1 Makorinte 5
5
1Chalala, tunatiyi nawu mukachi kenu mudi wuvumbi, wakwilanawu mwinenu wumu natambuli iŋodatata yindi; wena wuvumbi owu hiwekala hela mukachi kawajentiluku. 2Ninenu himukudinka wanta! Mutenowu mwadi kuneŋa, kulonda owu mwinenu nakoŋi chumichi, amufumishi mukachi kenu.
3Chalala ami, hela mumujimba nidi kwacheŋi, nidi nenu muspiritu, nasompesha dehi muntu nakoŋi chumichi, neyi kafwampi nidi nenu. 4Chimukupompela hamu, mwijina daMwanta wetu Yesu, nispiritu yami, naŋovu yaMwanta wetu Yesu, 5nami, hanenu muntu wudi ochu kudi Satana kulonda akisaŋani mujimba windi, kulonda spiritu yindi yakahandi mwifuku daMwanta Yesu.
6Kudisamba kwenu hikunawahuku. Mweluka dehi chananishaŋa iluŋi dantesha chikanka chejima. 7Fumishenu iluŋi dadikulu, kulonda mwikali chikanka chachiha; muloŋa munekali dehi chakadi ilupi. Paseka yetu yanajahuwu dehi diyi Kristu. 8Dichi tuhembenu chawija nadinkendi dakadi iluŋi, damuchima wutooka, dalala; kuchidya neluŋi dadikulu, hela neluŋi dankunyi nikutama, chinjila.
9Nayisonekeleli dehi mumukanda wami nami, bayi mudibombaŋa nawayivumbuku. 10Hinateni ayivumbi, hela akwalwisu, hela akwanyilami, hela akwakupesha amunu mwishinaku. Neyi ochu mwadi kufuma chikupu mumpata yamunu mwishina. 11Ilaŋa katataka nidi nakuyisonekela nami, neyi muntu anatenuwu nawu himana kwenu wukwi kala chivumbi, hela mukwalwisu, hela mukwakupesha, hela mukwakutukana, hela mukwakusheta walwa, hela mukwanyilami, nami muntu wudi ochu, bayi mudibomba ninduku, hela kudya nindi chinjila. 12Ami hinikweti nsaŋu yakusompesha antu abula kwikala muchipompeluku. Mudimu wenu wakusompesha antu adi muchipompelu; 13hakwila antu abula kwikala muchipompelu, ayisompeshaŋa kudi Nzambi. Fumishenu owu muntu watama mukachi kenu.
လက္ရွိေရြးခ်ယ္ထားမွု
1 Makorinte 5: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.
1 Makorinte 5
5
1Chalala, tunatiyi nawu mukachi kenu mudi wuvumbi, wakwilanawu mwinenu wumu natambuli iŋodatata yindi; wena wuvumbi owu hiwekala hela mukachi kawajentiluku. 2Ninenu himukudinka wanta! Mutenowu mwadi kuneŋa, kulonda owu mwinenu nakoŋi chumichi, amufumishi mukachi kenu.
3Chalala ami, hela mumujimba nidi kwacheŋi, nidi nenu muspiritu, nasompesha dehi muntu nakoŋi chumichi, neyi kafwampi nidi nenu. 4Chimukupompela hamu, mwijina daMwanta wetu Yesu, nispiritu yami, naŋovu yaMwanta wetu Yesu, 5nami, hanenu muntu wudi ochu kudi Satana kulonda akisaŋani mujimba windi, kulonda spiritu yindi yakahandi mwifuku daMwanta Yesu.
6Kudisamba kwenu hikunawahuku. Mweluka dehi chananishaŋa iluŋi dantesha chikanka chejima. 7Fumishenu iluŋi dadikulu, kulonda mwikali chikanka chachiha; muloŋa munekali dehi chakadi ilupi. Paseka yetu yanajahuwu dehi diyi Kristu. 8Dichi tuhembenu chawija nadinkendi dakadi iluŋi, damuchima wutooka, dalala; kuchidya neluŋi dadikulu, hela neluŋi dankunyi nikutama, chinjila.
9Nayisonekeleli dehi mumukanda wami nami, bayi mudibombaŋa nawayivumbuku. 10Hinateni ayivumbi, hela akwalwisu, hela akwanyilami, hela akwakupesha amunu mwishinaku. Neyi ochu mwadi kufuma chikupu mumpata yamunu mwishina. 11Ilaŋa katataka nidi nakuyisonekela nami, neyi muntu anatenuwu nawu himana kwenu wukwi kala chivumbi, hela mukwalwisu, hela mukwakupesha, hela mukwakutukana, hela mukwakusheta walwa, hela mukwanyilami, nami muntu wudi ochu, bayi mudibomba ninduku, hela kudya nindi chinjila. 12Ami hinikweti nsaŋu yakusompesha antu abula kwikala muchipompeluku. Mudimu wenu wakusompesha antu adi muchipompelu; 13hakwila antu abula kwikala muchipompelu, ayisompeshaŋa kudi Nzambi. Fumishenu owu muntu watama mukachi kenu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.