Izaiya 26
26
Nyumbo yohagalala inafuna imbiwa mwilamboni mwa Juda
1Siku neno mwilamboni mwa Juda munoza muimbiwe nyumbo ila: <<Nihikana sidadi yolimba, Yehova unovenyiha vulusiwa nnga miru da sidadi na jolimbihana jiwa. 2Kahulani misuwo da sidadi ira malogo apama ororomeleya kavolowemo. 3Nyo Yehova munaavaha murendele wa ibaribari atu anno anna murima ogarateya muwari mwa nyo, mwasiwa aliwa anounyindelani.
4<<Mmuroromele Yehova kala no kala, tchoira Nabwiya Yehova unafwanyeya agali nibwe na mukalakala. 5Tchoira liye uhatitiha atu anno anafwanyeya mamburo otama, yenno ili sidadi ya zulu, liye agwiheda vati, agwihedaga vati vati, avokedaga tumbulruni. 6Manyalo a atu ananyingalela sidadi yenno. Masiki manyalo a atu osimela, na atu ohokana yengo ananyingalela sidadi yenno.>>
7Ndila ya atu apama tchi ndila ili dedu. Nyo Mulugu wapama munowongola ndila ya atu apama. 8Hiyo nnohara ndila ya matongelo enyu so Yehova, eto hiyo nnoudedihani nyo. Yofuna yokalawo yehu ti nzina nenyu, eto ku utulelani. 9Murima waga watene unaufunani nyo na mahiyu, munemba waga uli muwari mwa miyo unaufunani nyo. Tchoira matongelo enyu kaoneya mwilamboni ya vati, atu atene anakalamo anofundja upama wenyu. 10Atu otakala masiki anaireliwave japama, aliwa kinafundja irana upama. Aliwa anerege irana jotakala muwari mwa ilambo yapama. Aliwa anoimwanana ona undimuwa wa Yehova. 11So Yehova ndanda nenyu nili notapula nene ira mwaalange, mbwenye aliwa kinaona. Musakanye ira kaone sandje munna nyo zela atwinyu amala kakayena manyazo. Mwaatumeye na munlo wenno mutumbanyile nyo para amwidaninyu.#Matewuji 25:41
12So Yehova, munivahe murendele. Mwasiwa jatene jinairana hiyo, unaniwandiha gu nyo. 13So Yehova Mulugu wehu, hiyo natongiwetcha na andimuwa amohiwa ahali nyo. Mbwenye kanilivo nzina nimohi niwa nnariheda hiyo ahali nenyu. 14Andimuwa amohiwa ale peno kohomala kwa. Kiza kakalawove akoka. Aliwa kohodowa eto kiza kawela akoka. Aatolotchile gu nyo ira kagomele eno eto nyo muhumala timiha umbuwela uli watene ozela aliwa. 15Mbwenye nyo muhuwanda indjiviha nlogo nehu, so Yehova muhuwanda indjiviha nlogo nehu, eto muhusakanya ira mutitimihiwe. Nyo eto muhususiha madilre matene a ilambo yehu.
16So Yehova tempu yaazuzumiha nyo atwinyu, aliwa kohousakani. Tempu yaalanga nyo, aliwa koholobela wa nyo muwari monong'ona. 17Nyo muhuninliha so Yehova nnga muhiyana okana vambani unanla liye eto unapingiriya liye afunaga mbala mwana. 18Hiyo nohokana vambani eto nohopingiriya, mbwenye nibanle nipevo bahi. Kaniwandile ziha vulumutcha mwilamboni ya vati, eto kanaabanle ahima ira kakale mwilamboni ya vati.
19Atu enyu okwa anoza kakayena ingumi. Mitembo diwa nnoza divenye. Ale anakala tumbulruni anoza kavenye kaimbe mohagalala. Mwasiwa ningame nenyu ti ningame novaha ingumi. Sawasawa ilambo ya vati inoza yaabale ale kakwile wanle.
20Muze atwaga, muvolowe mmba, muvifungele. Muvitale vang'ono ante uwali wa Mulugu umale.#26:20 Muze atwaga, muvolowe mmba, muvifungele. Kalaga nnga tempu ya Nowe. Wanle uwali wa Mulugu uzaga, Mulugu ohakoya aNowe. Na makalelo amohive, uwali wa Mulugu wazaga, atu anafwanyeya muwari mwa Kiristu kinaona uwali wenno. Nione Roma 5:9; 1 Tesalonika 1:9-10. 21Mwasiwa Yehova unoza akumele uli liye, aze aalange atu a ilambo ya vati na mwasa wa jotega jiwa. Ilambo ya vati inoza ikumihe sangiri na atu kapiwe, eto ilambo ya vati kiza yaakunelave atu opiwa.
လက္ရွိေရြးခ်ယ္ထားမွု
Izaiya 26: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral