Isaías 46
46
1Dan nzi dios Bel, llekon,
na dan nzi dios Nebo llyalen raw yu.
Bayix ka' llwa akba loe lsake ka',
na naken zi ke bayix ka' ba lljaxaken.
2Loe lsak ka' llekw aken, na llexj aken raw yu
na bi llak wasra kwine,
na rente le aken lloj aken yell.
3Le wzenay kia xhi'nn xhasoa Jacob,
yoyte be'nn ka' ba bagan ke yell Israelen:
Nadan ba bdapa re' kan ze garjtezre,
nadan bxoa re' raw xhichja,
4na nawksa gaka kan nakan ket ba nakre be'nn gur;
na ket ba lliare'e da guch, leska wzenenksa re'.
Nada' bena re', na nawksa gapa re',
nada' goxlla re' na wasra re'.
5¿Nuxha gak wsakrebere nada'?
¿Nuxha llakere nak ka nada'?
6Zajzu be'nn zan llchach ake' dazan ya oro lo bols ke ake',
na llix ake' ya plat ke aken lo xgons,
natell llirj ake' to be'nn gun to loe lsak ke ake',
nench'na wchekw xhib ake', na werao aken.
7Llxoa aken xhichj ake', na zajzeren aken,
llzoa aken to da llox len
na gana' llaganen, na bi dane'n.
Lakse cha llebraz llusia ake' llnab akren gukre, bi llallin xtill aken,
na nike llakze wasran le ake' raw dan llsakzi le aken.
8Le llajdinlall dani, be'nn wen daxhinj ake',
bi wzoatkren lo yichjre, lewayunyan xbab,
9le llajdinlall ka dan baguk kan batna.
Nadan naka Dios, na nutno llra' yeto,
naka Dios, na nutno llra' yeto ke nada'.
10Nadan llixjwera danellte kan ze gak willjwani,
llixjwera kan ze gak kan batnate.
Nada' nia: da gakse kan ba bena xbaben,
nada' guna kan ba bzerallan.
11Ba balwilla to be'nn za gan lloj willen,
na ze zit te ka' to chud
na gune kan ba bena xbaben.
Kan ba bnia, na kan guna,
ba benan xbab, na gakte kan ba bnian.
12Le wzenay re be'nn wednay,
re' llakere yel wasran zen zit kwis.
13Nadan guna nench'na wadse yel wasra kian gawchochze,
bill lliere yel wasra kian, bi zen zit.
Nada' wia Sión'na yel wasran,
nada' wia Israelen yel baran kian.
လက္ရွိေရြးခ်ယ္ထားမွု
Isaías 46: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ