Izaiya 34
34
Tongiwa wa malogo ohiyana-hiyana
1Nyo atu a malogo matene, muze vakwikwi ira muvwe. Nyo atu a unde mureye mabaru. Ilambo ya vati ivwe vamohi na jatene jinafwanyeyamo. Ilambo yatene ivwe vamohi na jatene jinakumamo. 2Tchoira Yehova uatakaleliwa atu a malogo matene. Ukana uwali zela makuru matene a anyakondo ewa. Liye umala lumbela ira aatolotche. Umala avelela ira kapiwe. 3Mitembo da atu anafuna piwa nnatatileliwa unde ira davundege wewo, dinukege. Mwango nnoza dizale na sangiri niwa. 4Jomoneya jatene jinafwanyeya zulu jinoza jinyungulruwe. Jatene jili zulu jinoza jivindiwe nnga nipawu. Nyenyedi datene nnoza divareye nnga matakuru a uva owu matakuru a mufigera.
5Yehova unawonga ira supada naga nihimala rumbala zela ja zulu.#34:5 Yehova unawonga ira supada naga nihimala rumbala zela ja zulu. Ku wonga Yehova umala mutonga Satana na angelro afwaye anno kafwanyeya ilambo ya zulu na makalelo ali atene afuna liye. Aliwa kinawanda muhiyiha palano yaye ili yatene. Kaing'anani nnatita ira daape aEdomu, atu anno aafunana miyo ira danonge. 6Supada na Yehova nihimala rumbala sangiri. Nihimala kuneleya na makura. Sangiri niwa ti sangiri na ana mabila na mbuzi. Eto makura ewa ba makura a xo da nibila na mulombwana. Tchoira Yehova ukana mukuto sidadi ya Bozira. Ku wonga piwa wa atu adjindji a ilambo ya Edomu. 7Atwale anoza kapiwe vamohi na nyari na ng'ombe da alombwana ding'onong'ono na dilukulu dene. Ilambwiwa inoza izale sangiri eto teyiwa inoza irumbale makura.
8Yeniyo tchi tempu Yehova inafuna liye weliha kunyakunya. Pa evo vanafuna liye atonga amwidani a Siyawu. 9Mahindje a ana mihindje da Edomu anoza kasanduwe kakale alikataraya eto teyiwa inoza isanduwe mabwe onuka, ilambo yatene inoza isanduwe alikataraya ohinda munlo. 10Munlo uyo unoza ahinde ntana na mahiyu eto utchiwa unoza atuwele kala no kala. Ilambo inoza isanduwe ikale isalesale kala no kala, kalivo nne mutu mmohi unafuna wendagamo. 11Mwilambonimo munakalege ivangwi na anasunungu, vizizi na anakungu. Liye unopima ilambo yatene yenno na ngohi ira ikale ilambo yohosakanyedeya eto yohokana yengo. 12Andimuwa andimuwa kiza kamusakulra mwene. Eto anamasogolrelra kiza kakana mabasa. 13Minga nnerege gwelela nyumba dilukulu da umwene eto sasakura na makaruwe nnerege gwelela nyumba dolimba da anyakondo. Anambwa a mukokolani anawendege emo. Pilru da mukokolani nnakalege mwemo. 14Vinyama da mukokolani nnagumanege emo vamohi na nangunu. Asaboko a mbuzi anerege itanana. Mbalrame dowenda na mahiyu nnoza dititele emo, divumege jiwa. 15Pa evo vanafuna manga vizizi vitundji diwa, direlegemo mazayi, datotorege ahimiwa, daulukulihege. Makuvi anerege gumana wewo menli menli.
16Musake muLivuruni mwa Yehova, muileri. Muwari mwa anavinyama atene anna, kalivo ahanakalamo. Eto kalivo unafuna kala eka ahanna nfwaye. Tchoira Yehova gufunne ira jiireye eno. Eto Munemba waye umala agumaniha anavinyama atene anna. 17Yehova umala gawa ilambo yewa. Umala vaha kada yengo pandi yaye apimaga na ngohi. Ilambo inafuna kala yewa kala no kala. Eto anamabaliwelamo atene anerege kalamo.
လက္ရွိေရြးခ်ယ္ထားမွု
Izaiya 34: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral