Maroma 10
10
1Enu ana kwetu, mumuchima wami nakeŋa nankashi, nalembelelaŋa kudi Nzambi nami aIsarela ahandi. 2Ami nichinsahu chawu nami asweja iyena hansaŋu yaNzambi, Ilaŋa bulaŋa kushinshikamu. 3Muloŋa wena chayambaŋa kuloŋa kwaNzambi, hiyakukeŋa nawu akoleshi kuloŋa kwawu aweni, kwovwahila kuloŋa kwaNzambi nehi. 4Muloŋa mudi Kristu dimu mwawanina nshimbi, nakuleta kuloŋa kudi antu akumukuhwelela ejima.
5Mosi nasoneki nindi, Muntu welaŋa kuloŋa kwamunshimbi, wakahandilamu. 6Hakwila kuloŋa kwafuma kukukuhwelela kwelaŋa nawu, Chinjila kwila mumuchima weyi neyi, Wukukandama mwiwulu hinyi? chafwana neyi kuleta Kristu mwishina. 7Hela kwila neyi, Wukukunkumuka mukaluŋa hinyi? chafwana neyi kumusaŋula Kristu mudi afu.
8Ilaŋa nawudi? Nawu, Izu didi kwakwihi naneyi, didi mukanwa keyi nimumuchima weyi, dodizu dakukuhwelela ditwashimunaŋa. 9Muloŋa neyi wukwiteja nakanwa keyi neyi Yesu diyi Mwanta, nakwitiya mumuchima weyi neyi Nzambi wamusaŋwili mudi afu, eyi wukuhanda. 10Muloŋa namuchima muntu wetiyaloŋa nakutambula kuloŋa; nakanwa wetejaŋa nakumona kuhanda. 11Mukanda wajila nawu, Muntu wukumukuhwelela hiyakamutiyisha nsonyuku. 12Muloŋa nikaYudeya nikaHeleni hiyanaambukuku; Mwanta yowumu diyi Mwanta wawu wejima wawu; mahetindi ejima ambala awantu ejima akumutambika. 13Muloŋa muntu wukutambika ijina daYehova wukuhanda.
14Akumutambika ŋahi chakadi kumwitiya? Akumwitiya ŋahi chakadi kumutiya? Akutiya ŋahi chakadi mukwakushimuna? 15Akushimuna ŋahi chakadi kuyitemesha? Mwomwanasonekuwu nawu, O lubanji lwanyendu yawantu akuleta nsaŋu yayiwahi yayuma yakuluŋisha! 16Hekala amakwawu abulili kutiyilila kunsaŋu yayiwahi. Muloŋa Isaya nindi, Eyi Yehova netiyi muntu nashimuni, hinyi? 17Dichi kukuhwelela kwafumaŋa hakutiya, nikutiya kwenzaŋa namazu aKristu.
18Ilaŋa mi nami abulili kutiya, tahindi? Nehi mwani, lushindu lwawu lwatiyakeni munu mumpata yamunu mwishina mwejima, nimazu awu ashikili kwakumina matuŋa. 19Ilaŋa mi nami aIsarela abulili kwiluka, tahindi? Hakusambila Mosi nindi, Ami nukuyivuloka mutiyi mukawu nawantu anabuli kwikala muza; nukuyizuwisha namuza wakadi maana. 20Nilsaya nasweji kuumika nindi, Anweni kudi antu abulili kunkeŋakeŋa, namwekeni kudi antu abulili kuŋihula. 21Ilaŋa hakuhosha nawaIsarela nindi, Mwaana wejima nolweli antu adikaŋa, akweti nintadi, makasami.
လက္ရွိေရြးခ်ယ္ထားမွု
Maroma 10: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.