Isaías 30
30
Kan gak ke be'nn ka' llyirj gukre ke Egipton
1Xanllon ba bnee:
Niachraz naken ke xhi'nna wednay ka',
llun ake' xbab, na bitbi lle ake' nada',
na llun ake' xnid gun ake' da bi bzua lo yichj raxhdao ake',
na kone ka llaslliw ake' daxhinj ke ake' ka'.
2Rres zajzedo ake' Egipton,
na nike bi llnab aksre nada',
llajdirj ake' gukre nench wkoej Faraón'na le ake',
na llkoaj kwin ake' xhan xhur ke Egipton.
3Axha yel gukre ke Faraón'na bi wkoajen le ake',
na xhur ke Egipton llkoaj le aken gaken yelsdo ke ake'.
4Lakse re' ba bselre be'nn braw kere ka'
xte yell xhen ke Soan, na gan nzi Hanés,
5yoy akte si' ake' yelsdo xtol latj yell-li'on bi'bi zaken,
na nike llunzen le ake' gukre, na nike bi banez si' akzen,
axha tuz dakenxhie na da wxhiye.
6Kan gak ke bayix ka' lla' Négueben:
Latj yell-liw gan zajze da nxhull ake',
gan lla' bell yix ka' llusia,
gan lla' bel snia, na ba ka' nzi dragón ba da raw lla
nsa ake' yel wnia ke ake' ka'
kull burr, na ban nzi kamello
Egipton, yell dan bi'bi zaken,
7Nike zakze gakrenen.
Kelen'na ba bia re' ki:
Bekw llun snia, bi llyin.
8Da na', na bzojen to raw bray,
na bzoj ke di'll ki,
nench'na waganen ke willjwani,
ka to di'll da wne', na da llajdinlall aken ke chnare.
9Be'nn ki sjanak ake' to yell wednay, bi nak ake' be'nn wendalixhaj,
na bi llen akre yen akre dan llsedre Xanllon.
10Be'nn ka' llredawen lle ake' le ake': bi redawere,
na be'nn ka' llayixjwe xti'll Diozen: bi ye're neto' da ba bredawre da sjanak dalixhaj,
leweren neto' di'll wallajlluteze,
Le chixhjwe neto' da wxhiye.
11Le yekoaz raw nezen,
bi chajre nezen zaj lixhajen,
bi wzoare' rawton Dios Xhirall ke Israelen.
12Kelen'na, Dios Xhirall ke Israelen nee:
Re' bi zire' di'llen ba bdixjwera ren,
na llxenlallre dan llxe wdilen, na damaren,
na zire yel gukre ke daki,
13kelen'na ren napre dol.
Nakre ke walle to ze da ba ntin
na katen bi llbexhre yalen'na, to setegaze llyalen,
14na kweyire ka to lew de yu,
na dokenaken lloxhjtinen
na ni rat dawen bi llagan
ni da gun llin da watupllo yi' barjen
o cha da kuajllo nis da yull lo bej.
15Xanllo, Dios Xhirall ke Israelen nee:
Le wada, le su lliteze, na warare.
Rawe gan zere llitezen, na dan llxenlallren
gana'n gat yel ndiprall keren.
Axha re' bi wenere,
16axha bnere: ka', wenle wxhonjto konen kabay ka'.
Wakse cha, kakse wxhonjre.
Leska bnere: kwiato raw karret ka zado rresen.
Wakse cha, rres sado be'nn ka' naw ren.
17Tuze be'nn wcheb to mir ake',
na gayze be'nn wcheb yoyte re', na wxhonjdore,
xte wagante ye txhonjsre
kan llagan to yay raw ya'n
o to sen da ll-lis ake' to raw rum.
Dan llchebe'e wayachralle yell Israelen
18Axha Xanllon llbexhe'e re', nench'na wayachralle re', le'en to ba llentatre wruere re' yel nllie ke'en, le Xanllon nake to Dios be'nn llun dalixhej. Nbaraz ke be'nn ka' llbexh le'en.
19Yell ke Sión, rwe' zuw Jerusalén'na, chras bill koello. Xanllo wayachralle rwe' keten yenle llnabo gukre, chinze yenle, le wallite'e xtillon. 20Na lakse cha Xanllon wawe rwe' yel llsakzin, na wajte rwe' da walleyrawo, le'en nak mexkoer ko'o, bill wkoache, konen yajrao kakse reroe. 21Na cha law nez tako chawre cha tako rbese, yenlo to bexne' kullo, da ye rwe': ganilen xhoa nezen, nile le chaj. 22Na guno kaze ka da nak bziw bxen de yaj plat ko'o ka', na loe lsak ko'o ka' da ka' nak de ya cha'on nzi oro. Bill ye'neron dan bi naken xhirall, na gakron ka beb. 23Xanllo gunee yejw ke nbazen gazo raw yell-li'on, na yell-li'on gune'n yajlaw trigo. Ka lla'na gat latj xhen na yajlaw da gaw bayix ko'o ka. 24Xte bell ka', na burr ka', ba ka' llun llin lix ko'o ka gat yix da zeraw nak wen na da nak sia da gaw akba. 25Keten llin llan kweyi be'nn zan, na yal ze war ka', gat yeo na nis xhen raw doxhente ya' sib ka', na raw rum ka'. 26Xanllon gunee xmell na wchele rall we ke yell ke'en. Natell be'on wsenin kakse willen, na beni ke willen wsenin gall kwen snialle, ka to beni ke gall kwen will da llseni tuchize.
Kan wsakzi Diozen yell Asirian
27Lewiakero, zit kwis ba zakse kwin Xanllon
yel llruk ken naken ka' to yi' da lleynin,
lo llwe'en ballate llan yel llruk,
rulle'en naken ka' to yi' dalleyi.
28Bich ke'en naken ka' to yew da ba balloj llwere
na kon da de llarabj,
le'en ze'e lladxoe'e to da zi kull latj yell-liw ka',
nench'na wlleyie'e dokenaken,
na wzoe'e da wsej llwa be'nn yell ka'
nench gakllajlall ake'.
29Axha ke re', gat to da gulre
ka to tllele ga de lni' xhirall,
raxdawren sun nbaraz,
ka to be'nn llgo nez kon kan llun bllejen
nench'na chaje'e ya' ke Xanllon,
gan llkoaj Israelen.
30Xanllon gunee nench'na yiene nuteze chie'e zilljen,
na wroere yelwak ke'en, da wsakzie kone yel llruk da nxhullraz,
kone yi' da llalnin da llzey tullwaze,
konen yi' bziw, yejw siw, na yaj zed.
31Katen yenle bellne' ke Xanllon, na sie'e yel llsakzi ke'en,
Asirian llebraz wcheben le'e,
32na to kwen wej ket wsan Xanllon yel llruk ke'en konen Asirian,
sill tambor ka', na daka nzi arpas.
Xanllon llebraz tilrene Asirian.
33Ba guk scha kwis
ba nak xnid ke Asirian, na ke be'nn wnebia ke'en,
latj gan wsakzie'e da nak da ray, na da nak zitj,
to yi' da llalnin konen yay way.
Xanllon to wrubzen na le galten,
ka to yejw dan nsa azufre.
လက္ရွိေရြးခ်ယ္ထားမွု
Isaías 30: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Isaías 30
30
Kan gak ke be'nn ka' llyirj gukre ke Egipton
1Xanllon ba bnee:
Niachraz naken ke xhi'nna wednay ka',
llun ake' xbab, na bitbi lle ake' nada',
na llun ake' xnid gun ake' da bi bzua lo yichj raxhdao ake',
na kone ka llaslliw ake' daxhinj ke ake' ka'.
2Rres zajzedo ake' Egipton,
na nike bi llnab aksre nada',
llajdirj ake' gukre nench wkoej Faraón'na le ake',
na llkoaj kwin ake' xhan xhur ke Egipton.
3Axha yel gukre ke Faraón'na bi wkoajen le ake',
na xhur ke Egipton llkoaj le aken gaken yelsdo ke ake'.
4Lakse re' ba bselre be'nn braw kere ka'
xte yell xhen ke Soan, na gan nzi Hanés,
5yoy akte si' ake' yelsdo xtol latj yell-li'on bi'bi zaken,
na nike llunzen le ake' gukre, na nike bi banez si' akzen,
axha tuz dakenxhie na da wxhiye.
6Kan gak ke bayix ka' lla' Négueben:
Latj yell-liw gan zajze da nxhull ake',
gan lla' bell yix ka' llusia,
gan lla' bel snia, na ba ka' nzi dragón ba da raw lla
nsa ake' yel wnia ke ake' ka'
kull burr, na ban nzi kamello
Egipton, yell dan bi'bi zaken,
7Nike zakze gakrenen.
Kelen'na ba bia re' ki:
Bekw llun snia, bi llyin.
8Da na', na bzojen to raw bray,
na bzoj ke di'll ki,
nench'na waganen ke willjwani,
ka to di'll da wne', na da llajdinlall aken ke chnare.
9Be'nn ki sjanak ake' to yell wednay, bi nak ake' be'nn wendalixhaj,
na bi llen akre yen akre dan llsedre Xanllon.
10Be'nn ka' llredawen lle ake' le ake': bi redawere,
na be'nn ka' llayixjwe xti'll Diozen: bi ye're neto' da ba bredawre da sjanak dalixhaj,
leweren neto' di'll wallajlluteze,
Le chixhjwe neto' da wxhiye.
11Le yekoaz raw nezen,
bi chajre nezen zaj lixhajen,
bi wzoare' rawton Dios Xhirall ke Israelen.
12Kelen'na, Dios Xhirall ke Israelen nee:
Re' bi zire' di'llen ba bdixjwera ren,
na llxenlallre dan llxe wdilen, na damaren,
na zire yel gukre ke daki,
13kelen'na ren napre dol.
Nakre ke walle to ze da ba ntin
na katen bi llbexhre yalen'na, to setegaze llyalen,
14na kweyire ka to lew de yu,
na dokenaken lloxhjtinen
na ni rat dawen bi llagan
ni da gun llin da watupllo yi' barjen
o cha da kuajllo nis da yull lo bej.
15Xanllo, Dios Xhirall ke Israelen nee:
Le wada, le su lliteze, na warare.
Rawe gan zere llitezen, na dan llxenlallren
gana'n gat yel ndiprall keren.
Axha re' bi wenere,
16axha bnere: ka', wenle wxhonjto konen kabay ka'.
Wakse cha, kakse wxhonjre.
Leska bnere: kwiato raw karret ka zado rresen.
Wakse cha, rres sado be'nn ka' naw ren.
17Tuze be'nn wcheb to mir ake',
na gayze be'nn wcheb yoyte re', na wxhonjdore,
xte wagante ye txhonjsre
kan llagan to yay raw ya'n
o to sen da ll-lis ake' to raw rum.
Dan llchebe'e wayachralle yell Israelen
18Axha Xanllon llbexhe'e re', nench'na wayachralle re', le'en to ba llentatre wruere re' yel nllie ke'en, le Xanllon nake to Dios be'nn llun dalixhej. Nbaraz ke be'nn ka' llbexh le'en.
19Yell ke Sión, rwe' zuw Jerusalén'na, chras bill koello. Xanllo wayachralle rwe' keten yenle llnabo gukre, chinze yenle, le wallite'e xtillon. 20Na lakse cha Xanllon wawe rwe' yel llsakzin, na wajte rwe' da walleyrawo, le'en nak mexkoer ko'o, bill wkoache, konen yajrao kakse reroe. 21Na cha law nez tako chawre cha tako rbese, yenlo to bexne' kullo, da ye rwe': ganilen xhoa nezen, nile le chaj. 22Na guno kaze ka da nak bziw bxen de yaj plat ko'o ka', na loe lsak ko'o ka' da ka' nak de ya cha'on nzi oro. Bill ye'neron dan bi naken xhirall, na gakron ka beb. 23Xanllo gunee yejw ke nbazen gazo raw yell-li'on, na yell-li'on gune'n yajlaw trigo. Ka lla'na gat latj xhen na yajlaw da gaw bayix ko'o ka. 24Xte bell ka', na burr ka', ba ka' llun llin lix ko'o ka gat yix da zeraw nak wen na da nak sia da gaw akba. 25Keten llin llan kweyi be'nn zan, na yal ze war ka', gat yeo na nis xhen raw doxhente ya' sib ka', na raw rum ka'. 26Xanllon gunee xmell na wchele rall we ke yell ke'en. Natell be'on wsenin kakse willen, na beni ke willen wsenin gall kwen snialle, ka to beni ke gall kwen will da llseni tuchize.
Kan wsakzi Diozen yell Asirian
27Lewiakero, zit kwis ba zakse kwin Xanllon
yel llruk ken naken ka' to yi' da lleynin,
lo llwe'en ballate llan yel llruk,
rulle'en naken ka' to yi' dalleyi.
28Bich ke'en naken ka' to yew da ba balloj llwere
na kon da de llarabj,
le'en ze'e lladxoe'e to da zi kull latj yell-liw ka',
nench'na wlleyie'e dokenaken,
na wzoe'e da wsej llwa be'nn yell ka'
nench gakllajlall ake'.
29Axha ke re', gat to da gulre
ka to tllele ga de lni' xhirall,
raxdawren sun nbaraz,
ka to be'nn llgo nez kon kan llun bllejen
nench'na chaje'e ya' ke Xanllon,
gan llkoaj Israelen.
30Xanllon gunee nench'na yiene nuteze chie'e zilljen,
na wroere yelwak ke'en, da wsakzie kone yel llruk da nxhullraz,
kone yi' da llalnin da llzey tullwaze,
konen yi' bziw, yejw siw, na yaj zed.
31Katen yenle bellne' ke Xanllon, na sie'e yel llsakzi ke'en,
Asirian llebraz wcheben le'e,
32na to kwen wej ket wsan Xanllon yel llruk ke'en konen Asirian,
sill tambor ka', na daka nzi arpas.
Xanllon llebraz tilrene Asirian.
33Ba guk scha kwis
ba nak xnid ke Asirian, na ke be'nn wnebia ke'en,
latj gan wsakzie'e da nak da ray, na da nak zitj,
to yi' da llalnin konen yay way.
Xanllon to wrubzen na le galten,
ka to yejw dan nsa azufre.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ