zɛɛb di elii deenek? Nyɛ lii ɛ́ kɔ ɛsu ɛ lɛ met ohoo, nɛghu kɔ ɛsu ɛ mot sis?» 35É di'enek, Filip eekan ɛlii nɛ nɛ dum nɛ pes mɛkpa mɛ Ekwyala e Zɛɛb nyɛ laŋ ɛ, nyɛ moo tin egoola nyɛ Mbɛɛ Bhaadal ɛ Yezu. 36Bɛ eezɛgoola tɔ́, ze bɛ nadi etɔ́ yɔbɔ ɛ, wɔ gwaa, bɛ zɛkum é dhiiti di nadi nɛ dii ɔ. Deenek, kukuma yenɔk eezɛke náá: «Beea mɛdii, ɛyé di elu náá, mɛ duwa Zɛɛb?» [ 37Filip eezɛke nɛ nɛ náá: «Wɔ myaal nɛ lyem'ɔ djas ɔɔ, wɔ ɛ́ nɛ ghwyil ɛ duwa Zɛɛb.» Tin, mot'enɔk eezɛbɔɔza náá: «Mɛ eemyaal náá, Yezu ɛ́ Mɔn ɛ Zɛɛb.»] 38É di'enek, nyɛ eezɛke náá, mbem yaaga tyaa, bhii tak, bɛ nɛ Filip eezɛsul tɔ dii, wɔ gwaa, nyɛ zɛduu nyɛ Zɛɛb. 39Dáa bɛ nakasɛɛ tɔ dii ɛ, Sisim ɛ Ghɛŋ eezɛdis Filip é mis mɛ kukuma tak, nyɛ moo tin, ààkabee Filip. É di'enek nyɛ eezɛkpaa, tɔ́ yɛ pɛ pak nyɛ nadi etɔ́ ɛ, nɛ boo mɛmyaala. 40Filip kakɛtuula yɛ ɛ́ pɛ dɛl ɛ di edjóoaa Azɔt ɛ, nyɛ moo tin etɔ́ kɛgoola Mbɛɛ Bhaadal, kɔ mɛl djas nyɛ nadi edhaŋ ɛ́, kɛkum pɛ ghaada Sezaale.
လက္ရွိေရြးခ်ယ္ထားမွု
Mɛsa 8: bkwNT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© (Active), Wycliffe Bible Translators, Inc. All rights reserved.
Mɛsa 8
8
1Sɔl naamyaal náá, Etiɛn góaa.
Sɔl ɛpetiig bot ɛ zɛɛga mendjaala
É dwoo tak wat ɛ́, mezuk mɛ bot ɛ zɛɛga mendjaala Yeluzalɛm nakan. Bot djas nadi edum koŋ nɛ Zɛɛb ɔ naazɛwyɛɛza, tɔ́ pɛ kyee dik Yude, nɛ pɛ Samaali. Tin bot ɛ lwoma ɛ́ nazokalik. 2Bɛsosoob ɛ bot ɛ́ boonɔɔ muu ɛ Etiɛn, kɛdel, wɔ gwaa bɛ zɛdje nyɛ ɛbuɛpe.
3Tin, yɛ kabɛ Sɔl ɔɔ, nyɛ nadi esa mɛghaaz étɛp ɛkɛwaaz ezɛɛga mendjaala. Bhii tak, nyɛ nadi etɔ́ mendjaa nɛ mendjaa, kɛmɛt boa nɛ botom nadi edum koŋ nɛ Zɛɛb ɔ, ewa bɛ é membok.
Filip ɛpegoola Mbɛɛ Bhaadal pɛ kyee dik Samaali
4Bot ɛ nawyɛɛza djas ɔ, nadi ekɛ mɛl ɛ mɛl kɛgoola Mbɛɛ Bhaadal. 5Filip eezɛtɔ́ pɛ boo ghaada kyee dik Samaali. Tin, nyɛ eezɛni elyo bot ɛ dɛl dum nɛ Mɛsia. 6Bot ɛ dɛl djas nadi egwak etɛp ee Filip nadi elɛɛ bɛ ɛ nɛ lyem wat, é ghɛŋ bɛ nagwak nɛ ɛbee endem e mɛbwala mɛ nyɛ di esa ɛ. 7Deenek, embee esisim nadi ewyis tɔ membel ebo eboo etsim. Tin, dɔɔ nɛ bɛtɛ nɛ bot ɛ nazesɔɔb ɔ, nɛ bot edjam nadi etsak. 8Deenek, bot naadyeebamyaala ɛbuɛpe kɔ dɛl ɛ tak.
9Dhiiti mot din ɛ lɛ nabɛ Simɔŋ, nyɛ naaloobe di sok kɔ dɛl ɛ tak. Nyɛ naasa mɛvyɛkɛlɛ mɛ bot ɛ Samaali nadi edjodjoka ɛ. Nyɛ nadi ekwyɛl ɛlyaal ɛ́ náá, nyɛ ɛ́, yɛ ngék mot. 10Tin, mengbaaz djas nɛ eboo bot, nadi egwak nyɛ nɛ lyem wat. Bɛ nadi eke ɛ́ náá: «Mot'ak ɛ́ nɛ mɛbwala ɛ Zɛɛb, yii di edjóoaa “boo mɛbwala” ɛ.» 11Bɛ nadi egwak nyɛ ɛbuɛpe, etɛɛ náá, nyɛ eeloozyɛ nɛ ɛsa náá, bot gheedjoka mɛsa mɛ mɛvyɛkɛlɛ mɛ. 12Tin, dáa bɛ namyaal Mbɛɛ Bhaadal Filip nadi elɛɛ bɛ dum nɛ ɛyoŋ ɛ Zɛɛb, nɛ dum nɛ din ɛ Yezu Klisto ɛ, tin, bɛ naazɛduwa Zɛɛb botom nɛ boa. 13Dɔɔ nɛ Simɔŋ nyɛy ɛmet naadum koŋ nɛ Zɛɛb, nyɛy pe zokaduwa Zɛɛb. Nyɛ nadi ɛ́ é ngwoob ɛ Filip, nyɛ nabɛ ɛ́ edjodjoka ɛbuɛpe, é sok nyɛ nadi ebee endem e mɛbwala mɛ nadi esael ɛ.
14Dáa bot ɛ lwoma, bot ɛ nadi pɛ Yeluzalɛm ɔ, nagwak náá, bot ɛ Samaali naazemyaal Mɛkpa ɛ Zɛɛb ɛ, é di'enek, bɛ ɛ́ boozɛkyeed bɛ Pyɛɛd bɛ nɛ Zaŋ. 15Dáa bɛ nakakum pɛ Samaali ɛ, wɔ gwaa, bɛ zɛdjaala Zɛɛb étɛp bot ɛ nazedum koŋ nɛ Zɛɛb ɔ, neebela Sisim na Dɛɛ. 16Deenek, Sisim na Dɛɛ nabɛ ɛ́, ye dinaa ààkosul-sulak kɔ mot ngɔt. Bɛ zoduwa Zɛɛb ɛ́ tɔ mɛdii nɛ din ɛ Ghɛŋ Yezu. 17Tin, Pyɛɛd bɛ nɛ Zaŋ eezɛkɛl bɛ mɛmbɔ, deenek, bɛ eezɛbela Sisim na Dɛɛ. 18Dáa Simɔŋ nabee náá, bot ɛ di edum koŋ nɛ Zɛɛb ɔ naadjɛaa Sisim na Dɛɛ é sok bot ɛ lwoma nakɛl bɛ mɛmbɔ ɛ, nyɛ eezɛgek ɛdjɛ Pyɛɛd nɛ Zaŋ epata. 19Nyɛy náá: «Djɛka dɔɔ nɛ mam pe mɛbwala mɛ tak, etɛɛ náá, bot ɛ mɛ aagheekɛl mɛmbɔ kɔ lɔɔ ɔ, neebela Sisim na Dɛɛ.» 20Tin, Pyɛɛd eezɛbɔɔza nɛ nɛ náá: «Beta náá, wɔy nɛ epata bɔ bi pulel, etɛɛ náá, wɔ gek ɛ́ náá, ɛkɛɛ ɛ Zɛɛb bɔmaa ɛ́ nɛ epata! 21Wɔ tok nɛ ɛkɛɛ, wɔ aakobela-bɛlak di, tɔ tɛp'ak, etɛɛ náá, lyem'ɔ tok piki é mis ɛ Zɛɛb. 22Deenek, swoola embee esiiza bɔ, da wɔ ɛ́ djaala Ghɛŋ, nɛghu nyɛ ɛ́ nɛ ghwyil ɛpel embee esiiza ee wɔ di yɛ ɛ. 23Etɛɛ náá, mɛ eebee náá, lyem'ɔ ɛ́ tɔɔɔ nɛ embee esesɛɛ, é di'enek, wɔ moo ɛ́ kwom mesyem.» 24Tin, Simɔŋ eezɛke nɛ Pyɛɛd bɛ Zaŋ náá: «Biyɔ bɛmet djaalaka Ghɛŋ étɛp'am, etɛɛ náá, sa bi ke ɛ́ needi ààsael nɛ nam.» 25Bhii bot ɛ lwoma bɛbá nazebaŋa bot etɛp binek nɛ ɛgoola mɛkpa ɛ Ghɛŋ ɛ, tin bɛ eezɛsik pɛ Yeluzalɛm. Ze ɛ ze bɛ nadi egoola Mbɛɛ Bhaadal pɛ kɔ bɛtɛ nɛ mɛl mɛ kyee dik Samaali.
Filip eeboma nɛ dhiiti boo kukuma dik Etsopi
26Dhiiti fofop ɛ Ghɛŋ eezɛke nɛ Filip náá: «Wyɛla, da wɔ ɛ́ tɔ́ pɛ kyɛ bɔs, pɛ ze di edus pɛ Yeluzalɛm etɔ́ pɛ dɛl ɛ Ghaaza ɛ, ze di edhaa tɔ bal ɛ.» 27É di tak wat, Filip eezɛghɛɛ nyel, tɔ́. Tin, é ze, dhiiti mot eezɛtuula, mot tak nabɛ ɛ́ bot ɛ di ààbɛ nɛ ghwyil ɛba mɛba ɔ, nyɛ nabɛ ɛ́ mot kyee dik Etsopi. Nyɛ nabɛ ɛ́ boo kukuma, mɛsa mɛ nabɛ ɛ́, ɛbaal epata nɛ esa djas ɛ Kandase, moma di mɛkoozi mɛ Etsopi ɔ. Nyɛ nazyɛ pɛ Yeluzalɛm étɛp ɛzɛduwal Zɛɛb. 28Tin, nyɛ nadi esik pɛ dɛl ɛ lɛ. Nyɛ nadi ɛ́ ndiindel kɔ mbem yaaga, nyɛ nadi elaa mɛkana mɛ ngoolel-Mɛkpa ɛ Zɛɛb Ezayi. 29Tin, Sisim na Dɛɛ eezɛke nɛ Filip náá: «Tɔ́a pɛ kyee mbem yaaga di'enek.» 30Tin, Filip eezɛtɔ́ kaab pɛ mot tak nadi ɛ, nyɛ kagwak ɛ́ mot'enɔk elaa mɛkana mɛ ngoolel-Mɛkpa ɛ Zɛɛb Ezayi. Filip eezɛdji nyɛ náá: «Wɔ nɛ gu sa mɛkpa mɛ wɔ di elaŋ'enek, di ekwyɛl ɛlɛɛ?» 31Mot'enɔk eezɛbɔɔza náá: «Mɛ aagu yɛ dáa, mot ɛ di ààlyaal mɛ ɔɔ?»
Tin, nyɛ eezɛdjóo Filip nyɛ eezɛdisi é ngwoob'ɛ kɔ mbem yaaga. 32Pes Ekwyala e Zɛɛb nyɛ nadi elaŋ ɛ, nabɛ ɛ́ yak:
«Nyɛ nadi ɛ́ dáa mɔn bhata di etɔ́aa nɛ nɛ kɛtsakaa ɛ,
dáa mɔɔ bhata di ààtsim sok bhwoob bot ɛ di etsik nyɛ mya ɔ.
Nyɛy nɛ nuub ndiila.
33Nyɛ naadhuselaa, ààbɛ nɛ mot kɛm nyɛ.
Ɛzɛ aakwak ɛlii kɔ ɛsu ɛ bɛdha bɛ?
Etɛɛ náá, bɛ naadis bim mɛlu mɛ tsik'ɛ kɔ bɔs#8.33 Eza 53.7-8.»
34Tin, kukuma yenɔk ɛ́ boozɛke nɛ Filip náá: «Mɛ ɛpedjaala nɛ nɔ, lɛɛa mɛ, kɔ ɛsu ɛzɛ ngoolel-Mɛkpa ɛ Zɛɛb di elii deenek? Nyɛ lii ɛ́ kɔ ɛsu ɛ lɛ met ohoo, nɛghu kɔ ɛsu ɛ mot sis?» 35É di'enek, Filip eekan ɛlii nɛ nɛ dum nɛ pes mɛkpa mɛ Ekwyala e Zɛɛb nyɛ laŋ ɛ, nyɛ moo tin egoola nyɛ Mbɛɛ Bhaadal ɛ Yezu. 36Bɛ eezɛgoola tɔ́, ze bɛ nadi etɔ́ yɔbɔ ɛ, wɔ gwaa, bɛ zɛkum é dhiiti di nadi nɛ dii ɔ. Deenek, kukuma yenɔk eezɛke náá: «Beea mɛdii, ɛyé di elu náá, mɛ duwa Zɛɛb?» [ 37Filip eezɛke nɛ nɛ náá: «Wɔ myaal nɛ lyem'ɔ djas ɔɔ, wɔ ɛ́ nɛ ghwyil ɛ duwa Zɛɛb.» Tin, mot'enɔk eezɛbɔɔza náá: «Mɛ eemyaal náá, Yezu ɛ́ Mɔn ɛ Zɛɛb.»] 38É di'enek, nyɛ eezɛke náá, mbem yaaga tyaa, bhii tak, bɛ nɛ Filip eezɛsul tɔ dii, wɔ gwaa, nyɛ zɛduu nyɛ Zɛɛb. 39Dáa bɛ nakasɛɛ tɔ dii ɛ, Sisim ɛ Ghɛŋ eezɛdis Filip é mis mɛ kukuma tak, nyɛ moo tin, ààkabee Filip. É di'enek nyɛ eezɛkpaa, tɔ́ yɛ pɛ pak nyɛ nadi etɔ́ ɛ, nɛ boo mɛmyaala. 40Filip kakɛtuula yɛ ɛ́ pɛ dɛl ɛ di edjóoaa Azɔt ɛ, nyɛ moo tin etɔ́ kɛgoola Mbɛɛ Bhaadal, kɔ mɛl djas nyɛ nadi edhaŋ ɛ́, kɛkum pɛ ghaada Sezaale.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© (Active), Wycliffe Bible Translators, Inc. All rights reserved.