Asat 5
5
Anania o Sapira
1Netii aitoki lpayian obo oji Anania o ntomononi enye naji Sapira otimira lchampa lenche. 2Neisudoo ꞉Anania mbata ee ropiyiani naaitama ilo champa eyielo ꞉ntomononi enye, neyau mbata nepik nkaik ee lkipaareta.
3Nejoki ꞉Petero, <<Anania, aanyo payie kitijing'a Chitani ltau tasapa Ltau Sinyati, nisudoo mbata ee ropiyiani e lchampa litimira? 4Mara apa lino lchampa eitu imir? Oo itimira, mara apa ninono ropiyiani pooki? Nyo nikinchoo taasa mbae natuwaunyi? Mara ltung'ana itasapa kake Nkai!>>
5Kore payie ening ꞉Anania kulo rereii, nenang nkop etundung'ie tau. Nejing ngureticho atua lolo pooki ooning'ito. 6Neinyuototo lewa leleru, neimulmul sesen lenye, neipung'unyie, nenukaa.
7Kore eima matejo saai uni, nejing'u ntomononi enye, nemeyielo ajo nyo nataase. 8Neipar ꞉Petero ajoki, <<Amaa, tilikaaki tanaa ntoki nawua inji itimirie lchampa?>> Nejoki, <<Ee, nejia ake ewua.>>
9Nejoki ꞉Petero, <<Aanyo payie itachamaitie aajo matasap Ltau la Laitoriani! Tining'o nkejek ee lolo ootunukaitie lpayian lino ajo kening'o to nkutuk e nkaji, naa ikipuonu aaya aitoki iyie aanukaa.>>
10Kore ake inia kata, nedung'o Sapira tau tekue nkejek e Petero, nejo tii anang nkop. Kore payie ejing'u laadei lewa leleru, neirrachu ninye etua, nerrapu aaya nenukaa tabata lpayian lenye. 11Nejing ngureticho kitok atua ltung'ana pooki le nkanisa o lolo pooki ootining'o kuna baa.
Eichiunyie ꞉Lkipaareta ltung'ana kumo
12Ketaasa Nkai taa nkaik ee Lkipaareta mbaa naaitodolu nkitoo enye o mbaa kumo e nking'asia taatua ltung'ana. Netumo chiaake ninche pooki tanaboicho to ng'oji neji loip le Solomon. 13Nemeatae lkulikae ooiruko Yeso ooitieu aatoboitare Lkipaareta, abaki eichorita ꞉ltung'ana ninche nkanyit kitok. 14Kake kore eyia ketoponunye ltung'ana kumo oiruko Laitoriani, lewa o ntomonok. 15Naa kore tankaraki kuna baa, neyau ꞉ltung'ana ltamoyia lketiketi lo lkerenket, neiteper too nkusoreta o lchonito, metaa kore eimita Petero inie, kore ake ltung'ani owochoo ꞉loip lenye, neichiu. 16Neiturrurrunyie ltung'ana kumo eing'uaa lkerenketi onyikita Yerusalem enapita ltamoyia o loorita ꞉lairiruani, neyau neichiunyieki ninche pooki.
Eitamaki Lkipaareta sina
17Kore tankaraki inia, neinyuototo laitainoni kitok la lasar eiputa lom o lboitiei lenyena oaara le ilo turrur loo Sadukayo, 18neibung lolo Kipaareta, neirriki atua jila e ilo kerenket. 19Kake kore kuarie, nebol lmalaika la Laitoriani nkutuk e jila neipung'unyie ninche boo nejoki, 20<<Enchom entacho taatua nkaji e Nkai, nilikiki ltung'ana rerei pooki le ana kichon ng'ejuk.>> 21Kore payie ening ninche ana, nepuo etaa keikenyu aajing atua nkaji e Nkai, neiteng'enicho.
Nelotu laitainoni kitok la lasar o lboitiei lenyena, neipotu Nkiguana ee larikok loo Lyiaudi, nereu ltung'ana jila meeyau lolo Kipaareta. 22Kake kore payie ebaki lolo aisiaayiak jila naterewaki, nelau lolo kipaareta taatua jila, nechuko nelikoo aajo, 23<<Ikitumo jila eikeno pii, neitachoo sikarini oorripito too nkutukie, kake kore payie kibol nemeatae ltung'ani likitumo taatua.>> 24Kore payie ening lkitok loo sikarini le nkaji e Nkai o laitainoni kitok la lasar kulo omon, neing'asia nejo, <<Nyo sa nataase?>> 25Nelotu ltung'ani obo nejoki, <<Kore laang'ole lewa lirrika jila, naa keitachoo taata aaiteng'enita ltung'ana taatua nkaji e Nkai.>> 26Nelo taa lkitok loo sikarini o sikarini lenyena neitoki aayau Lkipaareta, kake eitu eibung aaitirrichaki amu keurie aajo kenang ꞉ltung'ana ninche aar too soito.
27Kore payie eyau ꞉ninche lkipaareta, neitacheyie tekue Nkiguana ee larikok loo Lyiaudi. Neiparichiere laitainoni kitok la lasar ninche ajoki, 28#Mat 27:25<<Ikintarrapita apa ntae payie minteng'enichocho te inia arna e Yeso, kake eibulaayie nkiteng'ena inchi Yerusalem, niyieuu nimpotietie iyioo lkiye lele tung'ani.>>
29Kake nejoki ꞉Petero o lkulikae kipaareta ninche, <<Meatae ajo mikiyanyit Nkai alang ltung'ana! 30Kore Nkai ee akui lang naa keitipiwua Yeso taatua lootuata, ilo apa litecho metua to lmusalaba. 31Keiliepie ninye ꞉Nkai metewuenie nkaina enye e tetene metaa Lkitok o Laitejeunoni payie eicho Isirael nkoitiei e nkirridunoto o ne mpalikinoto ee ng'ok. 32Kore iyioo o Ltau Sinyati oichoo ꞉Nkai lolo ooibung rerei lenye, naa ikilimu sipata ee kuna baa.>>
33Kore payie ening inia kiguana ee larikok loo Lyiaudi ana, neiputakino ngoro oleng eyieu near ninche metuata. 34Kake keatae apa Lparisayoi oji Gamaliel, oara laiteng'enani loo nkitanapat, oayanyit ꞉ltung'ana pooki. Neitache ninye tekue inia kiguana, nebuaaki meipung'ieki lolo tung'ana ang'as peneu. 35Nejoki inia kiguana, <<Lolewa kulo loo Isirael, eng'ura oleng mbaa nipuopuo aaitaas kulo tung'ana. 36Kore apa, ketupukua Teudas nejo kera kitok, neirukurukore ninye ꞉ltung'ana matejo 400. Kake neri ninye nesachari lolo tung'ana lenyena pooki apa ooirukurukore ninye, nebaki mbaa enyena inie. 37Kore tesiedi ninye, nepuku aitoki Yuda oing'uaa Galilaya ta ng'amata apa e nkigerore, neitopong'oo ltung'ana ooirukurukore ninye. Kake neri aitoki ninye, nesachari lolo tung'ana lenyena pooki. 38Kore naa tana bae, kaitaarriyian ntae emiseyie kulo tung'ana, kake entapalai mechomo. Amu kore tanaa ltung'ana eing'uaa nenia naayieu neas o naasita, naa keiting. 39Kake kore tanaa Nkai eing'uaa ana, naa mindimdim aaitacheyie mbaa enche. Entodol ake meaku Nkai irarere.>> Nechamaa ninche inia kitaarriyiana enye.
40Neipotu lolo Kipaareta meotu. Neidong ninche, nejoki payie mejo ntoki te nkitoo e nkarna e Yeso, nepalaa.
41Neing'uaa lolo Kipaareta atua inia kiguana eng'ida amu keikenaka ꞉Nkai ajo keichiaakino payie enya ꞉ninche sina tankaraki nkarna e Yeso. 42Kore mparri pooki taatua nkaji e Nkai o taa nkang'itie neitu epal ninche meiteng'enicho, nelikoo aajo kore Yeso naa ninye ilo Aitejeunoni oanyutae.
လက္ရွိေရြးခ်ယ္ထားမွု
Asat 5: saq
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021, Bible Translation and Literacy
Asat 5
5
Anania o Sapira
1Netii aitoki lpayian obo oji Anania o ntomononi enye naji Sapira otimira lchampa lenche. 2Neisudoo ꞉Anania mbata ee ropiyiani naaitama ilo champa eyielo ꞉ntomononi enye, neyau mbata nepik nkaik ee lkipaareta.
3Nejoki ꞉Petero, <<Anania, aanyo payie kitijing'a Chitani ltau tasapa Ltau Sinyati, nisudoo mbata ee ropiyiani e lchampa litimira? 4Mara apa lino lchampa eitu imir? Oo itimira, mara apa ninono ropiyiani pooki? Nyo nikinchoo taasa mbae natuwaunyi? Mara ltung'ana itasapa kake Nkai!>>
5Kore payie ening ꞉Anania kulo rereii, nenang nkop etundung'ie tau. Nejing ngureticho atua lolo pooki ooning'ito. 6Neinyuototo lewa leleru, neimulmul sesen lenye, neipung'unyie, nenukaa.
7Kore eima matejo saai uni, nejing'u ntomononi enye, nemeyielo ajo nyo nataase. 8Neipar ꞉Petero ajoki, <<Amaa, tilikaaki tanaa ntoki nawua inji itimirie lchampa?>> Nejoki, <<Ee, nejia ake ewua.>>
9Nejoki ꞉Petero, <<Aanyo payie itachamaitie aajo matasap Ltau la Laitoriani! Tining'o nkejek ee lolo ootunukaitie lpayian lino ajo kening'o to nkutuk e nkaji, naa ikipuonu aaya aitoki iyie aanukaa.>>
10Kore ake inia kata, nedung'o Sapira tau tekue nkejek e Petero, nejo tii anang nkop. Kore payie ejing'u laadei lewa leleru, neirrachu ninye etua, nerrapu aaya nenukaa tabata lpayian lenye. 11Nejing ngureticho kitok atua ltung'ana pooki le nkanisa o lolo pooki ootining'o kuna baa.
Eichiunyie ꞉Lkipaareta ltung'ana kumo
12Ketaasa Nkai taa nkaik ee Lkipaareta mbaa naaitodolu nkitoo enye o mbaa kumo e nking'asia taatua ltung'ana. Netumo chiaake ninche pooki tanaboicho to ng'oji neji loip le Solomon. 13Nemeatae lkulikae ooiruko Yeso ooitieu aatoboitare Lkipaareta, abaki eichorita ꞉ltung'ana ninche nkanyit kitok. 14Kake kore eyia ketoponunye ltung'ana kumo oiruko Laitoriani, lewa o ntomonok. 15Naa kore tankaraki kuna baa, neyau ꞉ltung'ana ltamoyia lketiketi lo lkerenket, neiteper too nkusoreta o lchonito, metaa kore eimita Petero inie, kore ake ltung'ani owochoo ꞉loip lenye, neichiu. 16Neiturrurrunyie ltung'ana kumo eing'uaa lkerenketi onyikita Yerusalem enapita ltamoyia o loorita ꞉lairiruani, neyau neichiunyieki ninche pooki.
Eitamaki Lkipaareta sina
17Kore tankaraki inia, neinyuototo laitainoni kitok la lasar eiputa lom o lboitiei lenyena oaara le ilo turrur loo Sadukayo, 18neibung lolo Kipaareta, neirriki atua jila e ilo kerenket. 19Kake kore kuarie, nebol lmalaika la Laitoriani nkutuk e jila neipung'unyie ninche boo nejoki, 20<<Enchom entacho taatua nkaji e Nkai, nilikiki ltung'ana rerei pooki le ana kichon ng'ejuk.>> 21Kore payie ening ninche ana, nepuo etaa keikenyu aajing atua nkaji e Nkai, neiteng'enicho.
Nelotu laitainoni kitok la lasar o lboitiei lenyena, neipotu Nkiguana ee larikok loo Lyiaudi, nereu ltung'ana jila meeyau lolo Kipaareta. 22Kake kore payie ebaki lolo aisiaayiak jila naterewaki, nelau lolo kipaareta taatua jila, nechuko nelikoo aajo, 23<<Ikitumo jila eikeno pii, neitachoo sikarini oorripito too nkutukie, kake kore payie kibol nemeatae ltung'ani likitumo taatua.>> 24Kore payie ening lkitok loo sikarini le nkaji e Nkai o laitainoni kitok la lasar kulo omon, neing'asia nejo, <<Nyo sa nataase?>> 25Nelotu ltung'ani obo nejoki, <<Kore laang'ole lewa lirrika jila, naa keitachoo taata aaiteng'enita ltung'ana taatua nkaji e Nkai.>> 26Nelo taa lkitok loo sikarini o sikarini lenyena neitoki aayau Lkipaareta, kake eitu eibung aaitirrichaki amu keurie aajo kenang ꞉ltung'ana ninche aar too soito.
27Kore payie eyau ꞉ninche lkipaareta, neitacheyie tekue Nkiguana ee larikok loo Lyiaudi. Neiparichiere laitainoni kitok la lasar ninche ajoki, 28#Mat 27:25<<Ikintarrapita apa ntae payie minteng'enichocho te inia arna e Yeso, kake eibulaayie nkiteng'ena inchi Yerusalem, niyieuu nimpotietie iyioo lkiye lele tung'ani.>>
29Kake nejoki ꞉Petero o lkulikae kipaareta ninche, <<Meatae ajo mikiyanyit Nkai alang ltung'ana! 30Kore Nkai ee akui lang naa keitipiwua Yeso taatua lootuata, ilo apa litecho metua to lmusalaba. 31Keiliepie ninye ꞉Nkai metewuenie nkaina enye e tetene metaa Lkitok o Laitejeunoni payie eicho Isirael nkoitiei e nkirridunoto o ne mpalikinoto ee ng'ok. 32Kore iyioo o Ltau Sinyati oichoo ꞉Nkai lolo ooibung rerei lenye, naa ikilimu sipata ee kuna baa.>>
33Kore payie ening inia kiguana ee larikok loo Lyiaudi ana, neiputakino ngoro oleng eyieu near ninche metuata. 34Kake keatae apa Lparisayoi oji Gamaliel, oara laiteng'enani loo nkitanapat, oayanyit ꞉ltung'ana pooki. Neitache ninye tekue inia kiguana, nebuaaki meipung'ieki lolo tung'ana ang'as peneu. 35Nejoki inia kiguana, <<Lolewa kulo loo Isirael, eng'ura oleng mbaa nipuopuo aaitaas kulo tung'ana. 36Kore apa, ketupukua Teudas nejo kera kitok, neirukurukore ninye ꞉ltung'ana matejo 400. Kake neri ninye nesachari lolo tung'ana lenyena pooki apa ooirukurukore ninye, nebaki mbaa enyena inie. 37Kore tesiedi ninye, nepuku aitoki Yuda oing'uaa Galilaya ta ng'amata apa e nkigerore, neitopong'oo ltung'ana ooirukurukore ninye. Kake neri aitoki ninye, nesachari lolo tung'ana lenyena pooki. 38Kore naa tana bae, kaitaarriyian ntae emiseyie kulo tung'ana, kake entapalai mechomo. Amu kore tanaa ltung'ana eing'uaa nenia naayieu neas o naasita, naa keiting. 39Kake kore tanaa Nkai eing'uaa ana, naa mindimdim aaitacheyie mbaa enche. Entodol ake meaku Nkai irarere.>> Nechamaa ninche inia kitaarriyiana enye.
40Neipotu lolo Kipaareta meotu. Neidong ninche, nejoki payie mejo ntoki te nkitoo e nkarna e Yeso, nepalaa.
41Neing'uaa lolo Kipaareta atua inia kiguana eng'ida amu keikenaka ꞉Nkai ajo keichiaakino payie enya ꞉ninche sina tankaraki nkarna e Yeso. 42Kore mparri pooki taatua nkaji e Nkai o taa nkang'itie neitu epal ninche meiteng'enicho, nelikoo aajo kore Yeso naa ninye ilo Aitejeunoni oanyutae.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021, Bible Translation and Literacy