Likezo 28
28
1Chitunapuluki dehi, hitukwiluka ijina dachitutu ochu netu Melita. 2Enimbu hiyakututambula wejima wetu naluwi nankashi, hiyakubutula kesi muloŋa kwadiŋi nakunoka nvula, nichishika hamu, 3Pawulu chanakuŋuliyi chita chansonsu, nachishi dehi hakesi, kabandayula chanatiyiyi iyena, hakufuma hakesi halamata nikuchikasa chindi. 4Enimbu chanamonuwu inoka nalamati dehi kuchikasa chindi, hiyakudileja muntu namukwawu, nawu, Chalala iyaliwu himbanji, hela wapuluka dehi mukaluŋalwiji, Chiyuli hanamwiteji kuhandaku. 5Ilaŋa yena hakudikumuna inoka mukesi, kutiya kukata nehi. 6Wena enimbu atoŋojokeli nawu keŋa anani, indi kwiji tukukasumuka nadimbuki nafwi dehi. Chaneluwu talile-e, kumumona yena hanatiyi chuma chatamaku, hiyakubalumuka munyichima yawu, nawu komana himukishi.
7Kwenoku kwadiŋi mpata yamwanta wachitutu ochu ijina dindi Pubilusi. Yena hakututambula hakutudiisha chachiwahi mafuku asatu. 8Chelili tata yaPubilusi nakami dehi nayikatu yamusoŋu wamashika nikapokota, Pawulu hakwijila mudi yena, hakulomba, chanamunaŋikiyi makasa, hakumukolesha. 9Chaneliyi mwenimu, antu amakwawu hachitutu ochu adiŋi nanyisoŋu, hiyakwinza, hiyakuyikolesha nawa. 10Hiyakutulemeshaŋa nakutwinka yuma yayivulu; chitwakeŋa eli kuya muwatu hiyakushamu yuma yayivulu yakudiila munjila.
11Chimunahiti tukweji tusatu, hitukuya muwatu wakufuma kuAlesanderiya, wukweti chinjikijilu chaAnyana Mpamba, wachelukilaku dehi noŋa kuchitutu ochu; 12tudata nikuSirakusa, hitukujiŋilaku mafuku asatu.
13Kufuma kwenoku hitukuya niniku niniku, tunyeŋumuka nakushi ka nikuReŋumi. Chikunahiti ifuku dimu, mpepela yakukabeta kakuchidiilu hiyikutachika kukunka, tushika nikuPuteyoli mumafuku ayedi hohu.
14Kwenoku hitukuwana ana kwetu, hiyakulembelela tushakami nawu mulungu wumu. Nkumininaku tushika nikuRoma. 15Chanatutiyuwu kuRoma, ana kwetu hiyakwinza nakutukinkilila kuwulandilu waApiyusi, nikuYisolu Yisatu. Pawulu chanayimoniyi, hakusakilila Nzambi, akwata niŋovu. 16Chitunepili muRoma, hiyakumwiteja Pawulu kushakama kanka windi neshidika wamuhembelaŋa.
17Chimunahiti mafuku asam, Pawulu hakutambika awakulumpi jawaYudeya. Chanapompuwu hamu, hakuyileja nindi, Enu akwetu amayala, ami hinakoŋi chuma chakutamisha akwetu aYudeya, hela yaaku yawankakulula jetuku. Hela chochu, ankwatili kuYerusalema nakunhana kudi aRoma; wena hiyakuŋusha mukaleya. 18Wena chanaŋihujoluwu, hiyakukeŋa nawu aŋumbuku, muloŋa hiyanmona nachitela chakufwaku. 19Chanatiyuwu aYudeya kutama mwenomu, ami hinukumona nami kunashali jakulomba kuya kudi Kesari hohu; ochu ni kweti muloŋa wakuholokela akwamuza wetu wanyi. 20Dihu hanafumi kuyitambika, nami niyimoni nihoshi nenu. Anankasili ileŋi idi nsaŋu yakuchiŋeja kwachiŋe jaŋawu aIsarela. 21Wena hiyakumwila nawu, Hitunatambuli nyikanda yakufuma kuYudeya yakukuteneyuku. Hela ana kwetu enjili kunu, kukushimuna hela kukutena chatama nehi. 22Ilaŋa tunakeŋi tukutiyi muwatoŋojokaŋa eyi aweni; hakwila chaaku ichi tweluka dehi netu achitenaŋa chatama kwejima kwejima.
23Chanamushi ikuwu ifuku, aYudeya amavulu nankashi hiyakwinza kwitala kwashakaminiyi. Yena hakuhita munsaŋu oyu, hakushimuna wanta waNzambi, hakuyilumbulwila nsaŋu yaYesu, chakufumisha munyi kanda yanshimbi jaMosi, niya watuprofwetu, kufumisha kubudidi ndo nikumelela. 24Amakwawu hiyakwiteja mwahosheliyi, amakwawu hiyakuleka. 25Chanabuluwu kutiyaloŋana mulwawu, hiya kudi fumi namu. Henohu Pawulu nahoshi dehi izu dimu nindi, Mwalala mwahosheli Spiritu Wajila nawankakulula jenu mudi kaprofwetu Isaya, 26cheliliyi nindi, Yaku wakaleji antu awa neyi, Kutiya mukutiya, himwakashinshika nihantuku; kumona mukumona, himwakeluka nihantuku. 27Muloŋa nyichima yawantu awa yinasupi dehi, kumatu awu anajiki, ni kumesu awu anajimi; akenda kamona namesu awu, akenda katiya namatu awu, akenda kashinshika munyichima yawu, akenda kabalumuka cheŋi nakenda kayuka. 28Dichi ilukenu nenu iwu wamwinu waNzambi anawutemeshi kudi ajentili; komana wena akatiya. 29Chanahoshiyi mazu awa, aYudeya hiyakufumaku hiyakutadika nankashi mukachi kawu. 30Pawulu washakamini nyaka yiyedi yamana chikupu mwitala dindi dakudifwetela; hakutambula antu ejima ayilaŋa mwadiŋiy. 31Hakushimunaŋa wanta waNzambi, nakutena nsaŋu yaMwanta Yesu Kristu chakadi woma; kwosi nawa wamulekesheluku.
လက္ရွိေရြးခ်ယ္ထားမွု
Likezo 28: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.
Likezo 28
28
1Chitunapuluki dehi, hitukwiluka ijina dachitutu ochu netu Melita. 2Enimbu hiyakututambula wejima wetu naluwi nankashi, hiyakubutula kesi muloŋa kwadiŋi nakunoka nvula, nichishika hamu, 3Pawulu chanakuŋuliyi chita chansonsu, nachishi dehi hakesi, kabandayula chanatiyiyi iyena, hakufuma hakesi halamata nikuchikasa chindi. 4Enimbu chanamonuwu inoka nalamati dehi kuchikasa chindi, hiyakudileja muntu namukwawu, nawu, Chalala iyaliwu himbanji, hela wapuluka dehi mukaluŋalwiji, Chiyuli hanamwiteji kuhandaku. 5Ilaŋa yena hakudikumuna inoka mukesi, kutiya kukata nehi. 6Wena enimbu atoŋojokeli nawu keŋa anani, indi kwiji tukukasumuka nadimbuki nafwi dehi. Chaneluwu talile-e, kumumona yena hanatiyi chuma chatamaku, hiyakubalumuka munyichima yawu, nawu komana himukishi.
7Kwenoku kwadiŋi mpata yamwanta wachitutu ochu ijina dindi Pubilusi. Yena hakututambula hakutudiisha chachiwahi mafuku asatu. 8Chelili tata yaPubilusi nakami dehi nayikatu yamusoŋu wamashika nikapokota, Pawulu hakwijila mudi yena, hakulomba, chanamunaŋikiyi makasa, hakumukolesha. 9Chaneliyi mwenimu, antu amakwawu hachitutu ochu adiŋi nanyisoŋu, hiyakwinza, hiyakuyikolesha nawa. 10Hiyakutulemeshaŋa nakutwinka yuma yayivulu; chitwakeŋa eli kuya muwatu hiyakushamu yuma yayivulu yakudiila munjila.
11Chimunahiti tukweji tusatu, hitukuya muwatu wakufuma kuAlesanderiya, wukweti chinjikijilu chaAnyana Mpamba, wachelukilaku dehi noŋa kuchitutu ochu; 12tudata nikuSirakusa, hitukujiŋilaku mafuku asatu.
13Kufuma kwenoku hitukuya niniku niniku, tunyeŋumuka nakushi ka nikuReŋumi. Chikunahiti ifuku dimu, mpepela yakukabeta kakuchidiilu hiyikutachika kukunka, tushika nikuPuteyoli mumafuku ayedi hohu.
14Kwenoku hitukuwana ana kwetu, hiyakulembelela tushakami nawu mulungu wumu. Nkumininaku tushika nikuRoma. 15Chanatutiyuwu kuRoma, ana kwetu hiyakwinza nakutukinkilila kuwulandilu waApiyusi, nikuYisolu Yisatu. Pawulu chanayimoniyi, hakusakilila Nzambi, akwata niŋovu. 16Chitunepili muRoma, hiyakumwiteja Pawulu kushakama kanka windi neshidika wamuhembelaŋa.
17Chimunahiti mafuku asam, Pawulu hakutambika awakulumpi jawaYudeya. Chanapompuwu hamu, hakuyileja nindi, Enu akwetu amayala, ami hinakoŋi chuma chakutamisha akwetu aYudeya, hela yaaku yawankakulula jetuku. Hela chochu, ankwatili kuYerusalema nakunhana kudi aRoma; wena hiyakuŋusha mukaleya. 18Wena chanaŋihujoluwu, hiyakukeŋa nawu aŋumbuku, muloŋa hiyanmona nachitela chakufwaku. 19Chanatiyuwu aYudeya kutama mwenomu, ami hinukumona nami kunashali jakulomba kuya kudi Kesari hohu; ochu ni kweti muloŋa wakuholokela akwamuza wetu wanyi. 20Dihu hanafumi kuyitambika, nami niyimoni nihoshi nenu. Anankasili ileŋi idi nsaŋu yakuchiŋeja kwachiŋe jaŋawu aIsarela. 21Wena hiyakumwila nawu, Hitunatambuli nyikanda yakufuma kuYudeya yakukuteneyuku. Hela ana kwetu enjili kunu, kukushimuna hela kukutena chatama nehi. 22Ilaŋa tunakeŋi tukutiyi muwatoŋojokaŋa eyi aweni; hakwila chaaku ichi tweluka dehi netu achitenaŋa chatama kwejima kwejima.
23Chanamushi ikuwu ifuku, aYudeya amavulu nankashi hiyakwinza kwitala kwashakaminiyi. Yena hakuhita munsaŋu oyu, hakushimuna wanta waNzambi, hakuyilumbulwila nsaŋu yaYesu, chakufumisha munyi kanda yanshimbi jaMosi, niya watuprofwetu, kufumisha kubudidi ndo nikumelela. 24Amakwawu hiyakwiteja mwahosheliyi, amakwawu hiyakuleka. 25Chanabuluwu kutiyaloŋana mulwawu, hiya kudi fumi namu. Henohu Pawulu nahoshi dehi izu dimu nindi, Mwalala mwahosheli Spiritu Wajila nawankakulula jenu mudi kaprofwetu Isaya, 26cheliliyi nindi, Yaku wakaleji antu awa neyi, Kutiya mukutiya, himwakashinshika nihantuku; kumona mukumona, himwakeluka nihantuku. 27Muloŋa nyichima yawantu awa yinasupi dehi, kumatu awu anajiki, ni kumesu awu anajimi; akenda kamona namesu awu, akenda katiya namatu awu, akenda kashinshika munyichima yawu, akenda kabalumuka cheŋi nakenda kayuka. 28Dichi ilukenu nenu iwu wamwinu waNzambi anawutemeshi kudi ajentili; komana wena akatiya. 29Chanahoshiyi mazu awa, aYudeya hiyakufumaku hiyakutadika nankashi mukachi kawu. 30Pawulu washakamini nyaka yiyedi yamana chikupu mwitala dindi dakudifwetela; hakutambula antu ejima ayilaŋa mwadiŋiy. 31Hakushimunaŋa wanta waNzambi, nakutena nsaŋu yaMwanta Yesu Kristu chakadi woma; kwosi nawa wamulekesheluku.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.