Izaiya 40
40
Kurumuweliwa wa aJeruzalemu
1Mulugu wenyu unawonga ira: <<Mudidilihe, mudidilihe mirima da atwaga. 2Mwaawandele mofwaseya atu anakala Jeruzalemu eto mwaalaleye ira uzari wewa uhumala. Jotega jiwa jihikurumuweliwa. Mwasiwa miyo dagali Yehova dihimala aoniha goyi fendo mbinli na mwasa wa jotega jiwa.>>
3Anavweya mazu okuwa oira: <<Sakanyedani rampa wa Yehova mukokolani. Wongolani ndila muisalesaleni ira Mulugu wehu avire. 4Mwemo munafwanyeya mapedi odiha munoza muvuheleliwe. Mwango na mikuma datene nnoza ditonde. Ndila datene dotimbeya nnoza disakanyediwe pama. Jitukutuku jatene jinoza jikale razo. 5Era eno, undimuwa wa Yehova unoza uoneyihiwe. Atu atene anoza kaone undimuwa waye vamohi. Mwasiwa Yehova mwinnya guwongile jatene eji.>>
6Anavweya mazu oira: <<Kakuwa!>> Miyo fuka ira: <<Dikuwe nni?>> Mazwale aliwa wakula ira: <<Kakuwa ira atu atene ba malatchi eto riya wewa watene unakala nnga folori da mukokolani. 7Malatchi anonyala eto folori nnovareya na mwasa wa nipevo Yehova nnaombiha liye. Na ibaribari atu ba malatchi. 8Malatchi anonyala eto folori nnovareya mbwenye mazu a Mulugu wehu anakala kala no kala.>> 9Weyo namalaleya muselu wapama wa akuda Siyawu ugwele mwango olapa. Ukuwe molimbiha weyo namalaleya muselu wapama wa akuda Jeruzalemu. Ukuwe pama eto kuove. Walaleyele sidadi da Juda ira: <<Kaing'anani, Mulugu wenyu unaza.>> 10Kaing'anani, Nabwiya Yehova unaza na kopolo daye eto unatonga na muwono waye. Azaga unozana jitambilrile liye. Jiganyalrile liye jinakala na liye. 11Liye unoza akumbuze nikuru naye nnga namakumbuza unakumbuza liye mabilaye. Unoza agumanihe ana mabilaye, aakumbarelaga, aatukulaga na mandaye. Unoza aasogolrelre mofwaseya mabila okana ahima owamwa.
Undimuwa wa Yehova
12Bani uwandile pima mahindje matene a bara mmandani mwaye? Bani upimile ira lapa wa zulu ukale lapa wa ndanda naye? Bani uwandile pima teya yatene ya ilambo ya vati na kopo? Bani uwandile pima nyemela wa mwango na mikuma datene na balansa? 13Bani uwandile onelramo joumbuwela ja Munemba wa Yehova? Bani uwandile muwandela zelru? 14Kodi Yehova anvepile ani zelru ira aiziwe jengo? Bani umuiziwihile Yehova yengo? Bani umufundjihile matongelo a ibaribari? Bani umufundjihile iziwa jengo? Bani umuwandenle ndila yoonelramo jengo? 15Kaing'anani, atu a malogo matene anakala nnga ntoto nimohi na mahindje a mmunoni. Anakala nnga tumbulru nohokana mabasa nili vabalansani. Suwa datene nnakala nnga tumbulru para liye.
16Ira Mulugu akayena mukuto omufwanela, guguru yatene ya Libano tchakwakwana ira nnokumamo kuni dotumeyana mukuto uwa. Eto vinyama dili emo kadakwakwana para mukuto otumeya. 17Malogo matene kahi yengo vamentoni vaye. Eto liye unaaona malogo matene nnga yengo yohokana mabasa, nnga kahi yengo.
18Kodi nyo munawanda mufwalrafwaniha Mulugu na ani? Kodi nlandaniho tivi nili nnga liye? 19Akala nlandaniho nosemiwa nnasakanyiwa na amesilri. Mesilri wa oru unatukula yengo, mala riheda na oru. Evale liye unosakanya kolare na parata. 20Mutu osimela ahanawanda sakanya nlandaniho nosemiwa na oru na parata, unotukula imiri yohovunda, unodowana wa mesilri owanda pama ira amusakanyele ikwamutu yosema yohowanda visakwinya.
21Kodi nyo kamuiziwile? Kodi nyo kamunavwe? Voroma vene vale kamuwandeliwe? Kamunaiziwe makalelo ilambo ya vati yapandutchiwe atu? 22Yapandutchiwe na wenno ugaratile vazulu va ilambo yorungunuwa ya vati ila. Unaaona atu a mwilamboni ya vati nnga miserebo. Unatanda ilambo yatene ya zulu nnga mutu atandaga nipawu. Unatanda zulu nnga mutu atandaga musasa waye ira akalemo. 23Gu liyene unaatitiha asogolrelri eto unaasandutcha anamatonga a ilambo ya vati ira kakale atu ohokana mabasa. 24Andimuwa a ilambo ya vati anakala nnga mbewu izaliwe tchineneva, nnga mbewu iwokiwe tchineneva inaroma wene kana mitchitchi. Mbewu dedo Yehova awombiha nipevo naye, nnoumma. Mitati diwa nnofiyeda tukuliwa na nalripembezu nnga makata.
25Mulugu Otchena unawonga ira: <<Kodi nyo munadifwalrafwaniha na ani? Kodi ukalawo unalingana na miyo vano?>> 26Muvenyihe meswinyu, muing'ane zulu. Bani upandutchile nyenyedi nnaona nyo do? Gwenno unatanda nyenyedi nnga nikuru na anyakondo. Unafiyeda mwezo oitana kada nyenyedi na nzina naye naye. Muwari mwa kopolo dilukulu dohokala da masika dinna liye, kilivo nyenyedi imohi inadjombavo.
27We Jako, unawongela nni eto weyo Izarayeli unawongela nni ira: <<Yehova kanaiziwa goyi dinna hiyo. Mulugu waga kanabalra yenno ili yaga?>> 28Kodi we kuiziwile? Kodi we kunavwe? Yehova gu Mulugu wa mukalakala, Namapandutcha wa ilambo yatene ya vati. Liye kanawaheya eto kanagoma. Kalivo uiziwile onelramo waye watene.
29Unoalimbiha aliba waheya eto ale kavutile unoawendjeda kopolo. 30Masiki azombwe anofiyeda waheya, aliwa mala goma. Masiki azombwe anogwagwaduwa na mwasa omaleliwa kopolo. 31Mbwenye anno anamudediha Yehova anowatchela kopolo dixa. Anoza kavave nnga kakozi. Anoza katamange eto kahawaheyege. Anoza kawendege eto kahagomege.
လက္ရွိေရြးခ်ယ္ထားမွု
Izaiya 40: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral
Izaiya 40
40
Kurumuweliwa wa aJeruzalemu
1Mulugu wenyu unawonga ira: <<Mudidilihe, mudidilihe mirima da atwaga. 2Mwaawandele mofwaseya atu anakala Jeruzalemu eto mwaalaleye ira uzari wewa uhumala. Jotega jiwa jihikurumuweliwa. Mwasiwa miyo dagali Yehova dihimala aoniha goyi fendo mbinli na mwasa wa jotega jiwa.>>
3Anavweya mazu okuwa oira: <<Sakanyedani rampa wa Yehova mukokolani. Wongolani ndila muisalesaleni ira Mulugu wehu avire. 4Mwemo munafwanyeya mapedi odiha munoza muvuheleliwe. Mwango na mikuma datene nnoza ditonde. Ndila datene dotimbeya nnoza disakanyediwe pama. Jitukutuku jatene jinoza jikale razo. 5Era eno, undimuwa wa Yehova unoza uoneyihiwe. Atu atene anoza kaone undimuwa waye vamohi. Mwasiwa Yehova mwinnya guwongile jatene eji.>>
6Anavweya mazu oira: <<Kakuwa!>> Miyo fuka ira: <<Dikuwe nni?>> Mazwale aliwa wakula ira: <<Kakuwa ira atu atene ba malatchi eto riya wewa watene unakala nnga folori da mukokolani. 7Malatchi anonyala eto folori nnovareya na mwasa wa nipevo Yehova nnaombiha liye. Na ibaribari atu ba malatchi. 8Malatchi anonyala eto folori nnovareya mbwenye mazu a Mulugu wehu anakala kala no kala.>> 9Weyo namalaleya muselu wapama wa akuda Siyawu ugwele mwango olapa. Ukuwe molimbiha weyo namalaleya muselu wapama wa akuda Jeruzalemu. Ukuwe pama eto kuove. Walaleyele sidadi da Juda ira: <<Kaing'anani, Mulugu wenyu unaza.>> 10Kaing'anani, Nabwiya Yehova unaza na kopolo daye eto unatonga na muwono waye. Azaga unozana jitambilrile liye. Jiganyalrile liye jinakala na liye. 11Liye unoza akumbuze nikuru naye nnga namakumbuza unakumbuza liye mabilaye. Unoza agumanihe ana mabilaye, aakumbarelaga, aatukulaga na mandaye. Unoza aasogolrelre mofwaseya mabila okana ahima owamwa.
Undimuwa wa Yehova
12Bani uwandile pima mahindje matene a bara mmandani mwaye? Bani upimile ira lapa wa zulu ukale lapa wa ndanda naye? Bani uwandile pima teya yatene ya ilambo ya vati na kopo? Bani uwandile pima nyemela wa mwango na mikuma datene na balansa? 13Bani uwandile onelramo joumbuwela ja Munemba wa Yehova? Bani uwandile muwandela zelru? 14Kodi Yehova anvepile ani zelru ira aiziwe jengo? Bani umuiziwihile Yehova yengo? Bani umufundjihile matongelo a ibaribari? Bani umufundjihile iziwa jengo? Bani umuwandenle ndila yoonelramo jengo? 15Kaing'anani, atu a malogo matene anakala nnga ntoto nimohi na mahindje a mmunoni. Anakala nnga tumbulru nohokana mabasa nili vabalansani. Suwa datene nnakala nnga tumbulru para liye.
16Ira Mulugu akayena mukuto omufwanela, guguru yatene ya Libano tchakwakwana ira nnokumamo kuni dotumeyana mukuto uwa. Eto vinyama dili emo kadakwakwana para mukuto otumeya. 17Malogo matene kahi yengo vamentoni vaye. Eto liye unaaona malogo matene nnga yengo yohokana mabasa, nnga kahi yengo.
18Kodi nyo munawanda mufwalrafwaniha Mulugu na ani? Kodi nlandaniho tivi nili nnga liye? 19Akala nlandaniho nosemiwa nnasakanyiwa na amesilri. Mesilri wa oru unatukula yengo, mala riheda na oru. Evale liye unosakanya kolare na parata. 20Mutu osimela ahanawanda sakanya nlandaniho nosemiwa na oru na parata, unotukula imiri yohovunda, unodowana wa mesilri owanda pama ira amusakanyele ikwamutu yosema yohowanda visakwinya.
21Kodi nyo kamuiziwile? Kodi nyo kamunavwe? Voroma vene vale kamuwandeliwe? Kamunaiziwe makalelo ilambo ya vati yapandutchiwe atu? 22Yapandutchiwe na wenno ugaratile vazulu va ilambo yorungunuwa ya vati ila. Unaaona atu a mwilamboni ya vati nnga miserebo. Unatanda ilambo yatene ya zulu nnga mutu atandaga nipawu. Unatanda zulu nnga mutu atandaga musasa waye ira akalemo. 23Gu liyene unaatitiha asogolrelri eto unaasandutcha anamatonga a ilambo ya vati ira kakale atu ohokana mabasa. 24Andimuwa a ilambo ya vati anakala nnga mbewu izaliwe tchineneva, nnga mbewu iwokiwe tchineneva inaroma wene kana mitchitchi. Mbewu dedo Yehova awombiha nipevo naye, nnoumma. Mitati diwa nnofiyeda tukuliwa na nalripembezu nnga makata.
25Mulugu Otchena unawonga ira: <<Kodi nyo munadifwalrafwaniha na ani? Kodi ukalawo unalingana na miyo vano?>> 26Muvenyihe meswinyu, muing'ane zulu. Bani upandutchile nyenyedi nnaona nyo do? Gwenno unatanda nyenyedi nnga nikuru na anyakondo. Unafiyeda mwezo oitana kada nyenyedi na nzina naye naye. Muwari mwa kopolo dilukulu dohokala da masika dinna liye, kilivo nyenyedi imohi inadjombavo.
27We Jako, unawongela nni eto weyo Izarayeli unawongela nni ira: <<Yehova kanaiziwa goyi dinna hiyo. Mulugu waga kanabalra yenno ili yaga?>> 28Kodi we kuiziwile? Kodi we kunavwe? Yehova gu Mulugu wa mukalakala, Namapandutcha wa ilambo yatene ya vati. Liye kanawaheya eto kanagoma. Kalivo uiziwile onelramo waye watene.
29Unoalimbiha aliba waheya eto ale kavutile unoawendjeda kopolo. 30Masiki azombwe anofiyeda waheya, aliwa mala goma. Masiki azombwe anogwagwaduwa na mwasa omaleliwa kopolo. 31Mbwenye anno anamudediha Yehova anowatchela kopolo dixa. Anoza kavave nnga kakozi. Anoza katamange eto kahawaheyege. Anoza kawendege eto kahagomege.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral