Maroma 7
7
1Hinukuhosha nawantu eluka nshimbi. Enu ana kwetu, munaya mbichiŋi neli nshimbi jikweti wanta hadi muntu neyi wuchidi wamumi? 2Mumbanda wasumbuka neyala, amubombela hamu neyala nanshimbi, hachidiyi iyala wamumi; ilaŋa neyi iyala wukufwa, yena mumbanda nafumi dehi kulushimbi lwanfumwindi. 3Dichi dinu, neyi yena mumbanda wukusumbuka neyala wacheŋi, nfumwindi wuchidi wamumi, akumutena nawu chivumbi. Ilaŋa neyi nfumwindi wukufwa, yena mumbanda nafumi dehi kulushimbi olu; hela wukusumbuka neyala wacheŋi hakwikala chivumbuku. 4Enu ana kwami, enu nawa kunshimbi mwela dehi muyafu namujimba waKristu, kulonda mwakekali nawacheŋi, yenowu asaŋwiluwu mudi afu, kulonda tumusoŋeli Nzambi nyikabu yindi. 5Muloŋa chitwa diŋi muchisemwa chaheseki, kufwila kwanshidi kwenji laŋa kunshimbi, hikukukoŋa muyidi yetu yamujimba, nakusoŋa nyikabu yakutwala kukufwa. 6Ichi dinu, atufumishili kunshimbi; kuyu moyu yatukakeleli tuyafu, kulonda twakakalakali muŊovu yayiha, yoyaSpiritu, bayi muŊovu yayikulu yamukandaku. 7Ichi dinu tukwakula netwidi? Nshimbi hinshidi, tahindi? Chinjila! Ilaŋa dinu, hinadi kwiluka nshidi chakadi nshimbuku. Muloŋa neyi nshimbi jabulili kwila nawu, Kwikala nalwisu chinjila; hinadi kwiluka lwisuku. 8Ilaŋa nshidi yinakwatili Ŋovu kulushimbi, hiyikukoŋela mudami lwisu lwejima lweŋi nalweŋi; muloŋa kwabula nshimbi nshidi yafwa. 9Chinabulili nshimbi nadiŋi mumi, Ilaŋa chenjili nshimbi, nshidi hiyikuhizumuka, ami nawa hinukufwa. 10Lushimbi lwadiŋi lwakuleta wumi hinukulumona lwaleta kufwa. 11Muloŋa nshidi yinakwatili Ŋovu kulushimbi, hiyikundimba, hiyikunjaha. 12Nochu dinu, nshimbi jajila, nikuleja kwajila, kwaloŋa, kwawaha. 13Indi chuma chachiwahi chimbalumukili kufwa, tahindi? Chinjila! Alondeli nshidi yimwekani nawu hinshidi, chiyakoŋeli kufwa mudami nachuma chachiwahi, kulonda nshidi yiikali yasweja nankashi kutama nalushimbi. 14Tweluka netu nshimbi jineli jawuspiritu, ilaŋa ami nidi wachisemwa chaheseki, anlanda dehi kuwuduŋu wanshidi. 15Munelaŋa hineluka mwoku. Munakeŋaŋa kwila hinelaŋa mwokuku, munahelaŋa dimu nelaŋa. 16Neyi nelaŋa munabulaŋa kukeŋa, netejaŋa nshimbi nami jajiwahi. 17Dichi dinu, hiyami nawa nelaŋa mwokuku, nshidi yekala mudami diyi yelaŋa. 18Muloŋa neluki nami mudami, nateni chisemwa chami chaheseki, nami himwekala chuma chachiwahi hela chimuku. Muloŋa muchima wakukeŋa kwila chachiwahi nidi nawu, ilaŋa kwilamu kutwesha nehi. 19Kuwaha kunakeŋa kwila hinelaŋaku, ilaŋa kutama kunabula kukeŋa kwila, diku nelaŋa. 20Neyi nelaŋa chuma chinabula kukeŋa kwila, komana hiyami nachilaŋaku, achila ŋakudi nshidi yashakama mudami.
21Namoni komana kudi lushimbi lwakwila neyi nakeŋi kwila chachiwahi, komana kutama kudi kwoku. 22Muloŋa muntu wami wamukachi watiyana kuwaha nanshimbi jaNzambi; 23ilaŋa namoni lushimbi lwacheŋi muyidi yami lwalwishaŋa nalushimbi lwayitoŋojoka yami, lunakeŋi kuŋi jiŋa muwuduŋu walushimbi lwanshidi lwekala muyidi yami. 24Ami nshona! O kukala kunamonaŋa! Wukuŋamwina kumuji mbiwu wakufwa, hinyi? 25Nasakilili Nzambi nami Yesu Kristu Mwanta wetu diyi natweshi. Dichi dinu ami aweni, nayitoŋojoka nakalakelaŋa nshimbi jaNzambi, hakwinza nachisemwa chaheseki nakalakelaŋa lushimbi lwanshidi.
လက္ရွိေရြးခ်ယ္ထားမွု
Maroma 7: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.
Maroma 7
7
1Hinukuhosha nawantu eluka nshimbi. Enu ana kwetu, munaya mbichiŋi neli nshimbi jikweti wanta hadi muntu neyi wuchidi wamumi? 2Mumbanda wasumbuka neyala, amubombela hamu neyala nanshimbi, hachidiyi iyala wamumi; ilaŋa neyi iyala wukufwa, yena mumbanda nafumi dehi kulushimbi lwanfumwindi. 3Dichi dinu, neyi yena mumbanda wukusumbuka neyala wacheŋi, nfumwindi wuchidi wamumi, akumutena nawu chivumbi. Ilaŋa neyi nfumwindi wukufwa, yena mumbanda nafumi dehi kulushimbi olu; hela wukusumbuka neyala wacheŋi hakwikala chivumbuku. 4Enu ana kwami, enu nawa kunshimbi mwela dehi muyafu namujimba waKristu, kulonda mwakekali nawacheŋi, yenowu asaŋwiluwu mudi afu, kulonda tumusoŋeli Nzambi nyikabu yindi. 5Muloŋa chitwa diŋi muchisemwa chaheseki, kufwila kwanshidi kwenji laŋa kunshimbi, hikukukoŋa muyidi yetu yamujimba, nakusoŋa nyikabu yakutwala kukufwa. 6Ichi dinu, atufumishili kunshimbi; kuyu moyu yatukakeleli tuyafu, kulonda twakakalakali muŊovu yayiha, yoyaSpiritu, bayi muŊovu yayikulu yamukandaku. 7Ichi dinu tukwakula netwidi? Nshimbi hinshidi, tahindi? Chinjila! Ilaŋa dinu, hinadi kwiluka nshidi chakadi nshimbuku. Muloŋa neyi nshimbi jabulili kwila nawu, Kwikala nalwisu chinjila; hinadi kwiluka lwisuku. 8Ilaŋa nshidi yinakwatili Ŋovu kulushimbi, hiyikukoŋela mudami lwisu lwejima lweŋi nalweŋi; muloŋa kwabula nshimbi nshidi yafwa. 9Chinabulili nshimbi nadiŋi mumi, Ilaŋa chenjili nshimbi, nshidi hiyikuhizumuka, ami nawa hinukufwa. 10Lushimbi lwadiŋi lwakuleta wumi hinukulumona lwaleta kufwa. 11Muloŋa nshidi yinakwatili Ŋovu kulushimbi, hiyikundimba, hiyikunjaha. 12Nochu dinu, nshimbi jajila, nikuleja kwajila, kwaloŋa, kwawaha. 13Indi chuma chachiwahi chimbalumukili kufwa, tahindi? Chinjila! Alondeli nshidi yimwekani nawu hinshidi, chiyakoŋeli kufwa mudami nachuma chachiwahi, kulonda nshidi yiikali yasweja nankashi kutama nalushimbi. 14Tweluka netu nshimbi jineli jawuspiritu, ilaŋa ami nidi wachisemwa chaheseki, anlanda dehi kuwuduŋu wanshidi. 15Munelaŋa hineluka mwoku. Munakeŋaŋa kwila hinelaŋa mwokuku, munahelaŋa dimu nelaŋa. 16Neyi nelaŋa munabulaŋa kukeŋa, netejaŋa nshimbi nami jajiwahi. 17Dichi dinu, hiyami nawa nelaŋa mwokuku, nshidi yekala mudami diyi yelaŋa. 18Muloŋa neluki nami mudami, nateni chisemwa chami chaheseki, nami himwekala chuma chachiwahi hela chimuku. Muloŋa muchima wakukeŋa kwila chachiwahi nidi nawu, ilaŋa kwilamu kutwesha nehi. 19Kuwaha kunakeŋa kwila hinelaŋaku, ilaŋa kutama kunabula kukeŋa kwila, diku nelaŋa. 20Neyi nelaŋa chuma chinabula kukeŋa kwila, komana hiyami nachilaŋaku, achila ŋakudi nshidi yashakama mudami.
21Namoni komana kudi lushimbi lwakwila neyi nakeŋi kwila chachiwahi, komana kutama kudi kwoku. 22Muloŋa muntu wami wamukachi watiyana kuwaha nanshimbi jaNzambi; 23ilaŋa namoni lushimbi lwacheŋi muyidi yami lwalwishaŋa nalushimbi lwayitoŋojoka yami, lunakeŋi kuŋi jiŋa muwuduŋu walushimbi lwanshidi lwekala muyidi yami. 24Ami nshona! O kukala kunamonaŋa! Wukuŋamwina kumuji mbiwu wakufwa, hinyi? 25Nasakilili Nzambi nami Yesu Kristu Mwanta wetu diyi natweshi. Dichi dinu ami aweni, nayitoŋojoka nakalakelaŋa nshimbi jaNzambi, hakwinza nachisemwa chaheseki nakalakelaŋa lushimbi lwanshidi.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.