Likezo 8
8
1Dena ifuku odu ikabisha dakukabisha chipompelu chadiŋi muYerusalema divulumuka nikuvulumuka. Hiyakupalaŋena wejima wawumwahita matuŋa aYudeya naSamariya, kwasheli wowu apostolu hohu. 2Setefwanu hiyakumujiika kudi amayala akweti kalemesha kakulemesha Nzambi, hiyakumudila makumbu aweni. 3Ilaŋa Sawulu hakukisaŋana chipompelu, hakwijila mumatala ejima nakukokakoka ni amayala niambanda, hakuyisha mukaleya.
4Dichi wena apalaŋeni hiyakukimbuka nakushimuna mazu. 5Fwilipu hakukunkumukila kuŋanda yaSamariya, hakuyishimwina nsaŋu yaKristu. 6Mazaza awantu chanatiyuwu mwahosheliyi Fwilipu, nikumona yinjikijilu yeliliyi, hiyakumutiyilila namuchima wawu wumu hohu. 7Muloŋademoni azonda, adiŋi nakuzakuka antu amavulu, hiyakuyifuma nakukaloka naŋovu. Antu amavulu adiŋi namusoŋu wakalepa, niadiŋi nakubalakata, hiyakukola. 8Muŋandoyu mwadiŋi muzaŋalu wasweja.
9Ilaŋa muŋandoyu mwadiŋi iyala wumu, ijina dindi Shimona, yenowu wahoŋelaŋa nakuhayamisha akwaSamariya, nakudisamba nindi nalema. 10Yenowu antu ejima, kufumisha kudi akadi kulema kushika nikudi alema, hiyakumusha kumuchima nawu, Yeniwu diyi Ŋovu oyu yaNzambi yatenaŋawu nawu Muneni. 11Amusha kumuchima, muloŋa nayihayamishi naŋombu yindi hanalehi dehi. 12Ilaŋa chanetiyuwu mwakushimunayi Fwilipu nsaŋu yayiwahi yakutena wanta waNzambi niijina daYesu Kristu, hiyakuyipapatisha, ni amayala niambanda. 13Shimona yomweni niyena nawa hakwitiya; chanamupapatishuwu hakwenda hamu naFwilipu. Chanamoniyi yinjikijilu ninyidimu yaŋovu yakoŋeliyi, hakuhayama.
14Nochu dinu apostolu adiŋi kuYerusalema, chanatiyuwu nawu aSamariya anatambuli mazu aNzambi, hiyakutemeshaku aPetulu naYowanu.
15Wena chanashikuwu, hiyakuyilombela kulonda atambuli Spiritu Wajila. 16Muloŋa henohu Spiritu wuchidi kanda aholokeli hela hadi muntu niwumu wakwenokuku; anakumini dakuyipapatisha mwijina daMwanta Yesu hohu. 17Hiyakuyinaŋika makasa, atambula niSpiritu Wajila. 18Shimona, chanamoniyi Spiritu Wajila ayinkaŋa hakunaŋika apostolu makasawu, hakwila nindi ayinki mali; 19nindi, Nyinkenu ninami Ŋovu iyi, kulonda yowu nakanaŋika makasami akatambuli Spiritu Wajila. 20Ilaŋa Petulu hakumwila nindi, Mali eyi akisikili kumu naneyi, muloŋa wunatoŋojoki neyi wutambuli namali chamukunkulu chaNzambi. 21Hiwukweti mwakutukwashila hela mudimu kunsaŋu iyuku; muloŋa muchimaweyi hiwaloŋa kumesu aNzambuku. 22Dichi balumukaku mumuchima wuleki ichichuma chatama, wumulombi Mwanta, wamba kela muwunatoŋojoki muchima weyi akakwanakeni. 23Muloŋa nakumoni wumuntu wunaluli dehi nandulu mumuchima, anakukasi dehi nakuluwa kweyi. 24Shimona hakwakula nindi, Nlombelenuku kudi Mwanta, kulonda yumoyu yimunateni yibuli kunwana.
25Dichi wena, chanashimunuwu wunsahu wawu nakuhosha mazu aMwanta, hiyakufunta kuYerusalema nakushimuna nsaŋu yayiwahi munyikala yawaSamariya yayivulu.
26Ilaŋa kaŋelu kaYehova hakumwila Fwilipu nindi, Nyamukaku, wuyi kukabeta kakuchidiilu, kunjila yafuma kuYerusalema yakunkumukila kuGaza mwisaŋa. 27Hakunyamuka, hakuya. Kutala iyala wakuEtiyopiya, kalama kamwanta wamumbanda wawaEtiyopiya Kandesi, kalema nankashi, diyi wahembelaŋa yuma yaKandesi yalema yejima. Yenowu wenza dehi kuYerusalema kulonda kudifukula kudi Nzambi; 28wadiŋi munjila yakufunta, washakama mwikalu dindi nakutaŋa mukanda wakaprofwetu Isaya. 29Spiritu hakumwila Fwilipu nindi, Yaku kwakwihi, wukundami kwikalu diŋa. 30Fwilipu hakuyaku lufuchi, hakumutiya wudi nakutaŋa mukanda wakaprofwetu Isaya. Nindi, Chiwudi nakutaŋa chinakulumbulukili, tahindi? 31Kuchinka yena kalama nindi, Chikunlumbulukila ŋahi chakadi muntu kunleja? Hakumwila Fwilipu nindi akandami ashakami hamu. 32Komana wadiŋi nakutaŋa mwasonekawu nawu, Neyi mwana kamukoku akutwalawu nakujaha, neyi chamwenaŋayi mukoku hadi akwakumutewula zo-o, dichi niyena haasamini mukanwa kinduku. 33Chadizozeliyi, hiyakumutambula wuŋaji wakeŋa eli kumonayi. Muyachi windi akawushimuna kudinyi? Muloŋa wumi windi anawufumishi hanu hamaseki. 34Owu kalama hakumwihula Fwilipu nindi, Kaprofwetu nateninyi, mwani? Naditeni yomweni, tahindi nateni muntu wacheŋi? 35Fwilipu hakuhosha mazu akutachikila kumukandiwu, hakumushimwina nsaŋu yaYesu. 36Chayilaŋawu munjila hiyakushika kumeji. Owu kalama nindi, Tala meji; chumanyi chikunlekesha kumpapatisha? 37Fwilipu hakwakula nindi, neyi wunetiyi namuchima weyi wejima wukutwesha. Yena hakwakula nindi, Netiyi nami Yesu Kristu diyi Mwana kaNzambi. 38Hakuleja antu kwimika ikalu. Hiyakukunkumukila mumeji mwayedi wawu, niFwilipu nikalama; hakumupapatisha. 39Chanakandukuwu mumeji, Spiritu yaYehova hakumuhukula Fwilipu; owu kalama hamumweni nawa cheŋuku, hakuyaloŋa kwindi munjila yindi nakuzaŋalala. 40Hakwinza Fwilipu hiyakumuwana kuAzotu; chahitiliyi, hakushimuna nsaŋu yayiwahi munyikala yeneni yejima, nichashikiliyi kuKesareya.
လက္ရွိေရြးခ်ယ္ထားမွု
Likezo 8: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.
Likezo 8
8
1Dena ifuku odu ikabisha dakukabisha chipompelu chadiŋi muYerusalema divulumuka nikuvulumuka. Hiyakupalaŋena wejima wawumwahita matuŋa aYudeya naSamariya, kwasheli wowu apostolu hohu. 2Setefwanu hiyakumujiika kudi amayala akweti kalemesha kakulemesha Nzambi, hiyakumudila makumbu aweni. 3Ilaŋa Sawulu hakukisaŋana chipompelu, hakwijila mumatala ejima nakukokakoka ni amayala niambanda, hakuyisha mukaleya.
4Dichi wena apalaŋeni hiyakukimbuka nakushimuna mazu. 5Fwilipu hakukunkumukila kuŋanda yaSamariya, hakuyishimwina nsaŋu yaKristu. 6Mazaza awantu chanatiyuwu mwahosheliyi Fwilipu, nikumona yinjikijilu yeliliyi, hiyakumutiyilila namuchima wawu wumu hohu. 7Muloŋademoni azonda, adiŋi nakuzakuka antu amavulu, hiyakuyifuma nakukaloka naŋovu. Antu amavulu adiŋi namusoŋu wakalepa, niadiŋi nakubalakata, hiyakukola. 8Muŋandoyu mwadiŋi muzaŋalu wasweja.
9Ilaŋa muŋandoyu mwadiŋi iyala wumu, ijina dindi Shimona, yenowu wahoŋelaŋa nakuhayamisha akwaSamariya, nakudisamba nindi nalema. 10Yenowu antu ejima, kufumisha kudi akadi kulema kushika nikudi alema, hiyakumusha kumuchima nawu, Yeniwu diyi Ŋovu oyu yaNzambi yatenaŋawu nawu Muneni. 11Amusha kumuchima, muloŋa nayihayamishi naŋombu yindi hanalehi dehi. 12Ilaŋa chanetiyuwu mwakushimunayi Fwilipu nsaŋu yayiwahi yakutena wanta waNzambi niijina daYesu Kristu, hiyakuyipapatisha, ni amayala niambanda. 13Shimona yomweni niyena nawa hakwitiya; chanamupapatishuwu hakwenda hamu naFwilipu. Chanamoniyi yinjikijilu ninyidimu yaŋovu yakoŋeliyi, hakuhayama.
14Nochu dinu apostolu adiŋi kuYerusalema, chanatiyuwu nawu aSamariya anatambuli mazu aNzambi, hiyakutemeshaku aPetulu naYowanu.
15Wena chanashikuwu, hiyakuyilombela kulonda atambuli Spiritu Wajila. 16Muloŋa henohu Spiritu wuchidi kanda aholokeli hela hadi muntu niwumu wakwenokuku; anakumini dakuyipapatisha mwijina daMwanta Yesu hohu. 17Hiyakuyinaŋika makasa, atambula niSpiritu Wajila. 18Shimona, chanamoniyi Spiritu Wajila ayinkaŋa hakunaŋika apostolu makasawu, hakwila nindi ayinki mali; 19nindi, Nyinkenu ninami Ŋovu iyi, kulonda yowu nakanaŋika makasami akatambuli Spiritu Wajila. 20Ilaŋa Petulu hakumwila nindi, Mali eyi akisikili kumu naneyi, muloŋa wunatoŋojoki neyi wutambuli namali chamukunkulu chaNzambi. 21Hiwukweti mwakutukwashila hela mudimu kunsaŋu iyuku; muloŋa muchimaweyi hiwaloŋa kumesu aNzambuku. 22Dichi balumukaku mumuchima wuleki ichichuma chatama, wumulombi Mwanta, wamba kela muwunatoŋojoki muchima weyi akakwanakeni. 23Muloŋa nakumoni wumuntu wunaluli dehi nandulu mumuchima, anakukasi dehi nakuluwa kweyi. 24Shimona hakwakula nindi, Nlombelenuku kudi Mwanta, kulonda yumoyu yimunateni yibuli kunwana.
25Dichi wena, chanashimunuwu wunsahu wawu nakuhosha mazu aMwanta, hiyakufunta kuYerusalema nakushimuna nsaŋu yayiwahi munyikala yawaSamariya yayivulu.
26Ilaŋa kaŋelu kaYehova hakumwila Fwilipu nindi, Nyamukaku, wuyi kukabeta kakuchidiilu, kunjila yafuma kuYerusalema yakunkumukila kuGaza mwisaŋa. 27Hakunyamuka, hakuya. Kutala iyala wakuEtiyopiya, kalama kamwanta wamumbanda wawaEtiyopiya Kandesi, kalema nankashi, diyi wahembelaŋa yuma yaKandesi yalema yejima. Yenowu wenza dehi kuYerusalema kulonda kudifukula kudi Nzambi; 28wadiŋi munjila yakufunta, washakama mwikalu dindi nakutaŋa mukanda wakaprofwetu Isaya. 29Spiritu hakumwila Fwilipu nindi, Yaku kwakwihi, wukundami kwikalu diŋa. 30Fwilipu hakuyaku lufuchi, hakumutiya wudi nakutaŋa mukanda wakaprofwetu Isaya. Nindi, Chiwudi nakutaŋa chinakulumbulukili, tahindi? 31Kuchinka yena kalama nindi, Chikunlumbulukila ŋahi chakadi muntu kunleja? Hakumwila Fwilipu nindi akandami ashakami hamu. 32Komana wadiŋi nakutaŋa mwasonekawu nawu, Neyi mwana kamukoku akutwalawu nakujaha, neyi chamwenaŋayi mukoku hadi akwakumutewula zo-o, dichi niyena haasamini mukanwa kinduku. 33Chadizozeliyi, hiyakumutambula wuŋaji wakeŋa eli kumonayi. Muyachi windi akawushimuna kudinyi? Muloŋa wumi windi anawufumishi hanu hamaseki. 34Owu kalama hakumwihula Fwilipu nindi, Kaprofwetu nateninyi, mwani? Naditeni yomweni, tahindi nateni muntu wacheŋi? 35Fwilipu hakuhosha mazu akutachikila kumukandiwu, hakumushimwina nsaŋu yaYesu. 36Chayilaŋawu munjila hiyakushika kumeji. Owu kalama nindi, Tala meji; chumanyi chikunlekesha kumpapatisha? 37Fwilipu hakwakula nindi, neyi wunetiyi namuchima weyi wejima wukutwesha. Yena hakwakula nindi, Netiyi nami Yesu Kristu diyi Mwana kaNzambi. 38Hakuleja antu kwimika ikalu. Hiyakukunkumukila mumeji mwayedi wawu, niFwilipu nikalama; hakumupapatisha. 39Chanakandukuwu mumeji, Spiritu yaYehova hakumuhukula Fwilipu; owu kalama hamumweni nawa cheŋuku, hakuyaloŋa kwindi munjila yindi nakuzaŋalala. 40Hakwinza Fwilipu hiyakumuwana kuAzotu; chahitiliyi, hakushimuna nsaŋu yayiwahi munyikala yeneni yejima, nichashikiliyi kuKesareya.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.