काम 18
18
कुरन्थी नगरी म बिस्वासी मंडळी को बणबो
1जणा पाछै पोलुस एथेंसऊँ कुरन्थी म आयो। 2जठै बो अकविला नाम का एक यहूदि मिनखऊँ टकरायो। जिकी जन्मभौम पिन्तुस ही। अर बो इटलीऊँ आपकी लूगाई क सागै हाल आयोई हो। क्युं क बठै को म्हराज कलोदियुस सगळा यहूदिआनै रोमऊँ निकळ जाबा को हुकम काड्यो। जणाई पोलुस बाऊँ मिलबा गयो#18:2 आ बात ईसु क जलम क 49 साल बाद घटी। 3अर बो बाकै सागै रेह्बा अर काम करबा लागगो क्युं क बाको एकसोई धंधो हो। बे तम्मू बणाबाळा हा। 4पोलुस हर यहूदिआ का अरामहाळा दिन अरदास करबाळी झघा म यहूदि अर यूनानी मिनखा क सागै चरचा करतो अर बानै समजातो हो।
5अर जद सीलास अर तिमूतियूस मकीदुनियाऊँ आया जणा पोलुस आपको सगळो टेम बचन का परचार मई बितातो हो अर यहूदि मिनखा म आ साबित करतो की ईसुई मसी ह। 6पण जद बे मिनख पोलुस को बिरोद अर बिकी बुराई करबा लागगा जणा बो आपको पल्लो झाड़ लिओ अर बोल्यो, “थारी करनी थेई पाओ! इमै मेरी कोई जुबाबदारी कोनी अर इबऊँ म गैर-यहूदि मिनखा क कनै जास्युं।” 7बठैऊँ बो तितूस यूसतुस नाम का एक परमेसर का गैर-यहूदि भगत क घरा आयो; अर बिको घर हो जखो अरदास करबाळी झघा क सारैई हो। 8जणा अरदास घर को अधिकारी आपका सगळा परवार सेत्युं परबु म बिस्वास कर्यो अर बाकै सागै बोळा कुरन्थी म रेह्बाळा पोलुस की बाता सुणर बिस्वास कर्या अर बतिस्मो लिओ। 9अर एक रात परबु पोलुसनै दरसाव देर कह्या, “तू डरै मना बोलतोई रेह चुप मना होवै 10क्युं क म तेरै सागै हूँ, कोई तेरो बाळई बाको कोनी कर सकै। अर इ नगरी का बोळा मिनख मेरा बणसी।” 11अर पोलुस बठै डेड बरस ताँई रेह्र मिनखानै परमेसर का बचना की सीख देतो रिह्यो।
पोलुस की गलिओ क सामै पेसी
12जद गलिओ अखाया परदेस को राजपाल हो बि टेम सगळा यहूदि एको कर पोलुसनै पकड़र कचेरी म खड़्यो कर दिओ अर बे बोल्या, 13“ओ मिनख मिनखानै परमेसर की भगती करबा की अंय्यां की रीत सीखावै जखी मूसा का नेम-कायदा क खिलाप ह।” 14पोलुस बोलबाळोई हो क अत्ता मई गलिओ बोल्यो, “ओ यहूदि मिनखो! ज आ गळत अर अपराद की बात होती जणा म थारी बात स्यांतीऊँ सुणतो। 15पण ओ झमेलो तो थारी बाता को, नाम अर थारा खुदका रिती-रिवाजा को ह इ मामलानै थेई जाणो म इ मामला को न्याय कोनी करूं।” 16आ खेर बो बानै कचेरी क बारनै निकळ्वा दिओ। 17जिकै पाछै बे अरदास घर का अधिकारी सोस्थिनेस कचेरी क सामै मार पिटाई करी पण गलिओ प आ बाता को कोई फरक कोनी पड़्यो।
पोलुस को पाछो अंताकीया आबो
18पोलुस क्युंक दिन कुरन्थी म रेह्बा क पाछै भायाऊँ बिदा होर परसकीला अर अकविला क सागै किंखिरीआस आयो अर बठै आपको सीर मुंडायो क्युं क बो कोई मन्नत माँगी ही। पाछै पाणी का झाज प सवार होर सिरीया ताँई रवानगी करी। 19अर इफिसुस पुगर परसकीला अर अकविलानै बठैई छोडर खुद अरदास घर जार यहूदि मिनखाऊँ चरचा करबा लाग्यो। 20अर बे पोलुस का ओर थोड़ा दिन बठै रेह्बा ताँई न्होरा खाया पण बो कोनी मान्यो। 21-22अर बो बाऊँ बिदा होर बोल्यो, “परमेसर चायो तो आपा ओज्यु मिलस्यां।” आ खेर बो इफिसुस छोडर पाणी का झाजऊँ कैसरिया गयो अर बठैऊँ यरूसलेम जार बठै की बिस्वासी मंडळीऊँ नमस्कार कर अंताकीया गयो। 23क्युं क दिन बठै रेह्र बो बठैऊँ बिदा होर गलातिया अर फरूगिया ठिकाणा म सगळा चेला-चपाट्यानै समाळतो फिर्यो।
इफिसुस अर कुरन्थी म अपुलोस नाम को एक मिनख
24अपुलोस नाम को एक यहूदि जिकी जन्मभौम सिकन्दरिआ ही बो बोलबा म बोळो माहिर हो अर सास्तर को चोखो ज्ञ्याता हो बो बा दिना इफिसुस आयो। 25बिनै परबु का गेला की सीख मिली ही अर बो आपकी सगळी आत्माऊँ ईसु क बारां म सई-सई बाता सुणातो अर सीखातो हो, पण बो खाली पाणी को बतिस्मो देबाळा यहून्ना क बारां मई जाणतो हो। 26अर बो अरदास घर म बेधड़क बोलबा लाग्यो। परसकीला अर अकविला बिकी बाता सुणबा क पाछै बिनै आपकै घरा ल्याया अर बिनै ओर बी चोखा ढंगऊँ परमेसर का गेला क बारां म समजाया। 27अर जद अपुलोस अखाया परदेस जाबा की मन म करी जणा बठै का भाईड़ा बिकी मदद करी अर बिकै हात चेलानै एक कागद भेज्यो क बे बिकी आवभगत करै। अर बो बठै जार बा मिनखा की मदद करी जखा परमेसर की दयाऊँ बिस्वास म आया हा। 28क्युं क बो सास्तरऊँ “ईसुई मसी ह” इ बातनै साबित कर सगळा मिनखा क सामै यहूदि मिनखा को मुंडो बंद कर दिओ।
လက္ရွိေရြးခ်ယ္ထားမွု
काम 18: एस डब्लु वी
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
(c) 2010-2017, New Life Computer Institute. All rights reserved
काम 18
18
कुरन्थी नगरी म बिस्वासी मंडळी को बणबो
1जणा पाछै पोलुस एथेंसऊँ कुरन्थी म आयो। 2जठै बो अकविला नाम का एक यहूदि मिनखऊँ टकरायो। जिकी जन्मभौम पिन्तुस ही। अर बो इटलीऊँ आपकी लूगाई क सागै हाल आयोई हो। क्युं क बठै को म्हराज कलोदियुस सगळा यहूदिआनै रोमऊँ निकळ जाबा को हुकम काड्यो। जणाई पोलुस बाऊँ मिलबा गयो#18:2 आ बात ईसु क जलम क 49 साल बाद घटी। 3अर बो बाकै सागै रेह्बा अर काम करबा लागगो क्युं क बाको एकसोई धंधो हो। बे तम्मू बणाबाळा हा। 4पोलुस हर यहूदिआ का अरामहाळा दिन अरदास करबाळी झघा म यहूदि अर यूनानी मिनखा क सागै चरचा करतो अर बानै समजातो हो।
5अर जद सीलास अर तिमूतियूस मकीदुनियाऊँ आया जणा पोलुस आपको सगळो टेम बचन का परचार मई बितातो हो अर यहूदि मिनखा म आ साबित करतो की ईसुई मसी ह। 6पण जद बे मिनख पोलुस को बिरोद अर बिकी बुराई करबा लागगा जणा बो आपको पल्लो झाड़ लिओ अर बोल्यो, “थारी करनी थेई पाओ! इमै मेरी कोई जुबाबदारी कोनी अर इबऊँ म गैर-यहूदि मिनखा क कनै जास्युं।” 7बठैऊँ बो तितूस यूसतुस नाम का एक परमेसर का गैर-यहूदि भगत क घरा आयो; अर बिको घर हो जखो अरदास करबाळी झघा क सारैई हो। 8जणा अरदास घर को अधिकारी आपका सगळा परवार सेत्युं परबु म बिस्वास कर्यो अर बाकै सागै बोळा कुरन्थी म रेह्बाळा पोलुस की बाता सुणर बिस्वास कर्या अर बतिस्मो लिओ। 9अर एक रात परबु पोलुसनै दरसाव देर कह्या, “तू डरै मना बोलतोई रेह चुप मना होवै 10क्युं क म तेरै सागै हूँ, कोई तेरो बाळई बाको कोनी कर सकै। अर इ नगरी का बोळा मिनख मेरा बणसी।” 11अर पोलुस बठै डेड बरस ताँई रेह्र मिनखानै परमेसर का बचना की सीख देतो रिह्यो।
पोलुस की गलिओ क सामै पेसी
12जद गलिओ अखाया परदेस को राजपाल हो बि टेम सगळा यहूदि एको कर पोलुसनै पकड़र कचेरी म खड़्यो कर दिओ अर बे बोल्या, 13“ओ मिनख मिनखानै परमेसर की भगती करबा की अंय्यां की रीत सीखावै जखी मूसा का नेम-कायदा क खिलाप ह।” 14पोलुस बोलबाळोई हो क अत्ता मई गलिओ बोल्यो, “ओ यहूदि मिनखो! ज आ गळत अर अपराद की बात होती जणा म थारी बात स्यांतीऊँ सुणतो। 15पण ओ झमेलो तो थारी बाता को, नाम अर थारा खुदका रिती-रिवाजा को ह इ मामलानै थेई जाणो म इ मामला को न्याय कोनी करूं।” 16आ खेर बो बानै कचेरी क बारनै निकळ्वा दिओ। 17जिकै पाछै बे अरदास घर का अधिकारी सोस्थिनेस कचेरी क सामै मार पिटाई करी पण गलिओ प आ बाता को कोई फरक कोनी पड़्यो।
पोलुस को पाछो अंताकीया आबो
18पोलुस क्युंक दिन कुरन्थी म रेह्बा क पाछै भायाऊँ बिदा होर परसकीला अर अकविला क सागै किंखिरीआस आयो अर बठै आपको सीर मुंडायो क्युं क बो कोई मन्नत माँगी ही। पाछै पाणी का झाज प सवार होर सिरीया ताँई रवानगी करी। 19अर इफिसुस पुगर परसकीला अर अकविलानै बठैई छोडर खुद अरदास घर जार यहूदि मिनखाऊँ चरचा करबा लाग्यो। 20अर बे पोलुस का ओर थोड़ा दिन बठै रेह्बा ताँई न्होरा खाया पण बो कोनी मान्यो। 21-22अर बो बाऊँ बिदा होर बोल्यो, “परमेसर चायो तो आपा ओज्यु मिलस्यां।” आ खेर बो इफिसुस छोडर पाणी का झाजऊँ कैसरिया गयो अर बठैऊँ यरूसलेम जार बठै की बिस्वासी मंडळीऊँ नमस्कार कर अंताकीया गयो। 23क्युं क दिन बठै रेह्र बो बठैऊँ बिदा होर गलातिया अर फरूगिया ठिकाणा म सगळा चेला-चपाट्यानै समाळतो फिर्यो।
इफिसुस अर कुरन्थी म अपुलोस नाम को एक मिनख
24अपुलोस नाम को एक यहूदि जिकी जन्मभौम सिकन्दरिआ ही बो बोलबा म बोळो माहिर हो अर सास्तर को चोखो ज्ञ्याता हो बो बा दिना इफिसुस आयो। 25बिनै परबु का गेला की सीख मिली ही अर बो आपकी सगळी आत्माऊँ ईसु क बारां म सई-सई बाता सुणातो अर सीखातो हो, पण बो खाली पाणी को बतिस्मो देबाळा यहून्ना क बारां मई जाणतो हो। 26अर बो अरदास घर म बेधड़क बोलबा लाग्यो। परसकीला अर अकविला बिकी बाता सुणबा क पाछै बिनै आपकै घरा ल्याया अर बिनै ओर बी चोखा ढंगऊँ परमेसर का गेला क बारां म समजाया। 27अर जद अपुलोस अखाया परदेस जाबा की मन म करी जणा बठै का भाईड़ा बिकी मदद करी अर बिकै हात चेलानै एक कागद भेज्यो क बे बिकी आवभगत करै। अर बो बठै जार बा मिनखा की मदद करी जखा परमेसर की दयाऊँ बिस्वास म आया हा। 28क्युं क बो सास्तरऊँ “ईसुई मसी ह” इ बातनै साबित कर सगळा मिनखा क सामै यहूदि मिनखा को मुंडो बंद कर दिओ।
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
(c) 2010-2017, New Life Computer Institute. All rights reserved