'Olic 83
83
O Pitolon to Sakalowid no 'Ada no Israil
O 'olic ni Asaf, o ccay no radiw.
1Kawasaw, nanay caay pisapater Kiso,
Kawasaw, nanay caay ka tomrep Kiso.
2Nengnengen, miparawraw ko 'ada Iso,
mipacoli ko mi'intelay i Tisowanan.
3Misa'imer cangra a misa'ada to finawlan Iso,
sapikari'angan cangra to nidipotan Iso a tamdaw.
4Sowal sa cangra, <<Tata, palasawaden ita ko kitakit nangra,
ta caayto ka harateng no tamdaw ko Israil a tahada'oc,>> saan.
5Malaccay ko faloco' nangra a matatlek to sapacoliaw i Tisowanan.
6O kasakapot nangra i, ira ko Itom ato Ismail ato
Moap ato Hakar a tamdaw.
7Ira ko Kipal ato Amon ato Amalik ato Filistin ato Tiri a tamdaw.
8Halo Asiriya a tamdaw a malakomod i cangraan,
malakapot cangra to tloc ni Loto.
9Nanay paco'ayen Iso cangra a matiya o pico'ay Iso to Mitiyan a tamdaw,
samatiyaen o pico'ay Iso ci Sisiraan aci Yapinan i tatihi no Kison a 'alo.
10Tkopen Iso cangra i Intor,
mapohed ko horac a tireng nangra i palapalaan.
11Nanay paco'ayen Iso ko kakrikridan nangra a matiya o pico'ay Iso ci Oripan aci Ciipan,
palasawaden ko mikowanay nangra a matiya o palasawad Iso ci Cipahan aci Calmunaan.
12Nawhani sowal sa cangra, <<Tata alaaw ita a mi'afas, 'afasen ita a maro' ko sra no Kawas to malomita,>> saan.
13Kawasaw ako, mamana paliwasaken Iso cangra a matiya o nifiyokan no fali a paliwasak a alafoh ato afih cangra.
14Ano masamaanay ko pitodoh no namal to kilakilangan,
ano masamaanay ko pidapdap no namal a mitodoh to lotolotok i,
15mamana haenen Iso ko nipilaplap i cangraan,
mamana haenen Iso o faliyos ato 'orad ko pipatalaw i cangraan.
16 Tapangaw, mamana pakangodoen Iso cangra,
ta mafana'to cangra to nika tadamaan Iso.
17Mamana tahada'oc a matfad cangra a marawraw,
mamana o nika ngodo nangra ko sakapatay nangra.
18Nanay mafana' cangra to ngangan Iso o Tapang,
dengan Kiso o Isatakaraway ko mikowanay to polong no hkal.
လက္ရွိေရြးခ်ယ္ထားမွု
'Olic 83: AMIS2019
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© The Bible Society in Taiwan, 2019
'Olic 83
83
O Pitolon to Sakalowid no 'Ada no Israil
O 'olic ni Asaf, o ccay no radiw.
1Kawasaw, nanay caay pisapater Kiso,
Kawasaw, nanay caay ka tomrep Kiso.
2Nengnengen, miparawraw ko 'ada Iso,
mipacoli ko mi'intelay i Tisowanan.
3Misa'imer cangra a misa'ada to finawlan Iso,
sapikari'angan cangra to nidipotan Iso a tamdaw.
4Sowal sa cangra, <<Tata, palasawaden ita ko kitakit nangra,
ta caayto ka harateng no tamdaw ko Israil a tahada'oc,>> saan.
5Malaccay ko faloco' nangra a matatlek to sapacoliaw i Tisowanan.
6O kasakapot nangra i, ira ko Itom ato Ismail ato
Moap ato Hakar a tamdaw.
7Ira ko Kipal ato Amon ato Amalik ato Filistin ato Tiri a tamdaw.
8Halo Asiriya a tamdaw a malakomod i cangraan,
malakapot cangra to tloc ni Loto.
9Nanay paco'ayen Iso cangra a matiya o pico'ay Iso to Mitiyan a tamdaw,
samatiyaen o pico'ay Iso ci Sisiraan aci Yapinan i tatihi no Kison a 'alo.
10Tkopen Iso cangra i Intor,
mapohed ko horac a tireng nangra i palapalaan.
11Nanay paco'ayen Iso ko kakrikridan nangra a matiya o pico'ay Iso ci Oripan aci Ciipan,
palasawaden ko mikowanay nangra a matiya o palasawad Iso ci Cipahan aci Calmunaan.
12Nawhani sowal sa cangra, <<Tata alaaw ita a mi'afas, 'afasen ita a maro' ko sra no Kawas to malomita,>> saan.
13Kawasaw ako, mamana paliwasaken Iso cangra a matiya o nifiyokan no fali a paliwasak a alafoh ato afih cangra.
14Ano masamaanay ko pitodoh no namal to kilakilangan,
ano masamaanay ko pidapdap no namal a mitodoh to lotolotok i,
15mamana haenen Iso ko nipilaplap i cangraan,
mamana haenen Iso o faliyos ato 'orad ko pipatalaw i cangraan.
16 Tapangaw, mamana pakangodoen Iso cangra,
ta mafana'to cangra to nika tadamaan Iso.
17Mamana tahada'oc a matfad cangra a marawraw,
mamana o nika ngodo nangra ko sakapatay nangra.
18Nanay mafana' cangra to ngangan Iso o Tapang,
dengan Kiso o Isatakaraway ko mikowanay to polong no hkal.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© The Bible Society in Taiwan, 2019