Izaiya 30
30
AIjipitu kahi ofwanela roromeliwa
1Yehova unawonga ira: <<Udilu wa ahima okonda tongiwa! Anasakanya palano diwa okave dahali palano daga. Anasakanya yopangana yewa yahanna pandi na Munemba waga. Anadowa sogolro kaditegelagave. 2Anadowa Ijipitu ira kanvepe Farawu kamihediwa kahadivepile miyo zelru. Anasaka nimburo notawelamo muwari mwa nfulri wa Ijipitu. 3Voira yenno kikumile mwa miyo, akamiheda wa Farawu unagomela zana manyazo. Eto nimburo notawelamo muwari mwa nfulri wa Ijipitu nnagomela zana nyaswa.
4<<Anamawelruza a mwene wa Juda kohomala fiya sidadi ya Zowani eto atwaye waarumile liye kohomala fiya sidadi ya Hanesi. Masiki eno, 5akuda Juda atene anoza kanyaswe na mwasa wa atu ohowanda zana mpindu. Aliwa kinazana kamiheda nne kinazana mpindu so anazana nyaswa no petiwa.>>
6Ula gu muselu owonga zela anavinyama anawenda Negebe kadowaga Ijipitu. Anaatukuliha aburu ewa jengo ja peresu ilukulu. Jorayela jiwa anaatukuliha akamelo kadowaga ira kaavahe atu ohowanda akamiheda. Anawenda muwari mwa ilambo yorutcha ya makatamiho uli podogoma wa mulombwana na wa muhiyana, wewo eto uli mbobo na nyowa yokuka eto ya munlo. 7Kafiya Ijipitu akamiheda wa aIjipitu kunna mabasa eto kunna mpindu. Nona ilambo yenno nnovaha nzina na nangumi omiyala.#30:7 Izaiya ohakokomeza akuda Juda ira kaharoromele aIjipitu mwasiwa kalingana na nangumi omiyala. Ku wonga aIjipitu kafuna kakale owopiha mbwenye tchawandile laba yengo yoakamiheda akuda Juda.
8Mulugu udiwandela ira: <<Peno udowe walrembe eji vatabwani aliwa kauing'anaga. Eto ulrembe mulivuruni ira sogolro ize ikale umboni wohomala. 9Tchoira anna ba atu okonda tongiwa eto ba ahima onama, ahima okonda vwelela jowelruza ja Yehova. 10Anawonga na anamaona ira: <Kamuonege.> Eto anawonga na anamafiyiheda ira: <Kamufiyihedege ja ibaribari. So muniwandelege jengo joniziveliwiha hiyo vano. Mufiyihedege ja vaheno vene. 11Muhiye ndila, muperuwe murampani. Kanivwegeve zela Mulugu Otchena wa Izarayeli.> >>
12Na mwasa wenno Mulugu Otchena wa Izarayeli unawonga ira: <<Voira nyo munapeta mazu ala eto munanyindela joadjelra afwinyu eto munanyindela jabure jinaira nyo, 13na mwasa wenno yodawa yenyu inakala nnga durumuwa wa muru olapa asikuwaga, wenno unafuna gwa morurumutcha. 14Gwa uwa unakala nnga tweya wa yombwe yenno imanle nyenyeya na uwali halaga mapali mang'onong'ono, nne kavinahala nipali nowanda valana munlo owu rungana mahindje vaisimeni.>>
15Tchoira Nabwiya Yehova, Mulugu Otchena wa Izarayeli unawonga ira: <<Mwarungunuwa eto mwavuma, munovulumuwa. Mwamiyala eto mwadinyindela, munokana kopolo.>> Mbwenye nyo kamwafunne eno. 16Nyo mohowonga muiraga: <<Nnoza nigwele kavalo, nitawege.>> Nona tawave munotawa. Eto mohowonga ira: <<Nnoza nigwele kavalo dotamanga.>> Nona ale anafuna kautamangiheni anokala otamanga ukwaranyani nyo. 17Nyo podi kala atu 1.000, mbwenye mwamuona mwidani mmohi, nyo atene munotawa. Eto kafiya anyakondo atanu, nyo mwatene munotawa fiyeda unafuna hala unakala jaye zololo nnga imiri yotomeyavo bandera eto nnga sinale inatomeyiwa mwangoni.
Yehova unoza aawendele tangaranga akuda Jeruzalemu
18Masiki eno Yehova ulive modediha ira auwendeleni sayi eto liye mofuna mwaye umala kozeya ira auwendeleni tangaranga. Tchoira Yehova gu Mulugu otonga mwa ibaribari. Orelihiwa banno anamudediha liye. 19Tchoira kohokalawo atu anafuna kala Siyawu eto muwari mwa Jeruzalemu. Nyo kamuza munlave. Mulugu unoza akayena sayi na nyo ora yenno inavwa liye nla wenyu. Ora imohive, unouwakulani. 20Masiki Nabwiya audjiheni pawu ya makatamiho eto aung'wiheni mahindje ozuzumiha, masiki eno Namafundjiha wenyu kanavitalave mbwenye nyo munoza mmuone na meswinyu Namafundjiha wenyu. 21Vevo vanaperuwa nyo muholowaga muharaga muwononi odjana owu muwononi oromana, munoza muvwe mundulri mwenyu mazu otonyiheda ndila ira: <<Ndila ila. Muwendege emu.>> 22Evale munoza mutakalihe jolandaniha ja amilugu jagali josemiwa, jokuneliwa na oru na parata, eto munoza mutatile ejile nnga makata muwongaga ira: <<Jikumevo jatene eji.>>
23Mwazala mbewu denyu Yehova unorumbwiha muzongwe ira dimelege eto munerege handa jengo jidjindji. Siku neno ng'ombe denyu nnokana mamburo malukulu ira didjegemo. 24Ng'ombe na aburu olimana anoza kadjege japama jokana mwinnyu jivetile atu pama na jovetana jiwa. 25Siku nindimuwa notolotcha naza nifiya, nyumba dolapa da agwarda daza digwa, mwango uli watene otama vamohi na jipatapata jatene ja mwango jotama munoza mufwanyeyege mihindje ding'onong'ono vamohi na mahindje otamanga. 26Mwedi unoza amoneye pama nnga nzuwa. Eto nzuwa nnoza nimoneye fendo tanu na mbinli kwaranya jinakaletcha atu. Jeji jinoza jiireye siku nnafuna Yehova pota eto voliha vilonda no maliha kumbanya waavahile liye atwaye muwari moatwarutcha.#30:26 siku nnafuna Yehova pota eto voliha vilonda no maliha kumbanya waavahile liye atwaye muwari moatwarutcha: Ku wonga Yehova gunaavaha atu makatamiho eto gunaavulumutcha kagamanle twaruwa. Kalaga nnga tempu yalumiwe aIzarayeli nyowa muisalesaleni. Maliba atolotcha aIzarayeli eto maliba avulumutcha ali mutu mmohive agali Yehova Mulugu.
Tongiwa wa akuda Asiriya
27Kaing'anani, nzina na Yehova nnaza nikumelaga olapa. Yehova unaja na uwali waye eto unoza na utchi mulukulu ogwela zulu. Milomo daye dihizala uwali eto nlumi naye nnokaha nnga munlo otumeya. 28Vuma waye unakala nnga muhindje otamanga kwaranya vanagometcha atu fiyeda vanikohini. Unoaxefwa atu a malogo matene na xefwa yotolotcha. Unoamanga na momba wanoni ira kadowe kadimele.
29Nyo atu a Mulugu munoza muhagalale muimbaga nnga vineretcha nyo isi ya pwando yotchena. Munoza muhagalale nnga atu kadowaga kaimbaga falauta va Mwango wa Yehova, wenno uli Nibwe na Izarayeli. 30Yehova unoza avweyihe nizu naye nowopiha eto atu anoza kaone ndanda naye nizaga vali atu ira aabubude na uwali owopiha na malumi a munlo otumeya no jerima na nipevo nlukulu na maralaza. 31Akuda Asiriya anoza karendjeye kagavwile nizu na Yehova aabubudaga aliwa na golromondo yaye. 32Yehova aabubudaga na imiri nnga munafunela liye, atwaye anoza kaimbege makotcho na arpa va kada bubuda. Liye na muwono waye wa kopolo unoza awane kondo na akuda Asiriya. 33Tchoira nimburo notumeya jengo nihimala sakanyediwa wanle ira mwene wa Asiriya atumeyiwevo. Nimburo niwa todiha eto tolapa nokana kuni na munlo pwi. Yehova unovuzelela munlo wenno no vuma waye okala nnga mwana muhindje wa mabwe onuka.
လက္ရွိေရြးခ်ယ္ထားမွု
Izaiya 30: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral
Izaiya 30
30
AIjipitu kahi ofwanela roromeliwa
1Yehova unawonga ira: <<Udilu wa ahima okonda tongiwa! Anasakanya palano diwa okave dahali palano daga. Anasakanya yopangana yewa yahanna pandi na Munemba waga. Anadowa sogolro kaditegelagave. 2Anadowa Ijipitu ira kanvepe Farawu kamihediwa kahadivepile miyo zelru. Anasaka nimburo notawelamo muwari mwa nfulri wa Ijipitu. 3Voira yenno kikumile mwa miyo, akamiheda wa Farawu unagomela zana manyazo. Eto nimburo notawelamo muwari mwa nfulri wa Ijipitu nnagomela zana nyaswa.
4<<Anamawelruza a mwene wa Juda kohomala fiya sidadi ya Zowani eto atwaye waarumile liye kohomala fiya sidadi ya Hanesi. Masiki eno, 5akuda Juda atene anoza kanyaswe na mwasa wa atu ohowanda zana mpindu. Aliwa kinazana kamiheda nne kinazana mpindu so anazana nyaswa no petiwa.>>
6Ula gu muselu owonga zela anavinyama anawenda Negebe kadowaga Ijipitu. Anaatukuliha aburu ewa jengo ja peresu ilukulu. Jorayela jiwa anaatukuliha akamelo kadowaga ira kaavahe atu ohowanda akamiheda. Anawenda muwari mwa ilambo yorutcha ya makatamiho uli podogoma wa mulombwana na wa muhiyana, wewo eto uli mbobo na nyowa yokuka eto ya munlo. 7Kafiya Ijipitu akamiheda wa aIjipitu kunna mabasa eto kunna mpindu. Nona ilambo yenno nnovaha nzina na nangumi omiyala.#30:7 Izaiya ohakokomeza akuda Juda ira kaharoromele aIjipitu mwasiwa kalingana na nangumi omiyala. Ku wonga aIjipitu kafuna kakale owopiha mbwenye tchawandile laba yengo yoakamiheda akuda Juda.
8Mulugu udiwandela ira: <<Peno udowe walrembe eji vatabwani aliwa kauing'anaga. Eto ulrembe mulivuruni ira sogolro ize ikale umboni wohomala. 9Tchoira anna ba atu okonda tongiwa eto ba ahima onama, ahima okonda vwelela jowelruza ja Yehova. 10Anawonga na anamaona ira: <Kamuonege.> Eto anawonga na anamafiyiheda ira: <Kamufiyihedege ja ibaribari. So muniwandelege jengo joniziveliwiha hiyo vano. Mufiyihedege ja vaheno vene. 11Muhiye ndila, muperuwe murampani. Kanivwegeve zela Mulugu Otchena wa Izarayeli.> >>
12Na mwasa wenno Mulugu Otchena wa Izarayeli unawonga ira: <<Voira nyo munapeta mazu ala eto munanyindela joadjelra afwinyu eto munanyindela jabure jinaira nyo, 13na mwasa wenno yodawa yenyu inakala nnga durumuwa wa muru olapa asikuwaga, wenno unafuna gwa morurumutcha. 14Gwa uwa unakala nnga tweya wa yombwe yenno imanle nyenyeya na uwali halaga mapali mang'onong'ono, nne kavinahala nipali nowanda valana munlo owu rungana mahindje vaisimeni.>>
15Tchoira Nabwiya Yehova, Mulugu Otchena wa Izarayeli unawonga ira: <<Mwarungunuwa eto mwavuma, munovulumuwa. Mwamiyala eto mwadinyindela, munokana kopolo.>> Mbwenye nyo kamwafunne eno. 16Nyo mohowonga muiraga: <<Nnoza nigwele kavalo, nitawege.>> Nona tawave munotawa. Eto mohowonga ira: <<Nnoza nigwele kavalo dotamanga.>> Nona ale anafuna kautamangiheni anokala otamanga ukwaranyani nyo. 17Nyo podi kala atu 1.000, mbwenye mwamuona mwidani mmohi, nyo atene munotawa. Eto kafiya anyakondo atanu, nyo mwatene munotawa fiyeda unafuna hala unakala jaye zololo nnga imiri yotomeyavo bandera eto nnga sinale inatomeyiwa mwangoni.
Yehova unoza aawendele tangaranga akuda Jeruzalemu
18Masiki eno Yehova ulive modediha ira auwendeleni sayi eto liye mofuna mwaye umala kozeya ira auwendeleni tangaranga. Tchoira Yehova gu Mulugu otonga mwa ibaribari. Orelihiwa banno anamudediha liye. 19Tchoira kohokalawo atu anafuna kala Siyawu eto muwari mwa Jeruzalemu. Nyo kamuza munlave. Mulugu unoza akayena sayi na nyo ora yenno inavwa liye nla wenyu. Ora imohive, unouwakulani. 20Masiki Nabwiya audjiheni pawu ya makatamiho eto aung'wiheni mahindje ozuzumiha, masiki eno Namafundjiha wenyu kanavitalave mbwenye nyo munoza mmuone na meswinyu Namafundjiha wenyu. 21Vevo vanaperuwa nyo muholowaga muharaga muwononi odjana owu muwononi oromana, munoza muvwe mundulri mwenyu mazu otonyiheda ndila ira: <<Ndila ila. Muwendege emu.>> 22Evale munoza mutakalihe jolandaniha ja amilugu jagali josemiwa, jokuneliwa na oru na parata, eto munoza mutatile ejile nnga makata muwongaga ira: <<Jikumevo jatene eji.>>
23Mwazala mbewu denyu Yehova unorumbwiha muzongwe ira dimelege eto munerege handa jengo jidjindji. Siku neno ng'ombe denyu nnokana mamburo malukulu ira didjegemo. 24Ng'ombe na aburu olimana anoza kadjege japama jokana mwinnyu jivetile atu pama na jovetana jiwa. 25Siku nindimuwa notolotcha naza nifiya, nyumba dolapa da agwarda daza digwa, mwango uli watene otama vamohi na jipatapata jatene ja mwango jotama munoza mufwanyeyege mihindje ding'onong'ono vamohi na mahindje otamanga. 26Mwedi unoza amoneye pama nnga nzuwa. Eto nzuwa nnoza nimoneye fendo tanu na mbinli kwaranya jinakaletcha atu. Jeji jinoza jiireye siku nnafuna Yehova pota eto voliha vilonda no maliha kumbanya waavahile liye atwaye muwari moatwarutcha.#30:26 siku nnafuna Yehova pota eto voliha vilonda no maliha kumbanya waavahile liye atwaye muwari moatwarutcha: Ku wonga Yehova gunaavaha atu makatamiho eto gunaavulumutcha kagamanle twaruwa. Kalaga nnga tempu yalumiwe aIzarayeli nyowa muisalesaleni. Maliba atolotcha aIzarayeli eto maliba avulumutcha ali mutu mmohive agali Yehova Mulugu.
Tongiwa wa akuda Asiriya
27Kaing'anani, nzina na Yehova nnaza nikumelaga olapa. Yehova unaja na uwali waye eto unoza na utchi mulukulu ogwela zulu. Milomo daye dihizala uwali eto nlumi naye nnokaha nnga munlo otumeya. 28Vuma waye unakala nnga muhindje otamanga kwaranya vanagometcha atu fiyeda vanikohini. Unoaxefwa atu a malogo matene na xefwa yotolotcha. Unoamanga na momba wanoni ira kadowe kadimele.
29Nyo atu a Mulugu munoza muhagalale muimbaga nnga vineretcha nyo isi ya pwando yotchena. Munoza muhagalale nnga atu kadowaga kaimbaga falauta va Mwango wa Yehova, wenno uli Nibwe na Izarayeli. 30Yehova unoza avweyihe nizu naye nowopiha eto atu anoza kaone ndanda naye nizaga vali atu ira aabubude na uwali owopiha na malumi a munlo otumeya no jerima na nipevo nlukulu na maralaza. 31Akuda Asiriya anoza karendjeye kagavwile nizu na Yehova aabubudaga aliwa na golromondo yaye. 32Yehova aabubudaga na imiri nnga munafunela liye, atwaye anoza kaimbege makotcho na arpa va kada bubuda. Liye na muwono waye wa kopolo unoza awane kondo na akuda Asiriya. 33Tchoira nimburo notumeya jengo nihimala sakanyediwa wanle ira mwene wa Asiriya atumeyiwevo. Nimburo niwa todiha eto tolapa nokana kuni na munlo pwi. Yehova unovuzelela munlo wenno no vuma waye okala nnga mwana muhindje wa mabwe onuka.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral