ALIGALE̍SIYA 3
3
Lihɔ yī Imo̍sīisi ba̍la ɔtū ode che Ɔwɔ
1Ala̍ Aligale̍siya, ali̍bobo āchɛ ɛla̍ā! Ɔ̄nyɛ ka̍a ya̍ ɔchi̍ tū ala̍ ma̍ oo! Je̍ka aa̍ ala̍ nīi e̍ ka ochi̍chi̍ yī ɔpīyaku̍ yī Iji̍sɔ̄ɔsi Ikra̍yisi la ɔchi̍ ɔhrɛ̍ɛpa de ala̍ tɛri̍tɛri̍ bɔ̄ɔjā nīi ala̍ bī eyī yɛ abɔ̍ɔ ē ma̍ lɛlā ɔla̍ā ɔmɔ̍ɔ̄ma̍ a̍nɛ? 2Ala̍ ā koko̍o de u we̍ e̍ē: Uhu yī Ɔwɔ nīi ala̍ nāa ma̍ bū lɛlā ɔya̍ lɔkɔ nīi Lihɔ yī Imo̍sīisi chikpo̍ ma̍, kɛ̄ɛ o̍ bū la ɛrɔ̄ yī Ɔwɔ opo̍ōpo̍, de ɔtū che Wɔ̄kā Ɔlwɔnyɛ ɔla̍ā? 3Kana̍ nīi ala̍ de ya̍ i̍bobo ɔ̄kū i̍ngɔ̍ɔ mɛ ma̍? Ɔjā nīi ala̍ wu̍tu la Uhu yī Ɔwɔ ma̍, o̍ re̍ka ala̍ chōo̍chē ge̍ē de ɔ̍ ē chlɛhu̍ wɔhu̍ yī ala̍ ɛlɛjā bɛ̍ɛ̄nɛ̄? 4O̍ re̍ka lɛlā nīi ala̍ ngū bū la ɔhɔ̄leyī yī ɔtū ode chōche nīi ala̍ yɛ ē ya̍ ma̍, i̍ ɔjɔ̄jā de ala̍ gɛ ni̍ lachi̍lachi̍? Lēchi̍ lēchi̍, ɔjā we̍ nɛ. 5Uhu Ɔnɛ̄ɛhɛhi nīi Ɔwɔ de de ala̍ ba̍la lɛlā ɔlɛbɛ̍bi̍ nīi o̍ ya̍ la olo̍ōlo̍ yī ala̍ ma̍, o̍ re̍ka o̍ ya̍ i̍ngɔ̍ɔ wu̍chē yī lɛlā ɔya̍ lɔkɔ nīi Lihɔ yī Imo̍sīisi chikpo̍ ma̍? Kɛ̄ɛ o̍ ya̍ i̍ngɔ̍ɔ wu̍chē yī ɛrɔ̄ yī Ɔwɔ nīi ala̍ ge̍ē po̍ ē de ɔtū che Wɔ̄kā Ɔlwɔnyɛ ɔla̍ā ma̍?
6O̍ lɛ lɔkɔ nīi Īpū yī Ɔwɔ kɛlā ku̍ A̍brahāam ma̍. “A̍brahāam de ɔtū che Ɔwɔ; bū la ɔtū ode chōche yī nū ɔla̍ā, o̍ de lɛ kpakpa ba̍la Ɔwɔ.”
7Ala̍ jo̍ōkū gɛ hīka āchɛ nīi de ɔtū che Ɔwɔ ma̍, aa̍ re̍ka wɔma yī A̍brahāam lēchi̍ lēchi̍ a̍nɛ. 8Īpū yī Ɔwɔ myɛ̍ma̍ yī lɛlā yī ɔ̄chī yī iyɔ̄bū de ka i̍ngɔ̍ɔ mɛ̍. O̍ hīka Ɔwɔ ɔ̍lɔ ge̍ē ya̍ nīi Ɛchɛkɔcha ɛ̍lɛ ge̍ē de ē lɛ kpakpa ba̍la ɔ̍lɔ bū la ɔtū ode che Ɔwɔ ochōche. Wu̍chē yī ɔla̍ā, Īpū yī Ɔwɔ de Wɔ̄kā Ɔlwɔnyɛ nūma̍ ka de A̍brahāam lɔ̄lā o̍bū hīka, “Gala abɔ̄ yī wɔ nīi Ɔwɔ ge̍ē de ɔpiyɛ ē de āchɛ yī yɛchɛ wa̍a̍ a̍nɛ.” 9A̍brahāam de ɔtū che Ɔwɔ ma̍, Ɔwɔ de ɔpiyɛ de ɔ̍. Bū la ɛbɛ ɔla̍ā, ɔ̄chɛmɔ̄chɛ nīi ge̍ de ɔtū che Ɔwɔ, Ɔwɔ ge̍ē de ɔpiyɛ ē de ɔlɔjā bāa A̍brahāam ma̍.
10Āchɛ nīi de ihi gbō la lɛlā yī Lihɔ yī Imo̍sīisi ode gbōgbō ke̍e̍ ma̍ tū la yɛka nīi Ɔwɔ gbo ma̍. Wu̍chē oji̍ nɛ, Īpū yī Ɔwɔ ka i̍ngɔ̍ɔ hīka, “Ɔ̄chɛmɔ̄chɛ nīi i̍ ge̍ de lɛlāmɛlā nīi tū la īpū yī Lihɔ yī Imo̍sīisi ma̍ gbō myɛ̄grāa-myɛ̄grāa ni̍, ɔlɔjā ta̍tū la yɛka nīi Ɔwɔ gbo ma̍ mɛ̍.” 11U̍ma̍ama nūma̍, o̍ lā nyaa mɛ̍ hīka ɔ̄chɔ̄chɛ i̍ ē de ē lɛ kpakpa ba̍la Ɔwɔ bū la lɛlā ɔya̍ lɔkɔ nīi Lihɔ yī Imo̍sīisi chikpo̍ ma̍ ē mɛ ni̍. Wu̍chē oji̍ nɛ, Īpū yī Ɔwɔ ka hīka, “Ɔ̄chɛ nīi de lɛ kpakpa ba̍la Ɔwɔ bū la ɔtū ode che Ɔwɔ ma̍ ge̍ē lɛ ɔhɔ̄leyī.” 12Lihɔ yī Imo̍sīisi ma̍ i̍ de ihi gbō la ɔtū ode che Ɔwɔ ochōche ni̍. Ɔkɔkɔ ɔla̍ā, o̍ lɛ lɔkɔ nīi Īpū yī Ɔwɔ ka ma̍ hīka, “Ɔ̄chɛ nīi ge̍ ya̍ ɛlāha̍ ɛlāha̍ wa̍a̍ lɔkɔ nīi Lihɔ yī Imo̍sīisi chikpo̍ ma̍, ɔlɔjā ge̍ē lɛ ɔhɔ̄leyī la anu̍.”
13Alɔ ma̍, Ikra̍yisi de alɔ hīya lɛfiyɛ hī yɛka ogbōgbo ɔla̍ā nīi Lihɔ yī Imo̍sīisi ta̍tu̍tu̍ yī nū ma̍ mɛ̍, bū la onīi Ikra̍yisi ɔlɔjā de iyī nū pīya ɔ̄chɛ nīi e̍ gbo ɔ̍ yɛka kulɛhu̍ yī alɔ ma̍. Wu̍chē oji̍ nɛ, Īpū yī Ɔwɔ ka hīka, “Ɔ̄chɛmɔ̄chɛ nīi e̍ ge̍ de ɔ̍ pla la ichō yī ɔchi̍ mɛ̍, ɔ̍lɔma̍ ɔlɔjā tū la yɛka nīi Ɔwɔ gbo ma̍ mɛ̍.” 14O̍ de lɛ i̍ngɔ̍ɔ ke̍e̍ hɛ̄ɛbɛ nīi Ɛchɛkɔcha ge̍ē nāa ɔpiyɛ ɔla̍ā nīi Ɔwɔ choko̍o de A̍brahāam ma̍ ē gala abɔ̄ yī Ikra̍yisi Iji̍sɔ̄ɔsi. Bū la ɛbɛ ɔla̍ā, alɔ wa̍a̍ ge̍ē nāa Uhu nīi Ɔwɔ choko̍o ge̍ē de ma̍ bū la ɔtū ode che Ikra̍yisi.
Lihɔ yī Imo̍sīisi ba̍la oko̍o ochōche yī Ɔwɔ
15Aɛ̍nɛ̍ yī u! Igbla yī lɛlā nīi ē ya̍ myɛ̄grāa-myɛ̄grāa ma̍ nīi n ge̍ē bī kɛlā nūma̍ a̍nɛ. Āchɛ ɛpa ge̍ grōoko̍o yī lɛlā gwi̍yɛka mɛ̍, ɔ̄chɔ̄chɛ i̍ ē de yɛka ɔgwɔ̍ɔ̄gwa̍ ɔla̍ā bīya kɛ̄ɛ ē gba̍a ē de ɔha̍ ē tū ɔ̄ gɛ ni̍. 16Ma̍ gɛ, A̍brahāam ba̍la ībī yī nū ɔha̍ nīi Ɔwɔ choko̍o yī lɛlā wa̍a̍ de ɔ̍ a̍nɛ. Īpū yī Ɔwɔ i̍ ka hīka, “ībī yī nū ɛha̍” ni̍. O̍ hīka, “ībī yī nū ɔha̍.” Ɔla̍ā re̍ka i̍ āchɛ yɛ̄mɛ̄mɛ̄ nīi o̍ ka a̍ni̍; ɔ̄chɛ ūkpo̍he kpo̍kpo̍ nīi o̍ ka a̍nɛ. Ɔ̄chɛ ūkpo̍he ɔla̍ā, anu̍ - Ikra̍yisi a̍nɛ. 17Ochi̍chi̍ yī ɔjā nīi n yɛ ē ka ma̍ hɔ̄ ma̍ a̍nɛ: Ɔwɔ gwi̍yɛka, choko̍o ka anɔ̍lɔ ge̍ē de yɛka nūma̍ ē gbō. O̍ chī gbajɛ lɛ̍yi̍ u̍nɔ che lɛ̍yi̍ ohu che igwo̍ o̍bū nīi Lihɔ yī Imo̍sīisi hɔ̄ a̍nɛ. Bū la ɛbɛ ɔla̍ā, Lihɔ yī Imo̍sīisi i̍ lwɔhu̍ ge̍ē de yɛka ba̍la oko̍o ochōche yī Ɔwɔ ɔla̍ā ngmo̍nyi̍ mɛ̍ ni̍. 18O̍ ge̍ re̍ka ɔjā nīi Ɔwɔ ē de ma̍ bū lɛlā yī Lihɔ yī Imo̍sīisi nɛ, ɔ̍lɔma̍ o̍ re̍ka o̍ i̍ bū lɛlā nīi Ɔwɔ ɔlɔjā choko̍o ma̍ gɛ ni̍. Alɔ chī jo̍ōkū hīka, wu̍chē yī oko̍o nīi Ɔwɔ che ma̍ - ohu̍ nīi e̍ ya̍ i̍ngɔ̍ɔ de A̍brahāam a̍nɛ.
19Ohu̍ yī oji̍ nīi Lihɔ yī Imo̍sīisi chī hɔ̄ ma̍? Lihɔ yī Imo̍sīisi hɔ̄ hɛ̄ɛbɛ ge̍ē chabɔ̄ yī ɔjā nīi re̍ka lɛlā abi̍ ɔyɔ̍ɔ̄ya̍ ma̍. O̍ chī ya̍ ɔ̄ nīi o̍ ge̍ē hɔ̄ i̍ngɔ̍ɔ kpɛɛ gbo̍ ɔ̄chī ɔla̍ā nīi ībī yī A̍brahāam nīi Ɔwɔ choko̍o ma̍ ge̍ē wā. Ayɛ̍ɛ̄chɛ̄rɔ̄ yī Ɔwɔ bī Lihɔ yī Imo̍sīisi bū la abɔ̄ yī Ɔwɔ ge̍ de āchɛ̄ɛchɛ ma̍, ɔ̄chɛ̄ɛchɛ re̍ka ɔ̄chɛ ɔrɛ la iyārɛ̄ɛpa yī aa̍ āchɛ ɛpɛpa nūma̍ a̍nɛ. 20Ɔ̄chɛ ɔrɛ la iyārɛ̄ɛpa i̍ngɔ̍ɔ i̍ ē chī hɔ̄ la lɛlā yī ɔ̄chɛ nīi lɛ ɔ̄chɛ ūkpo̍he kpo̍kpo̍ yɛ ē yɛ̍ɛ̄lā ma̍ ni̍. Ɔwɔ chī lɛ ūkpo̍he i̍ngɔ̍ɔ kpo̍kpo̍.
Ohu̍ yī lɛlā Lihɔ yī Imo̍sīisi
21Ɔla̍ā re̍ka Lihɔ yī Imo̍sīisi - oluji yī oko̍o ochōche yī Ɔwɔ kɛ̄ɛ? I̍ i̍ngɔ̍ɔ īchāha̍ īchāha̍ ni̍! O̍ ge̍ re̍ka Ɔwɔ de lihɔ de āchɛ hīka lihɔ ɔ̍lɔ ge̍ē de ɔhɔ̄leyī de ɔ̄chɛ ē mɛ nɛ, nɛ̄ni̍ ɔ̄chɛ ge̍ē de ē lɛ kpakpa ba̍la Ɔwɔ ke̍e̍ ē bū la lihɔ ē mɛ. 22Īpū yī Ɔwɔ chī ka mɛ̍ hīka āchɛ̄ɛchɛ wa̍a̍ ɛ̍lɛ tū la abwɔ̄hu̍ yī lɛlā ɔdwɔ̄bi̍ nīi hɔ̄ ma̍. Bū la ɛbɛ ɔla̍ā, ɔjā nīi Ɔwɔ choko̍o ge̍ē de ē de āchɛ bū la ɔtū ode che Iji̍sɔ̄ɔsi Ikra̍yisi ma̍, ɔjā ɔla̍ā ge̍ē gāa abɔ̄ āchɛ nīi de ɔtū che ɔ̍ ma̍ i̍ngɔ̍ɔ ke̍e̍ bɛ̍ɛ̄nɛ̄.
23O̍bo̍bū nīi yɛ̄grāa yī lɛlā yī ɔtū ode chōche i̍ngɔ̍ɔ gbajɛ ma̍, Lihɔ yī Imo̍sīisi gū ɔpu tū alɔ wa̍a̍ bāa aligbakɔbɔ ma̍ kpɛɛ gbo̍ yɛ̄grāa nīi lɛlā yī ɔtū ode chōche nīi yeēwā ma̍ ge̍ē hi̍yɛchɛ. 24Wu̍chē yī ɔla̍ā, Lihɔ yī Imo̍sīisi yɛ ē deyīrɛ alɔ i̍ngɔ̍ɔ kpɛɛ o̍bū nīi Ikra̍yisi wā a̍nɛ. Ikra̍yisi wā bɛ̍ɛ̄nɛ̄ hɛ̄ɛbɛ nīi alɔ ge̍ē de ē lɛ kpakpa ba̍la Ɔwɔ bū la ɔtū ode che ɔ̍ ochōche. 25U̍ma̍ama nūma̍ - yɛ̄grāa yī ɔtū ode che Ikra̍yisi ochōche bɛ̍ɛ̄nɛ̄ nɛ. Wu̍chē yī ɔla̍ā, i̍ Lihɔ yī Imo̍sīisi yɛ ē deyīrɛ alɔ ma̍ ē gɛ ni̍.
26Bū la ɔtū ode chōche ɔla̍ā, ala̍ wa̍a̍ de pīya ayi̍ yī Ɔwɔ la otū ngmo̍tu̍chɛ̄ ba̍la Ikra̍yisi Iji̍sɔ̄ɔsi. 27Ala̍ hu yenyi, de ngmo̍tu̍chɛ̄ la Ikra̍yisi ɔlɔjā mɛ̍. Bū la ɛbɛ ɔla̍ā, ala̍ de pīya ita yī āchɛ bāa anu̍ ɔlɔjā ma̍ mɛ̍. 28Wu̍chē yī ɔla̍ā, ɔjɔ̄jā i̍ hɔ̄ abɔ̍ɔ nīi hɔ̄ɔ̄hɔ̄ lipu̍ yī āchɛ yī Iju̍u ba̍la ɛchɛkɔcha gɛ ni̍. Ɔjɔ̄jā i̍ hɔ̄ abɔ̍ɔ nīi hɔ̄ɔ̄hɔ̄ lipu̍ yī afiyɛ ba̍la aywɔ̍lɛ̍ gɛ ni̍. Ɔjɔ̄jā i̍ hɔ̄ɔ̄hɔ̄ lipu̍ yī anyā ba̍la angrɔ̄ɔ gɛ ni̍. Wu̍chē oji̍ nɛ, ala̍ wa̍a̍ de lɛ ūkpo̍he la otū ngmo̍tu̍chɛ̄ ba̍la Ikra̍yisi Iji̍sɔ̄ɔsi. 29Ala̍ ge̍ wɛ āchɛ yī Ikra̍yisi, ɔ̍lɔma̍ ala̍ - wɔma yī A̍brahāam nɛ. Bū la ɛbɛ ɔla̍ā, ala̍ ge̍ē nāa ɔjā nīi Ɔwɔ choko̍o ma̍.
လက္ရွိေရြးခ်ယ္ထားမွု
ALIGALE̍SIYA 3: YBASR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2020 Bible Society of Nigeria (second edition)
ALIGALE̍SIYA 3
3
Lihɔ yī Imo̍sīisi ba̍la ɔtū ode che Ɔwɔ
1Ala̍ Aligale̍siya, ali̍bobo āchɛ ɛla̍ā! Ɔ̄nyɛ ka̍a ya̍ ɔchi̍ tū ala̍ ma̍ oo! Je̍ka aa̍ ala̍ nīi e̍ ka ochi̍chi̍ yī ɔpīyaku̍ yī Iji̍sɔ̄ɔsi Ikra̍yisi la ɔchi̍ ɔhrɛ̍ɛpa de ala̍ tɛri̍tɛri̍ bɔ̄ɔjā nīi ala̍ bī eyī yɛ abɔ̍ɔ ē ma̍ lɛlā ɔla̍ā ɔmɔ̍ɔ̄ma̍ a̍nɛ? 2Ala̍ ā koko̍o de u we̍ e̍ē: Uhu yī Ɔwɔ nīi ala̍ nāa ma̍ bū lɛlā ɔya̍ lɔkɔ nīi Lihɔ yī Imo̍sīisi chikpo̍ ma̍, kɛ̄ɛ o̍ bū la ɛrɔ̄ yī Ɔwɔ opo̍ōpo̍, de ɔtū che Wɔ̄kā Ɔlwɔnyɛ ɔla̍ā? 3Kana̍ nīi ala̍ de ya̍ i̍bobo ɔ̄kū i̍ngɔ̍ɔ mɛ ma̍? Ɔjā nīi ala̍ wu̍tu la Uhu yī Ɔwɔ ma̍, o̍ re̍ka ala̍ chōo̍chē ge̍ē de ɔ̍ ē chlɛhu̍ wɔhu̍ yī ala̍ ɛlɛjā bɛ̍ɛ̄nɛ̄? 4O̍ re̍ka lɛlā nīi ala̍ ngū bū la ɔhɔ̄leyī yī ɔtū ode chōche nīi ala̍ yɛ ē ya̍ ma̍, i̍ ɔjɔ̄jā de ala̍ gɛ ni̍ lachi̍lachi̍? Lēchi̍ lēchi̍, ɔjā we̍ nɛ. 5Uhu Ɔnɛ̄ɛhɛhi nīi Ɔwɔ de de ala̍ ba̍la lɛlā ɔlɛbɛ̍bi̍ nīi o̍ ya̍ la olo̍ōlo̍ yī ala̍ ma̍, o̍ re̍ka o̍ ya̍ i̍ngɔ̍ɔ wu̍chē yī lɛlā ɔya̍ lɔkɔ nīi Lihɔ yī Imo̍sīisi chikpo̍ ma̍? Kɛ̄ɛ o̍ ya̍ i̍ngɔ̍ɔ wu̍chē yī ɛrɔ̄ yī Ɔwɔ nīi ala̍ ge̍ē po̍ ē de ɔtū che Wɔ̄kā Ɔlwɔnyɛ ɔla̍ā ma̍?
6O̍ lɛ lɔkɔ nīi Īpū yī Ɔwɔ kɛlā ku̍ A̍brahāam ma̍. “A̍brahāam de ɔtū che Ɔwɔ; bū la ɔtū ode chōche yī nū ɔla̍ā, o̍ de lɛ kpakpa ba̍la Ɔwɔ.”
7Ala̍ jo̍ōkū gɛ hīka āchɛ nīi de ɔtū che Ɔwɔ ma̍, aa̍ re̍ka wɔma yī A̍brahāam lēchi̍ lēchi̍ a̍nɛ. 8Īpū yī Ɔwɔ myɛ̍ma̍ yī lɛlā yī ɔ̄chī yī iyɔ̄bū de ka i̍ngɔ̍ɔ mɛ̍. O̍ hīka Ɔwɔ ɔ̍lɔ ge̍ē ya̍ nīi Ɛchɛkɔcha ɛ̍lɛ ge̍ē de ē lɛ kpakpa ba̍la ɔ̍lɔ bū la ɔtū ode che Ɔwɔ ochōche. Wu̍chē yī ɔla̍ā, Īpū yī Ɔwɔ de Wɔ̄kā Ɔlwɔnyɛ nūma̍ ka de A̍brahāam lɔ̄lā o̍bū hīka, “Gala abɔ̄ yī wɔ nīi Ɔwɔ ge̍ē de ɔpiyɛ ē de āchɛ yī yɛchɛ wa̍a̍ a̍nɛ.” 9A̍brahāam de ɔtū che Ɔwɔ ma̍, Ɔwɔ de ɔpiyɛ de ɔ̍. Bū la ɛbɛ ɔla̍ā, ɔ̄chɛmɔ̄chɛ nīi ge̍ de ɔtū che Ɔwɔ, Ɔwɔ ge̍ē de ɔpiyɛ ē de ɔlɔjā bāa A̍brahāam ma̍.
10Āchɛ nīi de ihi gbō la lɛlā yī Lihɔ yī Imo̍sīisi ode gbōgbō ke̍e̍ ma̍ tū la yɛka nīi Ɔwɔ gbo ma̍. Wu̍chē oji̍ nɛ, Īpū yī Ɔwɔ ka i̍ngɔ̍ɔ hīka, “Ɔ̄chɛmɔ̄chɛ nīi i̍ ge̍ de lɛlāmɛlā nīi tū la īpū yī Lihɔ yī Imo̍sīisi ma̍ gbō myɛ̄grāa-myɛ̄grāa ni̍, ɔlɔjā ta̍tū la yɛka nīi Ɔwɔ gbo ma̍ mɛ̍.” 11U̍ma̍ama nūma̍, o̍ lā nyaa mɛ̍ hīka ɔ̄chɔ̄chɛ i̍ ē de ē lɛ kpakpa ba̍la Ɔwɔ bū la lɛlā ɔya̍ lɔkɔ nīi Lihɔ yī Imo̍sīisi chikpo̍ ma̍ ē mɛ ni̍. Wu̍chē oji̍ nɛ, Īpū yī Ɔwɔ ka hīka, “Ɔ̄chɛ nīi de lɛ kpakpa ba̍la Ɔwɔ bū la ɔtū ode che Ɔwɔ ma̍ ge̍ē lɛ ɔhɔ̄leyī.” 12Lihɔ yī Imo̍sīisi ma̍ i̍ de ihi gbō la ɔtū ode che Ɔwɔ ochōche ni̍. Ɔkɔkɔ ɔla̍ā, o̍ lɛ lɔkɔ nīi Īpū yī Ɔwɔ ka ma̍ hīka, “Ɔ̄chɛ nīi ge̍ ya̍ ɛlāha̍ ɛlāha̍ wa̍a̍ lɔkɔ nīi Lihɔ yī Imo̍sīisi chikpo̍ ma̍, ɔlɔjā ge̍ē lɛ ɔhɔ̄leyī la anu̍.”
13Alɔ ma̍, Ikra̍yisi de alɔ hīya lɛfiyɛ hī yɛka ogbōgbo ɔla̍ā nīi Lihɔ yī Imo̍sīisi ta̍tu̍tu̍ yī nū ma̍ mɛ̍, bū la onīi Ikra̍yisi ɔlɔjā de iyī nū pīya ɔ̄chɛ nīi e̍ gbo ɔ̍ yɛka kulɛhu̍ yī alɔ ma̍. Wu̍chē oji̍ nɛ, Īpū yī Ɔwɔ ka hīka, “Ɔ̄chɛmɔ̄chɛ nīi e̍ ge̍ de ɔ̍ pla la ichō yī ɔchi̍ mɛ̍, ɔ̍lɔma̍ ɔlɔjā tū la yɛka nīi Ɔwɔ gbo ma̍ mɛ̍.” 14O̍ de lɛ i̍ngɔ̍ɔ ke̍e̍ hɛ̄ɛbɛ nīi Ɛchɛkɔcha ge̍ē nāa ɔpiyɛ ɔla̍ā nīi Ɔwɔ choko̍o de A̍brahāam ma̍ ē gala abɔ̄ yī Ikra̍yisi Iji̍sɔ̄ɔsi. Bū la ɛbɛ ɔla̍ā, alɔ wa̍a̍ ge̍ē nāa Uhu nīi Ɔwɔ choko̍o ge̍ē de ma̍ bū la ɔtū ode che Ikra̍yisi.
Lihɔ yī Imo̍sīisi ba̍la oko̍o ochōche yī Ɔwɔ
15Aɛ̍nɛ̍ yī u! Igbla yī lɛlā nīi ē ya̍ myɛ̄grāa-myɛ̄grāa ma̍ nīi n ge̍ē bī kɛlā nūma̍ a̍nɛ. Āchɛ ɛpa ge̍ grōoko̍o yī lɛlā gwi̍yɛka mɛ̍, ɔ̄chɔ̄chɛ i̍ ē de yɛka ɔgwɔ̍ɔ̄gwa̍ ɔla̍ā bīya kɛ̄ɛ ē gba̍a ē de ɔha̍ ē tū ɔ̄ gɛ ni̍. 16Ma̍ gɛ, A̍brahāam ba̍la ībī yī nū ɔha̍ nīi Ɔwɔ choko̍o yī lɛlā wa̍a̍ de ɔ̍ a̍nɛ. Īpū yī Ɔwɔ i̍ ka hīka, “ībī yī nū ɛha̍” ni̍. O̍ hīka, “ībī yī nū ɔha̍.” Ɔla̍ā re̍ka i̍ āchɛ yɛ̄mɛ̄mɛ̄ nīi o̍ ka a̍ni̍; ɔ̄chɛ ūkpo̍he kpo̍kpo̍ nīi o̍ ka a̍nɛ. Ɔ̄chɛ ūkpo̍he ɔla̍ā, anu̍ - Ikra̍yisi a̍nɛ. 17Ochi̍chi̍ yī ɔjā nīi n yɛ ē ka ma̍ hɔ̄ ma̍ a̍nɛ: Ɔwɔ gwi̍yɛka, choko̍o ka anɔ̍lɔ ge̍ē de yɛka nūma̍ ē gbō. O̍ chī gbajɛ lɛ̍yi̍ u̍nɔ che lɛ̍yi̍ ohu che igwo̍ o̍bū nīi Lihɔ yī Imo̍sīisi hɔ̄ a̍nɛ. Bū la ɛbɛ ɔla̍ā, Lihɔ yī Imo̍sīisi i̍ lwɔhu̍ ge̍ē de yɛka ba̍la oko̍o ochōche yī Ɔwɔ ɔla̍ā ngmo̍nyi̍ mɛ̍ ni̍. 18O̍ ge̍ re̍ka ɔjā nīi Ɔwɔ ē de ma̍ bū lɛlā yī Lihɔ yī Imo̍sīisi nɛ, ɔ̍lɔma̍ o̍ re̍ka o̍ i̍ bū lɛlā nīi Ɔwɔ ɔlɔjā choko̍o ma̍ gɛ ni̍. Alɔ chī jo̍ōkū hīka, wu̍chē yī oko̍o nīi Ɔwɔ che ma̍ - ohu̍ nīi e̍ ya̍ i̍ngɔ̍ɔ de A̍brahāam a̍nɛ.
19Ohu̍ yī oji̍ nīi Lihɔ yī Imo̍sīisi chī hɔ̄ ma̍? Lihɔ yī Imo̍sīisi hɔ̄ hɛ̄ɛbɛ ge̍ē chabɔ̄ yī ɔjā nīi re̍ka lɛlā abi̍ ɔyɔ̍ɔ̄ya̍ ma̍. O̍ chī ya̍ ɔ̄ nīi o̍ ge̍ē hɔ̄ i̍ngɔ̍ɔ kpɛɛ gbo̍ ɔ̄chī ɔla̍ā nīi ībī yī A̍brahāam nīi Ɔwɔ choko̍o ma̍ ge̍ē wā. Ayɛ̍ɛ̄chɛ̄rɔ̄ yī Ɔwɔ bī Lihɔ yī Imo̍sīisi bū la abɔ̄ yī Ɔwɔ ge̍ de āchɛ̄ɛchɛ ma̍, ɔ̄chɛ̄ɛchɛ re̍ka ɔ̄chɛ ɔrɛ la iyārɛ̄ɛpa yī aa̍ āchɛ ɛpɛpa nūma̍ a̍nɛ. 20Ɔ̄chɛ ɔrɛ la iyārɛ̄ɛpa i̍ngɔ̍ɔ i̍ ē chī hɔ̄ la lɛlā yī ɔ̄chɛ nīi lɛ ɔ̄chɛ ūkpo̍he kpo̍kpo̍ yɛ ē yɛ̍ɛ̄lā ma̍ ni̍. Ɔwɔ chī lɛ ūkpo̍he i̍ngɔ̍ɔ kpo̍kpo̍.
Ohu̍ yī lɛlā Lihɔ yī Imo̍sīisi
21Ɔla̍ā re̍ka Lihɔ yī Imo̍sīisi - oluji yī oko̍o ochōche yī Ɔwɔ kɛ̄ɛ? I̍ i̍ngɔ̍ɔ īchāha̍ īchāha̍ ni̍! O̍ ge̍ re̍ka Ɔwɔ de lihɔ de āchɛ hīka lihɔ ɔ̍lɔ ge̍ē de ɔhɔ̄leyī de ɔ̄chɛ ē mɛ nɛ, nɛ̄ni̍ ɔ̄chɛ ge̍ē de ē lɛ kpakpa ba̍la Ɔwɔ ke̍e̍ ē bū la lihɔ ē mɛ. 22Īpū yī Ɔwɔ chī ka mɛ̍ hīka āchɛ̄ɛchɛ wa̍a̍ ɛ̍lɛ tū la abwɔ̄hu̍ yī lɛlā ɔdwɔ̄bi̍ nīi hɔ̄ ma̍. Bū la ɛbɛ ɔla̍ā, ɔjā nīi Ɔwɔ choko̍o ge̍ē de ē de āchɛ bū la ɔtū ode che Iji̍sɔ̄ɔsi Ikra̍yisi ma̍, ɔjā ɔla̍ā ge̍ē gāa abɔ̄ āchɛ nīi de ɔtū che ɔ̍ ma̍ i̍ngɔ̍ɔ ke̍e̍ bɛ̍ɛ̄nɛ̄.
23O̍bo̍bū nīi yɛ̄grāa yī lɛlā yī ɔtū ode chōche i̍ngɔ̍ɔ gbajɛ ma̍, Lihɔ yī Imo̍sīisi gū ɔpu tū alɔ wa̍a̍ bāa aligbakɔbɔ ma̍ kpɛɛ gbo̍ yɛ̄grāa nīi lɛlā yī ɔtū ode chōche nīi yeēwā ma̍ ge̍ē hi̍yɛchɛ. 24Wu̍chē yī ɔla̍ā, Lihɔ yī Imo̍sīisi yɛ ē deyīrɛ alɔ i̍ngɔ̍ɔ kpɛɛ o̍bū nīi Ikra̍yisi wā a̍nɛ. Ikra̍yisi wā bɛ̍ɛ̄nɛ̄ hɛ̄ɛbɛ nīi alɔ ge̍ē de ē lɛ kpakpa ba̍la Ɔwɔ bū la ɔtū ode che ɔ̍ ochōche. 25U̍ma̍ama nūma̍ - yɛ̄grāa yī ɔtū ode che Ikra̍yisi ochōche bɛ̍ɛ̄nɛ̄ nɛ. Wu̍chē yī ɔla̍ā, i̍ Lihɔ yī Imo̍sīisi yɛ ē deyīrɛ alɔ ma̍ ē gɛ ni̍.
26Bū la ɔtū ode chōche ɔla̍ā, ala̍ wa̍a̍ de pīya ayi̍ yī Ɔwɔ la otū ngmo̍tu̍chɛ̄ ba̍la Ikra̍yisi Iji̍sɔ̄ɔsi. 27Ala̍ hu yenyi, de ngmo̍tu̍chɛ̄ la Ikra̍yisi ɔlɔjā mɛ̍. Bū la ɛbɛ ɔla̍ā, ala̍ de pīya ita yī āchɛ bāa anu̍ ɔlɔjā ma̍ mɛ̍. 28Wu̍chē yī ɔla̍ā, ɔjɔ̄jā i̍ hɔ̄ abɔ̍ɔ nīi hɔ̄ɔ̄hɔ̄ lipu̍ yī āchɛ yī Iju̍u ba̍la ɛchɛkɔcha gɛ ni̍. Ɔjɔ̄jā i̍ hɔ̄ abɔ̍ɔ nīi hɔ̄ɔ̄hɔ̄ lipu̍ yī afiyɛ ba̍la aywɔ̍lɛ̍ gɛ ni̍. Ɔjɔ̄jā i̍ hɔ̄ɔ̄hɔ̄ lipu̍ yī anyā ba̍la angrɔ̄ɔ gɛ ni̍. Wu̍chē oji̍ nɛ, ala̍ wa̍a̍ de lɛ ūkpo̍he la otū ngmo̍tu̍chɛ̄ ba̍la Ikra̍yisi Iji̍sɔ̄ɔsi. 29Ala̍ ge̍ wɛ āchɛ yī Ikra̍yisi, ɔ̍lɔma̍ ala̍ - wɔma yī A̍brahāam nɛ. Bū la ɛbɛ ɔla̍ā, ala̍ ge̍ē nāa ɔjā nīi Ɔwɔ choko̍o ma̍.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2020 Bible Society of Nigeria (second edition)