Rroman 10
10
1Lalachera o nkanachera, kore nayieu oleng taatua ltau lai, naomon Nkai tankaraki ltung'ana lang loo Lyiaudi, naa payie eitejeuni. 2Kaata sipata naipirita ninche nchere kenyok aaisiaai Nkai, kake meyielo 3inia naitaa ltung'ani asipani ta Nkai. Nenyok aaitaa ate loosipat, naaku eitu eitodoyio ate meitaa ꞉Nkai ninche loosipat. 4Amu Kristo nkiting'oto ee nkitanapat, paa kore pooki ng'ae oiruk neikeni aajo loosipat.
5 #
Lal 18:5
Amu keigero ꞉Musa naipirita inia sipata natumi te nkibung'ata ee nkitanapat ejo, <<Kore ltung'ani oas nayieu nkitanapat, naaku nkitanapat eichiwue.>> 6#Nkit 30:12–14Kore naipirita inia sipata nayau sotua oipida o Nkai natumi te nkurukoto naa inji ejo Lkigerot, <<Mijo ta ltau lino, <Ng'ae dei kenya oiliep alo chumata?>, eji ayau Kristo abori 7nimijo sii, <Ng'ae odoki lodo le nkop?> >>, eji aitai Kristo taatua lootuata. 8Kake kejoito aa? Kejo, <<Ikinyikita ꞉rerei, keti nkutuk ino o ltau lino>>, ilo rerei taa oipirita nkurukoto nikilikoo. 9Naaku tinimbalie iyie to nkutuk ino nchere kera Yeso Laitoriani, niruk ta ltau lino ajo keitipiwua ꞉Nkai ninye too lootuata, naa ikintejeuni iyie, 10amu ta ltau eiruk ltung'ani neitaae loosipat, naa to nkutuk eibalie nejeu. 11#Isa 28:16Kejo Lkigerot Sinyat, <<Meata hoo obo oiruk Yeso oitami anyit.>> 12Amu mepaacha ltung'ani loo Lyiaudi o loo lkulie oreren, ilo Aitoriani ake oara Laitoriani loo pooki, naa keicho mayianat enyena pooki ng'ae oipot ninye. 13#Yoel 2:32Amu, <<Kore pooki ng'ae oipot nkarna e Laitoriani naa keitejeuni.>>
14Naa aji eiko ltung'ana teneipot ilo leitu eiruk? Naa aji eiko teneiruk ilo leitu apake ening? Naa aji eiko tenening tenemeata lalikoroni? 15#Isa 52:7Naa aji eiko ltung'ana tenelikoo teneitu eirruaari? Ana naigero ajo, <<Kewuaa sa supaticho tenening'oi nkejek ee lolo oolikoo Lomon Supati!>> 16#Isa 53:1Kake eitu eiruk pooki Lomon Supati, ana natejo loiboni le Nkai Isaya, <<Laitoriani, ng'ae oiruko lkilikuai otining'o tee iyioo?>> 17Naaku, kelotu nkurukoto te inia naning'i, naa kore inia naning'i kelotu te likoroto e rerei le Kristo. 18#SNk 19:4Kake kaiparu, eitu sa ening ninche? Ketining'o dei, amu kejo Lkigerot,
<<Kechomo ltoilo lenche nkop pooki,
nechomo rerei lenche neiting'ie nkop.>>
19 #
Nkit 32:21
Kaiparu sii aitoki, eitu apake ening'u Isirael? Ketining'o, kake eitu eng'amaa. Ketejo Musa,
<<Kapik ntae lom tankaraki ltung'ana lamara lo lorere linchi,
naitogor ntae entogorokinoto lorere lemeyiolo apake Nkai.>>
20 #
Isa 65:1
Netejo aitoki ilo oiboni Isaya te mpijan,
<<Kaatumo apa ꞉lolo lamaayiaya,
naibalakinyie koon lolo lamaaiparuta.>>
21 #
Isa 65:2
Kake kejoki ꞉ninye ltung'ana loo Isirael,
<<Kore ta mparri pooki kairruaaka ntae nkaina
ltung'ana lemening'icho, negol kuechi.>>
လက္ရွိေရြးခ်ယ္ထားမွု
Rroman 10: saq
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021, Bible Translation and Literacy