Izaiya 18
18
Mulugu unoza aanonge akuda Etiyopiya
1Udilu wa atu anakala kombela ya mihindje da Etiyopiya, wewo unavweya titima wa mapepelo a pombo! 2Koharuma aliba milanyo ira kadowe bara kagagwenle mwadeya da mirele. Aliwa anaaruma keraga: <<Nyo aliba milanyo otamanga, dowani wa nlogo na atu olapa, atu okana tembe napama anno anaoviwa na atu a vakwikwive nari atu anakala olapela wene na aliwa. Aliwa anafwanyeya kagali nlogo na kopolo nogondjiha malogo amohiwa. Ilambo yewa imala gwadanyeya gwadanyeya na mihindje. 3Nyo mwatene munakala mwilamboni, nyenne munakala ilambo ya vati, mwaona bandera nigwelihiwa vamwangoni, muing'ane. Mwavwa palraza inlaga, muvuruwane!>> 4Tchoira Yehova udiwandela ira: <<Uli miyo uno, nnoza diing'ane vati, dagali omiyalene nnga moneya okaha otchena wa nzuwa, eto nnga murambo wa ningame unaza medi dohanda.>> 5Atu kahanarome handa, folori dagamanle vareya, uva aulukulaga eto aromaga itwa, liye unoza agwade jopwetela na vikwakwa dogwadana tambi da uva, eto unoza agwadewo tambi doramba, atatilege. 6Tambi dedo ti mitembo diwa dedo nnaza dihiyediwe mbalrame da mmwangoni vamohi na anavinyama a mukokolani ira kadjege nyamiwa. Mbalrame nnadjege tempu ya ilimwe eto anavinyama a mukokolani anadjege tempu yodidila.
7Tempu yenno atu anerege zana jovelela wa Yehova wa Makuru Matene. Aliba zana ale anakala nlogo na atu olapa, atu okana tembe napama, anno anaoviwa na atu a vakwikwive nari atu anakala olapela wene na aliwa, nlogo na kopolo nogondjiha malogo amohiwa, atu okana ilambo imanle gwadanyeya gwadanyeya na mihindje. Jovelela jo anozana mwango Siyawu, nimburo na nzina na Yehova wa Makuru Matene.
လက္ရွိေရြးခ်ယ္ထားမွု
Izaiya 18: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral