'Olic 67
67
O Sapikansiya a Radiw
O ccay no 'olic to saparadiw. Mapatorod i kakridan no paradiway.
1Kawasaw, nanay kaadayayenho kami a mipalmed,
nanay o sida'it Iso ko sapidipot i tamiyanan.
2Ta mafana' ko polong no hkal to nafaloco'an Iso,
ta mafana' haca ko kasakitakit to sini'ada Iso a pa'orip.
3Kawasaw, nanay mapahmek no tamdamdaw Kiso,
nanay mapahmek no polong no kasafinacadan Kiso.
4Nanay lipahak a milkal ko kasakitakit,
nawhani o mo^celay ko pisawkit Iso to kasafinacadan ato nipikrid Iso to kasakitakit.
5Kawasaw, nanay mapahmek no tamdamdaw Kiso,
nanay mapahmek no polong no kasafinacadan Kiso.
6Mapasadak no sra ko panay,
o Kawas ita koya palmeday i titaanan a Kawas.
7O mipalmeday ko Kawas i titaanan,
nanay kangodoen no polong no tahaf no kakarayan a kasafinacadan Cingra.
လက္ရွိေရြးခ်ယ္ထားမွု
'Olic 67: AMIS2019
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© The Bible Society in Taiwan, 2019