Dmak 28
28
I Malta a Kanatal ci Pawlo
1Natalahkal kami a mapa'orip i, mafana'to kami to nika o Malta hananay a kanatal konini. 2Fangcal ko dmak no i tiraay a tamdaw i tamiyanan a mihamham. Ma'orad, si^naw ko romi'ad itiya saka, likaten nangra ko namal a pangiro i tamiyanan a ma^min. 3'Afalang han ni Pawlo ko ccay a rorong no kasoy a pakasoy i namal. Fa^deten to namal saka, sadak sa ko ccay a cisawarakay a 'oner a mikafit i kamay ni Pawlo. 4Ma'araw no i tiraay a tamdaw ko nika tating no 'oner i kamay ni Pawlo i, <<O mipatayay to tamdaw konini a tamdaw. Talacowa talahkal cingra a mapa'orip nai riyar, nikawrira, caay haydaen no mitapalay ko nika 'orip ningra,>> saan ko nika sasowasowal nangra. 5Nikawrira, fikfik han ni Pawlo koya 'oner a mitfad i namal. Caay ka maamaan cingra. 6O harateng nangra i, <<Latek malifawa cingra, ano ^ca i, fahal sa cingra a mapolin a mapatay,>> nasa ko pitala nangra. 'Arawhani, talatalaen nangra i, caay ka maamaan ci Pawlo. Saka, falic sa ko harateng nangra, <<O kawas konini a tamdaw!>> saan cangra.
7Ira i ngata ko omah ni Puplius hananay a kakitaan noya kanatal. Halhalen ningra kami a misalafang to tolo a romi'ad. 8Itiya i, malalisan, mapiyas ko mama ni Puplius a mafoti' i kafoti'an. Tayra sa ci Pawlo i cingraan a mitolon a mikapa to tireng ningra a miadah. 9Tona ira konini a dmak saka, alatayrayra sa ko romaroma a adadaay noya kanatal a ma^min a papiadah. 10Orasaka, paflien nangra kami to sapakaolah. Yo lalomowadto kami a pakalonan i, pafli cangra i tamiyanan to saka'orip niyam a maamaan.
Nai Malta Tahira i Loma
11Mata'lifto ko tolo a folad itiya. Saka, dakaw sato kami to nanitiraay i Aliksantriya to kasi^nawan a lonan a lomowad. O <<Ma'apiay a kawas>> saan ko ngangan nonini a lonan. 12Micafer kami i Sirakus. Itira kami to tolo a romi'ad. 13Nanitira lomowad ko lonan niyam a tayra i Rikiyum a niyaro'. Cila sa a romi'ad i, friw sa ko safalat. Saka, saka tosa a romi'ad i, tahirato kami i Putioli a niyaro'. 14Ma'araw niyam itira ko salikaka. Papilafin cangra i tamiyanan to ccay a lipay. Mahaen ko nika tayra niyam i Loma. 15Matngil no i tiraay i Loma a salikaka ko pakayniay i tamiyanan saka, tangasa cangra i Apius a kalali'acaan ato Toloay a Pilafinan hananay a niyaro' a militmoh i tamiyanan. Ma'araw ni Pawlo cangra i, mapa'icel ko faloco' ningra. Kansiya sa cingra to Kawas.
O Pipatnak ni Pawlo i Loma
16Yo tahirato kami i Loma i, mahayda ko nipicidek ni Pawlo a maro' i ccay a loma'. Nikawrira, masimaw no ccay a sofitay cingra.
17I ikor no tolo a romi'ad i, tahidangen ni Pawlo a misa'opo ko tadamaamaanay a i tiraay a Yutaya a tamdaw. Yo masa'opoto cangra i, pasowal sa ci Pawlo, <<Salikakaaw, awaay ko pipacoli ako to ccaccay aca to finawlan ita ato lkakawa no tato'asan ita. 'Arawhani, rofo han kako i Yirusalim a mipatorod i Loma a tamdaw. 18Yo miliclic ko Loma a tamdaw i takowanan i, awaay a matama nangra ko maan aca a sakapatay ako a raraw. Saka, sapitdalan cangra i takowanan. 19Nikawrira, pacoli ko Yutaya a tamdaw tonini. Ma^deng a samaanen, saka, pacakat han ako a milongoc i hongti no Loma konini a dmak. Onini i, caay ko sapipakokotaw ako to dmak no finacadan ako. 20Orasaka, tahidang han ako kamo to sakasaso'arawaw ita a masasowasowal. O sakapalit ako tonini a lonayi' i, o saki ccay a tamdaw to pafaloco'an ita o Israil,>> han ningra cangra.
21Pasowal sa cangra ci Pawloan, <<Awaay a malayap niyam nai Yutaya ko tilid to pakayniay i tisowanan. O romasato, awaay ko paratohay no tayniay a salikaka to tatiihay a dmak iso. 22Nikawrira, mangalay kami a mitngil to niharatengan iso. Nawhani mafana' kami to nika malikaf i cowacowa konini a nicomodan iso a pakayraan,>> han nangra.
23Orasaka, tatlek sato cangra to kasa'opoan a romi'ad. Ta tayra sa i pilafinan ni Pawlo ko 'alomanay a tamdaw. Nai dafak tangasa i dadaya ko nika rarid ningra a pakimad to pakayniay i ratoh no Kitakit no Kawas. Kidaten ningra ko Rikec ni Mosi ato nitilidan no pali'ayaway to sowal no Kawas a cudad a misahci a pasowal i cangraan to pakayniay i ci Yisan. 24Saka, ira ko paso'linay to sowal ni Pawlo, nikawrira, ira ko caay paso'lin. 25Caay ka laccay ko faloco' nangra. Saka, yo maminokay cangra i, paikor sa ci Pawlo a pasowal, <<Matama ko sowal no Fangcalay 'Adingo i tato'asan ita pakayni ci Isayaan o pali'ayaway to sowal no Kawas toya,
26<Katayra tonini a finawlan a pasowal.
Talacowa mitngil kamo i, caay ko mamafana' kamo a mitngil.
Talacowa minengneng kamo i, caay ko papaka'araw kamo.
27Nawhani oraten nonini a finawlan ko faloco',
poeten nangra ko tangila,
foteken nangra ko mata.
Ano ^ca ka haen i, latek paka'araw ko mata nangra,
pakatngil ko tangila nangra,
mafana' ko faloco' nangra a masasiyor a pasayni i Takowanan, ta maadah Ako cangra,> sanay.
28<<Orasaka, kafana' kamo to nika mapatnakto i roma a finacadan ko sowal no Kawas to pakayniay i pipa'orip Ningra. O papakifaloco'en nangra ko nitngilan nangra,>> han ningra.#28.28 Ira ko katlangay a cudad matongal i 29 a tosir Mahrek ci Pawlo a pasowal tonini i, tata'ang ko kacacolicoli no Yutaya a tamdaw ta minokay cangra.
30Tosa a mihca ci Pawlo itira i nicaliwan ningra a loma' a maro'. Hamhamen ni Pawlo ko tayraay a miliso' a tamdamdaw. 31Awaay ko micaraay, caay paska' cingra a mipatnak to pakayniay i ratoh no Kitakit no Kawas a mipasifana' to pakayniay i Tapang ci Yis Kristoan.
လက္ရွိေရြးခ်ယ္ထားမွု
Dmak 28: AMIS2019
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© The Bible Society in Taiwan, 2019
Dmak 28
28
I Malta a Kanatal ci Pawlo
1Natalahkal kami a mapa'orip i, mafana'to kami to nika o Malta hananay a kanatal konini. 2Fangcal ko dmak no i tiraay a tamdaw i tamiyanan a mihamham. Ma'orad, si^naw ko romi'ad itiya saka, likaten nangra ko namal a pangiro i tamiyanan a ma^min. 3'Afalang han ni Pawlo ko ccay a rorong no kasoy a pakasoy i namal. Fa^deten to namal saka, sadak sa ko ccay a cisawarakay a 'oner a mikafit i kamay ni Pawlo. 4Ma'araw no i tiraay a tamdaw ko nika tating no 'oner i kamay ni Pawlo i, <<O mipatayay to tamdaw konini a tamdaw. Talacowa talahkal cingra a mapa'orip nai riyar, nikawrira, caay haydaen no mitapalay ko nika 'orip ningra,>> saan ko nika sasowasowal nangra. 5Nikawrira, fikfik han ni Pawlo koya 'oner a mitfad i namal. Caay ka maamaan cingra. 6O harateng nangra i, <<Latek malifawa cingra, ano ^ca i, fahal sa cingra a mapolin a mapatay,>> nasa ko pitala nangra. 'Arawhani, talatalaen nangra i, caay ka maamaan ci Pawlo. Saka, falic sa ko harateng nangra, <<O kawas konini a tamdaw!>> saan cangra.
7Ira i ngata ko omah ni Puplius hananay a kakitaan noya kanatal. Halhalen ningra kami a misalafang to tolo a romi'ad. 8Itiya i, malalisan, mapiyas ko mama ni Puplius a mafoti' i kafoti'an. Tayra sa ci Pawlo i cingraan a mitolon a mikapa to tireng ningra a miadah. 9Tona ira konini a dmak saka, alatayrayra sa ko romaroma a adadaay noya kanatal a ma^min a papiadah. 10Orasaka, paflien nangra kami to sapakaolah. Yo lalomowadto kami a pakalonan i, pafli cangra i tamiyanan to saka'orip niyam a maamaan.
Nai Malta Tahira i Loma
11Mata'lifto ko tolo a folad itiya. Saka, dakaw sato kami to nanitiraay i Aliksantriya to kasi^nawan a lonan a lomowad. O <<Ma'apiay a kawas>> saan ko ngangan nonini a lonan. 12Micafer kami i Sirakus. Itira kami to tolo a romi'ad. 13Nanitira lomowad ko lonan niyam a tayra i Rikiyum a niyaro'. Cila sa a romi'ad i, friw sa ko safalat. Saka, saka tosa a romi'ad i, tahirato kami i Putioli a niyaro'. 14Ma'araw niyam itira ko salikaka. Papilafin cangra i tamiyanan to ccay a lipay. Mahaen ko nika tayra niyam i Loma. 15Matngil no i tiraay i Loma a salikaka ko pakayniay i tamiyanan saka, tangasa cangra i Apius a kalali'acaan ato Toloay a Pilafinan hananay a niyaro' a militmoh i tamiyanan. Ma'araw ni Pawlo cangra i, mapa'icel ko faloco' ningra. Kansiya sa cingra to Kawas.
O Pipatnak ni Pawlo i Loma
16Yo tahirato kami i Loma i, mahayda ko nipicidek ni Pawlo a maro' i ccay a loma'. Nikawrira, masimaw no ccay a sofitay cingra.
17I ikor no tolo a romi'ad i, tahidangen ni Pawlo a misa'opo ko tadamaamaanay a i tiraay a Yutaya a tamdaw. Yo masa'opoto cangra i, pasowal sa ci Pawlo, <<Salikakaaw, awaay ko pipacoli ako to ccaccay aca to finawlan ita ato lkakawa no tato'asan ita. 'Arawhani, rofo han kako i Yirusalim a mipatorod i Loma a tamdaw. 18Yo miliclic ko Loma a tamdaw i takowanan i, awaay a matama nangra ko maan aca a sakapatay ako a raraw. Saka, sapitdalan cangra i takowanan. 19Nikawrira, pacoli ko Yutaya a tamdaw tonini. Ma^deng a samaanen, saka, pacakat han ako a milongoc i hongti no Loma konini a dmak. Onini i, caay ko sapipakokotaw ako to dmak no finacadan ako. 20Orasaka, tahidang han ako kamo to sakasaso'arawaw ita a masasowasowal. O sakapalit ako tonini a lonayi' i, o saki ccay a tamdaw to pafaloco'an ita o Israil,>> han ningra cangra.
21Pasowal sa cangra ci Pawloan, <<Awaay a malayap niyam nai Yutaya ko tilid to pakayniay i tisowanan. O romasato, awaay ko paratohay no tayniay a salikaka to tatiihay a dmak iso. 22Nikawrira, mangalay kami a mitngil to niharatengan iso. Nawhani mafana' kami to nika malikaf i cowacowa konini a nicomodan iso a pakayraan,>> han nangra.
23Orasaka, tatlek sato cangra to kasa'opoan a romi'ad. Ta tayra sa i pilafinan ni Pawlo ko 'alomanay a tamdaw. Nai dafak tangasa i dadaya ko nika rarid ningra a pakimad to pakayniay i ratoh no Kitakit no Kawas. Kidaten ningra ko Rikec ni Mosi ato nitilidan no pali'ayaway to sowal no Kawas a cudad a misahci a pasowal i cangraan to pakayniay i ci Yisan. 24Saka, ira ko paso'linay to sowal ni Pawlo, nikawrira, ira ko caay paso'lin. 25Caay ka laccay ko faloco' nangra. Saka, yo maminokay cangra i, paikor sa ci Pawlo a pasowal, <<Matama ko sowal no Fangcalay 'Adingo i tato'asan ita pakayni ci Isayaan o pali'ayaway to sowal no Kawas toya,
26<Katayra tonini a finawlan a pasowal.
Talacowa mitngil kamo i, caay ko mamafana' kamo a mitngil.
Talacowa minengneng kamo i, caay ko papaka'araw kamo.
27Nawhani oraten nonini a finawlan ko faloco',
poeten nangra ko tangila,
foteken nangra ko mata.
Ano ^ca ka haen i, latek paka'araw ko mata nangra,
pakatngil ko tangila nangra,
mafana' ko faloco' nangra a masasiyor a pasayni i Takowanan, ta maadah Ako cangra,> sanay.
28<<Orasaka, kafana' kamo to nika mapatnakto i roma a finacadan ko sowal no Kawas to pakayniay i pipa'orip Ningra. O papakifaloco'en nangra ko nitngilan nangra,>> han ningra.#28.28 Ira ko katlangay a cudad matongal i 29 a tosir Mahrek ci Pawlo a pasowal tonini i, tata'ang ko kacacolicoli no Yutaya a tamdaw ta minokay cangra.
30Tosa a mihca ci Pawlo itira i nicaliwan ningra a loma' a maro'. Hamhamen ni Pawlo ko tayraay a miliso' a tamdamdaw. 31Awaay ko micaraay, caay paska' cingra a mipatnak to pakayniay i ratoh no Kitakit no Kawas a mipasifana' to pakayniay i Tapang ci Yis Kristoan.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© The Bible Society in Taiwan, 2019