Maroma 13
13
1Antu ejima ovwahili anyanta; muloŋa kwosi wanta wabula kufuma kudi Nzambuku; mawanta ekalamu anayishumu kudi Nzambi.
2Dichi muntu wadikaŋaŋa namwanta, wadikaŋaŋa nanshimbi jaNzambi, niwena akudikaŋa akamona muloŋa. 3Muloŋakwakuyula hiyatiyishaŋa ntu woma nanyidimu yayiwahuku, chiŋa nayatama. Wunakeŋi neyi wubuli kutiya mwanta woma, tahindi? Ilaku chachiwahi, nineyi akakuhameka kudi yena. 4Muloŋa niyena hiŋamba yaNzambi kulonda akukwashi. Ilaŋa neyi welaŋa chatama, tiyaku woma, muloŋa hanavwali mpoku yakabali tuhuku; yena hiŋamba yaNzambi, hintendi wakuzuwila wakoŋaŋa chatama.
5Dichi kuminenu dakwovwahila, bayi nakwakama kuzuwa hohuku, chiŋa nimwalejaŋa chinleji chamuchima. 6Hansaŋu iyi dihu hafumaŋa kulambula nawa, Muloŋa wena hiyaloŋamba akalakalaŋa mudimu waNzambi, atalilaŋa chuma chochenichi mafuku ejima. 7Inkenu antu ejima yatela kuyinka; akwanyilambu yinkenu nyilambu yawu; akwanyombu yinkenu nyombu yawu; muntu wuteji kutiya woma mutiyenu woma; muntu wuteji kulemesha mulemeshenu.
8Bayi mwikala namukudi namuntuku, chiŋa yowu kukeŋaŋana. Muloŋa muntu wakeŋa aŋa mukwawu namanishi nshimbi. 9Nshimbi jakwila nawu, Kwila wuvumbi chinjila; kujaha muntu chinjila; kwiya chinjila; kwikala nalwisu chinjila; hela neyi kwekala nshimbi jikwawu, jejima jahwila mwizu idi nawu, Keŋaku mukwenu neyi chiwadikeŋa eyi aweni. 10Kukeŋa hikwakoŋaŋa mukwawu chatamaku; dichi kukeŋa kwamanishaŋa nshimbi.
11Muneluki dehi mpinji yakuhinduka namutulu hiyi kuya nakupandakana; muloŋa katataka kuhanda kwetu kunaswili dehi kwakwihi, hitwetiyili kwadiŋi kwakulehi. 12Wufuku wamana dehi hanalehi, mwaana keŋa wuchi; dichi tulekenu nyidimu yamwidima, tuvwalenu yitwa yamwaana. 13Twendenu chalumbuluka neyi chahamwaana; bayi nayisela nakushetaku, bayi nawusenji nakubajamaku, bayi nandombu nechimaku. 14Ilaŋa divwikenu Mwanta Yesu Kristu; bayi mukeŋa yakukwasha nachu chisemwa chaheseki, kulonda muwanishi kufwila kwachuku.
လက္ရွိေရြးခ်ယ္ထားမွု
Maroma 13: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.