Isaías 32
32
Yel llnebia ke dalixhajen
1Su to be'nn wnebia, wnebie'e kone dalixhaj
na be'nn wnebia ake' gun yel korchis dalixhaj.
2Toaj toaj be'nn ki gak ake' ka' to da llkoaj keten za be'e xhen'na,
to da llkoach keten za be bdonen,
ka to ga de nis raw yu billen,
ka to xhur ke to yaj war xhen raw latj dach yu billen.
3Wsarjlla yej raw aken,
na suyian yichj raxhdao aken wzenay ake' kwasru,
4bi gun ake' to dup bienze, axha gun aken kone yel sin,
na yarj kwis ne' ake' da ka'.
5Be'nn ka' bill ye ake' be'nn de baran ka', be'nn wednay,
na bi ne' ake' ke be'nnen llun trampen nake ben wen kwis.
6Le be'nn wednayen, llnekse di'll yelyia,
na lo yichjen llune xbab da nak damar ake',
llune xbab akre gunee xhia,
na llne'e sre da wxhiye ke Xanllon,
na bi llwe da gaw be'nnen dun,
na bi llwe da yej be'nnen llbilen.
7Be'nnen llun tramp sre da tramp llunee
na llunee xbab sre damar,
lliyie be'nn yiach ka kone da wxhiye
na be'nn yiachen llnab yel korchisen.
8Axha be'nnen nak be'nn wen dalixhajen, nape xbab wen ake',
na raw xbab ka' zelle'e war.
Kone nor ka' bi llatk xbab
9Na re' nor bi llakzede,
le wzenay dan yepa ren.
Nor xhawatraz ake', le wzenay xtilla ka'.
10Na' bi llakzedere,
axha yeratze ket ba bde twiz, za to da wcheb re',
le bi gak yel wrap
na bill wazire daxhixen nzi uvas.
11Re zure' bibi llakzedere, le xis;
re' ba zure xhenlallre, le su dazed,
le waka xharanle ka'
le gak rall zech, nench wroen ke lljalere.
12Le wroere dan lljelere'
ke lix ka' sjade da nzoa re' nbaraz, na yu lix ka' lla' lba uvas.
13Yay yiech, na yix ka' chiw aken raw latj yell-liw kian,
raw yoyte yo' gan lla' ake' nbaraz ke yell xhen'na gan llawe akre cha ake' lni' ka'.
14Yo'raon zanlallen,
yell xhen'na dan lla' be'nn zan, wadachen,
ze war ka', zanlall aken ke chnare,
gana' llajsu burr yix ka' nbaraz,
na gak gaw bell ka'.
15Axha yelwak ke Xanllon
yeden dayubre wadranen lliw,
na gan nak latj dach yu billen, wayaken to yell-liw ga gat yel guz gun,
na yell-liw gan llaz llan aken gaktellen yu chawlle.
16Da nak dalixhajen, na yel korchisen wnebian
raw doxhente latj yell-li'on.
17Yel korchisen gunen nench cha ake' wen,
su ake' nbaraz na bitbi gunchixe yichj raxhdaon aken ke chnare.
18Yell kian sun to latj ga bi gat wdil,
yo' ga nutno bi gunle le ake',
yo' ga gat yel wxhirall,
19lakse cha llajzoy ake' yay ya' yew ka',
na wtitj akre yell xhen'na.
20Re sure nbaraz,
konen daxhen nis nench'na kure nis da ka' ba guzren
na gat yix wen ke burr ka', na ke bell ka'.
လက္ရွိေရြးခ်ယ္ထားမွု
Isaías 32: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Isaías 32
32
Yel llnebia ke dalixhajen
1Su to be'nn wnebia, wnebie'e kone dalixhaj
na be'nn wnebia ake' gun yel korchis dalixhaj.
2Toaj toaj be'nn ki gak ake' ka' to da llkoaj keten za be'e xhen'na,
to da llkoach keten za be bdonen,
ka to ga de nis raw yu billen,
ka to xhur ke to yaj war xhen raw latj dach yu billen.
3Wsarjlla yej raw aken,
na suyian yichj raxhdao aken wzenay ake' kwasru,
4bi gun ake' to dup bienze, axha gun aken kone yel sin,
na yarj kwis ne' ake' da ka'.
5Be'nn ka' bill ye ake' be'nn de baran ka', be'nn wednay,
na bi ne' ake' ke be'nnen llun trampen nake ben wen kwis.
6Le be'nn wednayen, llnekse di'll yelyia,
na lo yichjen llune xbab da nak damar ake',
llune xbab akre gunee xhia,
na llne'e sre da wxhiye ke Xanllon,
na bi llwe da gaw be'nnen dun,
na bi llwe da yej be'nnen llbilen.
7Be'nnen llun tramp sre da tramp llunee
na llunee xbab sre damar,
lliyie be'nn yiach ka kone da wxhiye
na be'nn yiachen llnab yel korchisen.
8Axha be'nnen nak be'nn wen dalixhajen, nape xbab wen ake',
na raw xbab ka' zelle'e war.
Kone nor ka' bi llatk xbab
9Na re' nor bi llakzede,
le wzenay dan yepa ren.
Nor xhawatraz ake', le wzenay xtilla ka'.
10Na' bi llakzedere,
axha yeratze ket ba bde twiz, za to da wcheb re',
le bi gak yel wrap
na bill wazire daxhixen nzi uvas.
11Re zure' bibi llakzedere, le xis;
re' ba zure xhenlallre, le su dazed,
le waka xharanle ka'
le gak rall zech, nench wroen ke lljalere.
12Le wroere dan lljelere'
ke lix ka' sjade da nzoa re' nbaraz, na yu lix ka' lla' lba uvas.
13Yay yiech, na yix ka' chiw aken raw latj yell-liw kian,
raw yoyte yo' gan lla' ake' nbaraz ke yell xhen'na gan llawe akre cha ake' lni' ka'.
14Yo'raon zanlallen,
yell xhen'na dan lla' be'nn zan, wadachen,
ze war ka', zanlall aken ke chnare,
gana' llajsu burr yix ka' nbaraz,
na gak gaw bell ka'.
15Axha yelwak ke Xanllon
yeden dayubre wadranen lliw,
na gan nak latj dach yu billen, wayaken to yell-liw ga gat yel guz gun,
na yell-liw gan llaz llan aken gaktellen yu chawlle.
16Da nak dalixhajen, na yel korchisen wnebian
raw doxhente latj yell-li'on.
17Yel korchisen gunen nench cha ake' wen,
su ake' nbaraz na bitbi gunchixe yichj raxhdaon aken ke chnare.
18Yell kian sun to latj ga bi gat wdil,
yo' ga nutno bi gunle le ake',
yo' ga gat yel wxhirall,
19lakse cha llajzoy ake' yay ya' yew ka',
na wtitj akre yell xhen'na.
20Re sure nbaraz,
konen daxhen nis nench'na kure nis da ka' ba guzren
na gat yix wen ke burr ka', na ke bell ka'.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ