Maroma 2
2
1Dichi eyi muntu wasompeshaŋa akwenu, hiwukweti mwakuleyelaku; muloŋa muwasompeshaŋa mukwenu dimu mwaditanyishaŋa eyi aweni, muloŋa eyi wasompeshaŋa welaŋa mwomumu. 2Etu tuneluki chasompeshaŋayi Nzambi mwaya nsaŋu yalala, wahishaŋa ntu elaŋa yuma yidi neyi iyi. 3Indi eyi muntu wasompeshaŋa wena akoŋaŋa yumiyi, iku eyi aweni welaŋa mwomumu, wunatoŋojoki neyi wakapuluka kukuhisha kwamba kahishayi Nzambi, tahindi? 4Eyi wunasekeshi maheta akuwaha kwindi, nichabulaŋayi kuzuwa swayi, nanichi chetejaŋayi kudi wunjika nansaŋu jeyi, tahindi? Eyi hiwuneluki neyi kuwaha kwaNzambi kudi nakukukoka nindi wubalumuki mumuchimaku, tahindi? 5Ilaŋa chiwachinchikaŋa mumuchima nákubula kubalumuka, eyi wukudilumbikila kuzuwa kuwamba kamona hefuku damba kamwekeshayi Nzambi kuzuwa kwindi nikusompesha kwindi kwaloŋa. 6Wamba kayinka antu ejima mwesekela nyidimu yawu; 7atatakenaŋa munyidimu yayiwahi, akabilaŋa kulema nimpuhu nikubula kutoka, wenawa wakayinka wumi wahaya nyaka; 8ileŋa akwantadi abulaŋa kwovwahila nsaŋu yalala, ovwahileŋa yeheŋa hohu, wena akamona nindombu nikuzuwa. 9Kudi antu ejima elaŋa yatama kwakekala lukadi nimakabi, kusambila aYudeya, niaHeleni nawa; 10hakwila kudi antu ejima elaŋa yayiwahi, kwakekala kulema nimpuhu nikuwunda, kusambila aYudeya, niaHeleni nawa. 11Muloŋa kudi Nzambi hikwekala kwakama antu kumesuku.
12Antu ejima anavulumuni chakadi nshimbi, akanoŋa chakadi nshimbi; antu ejima anavulumuni chakwiluka nshimbi, akayisompesha nanshimbi. 13Muloŋakwakutiya nshimbi chakutiya hohu, hidiwu aloŋa kumesu aNzambuku, chiŋa akwakukoŋa nshimbi diwu akabalumunawu kwikala aloŋa. 14Hela ajentili abula nshimbi, chakwilawu yuma yekala kunshimbi mwaya chisemwa chawu, wenawa abula nshimbi anadilili dehi lushimbi awenawu; 15amwekeshaŋa nachu nyidimu yanshimbi jakusoneka dehi munyichima yawu, chinleji chawu chamuchima hichikwikala chinsahu, niyitoŋojoka yawu hiyi kuya ninimu ninimu, hekwawu kuyitanyisha, hekwawu kuyiyiŋisha; 16hefuku damba kasompeshayi Nzambi naYesu Kristu yuma yawantu yakujinda, mwaya nsaŋu yayiwahi yinashimunaŋami.
17Eyi wekala nejina dakaYudeya, wakuhwelelaŋa nshimbi, wadisambaŋa naNzambi yeyi, 18weluka mwakeŋa ayi, wetejaŋa yuma yasweja kuwaha, akulejaŋa yuma yekala munshimbi. 19Eyi wadikuhwelelaŋa neyi walombolaŋa mputamesu, neyi wuchejeji chawena ekala mumwidima. 20Eyi neyi wumukwakuleja akadi maana, wunkulupaŋa yawanyikeki. Kunshimbi wamonaŋa mwekalila maana, ninsaŋu yalala. 21Eyi walejaŋa mukwenu, hiwadilejaŋa eyi awenuku, tahindi? Eyi washimunaŋa neyi wukombi watama, eyi aweni weyaloŋa, tahindi? 22Eyi wahoshaŋa neyi kwila wuvumbi chinjila, eyi welaŋa wuvumbi, tahindi? Eyi wahelaŋa akishi, wabuwaŋa mumatembeli awu, tahindi? 23Eyi wadisambaŋa nanshimbi, eyi aweni chiwamotokaŋa nshimbi wasawulaŋa Nzambi. 24Muloŋa ijina daNzambi enda adishiŋa mukachi kawajentili hansaŋu yenwenu, mwomwanasonekuwu.
25Chalala kwalama kwakwashaŋa neyi welaŋa nshimbi; hakwila neyi wamotokaŋa nshimbi, kwalama kweyi kuneli dehi kubulakwalama. 26Dichi neyi chidima wukwila mwaya nshimbi, chabulayi kwalama hichikwikala neyi amwadika dehuku? 27Indi neyi chidima wachisemwa wukwila mwaya nshimbi chalala, abuli kukusompesha eyi wukweti nyikanda yakusoneka dehi nikwalama, nanochu chiwamotokaŋa nshimbi, tahindi? 28Muloŋa kaYudeya hikaYudeya wakuditena tuhuku, nikwalama kwakumujimba hidiku kwalama kwalalaku. 29KaYudeya walala chiŋa wamumuchima, nikwalama kwalala hichuma chaku muchima, muspiritu hichamunsonaku, wahamekewa kudi Nzambi, bayi kudi antuku.
လက္ရွိေရြးခ်ယ္ထားမွု
Maroma 2: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.
Maroma 2
2
1Dichi eyi muntu wasompeshaŋa akwenu, hiwukweti mwakuleyelaku; muloŋa muwasompeshaŋa mukwenu dimu mwaditanyishaŋa eyi aweni, muloŋa eyi wasompeshaŋa welaŋa mwomumu. 2Etu tuneluki chasompeshaŋayi Nzambi mwaya nsaŋu yalala, wahishaŋa ntu elaŋa yuma yidi neyi iyi. 3Indi eyi muntu wasompeshaŋa wena akoŋaŋa yumiyi, iku eyi aweni welaŋa mwomumu, wunatoŋojoki neyi wakapuluka kukuhisha kwamba kahishayi Nzambi, tahindi? 4Eyi wunasekeshi maheta akuwaha kwindi, nichabulaŋayi kuzuwa swayi, nanichi chetejaŋayi kudi wunjika nansaŋu jeyi, tahindi? Eyi hiwuneluki neyi kuwaha kwaNzambi kudi nakukukoka nindi wubalumuki mumuchimaku, tahindi? 5Ilaŋa chiwachinchikaŋa mumuchima nákubula kubalumuka, eyi wukudilumbikila kuzuwa kuwamba kamona hefuku damba kamwekeshayi Nzambi kuzuwa kwindi nikusompesha kwindi kwaloŋa. 6Wamba kayinka antu ejima mwesekela nyidimu yawu; 7atatakenaŋa munyidimu yayiwahi, akabilaŋa kulema nimpuhu nikubula kutoka, wenawa wakayinka wumi wahaya nyaka; 8ileŋa akwantadi abulaŋa kwovwahila nsaŋu yalala, ovwahileŋa yeheŋa hohu, wena akamona nindombu nikuzuwa. 9Kudi antu ejima elaŋa yatama kwakekala lukadi nimakabi, kusambila aYudeya, niaHeleni nawa; 10hakwila kudi antu ejima elaŋa yayiwahi, kwakekala kulema nimpuhu nikuwunda, kusambila aYudeya, niaHeleni nawa. 11Muloŋa kudi Nzambi hikwekala kwakama antu kumesuku.
12Antu ejima anavulumuni chakadi nshimbi, akanoŋa chakadi nshimbi; antu ejima anavulumuni chakwiluka nshimbi, akayisompesha nanshimbi. 13Muloŋakwakutiya nshimbi chakutiya hohu, hidiwu aloŋa kumesu aNzambuku, chiŋa akwakukoŋa nshimbi diwu akabalumunawu kwikala aloŋa. 14Hela ajentili abula nshimbi, chakwilawu yuma yekala kunshimbi mwaya chisemwa chawu, wenawa abula nshimbi anadilili dehi lushimbi awenawu; 15amwekeshaŋa nachu nyidimu yanshimbi jakusoneka dehi munyichima yawu, chinleji chawu chamuchima hichikwikala chinsahu, niyitoŋojoka yawu hiyi kuya ninimu ninimu, hekwawu kuyitanyisha, hekwawu kuyiyiŋisha; 16hefuku damba kasompeshayi Nzambi naYesu Kristu yuma yawantu yakujinda, mwaya nsaŋu yayiwahi yinashimunaŋami.
17Eyi wekala nejina dakaYudeya, wakuhwelelaŋa nshimbi, wadisambaŋa naNzambi yeyi, 18weluka mwakeŋa ayi, wetejaŋa yuma yasweja kuwaha, akulejaŋa yuma yekala munshimbi. 19Eyi wadikuhwelelaŋa neyi walombolaŋa mputamesu, neyi wuchejeji chawena ekala mumwidima. 20Eyi neyi wumukwakuleja akadi maana, wunkulupaŋa yawanyikeki. Kunshimbi wamonaŋa mwekalila maana, ninsaŋu yalala. 21Eyi walejaŋa mukwenu, hiwadilejaŋa eyi awenuku, tahindi? Eyi washimunaŋa neyi wukombi watama, eyi aweni weyaloŋa, tahindi? 22Eyi wahoshaŋa neyi kwila wuvumbi chinjila, eyi welaŋa wuvumbi, tahindi? Eyi wahelaŋa akishi, wabuwaŋa mumatembeli awu, tahindi? 23Eyi wadisambaŋa nanshimbi, eyi aweni chiwamotokaŋa nshimbi wasawulaŋa Nzambi. 24Muloŋa ijina daNzambi enda adishiŋa mukachi kawajentili hansaŋu yenwenu, mwomwanasonekuwu.
25Chalala kwalama kwakwashaŋa neyi welaŋa nshimbi; hakwila neyi wamotokaŋa nshimbi, kwalama kweyi kuneli dehi kubulakwalama. 26Dichi neyi chidima wukwila mwaya nshimbi, chabulayi kwalama hichikwikala neyi amwadika dehuku? 27Indi neyi chidima wachisemwa wukwila mwaya nshimbi chalala, abuli kukusompesha eyi wukweti nyikanda yakusoneka dehi nikwalama, nanochu chiwamotokaŋa nshimbi, tahindi? 28Muloŋa kaYudeya hikaYudeya wakuditena tuhuku, nikwalama kwakumujimba hidiku kwalama kwalalaku. 29KaYudeya walala chiŋa wamumuchima, nikwalama kwalala hichuma chaku muchima, muspiritu hichamunsonaku, wahamekewa kudi Nzambi, bayi kudi antuku.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.