Izaiya 31
31
Udilu wa atu oaroromela aIjipitu
1Udilu wa atu anno anadowa Ijipitu kavepaga kamihediwa. Ananyindela kavalo eto ananyindela indjiva wa aaterelado a kondo na kopolo da anyakondo ogwela vakavaloni. Mbwenye aliwa kinafuna muroromela Mulugu Otchena wa Izarayeli. Kinafuna vepa kamihediwa na Yehova! 2Mbwenye Yehova gwa zelru eto unoziha gudjula. Eto awonga, umala wonga. Unoza awane na atu otakala vamohi na afwiwa anaakamiheda ale anairana joviringaniha. 3AIjipitu ba atu a vaheno vene, kahi Mulugu nari. Kavalo diwa kahi mizimu, ti nyama bahi. Yehova awongola ndanda naye, maliba kamiheda unoza agwagwaduwe eto maliba kamihediwa unoza agwe. Atene anoza katolotchiwe vamohi. 4Yehova udiwandela ira: <<Mwana podogoma wa kopolo unoomba turumba agahindile mwana nibila. Masiki nikuru na anamakumbuza nize ira nimutamangihe, masiki nimututche nokuwa wohokala wa masika, podogoma ule kanarendjeya zela kuwa wewa eto kanakukumuwa zela kukuma unera atu. Na makalelo amohive kilivo inafuna dihiyiha miyo Yehova wa Makuru Matene dazaga ira diwane mwango Siyawu na mikuma diwa dene. 5Yehova wa Makuru Matene unoza abarele sidadi ya Jeruzalemu nnga mbalrame davavaga vazulu va vitundji diwa. Liye unobarela eto unovunela. Unovulumutcha eto unowombola.>>
6Nyo Ana Izarayeli welelani wa wenno mwamunyanyanle nyo. 7Tchoira siku neno nafiya, nyo atene munoza mutatile vikwamutu josema ja oru na ja parata jisakannye nyo na mandinyu mutegaga.
8Akuda Asiriya atene anoza kanongiwe kondoni ahali na kopolo da mutu. Anoza kanongiwe na supada, supada niwa ahali supada na mutu. Anoza katawe kondoni, azombwe ewa olimba anoza kakale azari. 9Mwene wewa unoza atawe morendjeya. Asogolrelri a kondo a mwene ule anobalaleya muwari moova kahiyaga mabandera a kondoni. Unawonga eno gu Yehova wenno unna munlo waye Siyawu eto unna hofu waye Jeruzalemu.
လက္ရွိေရြးခ်ယ္ထားမွု
Izaiya 31: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral