Asat 7
7
Nkiroroto e Sitepano
1Neipar ꞉laitainoni kitok la lasar Sitepano ajoki, <<Amaa, kedede kuna nikitipikaki?>>
2 #
Ng'as 12:1
Newoliki ajoki, <<Lalachera lainien o loo papa, entining'ooki! Kore Nkai ang e nkitoo naa keipung'oka apa akuyia lang Abraam etii nkop e Mesopotamia, ewuon eitu elotu amany Aran. 3Ketiaka ꞉Nkai ninye, <Tung'ai nkop ino o ltung'ana lo ltung'ana linono, nilo nkop naaitodol.>
4 #
Ng'as 11:31,
Ng'as 12:4
<<Neing'uaa ninye inia kop ee Kaldia nelo amany Aran. Kore payie eper papa lenye, neiwuetie ninye ꞉Nkai te inie meeu amany ana kop taata nimanyanya. 5#Ng'as 12:7, 13:15, 15:18, 17:8Kore tana kop nikitii naa eitu apa eicho ꞉Nkai Abraam murua najo nenye, abaki rioto nabo. Kake keitaka ꞉Nkai ninye lekutuk nchere kore ninye o ichoi enye naa keaku ana kop nenye abaki meata ninye nkerai inia kata. 6#Ng'as 15:13,14Nejoki ꞉Nkai inji, <Kore kenya ichoi ino naa kepuo aabikie atua nkop eiching'a. Neitae rrindiki, neitami sina te inie larin 400. 7#Nai 3:12Kake kore inia kop napuo ꞉ninche aaisiaai era rrindiki, naa kadung'oki kenya nkiguana torno, naa kore tesiedi inia, naapuonu ꞉ninche aasai tene ng'oji.> 8#Ng'as 17:10–14, Ng'as 21:2–4, Ng'as 25:26, Ng'as 29:31—35:18Neicho taa ꞉Nkai Abraam muratare metaa nkitodolunoto e lmumai oatama o ninye. Neiu ꞉Abraam Isaka nemurat eata mperot isiet. Neiu ꞉Isaka Yakobo, neiu ꞉Yakobo layiok 12 oaataa lmareita 12 le Isirael.
9 #
Ng'as 37:11,
Ng'as 37:28,
Ng'as 39:2,21 <<Kore lolo ayiok naa keata lalache obo oji Yosep. Kore amu keiputa ninche lom, nemiraki ninye ltung'ana le Misiri meitaa rrindik. Kake ketaa apa Nkai tenebo o ninye, 10#Ng'as 41:39–41nelaku taatua sinaitin pooki lenyena. Neicho ꞉Nkai ninye omom o ng'eno tekue Parao lkinkii le Misiri. Nepik ꞉Parao ninye nkitoria meitoria Misiri o nkang enye pooki.
11 #
Ng'as 42:1,2 <<Nelotu nkolong torno o sina kitok inia kop pooki e Misiri o Kanan, nelau lmakui lang ntoki nanya. 12Kore payie ening Yakobo ajo keatae ndaa te inia kop e Misiri, neirruaaya nkata ekue lmakui lang mechomo inie. 13#Ng'as 45:1, Ng'as 45:16Kore payie eitoki aaigil nkata e are, neibalakinyie Yosep koon lalachera lenyena, neyielou sii ꞉Parao nkang ee Yosep. 14#Ng'as 45:9,10,17,18, Ng'as 46:27Neirruaaya ꞉Yosep lkilikuai meyeu papa lenye Yakobo o nkang enye pooki netii ninye. Kore inia ang pooki naa ltung'ana 75. 15#Ng'as 46:1–7, Ng'as 49:33Nedou Yakobo alo inia kop e Misiri, nenang inie ana natanang'a lkulie makui lang ootuo tesiedi ninye. 16#Ng'as 23:3–16, 33:19, 50:7–13; Yoch 24:32Neyae loik lenche aarriny Sekem, nepiki atua nkurarei nainyieng'ua apa ꞉Abraam taa layiok le Amor too nkuti ropiyiani.
17 #
Nai 1:7,8 <<Kake kore etaa kenyiku nkata naitabari lekutuk oitaka ꞉Nkai Abraam, neaku ltung'ana lang kumo oleng te Misiri 18ana metumo Misiri lkinkii lemeyielo mbaa e Yosep. 19#Nai 1:10,11, Nai 1:22Kore ꞉ilo kinkii nepik ltung'ana lang loseg torno, neidachaki nkop lmakui lang, aisimaki ninche meiturrai nkera kunini naaini metuata.
20 #
Nai 2:2
<<Kore inia kata neini Musa, naa kera apa ninye nkerai ee mbene oleng. Neirrita ꞉ntoiwuo enyena ninye lapatin okuni taatua nkaji enche. 21#Nai 2:3–10Kore payie eaku merekure eidim aaisudoi ninye, neipung'ie aulo etii atua nkikapu. Nerrapu ntito e Parao neya aitubulu aaitaa layieni lenye. 22Neiteng'eni Musa taatua ng'eno pooki ee Lmisiri neaku jartan to nkuroroto neatakanu taa asat.
23 #
Nai 2:11–15
<<Kore payie ebaya Musa larin artam, neyieuu ta ltau payie elo aisabaki lalachera lenyena oaara ltung'ana le Isirael. 24Nedol lobo lenche erita ꞉ltung'ani loo Lmisiri, nelo ajing ninye nkoriong, neitalak aar ilo tung'ani loo Lmisiri metua. 25Nejo ninye kebaki naa kedol lolo alachera lenyena le Isirael aajo keichoo ꞉Nkai ninye meitejeu ninche te rrindikicho, kake eitu edol ꞉ninche. 26Kore mparri naijipu inia, netum ꞉Musa ltung'ana oare loo Isirael era, nejo ntemeleta ninche ajoki, <Lolewa, irara dei lalachera, aanyo payie irara?>
27<<Kake kore ꞉ilo tung'ani orita likae, nerrumoo Musa nejo, <Ng'ae likintaa iyie lkitok lang o ladung'oni lang le nkiguana? 28Ikiyieu dei nikiar ana ninkuna ng'ole ilo tung'ani loo Lmisiri?> 29#Nai 18:3,4Kore payie ening Musa ana, neisig alo Midian, newuon te inie era ltung'ani leiching'a neiu layiok oare.
30 #
Nai 3:1–10
<<Kore payie eichunye aitoki larin artam, neipung'oki ꞉lmalaika la Laitoriani Musa te lng'ejep le nkima to suur nabo nailu. Ketaase apa inia too lkees onyikita ldonyuo le Sinai. 31Neing'asia Musa oleng payie edol inia. Kore payie enyikaki asipu, nening ltoilo la Laitoriani ejo, 32<Kara nanu Nkai e lmakui lino, Nkai e Abraam o ne Isaka o ne Yakobo.> Neiputukuny Musa oleng, nemeitieu aing'ura inie aitoki.
33<<Nejoki ꞉Laitoriani, <Ntai namuka inono amu kore inie nintacheyie naa ng'oji sinyati. 34Katoduaa katukul sina onyeita ltung'ana lainien te Misiri, natining'o lkichiret lenche naa kayewuo payie alaku ninche. Kore taata, kaairruaya chomo Misiri.>
35 #
Nai 2:14
<<Naa ilo Musa apake oatanya ꞉ninche ejo, <Ng'ae likintaa iyie lkitok o ladung'oni le nkiguana?> Ninye eirruaayie ꞉Nkai metaa lkitok o lalakunoni lenche, te reto e lmalaika oipung'oka ninye ta laduo saar ooilu. 36#Nai 7:3, Nai 14:21, Nki 14:33Neipung'unyie ninche aitai te Misiri, neas mbaa kutuaa e nking'asia o mbaa naitodolu nkitoo e Nkai te nkop e Misiri, neitoki aas tankalo mpaso naji Mpaso Nanyieke, neitoki aas nkulie baa kumo taa larin artam te lkees.
37 #
Nkit 18:15,18 <<Ilo Musa taa apa otiaka Isirael, <Kore Nkai naa kelo aitupukoki ntae loiboni otuwuana nanu, taatua ltung'ana linchi.> 38#Nai 19:1—20:17; Nkit 5:1–33Kore taatua lolo tung'ana loo Isirael ooiturrurrote te lkees, naa keti Musa inie tenebo o ilo malaika oirorie chiaake ninye to ldonyuo le Sinai, netii sii tenebo o lmakui lang. Ketang'amayie ninye rerei oichu, payie eicho iyioo.
39<<Kore lmakui lang naa meyieu nening ninye, kake ketanya ninye neiwuatuwuata taa ltauja lenche aayieu payie errinyokino Misiri. 40#Nai 32:1Nejoki Aron, <Ntibiraki iyioo nkaitok naarik iyioo, amu kore ele tung'ani oji Musa otirikua apa iyioo aipung'unyie to nkop e Misiri, mikiyielo ntoki natumo ꞉ninye!> 41#Nai 32:2–6Kore ake te inia ng'amata, neitibir ꞉ninche nkai e sapare e nkitanyanyukoto e lache. Neitaki ninye lasar, nenya sikukuu tankaraki inia naaitibirita taa nkaik enche. 42#Amos 5:25–27Kake neicho ꞉Nkai ninche nkoriong, neicho metoomon lakir o ndama o lapa, ana naigero ajo te mbuku ee loibonok le Nkai nchere:
<Amaa ntae Lotung'ana kulo le Isirael, ikiyakita dei nanu lasarri o nkichoorot
taa larin artam imanaa te lkees?
43Kore ntae naa itanapa inia aji e inia ai naji Molek
o nkitanyanyukoto e lakira naitacheki inia ai inchi naji Repan,
nenia aitok nintaitua payie isaisai.
Neaku kaiwuetie ntae enchom entamany teidialo Babilon.>
44 #
Nai 25:9,40 <<Kore apa lmakui lang naa keata nkaji e Nkai natii nkitanapat enyena to lkees. Naa keitoduaa apa ꞉Nkai Musa neiko payie eitibir inia aji te nkitanyanyukoto naitodua. 45#Yoch 3:14–17Neng'amaa lmakui lang oatai apa ta nkata e Yochua inia aji. Kore erikito Yochua ninche, neraya nkopi ee lkulie oreren ootimiraka ninche ꞉Nkai. Neyau inia aji atua inia kop, nebik inia aji teinie ana metabaki ng'amata e Daudi. 46#2Sam 7:1–16; 1Ng'a 17:1–14Neicho ꞉Nkai Daudi omon, neipar ꞉Daudi ninye tanaa keidim ateyiaki ng'oji newuenie Nkai e Yakobo. 47#1Lki 6:1–38; 2Ng'a 3:1–17Kake Solomon otechataka ninye nkaji nabik nasaayieki.
48<<Kake kore ꞉Ilo ooisul pooki naa mewuenie atua nkajijik naatecheta ltung'ana, ana nejo loiboni le Nkai,
49 #
Isa 66:1,2 <Nejo ꞉Laitoriani, kore chumata naa ninye lorika lai le nkitoo,
naa nkop lorika loo nkejek ainien.
Naaku nkaji natiwuaja kichetakiki nanu,
anaa aa ng'oji aidim nanu ayang'iyang'are?
50Mara nkaina ai naitibira kuna pooki?>
51 #
Isa 63:10
<<Ntae ltung'ana ogol kuechi oata ltauja o nkiyiaa nemening'icho! Iyanyiyany nkata pooki Ltau Sinyati ana neikuna lmakui linchi naa nejia sii inkoko ntae. 52Amaa, keatae apa loiboni le Nkai leitu eitam ꞉lmakui linchi sina? Ketara abaki lolo ooibonutua apa lotunoto e ilo Loosipat. Naa ninye taata inchooitie niarar metua, 53abaki aa ntae apa oaatang'amaitie nkitanapat naaing'uaa Nkai, naaitarasakita ntae lmalaikani neitu imbung'bung.>>
Etaraki Sitepano too soito metua
54Kore ening'ito ꞉ninche kuna baa, negorokino Sitepano oleng, neony lala. 55Kake kore Sitepano, eiputa ꞉Ltau Sinyati, neimariri chumata nedol nkitoo e Nkai o Yeso eitache te tetene e Nkai. 56Nejo, <<Eng'ura kadolita chumata ebolo, neitache Nkerai e Ltung'ani te tetene e Nkai.>>
57Nebuak lolo tung'ana to ltoilo sapuk, neiken nkiyiaa enche, nekuetiki ninye mij. 58Neipung'unyie taatua ilo kerenket, neng'asu aanang too soito aar metua. Kore lolo tung'ana oata mbae nadung'okinyieki ninye nkiguana, neiteper nankan enche tankalo nkejek e ltung'ani obo lelerie oji Saulo.
59Kore enang'ita ninche Sitepano, neomon Sitepano ajo, <<Laitoriani Yeso, tang'amai nkichui ai.>> 60Negil kung nebuak aichir ajo, <<Laitoriani, minkenaki ninche ana ng'oki.>> Kore eidipa atejo nejia, neper.
လက္ရွိေရြးခ်ယ္ထားမွု
Asat 7: saq
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021, Bible Translation and Literacy
Asat 7
7
Nkiroroto e Sitepano
1Neipar ꞉laitainoni kitok la lasar Sitepano ajoki, <<Amaa, kedede kuna nikitipikaki?>>
2 #
Ng'as 12:1
Newoliki ajoki, <<Lalachera lainien o loo papa, entining'ooki! Kore Nkai ang e nkitoo naa keipung'oka apa akuyia lang Abraam etii nkop e Mesopotamia, ewuon eitu elotu amany Aran. 3Ketiaka ꞉Nkai ninye, <Tung'ai nkop ino o ltung'ana lo ltung'ana linono, nilo nkop naaitodol.>
4 #
Ng'as 11:31,
Ng'as 12:4
<<Neing'uaa ninye inia kop ee Kaldia nelo amany Aran. Kore payie eper papa lenye, neiwuetie ninye ꞉Nkai te inie meeu amany ana kop taata nimanyanya. 5#Ng'as 12:7, 13:15, 15:18, 17:8Kore tana kop nikitii naa eitu apa eicho ꞉Nkai Abraam murua najo nenye, abaki rioto nabo. Kake keitaka ꞉Nkai ninye lekutuk nchere kore ninye o ichoi enye naa keaku ana kop nenye abaki meata ninye nkerai inia kata. 6#Ng'as 15:13,14Nejoki ꞉Nkai inji, <Kore kenya ichoi ino naa kepuo aabikie atua nkop eiching'a. Neitae rrindiki, neitami sina te inie larin 400. 7#Nai 3:12Kake kore inia kop napuo ꞉ninche aaisiaai era rrindiki, naa kadung'oki kenya nkiguana torno, naa kore tesiedi inia, naapuonu ꞉ninche aasai tene ng'oji.> 8#Ng'as 17:10–14, Ng'as 21:2–4, Ng'as 25:26, Ng'as 29:31—35:18Neicho taa ꞉Nkai Abraam muratare metaa nkitodolunoto e lmumai oatama o ninye. Neiu ꞉Abraam Isaka nemurat eata mperot isiet. Neiu ꞉Isaka Yakobo, neiu ꞉Yakobo layiok 12 oaataa lmareita 12 le Isirael.
9 #
Ng'as 37:11,
Ng'as 37:28,
Ng'as 39:2,21 <<Kore lolo ayiok naa keata lalache obo oji Yosep. Kore amu keiputa ninche lom, nemiraki ninye ltung'ana le Misiri meitaa rrindik. Kake ketaa apa Nkai tenebo o ninye, 10#Ng'as 41:39–41nelaku taatua sinaitin pooki lenyena. Neicho ꞉Nkai ninye omom o ng'eno tekue Parao lkinkii le Misiri. Nepik ꞉Parao ninye nkitoria meitoria Misiri o nkang enye pooki.
11 #
Ng'as 42:1,2 <<Nelotu nkolong torno o sina kitok inia kop pooki e Misiri o Kanan, nelau lmakui lang ntoki nanya. 12Kore payie ening Yakobo ajo keatae ndaa te inia kop e Misiri, neirruaaya nkata ekue lmakui lang mechomo inie. 13#Ng'as 45:1, Ng'as 45:16Kore payie eitoki aaigil nkata e are, neibalakinyie Yosep koon lalachera lenyena, neyielou sii ꞉Parao nkang ee Yosep. 14#Ng'as 45:9,10,17,18, Ng'as 46:27Neirruaaya ꞉Yosep lkilikuai meyeu papa lenye Yakobo o nkang enye pooki netii ninye. Kore inia ang pooki naa ltung'ana 75. 15#Ng'as 46:1–7, Ng'as 49:33Nedou Yakobo alo inia kop e Misiri, nenang inie ana natanang'a lkulie makui lang ootuo tesiedi ninye. 16#Ng'as 23:3–16, 33:19, 50:7–13; Yoch 24:32Neyae loik lenche aarriny Sekem, nepiki atua nkurarei nainyieng'ua apa ꞉Abraam taa layiok le Amor too nkuti ropiyiani.
17 #
Nai 1:7,8 <<Kake kore etaa kenyiku nkata naitabari lekutuk oitaka ꞉Nkai Abraam, neaku ltung'ana lang kumo oleng te Misiri 18ana metumo Misiri lkinkii lemeyielo mbaa e Yosep. 19#Nai 1:10,11, Nai 1:22Kore ꞉ilo kinkii nepik ltung'ana lang loseg torno, neidachaki nkop lmakui lang, aisimaki ninche meiturrai nkera kunini naaini metuata.
20 #
Nai 2:2
<<Kore inia kata neini Musa, naa kera apa ninye nkerai ee mbene oleng. Neirrita ꞉ntoiwuo enyena ninye lapatin okuni taatua nkaji enche. 21#Nai 2:3–10Kore payie eaku merekure eidim aaisudoi ninye, neipung'ie aulo etii atua nkikapu. Nerrapu ntito e Parao neya aitubulu aaitaa layieni lenye. 22Neiteng'eni Musa taatua ng'eno pooki ee Lmisiri neaku jartan to nkuroroto neatakanu taa asat.
23 #
Nai 2:11–15
<<Kore payie ebaya Musa larin artam, neyieuu ta ltau payie elo aisabaki lalachera lenyena oaara ltung'ana le Isirael. 24Nedol lobo lenche erita ꞉ltung'ani loo Lmisiri, nelo ajing ninye nkoriong, neitalak aar ilo tung'ani loo Lmisiri metua. 25Nejo ninye kebaki naa kedol lolo alachera lenyena le Isirael aajo keichoo ꞉Nkai ninye meitejeu ninche te rrindikicho, kake eitu edol ꞉ninche. 26Kore mparri naijipu inia, netum ꞉Musa ltung'ana oare loo Isirael era, nejo ntemeleta ninche ajoki, <Lolewa, irara dei lalachera, aanyo payie irara?>
27<<Kake kore ꞉ilo tung'ani orita likae, nerrumoo Musa nejo, <Ng'ae likintaa iyie lkitok lang o ladung'oni lang le nkiguana? 28Ikiyieu dei nikiar ana ninkuna ng'ole ilo tung'ani loo Lmisiri?> 29#Nai 18:3,4Kore payie ening Musa ana, neisig alo Midian, newuon te inie era ltung'ani leiching'a neiu layiok oare.
30 #
Nai 3:1–10
<<Kore payie eichunye aitoki larin artam, neipung'oki ꞉lmalaika la Laitoriani Musa te lng'ejep le nkima to suur nabo nailu. Ketaase apa inia too lkees onyikita ldonyuo le Sinai. 31Neing'asia Musa oleng payie edol inia. Kore payie enyikaki asipu, nening ltoilo la Laitoriani ejo, 32<Kara nanu Nkai e lmakui lino, Nkai e Abraam o ne Isaka o ne Yakobo.> Neiputukuny Musa oleng, nemeitieu aing'ura inie aitoki.
33<<Nejoki ꞉Laitoriani, <Ntai namuka inono amu kore inie nintacheyie naa ng'oji sinyati. 34Katoduaa katukul sina onyeita ltung'ana lainien te Misiri, natining'o lkichiret lenche naa kayewuo payie alaku ninche. Kore taata, kaairruaya chomo Misiri.>
35 #
Nai 2:14
<<Naa ilo Musa apake oatanya ꞉ninche ejo, <Ng'ae likintaa iyie lkitok o ladung'oni le nkiguana?> Ninye eirruaayie ꞉Nkai metaa lkitok o lalakunoni lenche, te reto e lmalaika oipung'oka ninye ta laduo saar ooilu. 36#Nai 7:3, Nai 14:21, Nki 14:33Neipung'unyie ninche aitai te Misiri, neas mbaa kutuaa e nking'asia o mbaa naitodolu nkitoo e Nkai te nkop e Misiri, neitoki aas tankalo mpaso naji Mpaso Nanyieke, neitoki aas nkulie baa kumo taa larin artam te lkees.
37 #
Nkit 18:15,18 <<Ilo Musa taa apa otiaka Isirael, <Kore Nkai naa kelo aitupukoki ntae loiboni otuwuana nanu, taatua ltung'ana linchi.> 38#Nai 19:1—20:17; Nkit 5:1–33Kore taatua lolo tung'ana loo Isirael ooiturrurrote te lkees, naa keti Musa inie tenebo o ilo malaika oirorie chiaake ninye to ldonyuo le Sinai, netii sii tenebo o lmakui lang. Ketang'amayie ninye rerei oichu, payie eicho iyioo.
39<<Kore lmakui lang naa meyieu nening ninye, kake ketanya ninye neiwuatuwuata taa ltauja lenche aayieu payie errinyokino Misiri. 40#Nai 32:1Nejoki Aron, <Ntibiraki iyioo nkaitok naarik iyioo, amu kore ele tung'ani oji Musa otirikua apa iyioo aipung'unyie to nkop e Misiri, mikiyielo ntoki natumo ꞉ninye!> 41#Nai 32:2–6Kore ake te inia ng'amata, neitibir ꞉ninche nkai e sapare e nkitanyanyukoto e lache. Neitaki ninye lasar, nenya sikukuu tankaraki inia naaitibirita taa nkaik enche. 42#Amos 5:25–27Kake neicho ꞉Nkai ninche nkoriong, neicho metoomon lakir o ndama o lapa, ana naigero ajo te mbuku ee loibonok le Nkai nchere:
<Amaa ntae Lotung'ana kulo le Isirael, ikiyakita dei nanu lasarri o nkichoorot
taa larin artam imanaa te lkees?
43Kore ntae naa itanapa inia aji e inia ai naji Molek
o nkitanyanyukoto e lakira naitacheki inia ai inchi naji Repan,
nenia aitok nintaitua payie isaisai.
Neaku kaiwuetie ntae enchom entamany teidialo Babilon.>
44 #
Nai 25:9,40 <<Kore apa lmakui lang naa keata nkaji e Nkai natii nkitanapat enyena to lkees. Naa keitoduaa apa ꞉Nkai Musa neiko payie eitibir inia aji te nkitanyanyukoto naitodua. 45#Yoch 3:14–17Neng'amaa lmakui lang oatai apa ta nkata e Yochua inia aji. Kore erikito Yochua ninche, neraya nkopi ee lkulie oreren ootimiraka ninche ꞉Nkai. Neyau inia aji atua inia kop, nebik inia aji teinie ana metabaki ng'amata e Daudi. 46#2Sam 7:1–16; 1Ng'a 17:1–14Neicho ꞉Nkai Daudi omon, neipar ꞉Daudi ninye tanaa keidim ateyiaki ng'oji newuenie Nkai e Yakobo. 47#1Lki 6:1–38; 2Ng'a 3:1–17Kake Solomon otechataka ninye nkaji nabik nasaayieki.
48<<Kake kore ꞉Ilo ooisul pooki naa mewuenie atua nkajijik naatecheta ltung'ana, ana nejo loiboni le Nkai,
49 #
Isa 66:1,2 <Nejo ꞉Laitoriani, kore chumata naa ninye lorika lai le nkitoo,
naa nkop lorika loo nkejek ainien.
Naaku nkaji natiwuaja kichetakiki nanu,
anaa aa ng'oji aidim nanu ayang'iyang'are?
50Mara nkaina ai naitibira kuna pooki?>
51 #
Isa 63:10
<<Ntae ltung'ana ogol kuechi oata ltauja o nkiyiaa nemening'icho! Iyanyiyany nkata pooki Ltau Sinyati ana neikuna lmakui linchi naa nejia sii inkoko ntae. 52Amaa, keatae apa loiboni le Nkai leitu eitam ꞉lmakui linchi sina? Ketara abaki lolo ooibonutua apa lotunoto e ilo Loosipat. Naa ninye taata inchooitie niarar metua, 53abaki aa ntae apa oaatang'amaitie nkitanapat naaing'uaa Nkai, naaitarasakita ntae lmalaikani neitu imbung'bung.>>
Etaraki Sitepano too soito metua
54Kore ening'ito ꞉ninche kuna baa, negorokino Sitepano oleng, neony lala. 55Kake kore Sitepano, eiputa ꞉Ltau Sinyati, neimariri chumata nedol nkitoo e Nkai o Yeso eitache te tetene e Nkai. 56Nejo, <<Eng'ura kadolita chumata ebolo, neitache Nkerai e Ltung'ani te tetene e Nkai.>>
57Nebuak lolo tung'ana to ltoilo sapuk, neiken nkiyiaa enche, nekuetiki ninye mij. 58Neipung'unyie taatua ilo kerenket, neng'asu aanang too soito aar metua. Kore lolo tung'ana oata mbae nadung'okinyieki ninye nkiguana, neiteper nankan enche tankalo nkejek e ltung'ani obo lelerie oji Saulo.
59Kore enang'ita ninche Sitepano, neomon Sitepano ajo, <<Laitoriani Yeso, tang'amai nkichui ai.>> 60Negil kung nebuak aichir ajo, <<Laitoriani, minkenaki ninche ana ng'oki.>> Kore eidipa atejo nejia, neper.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021, Bible Translation and Literacy