Isaías 24
24
Kan gak raw yell-li'on
1Lewiakero, Xanllon wlleyie'e yell-li'on,
na wayaken llerllibze,
na guzlase'e be'nn ka'.
2Ke gak ke bxuzen, na ka gak ke be'nn yellen,
ke gak ke xan llin'na, na ke gak ke be'nn wen llin'na llzakzin,
ke gak ke xane noren, na ke gak ke nor wen llin'na llzakzin,
ke gak ke be'nnen llaw, na ke gak ke be'nnen lloten,
ke gak ke be'nnen llbaj mellen, na ke gak ke be'nnen janaben,
ke gak ke be'nnen llbayen, na ke gak ke be'nnen llbajen.
3Doxhente yell-li'on wadach waranen,
na koan ake' yoyte da sjade rawen.
Le kan ba bnee Xanllon.
4Yell-li'on llayechen, na llkoaden,
doxhente Yell-li'on llyechen, na llkoaden,
na yeban, na yell-li'on zu yiachen.
5Be'nn ka' lla' raw yellen bill bdap ake' baran yell-li'on,
le ba bsan ake' bill bnao ake' gun ake' ke di'll ka' ba nachjbian,
bill bzenay ake' ke di'll ka' ba nachjbian,
ba btitj akre dan ba bchajlla ake' ke chnaren.
6Kelen'na, de'n ba basyullen ke yell-li'on,
na be'nn ka' lla' rawen ba llxhakzi ake'.
Kelen'na be'nn ka' lla' raw yell-li'on ba bayach ake',
na ba llagan yeratze be'nn ake'.
7Yeratze zu ke uvan llagan, lba uvas ka' ba llun xhoe,
be'nn ka' bzu nbarazen ba zu yiach ake'.
8Ba bsan arpan, na tambor ka' bill llun aken llakia,
ba bllelli yel wen llakia ke be'nn ka' lla' nbarazen.
9Bill yej aklle zu ke uvan keten llul aken,
da ka' llaj aken wayak aken sla ke be'nn ka' llaj len'na.
10Yell xhen gan biyo xnezen ba blleyin,
nullno llak llo' lo yo' ka'.
11Be'nn ka' lla' ake' tnez ka' bell ake' le ba llak win zu ke uvan;
doxhente dan lla' ake' nbarazen ba zeyajen,
ba ballojen raw yell-li'on.
12Yell xhen'na ba nyinjen,
reijen ba guxhjtinen.
13Ka' gak ke yoyte latj yell-liw ka' lla' raw yell-li'on,
kan llun ake' ket llin ake' dan nzi aceitunas nench llexj aken,
o cha ket llayirj ake' uvas
ket ba bde wrapen.
14Be'nn ka' ba bagan konen yelnban'na gusia ake' dan zajzu ake' nbarazen,
na wlis chi aken gan llagach willen
keten re akre yel zak xhen ke Xanllon.
15Leskakse gan lloj willen
na latj yell-liw ka' lla' llwa nista'on
gunxhen ake' ra Xanllon, Dios ke Israelen.
16Gan zerawze yell-li'on ba benlello llul ake':
Yel baranen naken ke be'nnen llun dalixhejen.
Axha nada' bnia: niachraz, niachraz.
Be'nn ka' llun chop llwaren llun ake' to daxhinj.
17Be'nn ka' lla' raw yell-li'on
gak ake' ka bayix ba llinaw be'nn ka' lljaxen le akban
o cha ka baze raw da nxhull llajchoba lo yell o cha to lo tramp.
18Be'nnen wara rawna be'nn ka' zen bayix ka', lljagone'e lo yellen,
na be'nnen ba balloj lo yellen, lljagone'e raw tramp.
To yejw xhen yexjen le yeban,
na xis gan bxhe yell-li'on.
19Llebraz xis yell-li'on,
tane'n, na guxjtinen.
20Gakyalen ka to be'nn wezu,
xhizen ka to yo' da bi ndiprall.
Zi kwis nak daxhinj ka' llak rawen,
kelen'na yalen, na bill gak wayasen.
21Ka lla'na Xanllon wsakzie'e
da ka' llnebia konen da maren,
na be'nn ka' llnebia raw yell-li'on,
22watupe le ake', na wseyje'e le ake' lo rill-ya,
lo rill-ya na wseje'e le ake',
na ket ba bde zan lla ka', wsakzie'e le ake'.
23Keten Xanllon nap doxhente yelwaken gunee kan llun be'nnen llnebian
raw ya' ke Sión'na, Jerusalén'na,
willen, na be'on wayaken xchul
na be'nn braw ka' lla' raw yellen re akre yel zak xhen ke Xanllon.
လက္ရွိေရြးခ်ယ္ထားမွု
Isaías 24: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Isaías 24
24
Kan gak raw yell-li'on
1Lewiakero, Xanllon wlleyie'e yell-li'on,
na wayaken llerllibze,
na guzlase'e be'nn ka'.
2Ke gak ke bxuzen, na ka gak ke be'nn yellen,
ke gak ke xan llin'na, na ke gak ke be'nn wen llin'na llzakzin,
ke gak ke xane noren, na ke gak ke nor wen llin'na llzakzin,
ke gak ke be'nnen llaw, na ke gak ke be'nnen lloten,
ke gak ke be'nnen llbaj mellen, na ke gak ke be'nnen janaben,
ke gak ke be'nnen llbayen, na ke gak ke be'nnen llbajen.
3Doxhente yell-li'on wadach waranen,
na koan ake' yoyte da sjade rawen.
Le kan ba bnee Xanllon.
4Yell-li'on llayechen, na llkoaden,
doxhente Yell-li'on llyechen, na llkoaden,
na yeban, na yell-li'on zu yiachen.
5Be'nn ka' lla' raw yellen bill bdap ake' baran yell-li'on,
le ba bsan ake' bill bnao ake' gun ake' ke di'll ka' ba nachjbian,
bill bzenay ake' ke di'll ka' ba nachjbian,
ba btitj akre dan ba bchajlla ake' ke chnaren.
6Kelen'na, de'n ba basyullen ke yell-li'on,
na be'nn ka' lla' rawen ba llxhakzi ake'.
Kelen'na be'nn ka' lla' raw yell-li'on ba bayach ake',
na ba llagan yeratze be'nn ake'.
7Yeratze zu ke uvan llagan, lba uvas ka' ba llun xhoe,
be'nn ka' bzu nbarazen ba zu yiach ake'.
8Ba bsan arpan, na tambor ka' bill llun aken llakia,
ba bllelli yel wen llakia ke be'nn ka' lla' nbarazen.
9Bill yej aklle zu ke uvan keten llul aken,
da ka' llaj aken wayak aken sla ke be'nn ka' llaj len'na.
10Yell xhen gan biyo xnezen ba blleyin,
nullno llak llo' lo yo' ka'.
11Be'nn ka' lla' ake' tnez ka' bell ake' le ba llak win zu ke uvan;
doxhente dan lla' ake' nbarazen ba zeyajen,
ba ballojen raw yell-li'on.
12Yell xhen'na ba nyinjen,
reijen ba guxhjtinen.
13Ka' gak ke yoyte latj yell-liw ka' lla' raw yell-li'on,
kan llun ake' ket llin ake' dan nzi aceitunas nench llexj aken,
o cha ket llayirj ake' uvas
ket ba bde wrapen.
14Be'nn ka' ba bagan konen yelnban'na gusia ake' dan zajzu ake' nbarazen,
na wlis chi aken gan llagach willen
keten re akre yel zak xhen ke Xanllon.
15Leskakse gan lloj willen
na latj yell-liw ka' lla' llwa nista'on
gunxhen ake' ra Xanllon, Dios ke Israelen.
16Gan zerawze yell-li'on ba benlello llul ake':
Yel baranen naken ke be'nnen llun dalixhejen.
Axha nada' bnia: niachraz, niachraz.
Be'nn ka' llun chop llwaren llun ake' to daxhinj.
17Be'nn ka' lla' raw yell-li'on
gak ake' ka bayix ba llinaw be'nn ka' lljaxen le akban
o cha ka baze raw da nxhull llajchoba lo yell o cha to lo tramp.
18Be'nnen wara rawna be'nn ka' zen bayix ka', lljagone'e lo yellen,
na be'nnen ba balloj lo yellen, lljagone'e raw tramp.
To yejw xhen yexjen le yeban,
na xis gan bxhe yell-li'on.
19Llebraz xis yell-li'on,
tane'n, na guxjtinen.
20Gakyalen ka to be'nn wezu,
xhizen ka to yo' da bi ndiprall.
Zi kwis nak daxhinj ka' llak rawen,
kelen'na yalen, na bill gak wayasen.
21Ka lla'na Xanllon wsakzie'e
da ka' llnebia konen da maren,
na be'nn ka' llnebia raw yell-li'on,
22watupe le ake', na wseyje'e le ake' lo rill-ya,
lo rill-ya na wseje'e le ake',
na ket ba bde zan lla ka', wsakzie'e le ake'.
23Keten Xanllon nap doxhente yelwaken gunee kan llun be'nnen llnebian
raw ya' ke Sión'na, Jerusalén'na,
willen, na be'on wayaken xchul
na be'nn braw ka' lla' raw yellen re akre yel zak xhen ke Xanllon.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ