Isaías 48
48
Xanllon llixjwere da kub ake'
1Bzenay dani, bich loellj Jacob,
re' nsa ra Israelen,
na nako xhasoa Judá,
na llzoatew ra Xanllon;
rwe' llalwillo Dios ke Israelen,
lakse bi llapo baran, na bi new dalixhaj,
2new nako ke yell xhen xhirallen,
na nxenlallo Dios ke Israelen,
na le'en nzie'e Xanllon nap doxhente yelwak:
3Danellte bdixjwera rwe' da ka' baguk kan batna,
nadaksa broeran.
To setegaze benan, na gukte kan ba bnian.
4Le nezra ke nako wednay,
na nako war ke yan nzi hierro,
na bi lleko ka yan nzi bronce,
5bdixjweran rwe' kan batnate,
na bdixjweran rwe' kan bine' gaken.
Na ka bigak new: Loe lsak kia'nan ba ben ka',
loe lsaken benan ba bnee kan gaken.
6Rwe' ba benlo doxhente dani bwekeron kwasru,
na deksde wachebo naken dalixhaj.
Na na' chixjoera rwe' da kub ake',
da ngach ake' da bi nezro,
7da llak na', kere da baguk kan batna,
da bine' yenlo xte na' lla.
Na bigak new: Bakse nezra.
8Rwe' bine' yenlo ne'e ake' ke da ki
nike numbiesron,
le du tiemp ba bseyjo nayo ka'.
Nada' nezksera bi nako be'nn wen dalixhaj,
na lle ake' rwe' be'nn wednay kan gurjteo.
9Axha bdapralla ni ke dan llapa baran kwina,
nike yel baran kia'nan, bdapralla bi blleyia rwe'.
10Nadan bayuna rwe' xhirall, axha kere kan llun ake' kone yan nzi plat,
axha bena rwe' prueb lo horn dan llsakzin.
11Nike yel baran kia'na, ba benan,
le bi gak nu wtitje ra'n.
Bi wia latj gun ake' xhen be'nn yubre.
Xanllon wasre'e yell ke'en
12Bzenay kia, Israel, yell ke Jacob,
nun ba bayaxha:
Tuze nadan naka Dios,
nadan naka danellte, na llayullte.
13Kone taka ni brekwlla yell-li'on,
konen takan bchirja yeban,
kan bzuraw balwill akan'na, na le bxhe akten.
14Lewadup yoyte re', na le wzenay:
¿Nuxha re'en bnee kan gak:
na be'nnen ba breja
gune kan ba bena xbab konen Babilonian
na konen be'nn caldeos ka'?
15Nada' bnia ka', nadan guxhe'e,
nadan bena nench bede,
na gateze chaje'e gak wen ke'e.
16Le wadse kwita, na le wzenay dani:
Xte nellte, bi ne' nia da ngach,
na kan llak doxhente daki, gana' zeksa.
Na na', nada' Xanle, ba bia le'e yelwak kian,
na ba bsele'e.
17Ki nee Xanllo, be'nn wasra ko'on,
Dios Xhirall ke Israelen:
Nadan naka Xano, Dios ko'o,
nada' llroera rwe' da gun wen ko'o rwe',
nada' llwa rwe' nez da llayal na'o.
18Chenaga beno bare kan gulla rwen.
Da wen ko'on zajzeze lli'on ka to yeo,
yel wnia ko'on gaken ka nis da llas lo nistaw.
19Xhi'nn xhasoaw ka' gak ake' be'nn zan kwis,
da bi llbabse ka nak yuxh ke nista'on,
nada' chras bi blleyia re' chenak,
na nike balliyza re' kale.
20Le walloj Babilonian, le wxhonjre be'nn caldeos ka'.
Le chixjoe dani, na le gusia le yewe,
le wzene be'nn ka' lla' ga zerawze yell-liw.
Le ne': Xanton ba basre
Jacoben, be'nn wen llin ke'en.
21Lakse benee nench bdere latj dach yu bill ka',
bi wilere,
le benee yajen choplare
na benee nench bra nis xhen.
22Axha ke be'nn mar ka', bi llak dawen ke ake'.
Kan ba bnee Xanllon.
လက္ရွိေရြးခ်ယ္ထားမွု
Isaías 48: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ