Luk 1
1
Fare pagal hageya
1Ba ge hormo gḛḛ Tewofil, ajo̰o̰ nda gḛḛ ɗege ceme fare, ndwa njaŋe kaŋ ge ka kee ge nè buwal zì ma, 2dinna ge nda ge kuwa kaŋ mbe ma ge maa ndwa, ge pe eeya ya day, àa seŋe nda ge oy Fare ge Kwaɗa ma no, àa dee ya wan nè num pe no, 3mbi vḭḭ tene no go, mbi sḛ waɗme, sok hale fare mbe ma pe kwaɗa hetel go, ge num pe eeya ya day, mbi nuusi mo num njaŋeya ge maa vin̰a go jeɗemer. 4Mbi kee ne ndwa go mo dee ya kuwaya tyatyaɗ go, hateya ge mo see num mbe ma no, num hateya ge fareba ma ne.
Wuwageya ge tolla ge Yohana ba ge kee nda baptem ne
5Ge zaman ge Heroɗ ne go, gan ga̰a̰l ge kaa ge suwa ge jude ne pagal, ba ge kee tuwaleya a̰me ɗu, ge àa ka tol ne Zakari, ge doŋ pe ge Abiya ne go, ne gwale wuwa ge rusu ge Aaro̰ ne zì me, àa ka tol ne Elizabeɗ. 6Num sḛ ma jwàg kaa nda ge temel ma, ge Dok ndwa se, àa ka mboya jɔbɔl ge eeya mage wa yuwaleya ge Bagezok ne ma pagal. 7Ɗaŋɗe, àa kaa be van ge dape, Elizabeɗ ba̰a̰ gisil, num sḛ ma jwàg sabe ya gḛḛ ge be tol van to.
8Sok ge ga̰a̰l dee Zakari mage na ka̰a̰m ge gòŋ ma go, ne dwam kee tèmel tuwaleya a̰me go ɗu, ge zok ge Dok ne zì, 9ge mojo̰o̰ nda ge kee tuwaleya ma ha̰a̰le keeya go, deɗ-ɗa go daŋ dee ne, ndwa waɗ ge sok ge harcal ge Bagezok ne ziya yà, mbo ɗusi ɔwara ge huu tii ma. 10Sok ge àa ɗege ɗusi ɔwara ge huu tii mbe go, ɓase ma kaɗ tabeya zum didib, àa ka kee kaɗeya me. 11Ge sok mbe go waɗme ɗe, malayka ge Bagezok ne dyan tene ge ne ta, mḛḛya ge twal tuwaleya ge àa til ɔwara ge huu tii ma no ne pagal, lee ge matoson go. 12Sok ge Zakari ka̰a̰ na ndwa kuwa ne, iigi digi, voo mbo ya wan ne. 13Ɗaŋɗe, malayka mbe jan ne go: Zakari, chiya voo to, ago Dok za̰a̰ mo kaɗeya ma ya go. Mo gwale Elizabeɗ mbo tol mo van son ɗu, mo mbo hon ne dḭḭl Yohana. 14Mbo ee mo kee laa saal mage kàɗɗa fafan̰, nda gḛḛ mbo kee laa saal ge ne tolla pe. 15Ago mbo kaɗ ndu ge ngaraŋ ne ge Bagezok pe, mbo njoɗ on̰or jìn̰al koo jìn̰al ge ɗogle a̰me ge fere nda to me, On̰om ge Harcal mbo biri ne iya ge na na̰ laa zì ya day. 16Mbo gwan ge Izrayel van ma ya gḛḛ ge Bagezok Dok ge num way ta. 17Mbo mbo ya ge mojo̰o̰ temeya ge Dok ne go, ge on̰om mage pool ge Eli kaa ge num ma, ndwa gwan ge ba mage van ma dwaɗɗa ma ya ge sok ge ɗu go, ee nda ge birtiŋ ma dwaɗɗa ge mojo̰o̰ nda ge temel ma dwaɗ go, ee ɓase nuusiya guwa ge ame Bagezok. 18Zakari jan malayka go: A ge ma̰ kaŋ ta ɗoo, mbi wa mbo kuwaya go fare ge mo jan ne fare ge fareba ne de? Ago mbi haɗ-ɗa sabar iya, mbi gwale puy ne del ma kee ya gḛḛ me. 19Malayka gwan ne fare janna go: A mbi Gabriyel, gorpol ge Dok nee ne. Ne sḛ teme mbi ya jan mo fare, ndwa wuwage mo Fare ge Kwaɗa mbe no. 20Ajo̰o̰ mo be hoɗ fareba ge fare janna ge ambi mbe ge Dok mbo huy num wa ya ge maa sok ma go tem ma pagal to ɗe, za̰a̰ gale: Mo ɗel mbo taɗ, mo mbo ɗege faa wa ge sok ge fare mbe ma wa mbo huyya ne mbḛḛ.
21Ɓase ma sok da̰a̰re Zakari go, àa ka kee ajab ge ne pagal wanna ge wa̰a̰ kaal ge sok ge harcal zì yà pe. 22Ɗaŋɗe, sok ge wuwa ya zum go, seɗ wa ge faaya to, gaa kaa num na tok, ne ɗel gaa se taɗɗa baba, num sḛ ma kuwa go ne see fare taaya a̰me ge zok ge Dok ne zì ya. 23Dwam ge ne tèmel keeya ma wa huy go ɗe, gwan mbo na diŋ yà, 24Guwa̰ ge fare mbe ma way go, ne gwale Elizabeɗ hee emel. Ka way tene ge na emel mbe ɗiŋ saba nuwan̰, ka jan na laa zì go: 25Ḛ ndi kaŋ ge Bagezok kee ya ge mbi ɗoo me, ge sok ge na vḭḭ tene ndage mbi ge daŋso zì go tem, ge nda duwana ma buwal zì ba!
Wuwageya ge tolla ge Zeso ne
Mat 1.18-23; Luk 1.38
26Elizabeɗ waɗ ja na saba ge menengal zì, Dok teme malayka Gabriyel ya ge suwa ge Galile ne go, ge suwal ga̰a̰l ge àa tol ne Nazareɗ diŋ. 27Teme ne ge van gwale ge na na̰ tok jan ta, ne ge ndu son a̰me ge àa ka tol ne Jozef, ge no rusu ge Daviɗ ne zì ka dwam ne. Van gwale ge na̰ tok jan mbe dḭḭl kaa Mari. 28Waɗ-ɗa ge ne ta diŋ, jan ne go: Wa sanna mo ta, Bagezok ngay kwaɗa keeya ge na ne ya mo ta, a ɓanna dagre ge mo. 29Fare mbe ma iigi ne digi giliw, ka ele tene go wa sanna ge go mbe ma pe wanna gyana de? 30Malayka gwan jan ne go: Chiya voo to, Mari, ago Dok ngay kwaɗa keeya ge na ne ya go mo ta. 31Kuwa go, mo mbo hee emel, mo mbo tol van son ɗu, mo mbo hon ne dḭḭl go Zeso. 32Mbo kaɗ ndu ge ciciliŋ ne, Dok ge no pḭḭ ma zì yà mbo tol ne na van. Bagezok Dok, mbo hon ne pool ge kee muluk ge ne baŋ Daviɗ kaa go. 33Mbo kee muluk ge rusu ge Jakob ne pagal ɗiŋ ge din, ne muluk mbe mbo aa to baɗ. 34Mari gwan ge Malayka janna go: Ano mbe mà deɗ-ɗa keeya pe gyana de? Ago mbi be kuwa ndu son ɗu to me ɗe! 35Malayka gwan ne fare janna go: On̰om ge Harcal mbo kee na tèmel ma mo zì, Dok ge pool ge no pḭḭ ma zì yà mbo kulbi mo se ge mojo̰o̰ soŋon̰ go. A ge pe, mbo ee nda tol ne Dok Van, sok ge van ge harcal mbe mbo tol-la go. 36Kuwa go Elizabeɗ ge mo pe rusu waɗme, a sabe ya no puy ɗe, a go ge emel, van son ge na laa zì, ne mbe ge nda ka dwaɗɗa go ne ba̰ gisil, wuwa ya ge na saba ge menengal zì no. 37Ago, kaŋ a̰me ge haŋle ge Dok ta to. 38Sok mbe go Mari jan ne go: Moor kale ge Bagezok ne no, mbi vin go go Dok kee na laa ɓyareya ge mbi ta ge mojo̰o̰ mo jan mbi ne no go. Malayka n̰a ne, mbo.
Ndilla ge Mari mbo ndil Elizabeɗ
1Sa 2.1-10; Mkm 113
39Ge dwam mbe ma guwa̰ swag, Mari haa tene vun cab, ndwa mbo suwal ga̰a̰l a̰me yà, ge no suwa ge Juda ne sok a̰me ge njal ma no ne go. 40Sok ge dee yà, waɗ-ɗa ge Zakari zok diŋ, hon Elizabeɗ na wa sanna ma. 41Ɗeɗ-ɗa go, sok ge Elizabeɗ za̰a̰ Mari ka̰a̰l san na wa, van ɗege n̰aɗe tene ne laa zì. On̰om ge Harcal mbo ya biri Elizabeɗ. 42Sok mbe go, oy digi ge ka̰a̰l ndaal go: Mo go ge wa tare ge nda zaab buwal zì, wa tare go ge van ge mo laa zige pagal me. 43Mbi daa huɗi ne ge go, mbi Bagezok na̰ wa mbo waɗɗa ge mbi ɗiŋ de? 44Kuwa gale, sok ge mo ka̰a̰l dee ya mbi tɔgwa zì, sok san mbi wa go, van ɗege n̰aɗe tene ge mbi laa zì no ndwa kee laa saal. 45Laa saal ge mo pe, ge dape, mo hoɗ fareba go go, Bagezok Dok huy fare ge na wuwage mo num ma wa huy.
Gagso mballa ge Mari ne
46Sok mbe go, Mari jan go:
Mbi sḛ uware Bagezok.
47Mbi ge laa saal fafan̰ ge mbi on̰om zì,
Ge Dok, mbi Ba ge monna pe,
48Ge dape, ndii hoɗegeya ge na moor kale ne.
Kuwa go, ge sego nda duwana ma ge doŋ pe ma go peɗ
Mbo gaa janna go, mbi gwale ge see wa tare ne.
49Ge dape Ba ge pool waɗe-waɗe
Kê kaŋ ge ɓaŋlaŋ ma ge mbi pe.
Ne dḭḭl Ba ge Harcal.
50Ngay kuwa a̰se ge na ne ge nda ge chiya na voo ma ta,
Doŋ pe ma ge doŋ pe ma.
51Ge tok pool ge na ne ta,
Nda ge no ge dwaɗɗa ge pagal ga̰a̰l
Ge maa dul wa zì ma be seɗ sok ge ee maa ko se to.
52Yin̰a gan ga̰a̰l ma gezi
Ge maa hòol muluk ma pagal ge tok pool ge na ne no,
Ɗaŋɗe, hê nda ge suul lɔlɔgwaɗ ma pagal digi no.
53Ge camal ma,
Ee num an̰n̰a ge kaŋ kwaɗa ma,
Num ge gan ma me ɗe,
N̰a num no tok bam-bam me.
54Chiya Izrayel na ndu ge tèmel kṵwa̰ no,
Ge kuwa a̰se ge na ne pe,
Be vyale ge ne to.
55Ano a wa tii ge ke nè baŋ Abraham
Mage na rusu ma nee ne,
Ge ndwa ɗiŋ ge din.
56Mari kaɗ ge Elizabeɗ, guwa ge saba taa, guwa̰, gwan mbo na sok kàɗɗa yà.
Tolla ge Yohana ne
57Sok ge Elizabeɗ dwam kee twàl mbiya go, mbo ya tol van son. 58Ne nda ge zok pe mage ne rusu ma za̰a̰ go, Bagezok ngay kuwa a̰se ge na ne ya ne ta, àa kee laa saal ɓanna ge ne. 59Ɗeɗ-ɗa dwam ge wa gezi zi, ne tolla guwa̰, àa mbo ya vyan van bḛḛ, àa ɓyare hon ne dḭḭl ge ne ba ta, ndwa go Zakari. 60Ɗaŋɗe, ne na̰ hee fare, jan num go: To, ɓyare nè too ne Yohana. 61Àa gwan ge ne janna go: Ge ḛ rusu zì, a huɗi ge àa ka tol ne ge dḭḭl mbe no ne de? 62Àa ɗege kaa ne ba tok ele ne ndwa kuwaya go, ne ɓyare tol ne gyana de? 63Zakari ele byalga van ɗu, njaŋe ya ne go go: Ne dḭḭl Yohana. Nda peɗ mbo ya kee ajab. 64Ge sok mbe go gaw, ne wa hage, ne ɗel fen digi, ɗege faa wa, ee pe sale Dok. 65Voo mbo ya wan nda ge num zok pe ma peɗ. Nda ge kaa no njal kin̰a ge Jude ne go ma peɗ gaa ge fare mbe siɗigiya. 66Nda peɗ ge fare mbe ma dee num tɔgwa zì ma koy num ge maa dul wa ma zì. Àa ka ele ta go: Van jiyale mbe mbo kaɗ de gyana de? Ago, pool ge Bagezok ne kaa dagre ge ne.
Kaŋ mballa ge Zakari ne
67On̰om ge Harcal mbo ya huy van kaare ba Zakari, sok mbe go, ɗege jan fare ge ka̰a̰l ge nda ge zwagre Dok wa ma way go:
68Bagezok, Dok ge Izrayel van ma way
Dḭḭl see uwareya,
Ge dape duwa ge nè,
Ɓase ge na ne ma, zû nè no.
69Ho̰ ne Ndu ge mon nda ge mbyaɗɗa tab,
Ge na ndu ge tèmel Daviɗ rusu zì,
70Dinna ge dee jin̰a fare mbe ge zḛḛ ya day
Ge na nda ge zwagre na wa ge harcal ma wa zì go:
71Na mbo mon nè ge nè nda ge ho̰o̰l ma tok zì ya,
Ge nè nda ge kone nè ma tok ya peɗ me.
72A go mbe no, ngay kuwa a̰se ge na ne ge nè baŋ ma ta no.
Be vyale ge na wa tii ge harcal ge na vuwa to,
73Ajo̰o̰ na guni tene ge nè baŋ Abraham ta,
74A go mbe no, guwa̰ ge mo̰o̰ nè ge nè nda ge ho̰o̰l ma tok zì ya,
Hon nè pool ndwa kee na tèmel be voo no,
75Ge harcal zì, ge temel pagal me, ge na ndwa se,
Ge dwam kàɗɗa ge nè ne ma zì peɗ.
76Kaɗɗa ge mo ɗe, van jiyale,
Mo mbo kaɗ ndu ge zwagre Dok ge no pḭḭ ma zì yà wa,
Ago mo mbo mbo ya nè Bagezok ndwa zḛḛ,
Ndwa nuusi ne vin̰a ma.
77Ndwa tyan ɓase ma pagal gezi go,
Bagezok mbe ge pool mon num,
Sok pore num num sone ma go.
78Ano mbe dee ya keeya ge kuwa a̰se
Ge be walape ge Dok ge nè ne ta.
Mbo ee kɔn̰al zen ge pḭḭ zì ya nè pagal,
Dinna ge gyala ge ndaa ge mbii ya go,
79Tyan kɔn̰al ya,
Ge num ge kaa no ge tṵṵ ge ɗeɗeg ge swày ne zì ma ta,
Ndwa ee nè ko ma mboya ge vin̰a pul ge halas ne go.
80Kaɗɗa ge van jiyale ɗe, ka donna, ka haɗ pool ge na on̰om zì. Ka walla ge babur pul yà, ɗiŋ ge dwam ge dee ya ngay tene ge ɓase ge Izrayel ne ma ta.
လက္ရွိေရြးခ်ယ္ထားမွု
Luk 1: kiaGRB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2017 Wycliffe Bible Translations, Inc. All rights reserved.
Luk 1
1
Fare pagal hageya
1Ba ge hormo gḛḛ Tewofil, ajo̰o̰ nda gḛḛ ɗege ceme fare, ndwa njaŋe kaŋ ge ka kee ge nè buwal zì ma, 2dinna ge nda ge kuwa kaŋ mbe ma ge maa ndwa, ge pe eeya ya day, àa seŋe nda ge oy Fare ge Kwaɗa ma no, àa dee ya wan nè num pe no, 3mbi vḭḭ tene no go, mbi sḛ waɗme, sok hale fare mbe ma pe kwaɗa hetel go, ge num pe eeya ya day, mbi nuusi mo num njaŋeya ge maa vin̰a go jeɗemer. 4Mbi kee ne ndwa go mo dee ya kuwaya tyatyaɗ go, hateya ge mo see num mbe ma no, num hateya ge fareba ma ne.
Wuwageya ge tolla ge Yohana ba ge kee nda baptem ne
5Ge zaman ge Heroɗ ne go, gan ga̰a̰l ge kaa ge suwa ge jude ne pagal, ba ge kee tuwaleya a̰me ɗu, ge àa ka tol ne Zakari, ge doŋ pe ge Abiya ne go, ne gwale wuwa ge rusu ge Aaro̰ ne zì me, àa ka tol ne Elizabeɗ. 6Num sḛ ma jwàg kaa nda ge temel ma, ge Dok ndwa se, àa ka mboya jɔbɔl ge eeya mage wa yuwaleya ge Bagezok ne ma pagal. 7Ɗaŋɗe, àa kaa be van ge dape, Elizabeɗ ba̰a̰ gisil, num sḛ ma jwàg sabe ya gḛḛ ge be tol van to.
8Sok ge ga̰a̰l dee Zakari mage na ka̰a̰m ge gòŋ ma go, ne dwam kee tèmel tuwaleya a̰me go ɗu, ge zok ge Dok ne zì, 9ge mojo̰o̰ nda ge kee tuwaleya ma ha̰a̰le keeya go, deɗ-ɗa go daŋ dee ne, ndwa waɗ ge sok ge harcal ge Bagezok ne ziya yà, mbo ɗusi ɔwara ge huu tii ma. 10Sok ge àa ɗege ɗusi ɔwara ge huu tii mbe go, ɓase ma kaɗ tabeya zum didib, àa ka kee kaɗeya me. 11Ge sok mbe go waɗme ɗe, malayka ge Bagezok ne dyan tene ge ne ta, mḛḛya ge twal tuwaleya ge àa til ɔwara ge huu tii ma no ne pagal, lee ge matoson go. 12Sok ge Zakari ka̰a̰ na ndwa kuwa ne, iigi digi, voo mbo ya wan ne. 13Ɗaŋɗe, malayka mbe jan ne go: Zakari, chiya voo to, ago Dok za̰a̰ mo kaɗeya ma ya go. Mo gwale Elizabeɗ mbo tol mo van son ɗu, mo mbo hon ne dḭḭl Yohana. 14Mbo ee mo kee laa saal mage kàɗɗa fafan̰, nda gḛḛ mbo kee laa saal ge ne tolla pe. 15Ago mbo kaɗ ndu ge ngaraŋ ne ge Bagezok pe, mbo njoɗ on̰or jìn̰al koo jìn̰al ge ɗogle a̰me ge fere nda to me, On̰om ge Harcal mbo biri ne iya ge na na̰ laa zì ya day. 16Mbo gwan ge Izrayel van ma ya gḛḛ ge Bagezok Dok ge num way ta. 17Mbo mbo ya ge mojo̰o̰ temeya ge Dok ne go, ge on̰om mage pool ge Eli kaa ge num ma, ndwa gwan ge ba mage van ma dwaɗɗa ma ya ge sok ge ɗu go, ee nda ge birtiŋ ma dwaɗɗa ge mojo̰o̰ nda ge temel ma dwaɗ go, ee ɓase nuusiya guwa ge ame Bagezok. 18Zakari jan malayka go: A ge ma̰ kaŋ ta ɗoo, mbi wa mbo kuwaya go fare ge mo jan ne fare ge fareba ne de? Ago mbi haɗ-ɗa sabar iya, mbi gwale puy ne del ma kee ya gḛḛ me. 19Malayka gwan ne fare janna go: A mbi Gabriyel, gorpol ge Dok nee ne. Ne sḛ teme mbi ya jan mo fare, ndwa wuwage mo Fare ge Kwaɗa mbe no. 20Ajo̰o̰ mo be hoɗ fareba ge fare janna ge ambi mbe ge Dok mbo huy num wa ya ge maa sok ma go tem ma pagal to ɗe, za̰a̰ gale: Mo ɗel mbo taɗ, mo mbo ɗege faa wa ge sok ge fare mbe ma wa mbo huyya ne mbḛḛ.
21Ɓase ma sok da̰a̰re Zakari go, àa ka kee ajab ge ne pagal wanna ge wa̰a̰ kaal ge sok ge harcal zì yà pe. 22Ɗaŋɗe, sok ge wuwa ya zum go, seɗ wa ge faaya to, gaa kaa num na tok, ne ɗel gaa se taɗɗa baba, num sḛ ma kuwa go ne see fare taaya a̰me ge zok ge Dok ne zì ya. 23Dwam ge ne tèmel keeya ma wa huy go ɗe, gwan mbo na diŋ yà, 24Guwa̰ ge fare mbe ma way go, ne gwale Elizabeɗ hee emel. Ka way tene ge na emel mbe ɗiŋ saba nuwan̰, ka jan na laa zì go: 25Ḛ ndi kaŋ ge Bagezok kee ya ge mbi ɗoo me, ge sok ge na vḭḭ tene ndage mbi ge daŋso zì go tem, ge nda duwana ma buwal zì ba!
Wuwageya ge tolla ge Zeso ne
Mat 1.18-23; Luk 1.38
26Elizabeɗ waɗ ja na saba ge menengal zì, Dok teme malayka Gabriyel ya ge suwa ge Galile ne go, ge suwal ga̰a̰l ge àa tol ne Nazareɗ diŋ. 27Teme ne ge van gwale ge na na̰ tok jan ta, ne ge ndu son a̰me ge àa ka tol ne Jozef, ge no rusu ge Daviɗ ne zì ka dwam ne. Van gwale ge na̰ tok jan mbe dḭḭl kaa Mari. 28Waɗ-ɗa ge ne ta diŋ, jan ne go: Wa sanna mo ta, Bagezok ngay kwaɗa keeya ge na ne ya mo ta, a ɓanna dagre ge mo. 29Fare mbe ma iigi ne digi giliw, ka ele tene go wa sanna ge go mbe ma pe wanna gyana de? 30Malayka gwan jan ne go: Chiya voo to, Mari, ago Dok ngay kwaɗa keeya ge na ne ya go mo ta. 31Kuwa go, mo mbo hee emel, mo mbo tol van son ɗu, mo mbo hon ne dḭḭl go Zeso. 32Mbo kaɗ ndu ge ciciliŋ ne, Dok ge no pḭḭ ma zì yà mbo tol ne na van. Bagezok Dok, mbo hon ne pool ge kee muluk ge ne baŋ Daviɗ kaa go. 33Mbo kee muluk ge rusu ge Jakob ne pagal ɗiŋ ge din, ne muluk mbe mbo aa to baɗ. 34Mari gwan ge Malayka janna go: Ano mbe mà deɗ-ɗa keeya pe gyana de? Ago mbi be kuwa ndu son ɗu to me ɗe! 35Malayka gwan ne fare janna go: On̰om ge Harcal mbo kee na tèmel ma mo zì, Dok ge pool ge no pḭḭ ma zì yà mbo kulbi mo se ge mojo̰o̰ soŋon̰ go. A ge pe, mbo ee nda tol ne Dok Van, sok ge van ge harcal mbe mbo tol-la go. 36Kuwa go Elizabeɗ ge mo pe rusu waɗme, a sabe ya no puy ɗe, a go ge emel, van son ge na laa zì, ne mbe ge nda ka dwaɗɗa go ne ba̰ gisil, wuwa ya ge na saba ge menengal zì no. 37Ago, kaŋ a̰me ge haŋle ge Dok ta to. 38Sok mbe go Mari jan ne go: Moor kale ge Bagezok ne no, mbi vin go go Dok kee na laa ɓyareya ge mbi ta ge mojo̰o̰ mo jan mbi ne no go. Malayka n̰a ne, mbo.
Ndilla ge Mari mbo ndil Elizabeɗ
1Sa 2.1-10; Mkm 113
39Ge dwam mbe ma guwa̰ swag, Mari haa tene vun cab, ndwa mbo suwal ga̰a̰l a̰me yà, ge no suwa ge Juda ne sok a̰me ge njal ma no ne go. 40Sok ge dee yà, waɗ-ɗa ge Zakari zok diŋ, hon Elizabeɗ na wa sanna ma. 41Ɗeɗ-ɗa go, sok ge Elizabeɗ za̰a̰ Mari ka̰a̰l san na wa, van ɗege n̰aɗe tene ne laa zì. On̰om ge Harcal mbo ya biri Elizabeɗ. 42Sok mbe go, oy digi ge ka̰a̰l ndaal go: Mo go ge wa tare ge nda zaab buwal zì, wa tare go ge van ge mo laa zige pagal me. 43Mbi daa huɗi ne ge go, mbi Bagezok na̰ wa mbo waɗɗa ge mbi ɗiŋ de? 44Kuwa gale, sok ge mo ka̰a̰l dee ya mbi tɔgwa zì, sok san mbi wa go, van ɗege n̰aɗe tene ge mbi laa zì no ndwa kee laa saal. 45Laa saal ge mo pe, ge dape, mo hoɗ fareba go go, Bagezok Dok huy fare ge na wuwage mo num ma wa huy.
Gagso mballa ge Mari ne
46Sok mbe go, Mari jan go:
Mbi sḛ uware Bagezok.
47Mbi ge laa saal fafan̰ ge mbi on̰om zì,
Ge Dok, mbi Ba ge monna pe,
48Ge dape, ndii hoɗegeya ge na moor kale ne.
Kuwa go, ge sego nda duwana ma ge doŋ pe ma go peɗ
Mbo gaa janna go, mbi gwale ge see wa tare ne.
49Ge dape Ba ge pool waɗe-waɗe
Kê kaŋ ge ɓaŋlaŋ ma ge mbi pe.
Ne dḭḭl Ba ge Harcal.
50Ngay kuwa a̰se ge na ne ge nda ge chiya na voo ma ta,
Doŋ pe ma ge doŋ pe ma.
51Ge tok pool ge na ne ta,
Nda ge no ge dwaɗɗa ge pagal ga̰a̰l
Ge maa dul wa zì ma be seɗ sok ge ee maa ko se to.
52Yin̰a gan ga̰a̰l ma gezi
Ge maa hòol muluk ma pagal ge tok pool ge na ne no,
Ɗaŋɗe, hê nda ge suul lɔlɔgwaɗ ma pagal digi no.
53Ge camal ma,
Ee num an̰n̰a ge kaŋ kwaɗa ma,
Num ge gan ma me ɗe,
N̰a num no tok bam-bam me.
54Chiya Izrayel na ndu ge tèmel kṵwa̰ no,
Ge kuwa a̰se ge na ne pe,
Be vyale ge ne to.
55Ano a wa tii ge ke nè baŋ Abraham
Mage na rusu ma nee ne,
Ge ndwa ɗiŋ ge din.
56Mari kaɗ ge Elizabeɗ, guwa ge saba taa, guwa̰, gwan mbo na sok kàɗɗa yà.
Tolla ge Yohana ne
57Sok ge Elizabeɗ dwam kee twàl mbiya go, mbo ya tol van son. 58Ne nda ge zok pe mage ne rusu ma za̰a̰ go, Bagezok ngay kuwa a̰se ge na ne ya ne ta, àa kee laa saal ɓanna ge ne. 59Ɗeɗ-ɗa dwam ge wa gezi zi, ne tolla guwa̰, àa mbo ya vyan van bḛḛ, àa ɓyare hon ne dḭḭl ge ne ba ta, ndwa go Zakari. 60Ɗaŋɗe, ne na̰ hee fare, jan num go: To, ɓyare nè too ne Yohana. 61Àa gwan ge ne janna go: Ge ḛ rusu zì, a huɗi ge àa ka tol ne ge dḭḭl mbe no ne de? 62Àa ɗege kaa ne ba tok ele ne ndwa kuwaya go, ne ɓyare tol ne gyana de? 63Zakari ele byalga van ɗu, njaŋe ya ne go go: Ne dḭḭl Yohana. Nda peɗ mbo ya kee ajab. 64Ge sok mbe go gaw, ne wa hage, ne ɗel fen digi, ɗege faa wa, ee pe sale Dok. 65Voo mbo ya wan nda ge num zok pe ma peɗ. Nda ge kaa no njal kin̰a ge Jude ne go ma peɗ gaa ge fare mbe siɗigiya. 66Nda peɗ ge fare mbe ma dee num tɔgwa zì ma koy num ge maa dul wa ma zì. Àa ka ele ta go: Van jiyale mbe mbo kaɗ de gyana de? Ago, pool ge Bagezok ne kaa dagre ge ne.
Kaŋ mballa ge Zakari ne
67On̰om ge Harcal mbo ya huy van kaare ba Zakari, sok mbe go, ɗege jan fare ge ka̰a̰l ge nda ge zwagre Dok wa ma way go:
68Bagezok, Dok ge Izrayel van ma way
Dḭḭl see uwareya,
Ge dape duwa ge nè,
Ɓase ge na ne ma, zû nè no.
69Ho̰ ne Ndu ge mon nda ge mbyaɗɗa tab,
Ge na ndu ge tèmel Daviɗ rusu zì,
70Dinna ge dee jin̰a fare mbe ge zḛḛ ya day
Ge na nda ge zwagre na wa ge harcal ma wa zì go:
71Na mbo mon nè ge nè nda ge ho̰o̰l ma tok zì ya,
Ge nè nda ge kone nè ma tok ya peɗ me.
72A go mbe no, ngay kuwa a̰se ge na ne ge nè baŋ ma ta no.
Be vyale ge na wa tii ge harcal ge na vuwa to,
73Ajo̰o̰ na guni tene ge nè baŋ Abraham ta,
74A go mbe no, guwa̰ ge mo̰o̰ nè ge nè nda ge ho̰o̰l ma tok zì ya,
Hon nè pool ndwa kee na tèmel be voo no,
75Ge harcal zì, ge temel pagal me, ge na ndwa se,
Ge dwam kàɗɗa ge nè ne ma zì peɗ.
76Kaɗɗa ge mo ɗe, van jiyale,
Mo mbo kaɗ ndu ge zwagre Dok ge no pḭḭ ma zì yà wa,
Ago mo mbo mbo ya nè Bagezok ndwa zḛḛ,
Ndwa nuusi ne vin̰a ma.
77Ndwa tyan ɓase ma pagal gezi go,
Bagezok mbe ge pool mon num,
Sok pore num num sone ma go.
78Ano mbe dee ya keeya ge kuwa a̰se
Ge be walape ge Dok ge nè ne ta.
Mbo ee kɔn̰al zen ge pḭḭ zì ya nè pagal,
Dinna ge gyala ge ndaa ge mbii ya go,
79Tyan kɔn̰al ya,
Ge num ge kaa no ge tṵṵ ge ɗeɗeg ge swày ne zì ma ta,
Ndwa ee nè ko ma mboya ge vin̰a pul ge halas ne go.
80Kaɗɗa ge van jiyale ɗe, ka donna, ka haɗ pool ge na on̰om zì. Ka walla ge babur pul yà, ɗiŋ ge dwam ge dee ya ngay tene ge ɓase ge Izrayel ne ma ta.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2017 Wycliffe Bible Translations, Inc. All rights reserved.